§8.8.1ὁ μὲν οὖν Καλλίγειτος καὶ Τιμαγόρας ὑπὲρ τοῦ Φαρναβάζου οὐκ ἐκοινοῦντο τὸν στόλον ἐς τὴν Χίον, οὐδὲ τὰ χρήματα ἐδίδοσαν ἃ ἦλθον ἔχοντες ἐς τὴν ἀποστολὴν πέντε καὶ εἴκοσι τάλαντα, ἀλλ’ ὕστερον ἐφ’ ἑαυτῶν διενοοῦντο ἄλλῳ στόλῳ πλεῖν·
因此，代表法尔纳巴佐斯的卡利盖托斯和蒂马戈拉斯没有参与前往希奥斯的远征，也没有拿出他们为此番派遣所携带的二十五塔兰同资金，而是计划在以后由他们自己率领另一支远征队出航。
§8.8.2ὁ δὲ Ἆγις ἐπειδὴ ἑώρα τοὺς Λακεδαιμονίους ἐς τὴν Χίον πρῶτον ὡρμημένους, οὐδ’ αὐτὸς ἄλλο τι ἐγίγνωσκεν, ἀλλὰ ξυνελθόντες ἐς Κόρινθον οἱ ξύμμαχοι ἐβουλεύοντο, καὶ ἔδοξε πρῶτον ἐς Χίον αὐτοῖς πλεῖν ἄρχοντα ἔχοντας Χαλκιδέα, ὃς ἐν τῇ Λακωνικῇ τὰς πέντε ναῦς παρεσκεύαζεν, ἔπειτα ἐς Λέσβον καὶ Ἀλκαμένη ἄρχοντα, ὅνπερ καὶ Ἆγις διενοεῖτο, τὸ τελευταῖον δὲ ἐς τὸν Ἑλλήσποντον ἀφικέσθαι (προσετέτακτο δὲ ἐς αὐτὸν ἄρχων Κλέαρχος ὁ Ῥαμφίου),
至于阿基斯，当他看到拉栖代梦人首先热衷于前往希奥斯时，他自己也没有做出其他决定，而是盟国代表聚集在科林斯进行商议。 他们决定首先前往希奥斯，由在拉科尼卡准备五艘船只的哈尔基德乌斯担任指挥官；接着前往莱斯博斯，由阿基斯也属意的阿尔卡梅内斯担任指挥官；最后抵达赫勒斯滂（那里已预先指派兰菲亚斯之子克莱阿尔科斯为指挥官）。
§8.8.3διαφέρειν δὲ τὸν Ἰσθμὸν τὰς ἡμισείας τῶν νεῶν πρῶτον, καὶ εὐθὺς ταύτας ἀποπλεῖν, ὅπως μὴ οἱ Ἀθηναῖοι πρὸς τὰς ἀφορμωμένας μᾶλλον τὸν νοῦν ἔχωσιν ἢ τὰς ὕστερον ἐπιδιαφερομένας.
他们还决定首先将半数船只运过地峡，并让它们立即起航，以免雅典人对最初出发的船只的注意力，超过对随后追加运过地峡的船只的注意力。
§8.8.4καὶ γὰρ τὸν πλοῦν ταύτῃ ἐκ τοῦ προφανοῦς ἐποιοῦντο, καταφρονήσαντες τῶν Ἀθηναίων ἀδυνασίαν, ὅτι ναυτικὸν οὐδὲν αὐτῶν πολύ πω ἐφαίνετο.
因为他们确实是在光天化日之下公然策划这次航行的，轻视雅典人的无能，因为当时雅典还没有显现出任何强大的海军力量。
ὡς δὲ ἔδοξεν αὐτοῖς, καὶ διεκόμισαν εὐθὺς μίαν καὶ εἴκοσι ναῦς.
在他们做出决定之后，他们立即将二十一艘船只运送了过去。