§8.73.1ἐν γὰρ τῇ Σάμῳ ἐνεωτερίζετο ἤδη τὰ περὶ τὴν ὀλιγαρχίαν, καὶ ξυνέβη τοιάδε γενέσθαι ὑπ’ αὐτὸν τὸν χρόνον τοῦτον ὅνπερ οἱ τετρακόσιοι ξυνίσταντο.
사모스에서는 과두정을 둘러싼 사태가 이미 변혁되고 있었는데, 바로 사백인 정권이 조직되던 시기에 다음과 같은 일이 일어났다.
§8.73.2οἱ γὰρ τότε τῶν Σαμίων ἐπαναστάντες τοῖς δυνατοῖς καὶ ὄντες δῆμος μεταβαλλόμενοι αὖθις καὶ πεισθέντες ὑπό τε τοῦ Πεισάνδρου, ὅτε ἦλθε, καὶ τῶν ἐν τῇ Σάμῳ ξυνεστώτων Ἀθηναίων ἐγένοντό τε ἐς τριακοσίους ξυνωμόται καὶ ἔμελλον τοῖς ἄλλοις ὡς δήμῳ ὄντι ἐπιθήσεσθαι.
이전에 유력자들에 대항하여 봉기했고 민중파를 구성하고 있던 사모스인들이 다시 태도를 바꾸어, 페이산드로스가 왔을 때 그의 설득을 받고 사모스에서 공모한 아테나이인들에게 설득되어, 삼백 명의 음모 결사를 조직하고 민중파인 다른 이들을 습격하려 했기 때문이다.
§8.73.3καὶ Ὑπέρβολόν τέ τινα τῶν Ἀθηναίων, μοχθηρὸν ἄνθρωπον, ὠστρακισμένον οὐ διὰ δυνάμεως καὶ ἀξιώματος φόβον, ἀλλὰ διὰ πονηρίαν καὶ αἰσχύνην τῆς πόλεως, ἀποκτείνουσι μετὰ Χαρμίνου τε ἑνὸς τῶν στρατηγῶν καί τινων τῶν παρὰ σφίσιν Ἀθηναίων, πίστιν διδόντες αὐτοῖς, καὶ ἄλλα μετ’ αὐτῶν τοιαῦτα ξυνέπραξαν, τοῖς τε πλέοσιν ὥρμηντο ἐπιτίθεσθαι.
그리고 그들은 장군 중 한 명인 카르미노스 및 그들 중에 있던 일부 아테나이인들과 협력하여(그들에게 충성의 서약을 주면서), 아테나이인 중 한 명으로 비열한 인간이며 그의 권력이나 명성에 대한 두려움 때문이 아니라 그의 사악함과 국가의 수치라는 이유로 도편 추방되었던 휘페르볼로스라는 자를 살해했다. 그리고 그들과 함께 그와 같은 다른 음모들을 공동으로 실행했으며, 다수를 습격하려는 태세를 갖추었다.
§8.73.4οἱ δὲ αἰσθόμενοι τῶν τε στρατηγῶν Λέοντι καὶ Διομέδοντι (οὗτοι γὰρ οὐχ ἑκόντες διὰ τὸ τιμᾶσθαι ὑπὸ τοῦ δήμου ἔφερον τὴν ὀλιγαρχίαν) τὸ μέλλον σημαίνουσι καὶ Θρασυβούλῳ καὶ Θρασύλῳ, τῷ μὲν τριηραρχοῦντι, τῷ δὲ ὁπλιτεύοντι, καὶ ἄλλοις οἳ ἐδόκουν αἰεὶ μάλιστα ἐναντιοῦσθαι τοῖς ξυνεστῶσιν·
그러나 이 음모를 알아챈 이들은 장군들 중 레온과 디오메돈(이 두 사람은 민중에게 존중받고 있었기 때문에 마지못해 과두정을 용인하고 있었다)에게 다가올 일을 알렸고, 또한 트라시불로스와 트라실로스(전자는 삼단노선 지휘관이었고 후자는 중장보병으로 복무하고 있었다) 및 음모자들에게 항상 가장 완강히 반대한다고 여겨지던 다른 이들에게도 알렸다.
καὶ οὐκ ἠξίουν περιιδεῖν αὐτοὺς σφᾶς τε διαφθαρέντας καὶ Σάμον Ἀθηναίοις ἀλλοτριωθεῖσαν, δι’ ἣν μόνον [μέχρι νῦν] ἡ ἀρχὴ αὐτοῖς ἐς τοῦτο ξυνέμεινεν.
그리고 그들은 그들에게 자신들이 파멸당하고 사모스가 아테나이인들로부터 이탈하는 것을 방조하지 말아 달라고 청했는데, 이 사모스 덕분에 아테나이인들의 제국이 지금까지 유지될 수 있었기 때문이다.
§8.73.5οἱ δὲ ἀκούσαντες τῶν τε στρατιωτῶν ἕνα ἕκαστον μετῇσαν μὴ ἐπιτρέπειν, καὶ οὐχ ἥκιστα τοὺς Παράλους, ἄνδρας Ἀθηναίους τε καὶ ἐλευθέρους πάντας ἐν τῇ νηὶ πλέοντας καὶ αἰεὶ δήποτε ὀλιγαρχίᾳ καὶ μὴ παρούσῃ ἐπικειμένους·
이 말을 들은 그들은 병사들을 한 사람 한 사람 찾아가 이를 허용하지 말라고 청했고, 특히 전원이 아테나이 자유 시민으로서 그 배에 타고 있었으며 언제나 과두정에 반대해 온(과두정이 아직 존재하지 않을 때부터 반대해 온) ‘파랄로스호’의 선원들에게 그렇게 했다.
ὅ τε Λέων καὶ ὁ Διομέδων αὐτοῖς ναῦς τινάς, ὁπότε ποι πλέοιεν, κατέλειπον φύλακας.
또한 레온과 디오메돈은 자신들이 어디론가 출항할 때마다 그들을 수호하기 위해 몇 대의 배를 남겨두었다.
§8.73.6ὥστε ἐπειδὴ αὐτοῖς ἐπετίθεντο οἱ τριακόσιοι, βοηθησάντων πάντων τούτων, μάλιστα δὲ τῶν Παράλων, περιεγένοντο οἱ τῶν Σαμίων πλέονες, καὶ τριάκοντα μέν τινας ἀπέκτειναν τῶν τριακοσίων, τρεῖς δὲ τοὺς αἰτιωτάτους φυγῇ ἐζημίωσαν·
그리하여 삼백 명이 그들을 습격했을 때, 이들 모두가, 특히 파랄로스호 선원들이 도왔기 때문에 사모스의 다수파가 승리를 거두었다. 그들은 삼백 명 중 약 삼십 명을 살해하고, 가장 책임이 무거운 세 명을 추방형에 처했다.
τοῖς δ’ ἄλλοις οὐ μνησικακοῦντες δημοκρατούμενοι τὸ λοιπὸν ξυνεπολίτευον.
그리고 나머지 사람들에 대해서는 원한을 품지 않고 이후로는 민주정 하에서 함께 국정을 이끌었다.