§8.73.1ἐν γὰρ τῇ Σάμῳ ἐνεωτερίζετο ἤδη τὰ περὶ τὴν ὀλιγαρχίαν, καὶ ξυνέβη τοιάδε γενέσθαι ὑπ’ αὐτὸν τὸν χρόνον τοῦτον ὅνπερ οἱ τετρακόσιοι ξυνίσταντο.
因为在萨摩斯，关于寡头政局的事态已经开始发生变革，而就在四百人政府正在建立的那个时期，发生了如下的事情。
§8.73.2οἱ γὰρ τότε τῶν Σαμίων ἐπαναστάντες τοῖς δυνατοῖς καὶ ὄντες δῆμος μεταβαλλόμενοι αὖθις καὶ πεισθέντες ὑπό τε τοῦ Πεισάνδρου, ὅτε ἦλθε, καὶ τῶν ἐν τῇ Σάμῳ ξυνεστώτων Ἀθηναίων ἐγένοντό τε ἐς τριακοσίους ξυνωμόται καὶ ἔμελλον τοῖς ἄλλοις ὡς δήμῳ ὄντι ἐπιθήσεσθαι.
原来，当时那些曾反抗权权贵并组成民主派的萨摩斯人，再次改变了立场，受到佩桑德来到时的劝说，以及在萨摩斯共谋的雅典人的游说，结成了三百人的阴谋集团，并企图袭击作为民主派的其他萨摩斯人。
§8.73.3καὶ Ὑπέρβολόν τέ τινα τῶν Ἀθηναίων, μοχθηρὸν ἄνθρωπον, ὠστρακισμένον οὐ διὰ δυνάμεως καὶ ἀξιώματος φόβον, ἀλλὰ διὰ πονηρίαν καὶ αἰσχύνην τῆς πόλεως, ἀποκτείνουσι μετὰ Χαρμίνου τε ἑνὸς τῶν στρατηγῶν καί τινων τῶν παρὰ σφίσιν Ἀθηναίων, πίστιν διδόντες αὐτοῖς, καὶ ἄλλα μετ’ αὐτῶν τοιαῦτα ξυνέπραξαν, τοῖς τε πλέοσιν ὥρμηντο ἐπιτίθεσθαι.
他们杀害了一个名叫许佩博鲁斯的雅典人，这是一个卑劣之徒，被陶片放逐并非因为害怕他的权力和声望，而是因为他的邪恶以及他是城邦的耻辱；他们与将军之一的哈尔米努斯以及在他们当中的一些雅典人共同干了这件事，并向他们提供了忠诚的保证，还与他们一起干了其他类似的勾当，并企图袭击多数派。
§8.73.4οἱ δὲ αἰσθόμενοι τῶν τε στρατηγῶν Λέοντι καὶ Διομέδοντι (οὗτοι γὰρ οὐχ ἑκόντες διὰ τὸ τιμᾶσθαι ὑπὸ τοῦ δήμου ἔφερον τὴν ὀλιγαρχίαν) τὸ μέλλον σημαίνουσι καὶ Θρασυβούλῳ καὶ Θρασύλῳ, τῷ μὲν τριηραρχοῦντι, τῷ δὲ ὁπλιτεύοντι, καὶ ἄλλοις οἳ ἐδόκουν αἰεὶ μάλιστα ἐναντιοῦσθαι τοῖς ξυνεστῶσιν·
但察觉到这一企图的人们，向将军中的莱翁和迪奥梅东（因为这两个人受到民众的器重，所以并非出于自愿而忍受寡头制）通报了即将发生的事，也通报给色拉西布洛斯和色拉西罗斯（前者当时担任三列桨战船船长，后者作为重装步兵服役），以及其他被认为一直最反对阴谋分子的人。
καὶ οὐκ ἠξίουν περιιδεῖν αὐτοὺς σφᾶς τε διαφθαρέντας καὶ Σάμον Ἀθηναίοις ἀλλοτριωθεῖσαν, δι’ ἣν μόνον [μέχρι νῦν] ἡ ἀρχὴ αὐτοῖς ἐς τοῦτο ξυνέμεινεν.
他们请求他们不要坐视自己被消灭，也不要坐视萨摩斯脱离与雅典人的同盟，因为正是依靠萨摩斯，雅典的帝国才一直维持至今。
§8.73.5οἱ δὲ ἀκούσαντες τῶν τε στρατιωτῶν ἕνα ἕκαστον μετῇσαν μὴ ἐπιτρέπειν, καὶ οὐχ ἥκιστα τοὺς Παράλους, ἄνδρας Ἀθηναίους τε καὶ ἐλευθέρους πάντας ἐν τῇ νηὶ πλέοντας καὶ αἰεὶ δήποτε ὀλιγαρχίᾳ καὶ μὴ παρούσῃ ἐπικειμένους· ὅ τε Λέων καὶ ὁ Διομέδων αὐτοῖς ναῦς τινάς, ὁπότε ποι πλέοιεν, κατέλειπον φύλακας.
听了这些话之后，这些人便逐个找士兵谈话，敦促他们不要容许这种事情发生，尤其是找“帕拉洛斯号”的船员——他们全都是雅典的自由公民，乘坐该战船，且一向坚决反对寡头制，即使在寡头制尚未出现时也是如此；莱翁和迪奥梅东在他们每次出航时，都会留下几艘战船为他们作防卫。
§8.73.6ὥστε ἐπειδὴ αὐτοῖς ἐπετίθεντο οἱ τριακόσιοι, βοηθησάντων πάντων τούτων, μάλιστα δὲ τῶν Παράλων, περιεγένοντο οἱ τῶν Σαμίων πλέονες, καὶ τριάκοντα μέν τινας ἀπέκτειναν τῶν τριακοσίων, τρεῖς δὲ τοὺς αἰτιωτάτους φυγῇ ἐζημίωσαν· τοῖς δ’ ἄλλοις οὐ μνησικακοῦντες δημοκρατούμενοι τὸ λοιπὸν ξυνεπολίτευον.
因此，当这三百人袭击他们时，由于所有这些人的协助，特别是“帕拉洛斯号”船员的协助，萨摩斯人的多数派占了上风，他们杀死了那三百人中的大约三十人，并将最罪大恶极的三人处以放逐；至于其他人，他们并不记恨，此后在民主制下共同参与城邦的政治生活。