§3.98.1μέχρι μὲν οὖν οἱ τοξόται εἶχόν τε τὰ βέλη αὐτοῖς καὶ οἷοί τε ἦσαν χρῆσθαι, οἱ δὲ ἀντεῖχον (τοξευόμενοι γὰρ οἱ Αἰτωλοὶ ἄνθρωποι ψιλοὶ ἀνεστέλλοντο)· ἐπειδὴ δὲ τοῦ τε τοξάρχου ἀποθανόντος οὗτοι διεσκεδάσθησαν καὶ αὐτοὶ ἐκεκμήκεσαν καὶ ἐπὶ πολὺ τῷ αὐτῷ πόνῳ ξυνεχόμενοι, οἵ τε Αἰτωλοὶ ἐνέκειντο καὶ ἐσηκόντιζον, οὕτω δὴ τραπόμενοι ἔφευγον, καὶ ἐσπίπτοντες ἔς τε χαράδρας ἀνεκβάτους καὶ χωρία ὧν οὐκ ἦσαν ἔμπειροι διεφθείροντο· καὶ γὰρ ὁ ἡγεμὼν αὐτοῖς τῶν ὁδῶν Χρόμων ὁ Μεσσήνιος ἐτύγχανε τεθνηκώς.
只要弓箭手们还有箭且能够使用，他们就还能坚守住（因为埃托利亚人作为轻装兵，在遭到箭射时会被击退）；但当他们的队长战死、弓箭手溃散，且他们自己因长期陷入同样的苦战而疲惫不堪，而埃托利亚人又紧紧逼近并投掷标枪时，他们终于转过身来溃逃，由于跌入无法逃脱的深谷和他们不熟悉的地区而被消灭；因为他们的向导，麦塞尼亚人克罗蒙，也已经战死了。
§3.98.2οἱ δὲ Αἰτωλοὶ ἐσακοντίζοντες πολλοὺς μὲν αὐτοῦ ἐν τῇ τροπῇ κατὰ πόδας αἱροῦντες ἄνθρωποι ποδώκεις καὶ ψιλοὶ διέφθειρον, τοὺς δὲ πλείους τῶν ὁδῶν ἁμαρτάνοντας καὶ ἐς τὴν ὕλην ἐσφερομένους, ὅθεν διέξοδοι οὐκ ἦσαν, πῦρ κομισάμενοι περιεπίμπρασαν·
埃托利亚人一边投掷标枪，一边凭借其矫捷的步伐和轻装装备，在溃退中当场追上并杀死了许多人；而对于大多数迷失道路并闯入没有出口的森林中的人，埃托利亚人取来火把，在他们周围放火焚烧。
§3.98.3πᾶσά τε ἰδέα κατέστη τῆς φυγῆς καὶ τοῦ ὀλέθρου τῷ στρατοπέδῳ τῶν Ἀθηναίων, μόλις τε ἐπὶ τὴν θάλασσαν καὶ τὸν Οἰνεῶνα τῆς Λοκρίδος, ὅθεν περ καὶ ὡρμήθησαν, οἱ περιγενόμενοι κατέφυγον.
雅典军队遭遇了各种形式的溃败和毁灭，幸存者艰难地逃到了海边，以及他们最初出发的洛克里斯的奥伊内翁。
§3.98.4ἀπέθανον δὲ τῶν τε ξυμμάχων πολλοὶ καὶ αὐτῶν Ἀθηναίων ὁπλῖται περὶ εἴκοσι μάλιστα καὶ ἑκατόν.
盟友中死伤惨重，雅典人自己也损失了大约一百二十名重装步兵。
τοσοῦτοι μὲν τὸ πλῆθος καὶ ἡλικία ἡ αὐτὴ οὗτοι βέλτιστοι δὴ ἄνδρες ἐν τῷ πολέμῳ τῷδε ἐκ τῆς Ἀθηναίων πόλεως διεφθάρησαν· ἀπέθανε δὲ καὶ ὁ ἕτερος στρατηγὸς Προκλῆς.
如此多的人数，且都处于同样的黄金年龄，他们确实是这场战争中雅典城所失去的最优秀的男子；另一位将军普罗克勒斯也战死了。
§3.98.5τοὺς δὲ νεκροὺς ὑποσπόνδους ἀνελόμενοι παρὰ τῶν Αἰτωλῶν καὶ ἀναχωρήσαντες ἐς Ναύπακτον ὕστερον ἐς τὰς Ἀθήνας ταῖς ναυσὶν ἐκομίσθησαν.
他们根据停战协定向埃托利亚人收回了尸体，退往纳乌帕克托斯，随后乘船返回了雅典。
Δημοσθένης δὲ περὶ Ναύπακτον καὶ τὰ χωρία ταῦτα ὑπελείφθη, τοῖς πεπραγμένοις φοβούμενος τοὺς Ἀθηναίους.
但德摩斯梯尼留在了纳乌帕克托斯及周边地区，因为对所发生的事情感到害怕，担心受到雅典人的惩罚。