§2.172.1Ἀπρίεω δὲ ὧδε καταραιρημένου ἐβασίλευσε Ἄμασις, νομοῦ μὲν Σαΐτεω ἐών, ἐκ τῆς δὲ ἦν πόλιος, οὔνομά οἱ ἐστὶ Σιούφ.
在阿普里伊以此种方式被推翻之后，阿玛西斯继承了王位；他属于塞伊斯省，他所出生的那座城镇名叫西乌夫。
§2.172.2τὰ μὲν δὴ πρῶτα κατώνοντο τὸν Ἄμασιν Αἰγύπτιοι καὶ ἐν οὐδεμιῇ μοίρῃ μεγάλῃ ἦγον ἅτε δὴ δημότην τὸ πρὶν ἐόντα καὶ οἰκίης οὐκ ἐπιφανέος· μετὰ δὲ σοφίῃ αὐτοὺς ὁ Ἄμασις, οὐκ ἀγνωμοσύνῃ προσηγάγετο.
起初，埃及人轻视阿玛西斯，并不十分尊重他，因为他以前是个平民，而且并非出身于名门望族；但后来阿玛西斯用智慧而非粗暴的态度争取到了他们的归顺。
§2.172.3ἦν οἱ ἄλλα τε ἀγαθὰ μυρία, ἐν δὲ καὶ ποδανιπτὴρ χρύσεος, ἐν τῷ αὐτός τε ὁ Ἄμασις καὶ οἱ δαιτυμόνες οἱ πάντες τοὺς πόδας ἑκάστοτε ἐναπενίζοντο·
他拥有无数其他财宝，其中有一个金足盆，阿玛西斯本人和所有的宾客每次都在里面洗脚。
τοῦτον κατʼ ὦν κόψας ἄγαλμα δαίμονος ἐξ αὐτοῦ ἐποιήσατο, καὶ ἵδρυσε τῆς πόλιος ὅκου ἦν ἐπιτηδεότατον· οἱ δὲ Αἰγύπτιοι φοιτέοντες πρὸς τὤγαλμα ἐσέβοντο μεγάλως.
于是，他把这个足盆砸碎，用它塑了一尊神像，安置在城里最合适的地方；埃及人便经常前往这尊神像前，极力崇拜。
§2.172.4μαθὼν δὲ ὁ Ἄμασις τὸ ἐκ τῶν ἀστῶν ποιεύμενον, συγκαλέσας Αἰγυπτίους ἐξέφηνε φὰς ἐκ τοῦ ποδανιπτῆρος τὤγαλμα γεγονέναι, ἐς τὸν πρότερον μὲν τοὺς Αἰγυπτίους ἐνεμέειν τε καὶ ἐνουρέειν καὶ πόδας ἐναπονίζεσθαι, τότε δὲ μεγάλως σέβεσθαι.
阿玛西斯得知市民们的这一举动后，便召集埃及人，向他们说明了实情，说这尊神像是由那只金足盆制成的，而以前埃及人曾往里吐痰、撒尿、洗脚，如今却对它极尽崇拜。
§2.172.5ἤδη ὦν ἔφη λέγων ὁμοίως αὐτὸς τῷ ποδανιπτῆρι πεπρηγέναι· εἰ γὰρ πρότερον εἶναι δημότης, ἀλλʼ ἐν τῷ παρεόντι εἶναι αὐτῶν βασιλεύς· καὶ τιμᾶν τε καὶ προμηθέεσθαι ἑωυτοῦ ἐκέλευε.
因此他接着说道，他自己现在的遭遇正和那只金足盆一样；因为即便他以前是个平民，但现在他已是他们的国王；因此他命令他们要尊敬并重视他。