§2.51.1ταῦτα μέν νυν καὶ ἄλλα πρὸς τούτοισι, τὰ ἐγὼ φράσω, Ἕλληνες ἀπʼ Αἰγυπτίων νενομίκασι·
这些习惯，以及在此之外我将要谈到的其他习惯，希腊人都是从埃及人那里采纳的。
τοῦ δὲ Ἑρμέω τὰ ἀγάλματα ὀρθὰ ἔχειν τὰ αἰδοῖα ποιεῦντες οὐκ ἀπʼ Αἰγυπτίων μεμαθήκασι, ἀλλʼ ἀπὸ Πελασγῶν πρῶτοι μὲν Ἑλλήνων ἁπάντων Ἀθηναῖοι παραλαβόντες, παρὰ δὲ τούτων ὧλλοι.
然而，至于将赫耳墨斯的雕像塑造成具有直立阳具的形象，他们并非学自埃及人，而是学自佩拉斯吉人；在所有希腊人中，雅典人最先接受了这一习惯，而其他希腊人则是从雅典人那里接受的。
§2.51.2Ἀθηναίοισι γὰρ ἤδη τηνικαῦτα ἐς Ἕλληνας τελέουσι Πελασγοὶ σύνοικοι ἐγένοντο ἐν τῇ χώρῃ, ὅθεν περ καὶ Ἕλληνες ἤρξαντο νομισθῆναι.
因为就在那时，当雅典人已经开始被算作希腊人之列时，佩拉斯吉人成为了他们在该土地上的同住者，也正是由此，雅典人也开始被视为希腊人。
ὅστις δὲ τὰ Καβείρων ὄργια μεμύηται, τὰ Σαμοθρήικες ἐπιτελέουσι παραλαβόντες παρὰ Πελασγῶν, οὗτος ὡνὴρ οἶδε τὸ λέγω·
凡是已经启蒙加入了卡贝里神之秘仪的人——这秘仪是萨莫色雷斯人从佩拉斯吉人那里接受并举行的——那个人就会明白我所说的话。
§2.51.3τὴν γὰρ Σαμοθρηίκην οἴκεον πρότερον Πελασγοὶ οὗτοι οἵ περ Ἀθηναίοισι σύνοικοι ἐγένοντο, καὶ παρὰ τούτων Σαμοθρήικες τὰ ὄργια παραλαμβάνουσι.
因为曾经居住在萨莫色雷斯的，正是这些与雅典人同住的佩拉斯吉人，萨莫色雷斯人正是从他们那里接受了这些秘仪。
§2.51.4ὀρθὰ ὦν ἔχειν τὰ αἰδοῖα τἀγάλματα τοῦ Ἑρμέω Ἀθηναῖοι πρῶτοι Ἑλλήνων μαθόντες παρὰ Πελασγῶν ἐποιήσαντο· οἱ δὲ Πελασγοὶ ἱρόν τινα λόγον περὶ αὐτοῦ ἔλεξαν, τὰ ἐν τοῖσι ἐν Σαμοθρηίκῃ μυστηρίοισι δεδήλωται.
因此，在希腊人中，雅典人最先从佩拉斯吉人那里学得，并制作了具有直立阳具的赫耳墨斯雕像；而佩拉斯吉人对此讲述了一个神圣的传说，这在萨莫色雷斯的秘仪中有所揭示。