§7χώραν τῆς φωνῆς ὁμώνυμον αὐτὸν ἐποιήσαμεν τῷ τῆς αἰτίας ὀνόματι Δία προσαγορεύσαντες, ἐπειδήπερ διʼ αὐτὸν ἅπαντα γίγνεταί τε καὶ γέγονε.
我々は彼を「ディア」と呼ぶことによって、原因を表す名と同音の音声上の位置を彼に与えたのである。 なぜなら、彼のおかげですべてのものが生じ、かつ生じてきたからである。
καὶ ἡ ἡλίου τε ἄπαυστος κίνησις ὑπὲρ γῆς τε καὶ ὑπὸ γῆν Διός ἐστι πρόρρησις ἡλίῳ προειρημένη ὑπὲρ τῆς τοῦ παντὸς κόσμου φανότητος, καὶ σελήνης δρόμοι καὶ χορεῖαι πάντων ἄστρων Διός ἐστι διάκοσμος·
また、大地上および地下における太陽の絶えざる運行は、全宇宙の輝きのために太陽にあらかじめ命じられたゼウスの命令であり、月の軌道やあらゆる星々の舞踏もゼウスの整序である。
ὅ τε τῆς περίρρους Ὠκεανὸς ἐκ Διὸς ὥσπερ ἐξ ἀρχῆς ἐγένετο, οὕτω καὶ μένει τοὺς ἑαυτοῦ φυλάττων ὅρους.
また、周囲を流れるオケアノスも、初めにゼウスから生じたように、その自らの境界を守りつつ、そのように留まっている。
ὧραί τε καθʼ ἕκαστον ἔτος ἐκ περιτροπῆς γῆν τὴν πᾶσαν ἐπέρχονται.
また、季節は毎年めぐりめぐって全大地を訪れる。
καὶ ὁ πᾶς χρόνος εἰς ἡμέραν καὶ νύκτα μερισθεὶς πρέποντα τῷ καιρῷ τὰ ἑκατέρων ἔχει μήκη, ἀναπαύσεις τε καὶ τοὺς πόνους, ὡς δὴ ἁρμόττει, πλείους ἢ ἐλάττους παρεχόμενος·
そして、昼と夜に分割されたすべての時間は、その時季に適したそれぞれの長さを持ち、休息と労苦を、まさにふさわしいように、より多く、あるいはより少なく提供する。
ἥ τε οὐρανοῦ καὶ ὄμβρου συνουσία Διός· καὶ Ἀπόλλων ἀνθρώποις χρησμῳδεῖ Διὸς νημερτέα βουλὴν, καὶ Ἀσκληπιὸς ἰᾶται, Ἀθηνᾶ τε Ἐργάνη Διὸς γνώμῃ ταύτην εἴληχε τὴν τάξιν, καὶ Ἥρα γαμηλία, καὶ Ἄρτεμις λοχία καὶ κυνηγέτις εὐεργετοῦσιν ἀνθρώπους, τὴν τοῦ μεγάλου σώζουσαι πάντων εὐεργέτου γνώμην.
そして天と雨の交わりもゼウスによるものであり、アポロンは人間にゼウスの誤りなき意志を神託として告げ、アスクレピオスは治療し、労働を司るアテナはゼウスの意図によってこの職分を割り当てられており、婚姻を司るヘラも、お産と狩猟を司るアルテミスも、すべての人にとっての大いなる恩人の意図を守りつつ、人間に恩恵を施している。
Πᾶνές τε ὀρῶν ἔνοικοι καὶ Νύμφαι ναμάτων ἐπίσκοποι σὺν Διὶ τὴν κληρουχίαν ἔχουσι.
山々に住まうパンたちも、泉を守るニュンペーたちも、ゼウスとともにその領地を有している。
Ποσειδῶν τε καὶ Διόσκουροι σώζουσι τοὺς πλέοντας, πειθόμενοι Διὶ, καὶ Μοῦσαι μουσικὴν εὗρον καὶ κατέδειξαν Διὸς βουληθέντος εἶναι Μούσας καὶ μουσικὴν, θεῶν ἅμα καὶ ἀνθρώπων ἕνεκα.
ポセイドンとディオスクロイも、ゼウスに従うことで航海する者たちを救い、ムーサイは、神々と同時に人間のために、ムーサイと音楽が存在することをゼウスが望まれたので、音楽を発見し、これを示した。
καὶ πάντα δὲ πανταχοῦ Διὸς μεστὰ καὶ πᾶσιν ἐφʼ ἑκάστης πράξεως παρίδρυται, ὥσπερ οἱ διδάσκαλοι τοῖς παισὶ καὶ οἱ παραβάται τοῖς ἡνιόχοις.
そして実にいたるところですべてのものがゼウスに満ちており、ちょうど教師が子供たちに、戦車の同乗者が御者に付き添うように、すべての人のそれぞれの行為の傍らに彼は控えている。
καὶ ἁπάντων θεῶν εὐεργεσίαι Διός εἰσιν ἔργον, καὶ πάντες ἀνθρώπων ἐπιμελοῦνται, τὴν ὑπὸ τούτου παραδοθεῖσαν τάξιν φυλάττοντες, οἷον ἐν στρατοπέδῳ συμπάντων στρατηγοῦ.
また、すべての神々の恩恵はゼウスの働きであり、すべての神々は彼から授けられた秩序を、あたかも軍営における全体の将軍のそれを守るかのように維持しつつ、人間を配慮している。
μοῖράν τε ἣν ἂν νείμῃ ἐπίσταται εἰκότως.
また、彼が割り当てる運命を、彼は当然のこととして知っている。
δίδωσι γὰρ αὐτὸς καὶ τοῦτʼ ἔστιν ἄφυκτος §8εἱμαρμένη, ὅ τι ἂν ἑκάστῳ νείμῃ Ζεὺς, οὗ πάντα τὰ ὄντα γεννήματα.
なぜなら彼自身が与えるからであり、ゼウス――存在するすべてのものがその被造物である彼――が各人に割り当てるものこそが、避けがたい運命なのである。
τοῦτον οὐκ ὀρῶν ἐκφεύγουσι κορυφαὶ, οὐ πηγαὶ ποταμῶν, οὐ πόλεις, οὐχ ἡ κάτω τῆς θαλάττης ψάμμος, οὐκ ἀστέρες, οὐ νὺξ ἔμπροσθεν ἵσταται, οὐχ ὕπνος τῶν τούτου μεγάλων τε καὶ μόνων ἑορακότων τἀληθὲς ὀφθαλμῶν.
この方から、山の頂も、川の源泉も、都市も、海の下の砂も、星々も逃れることはできず、真実を見つめる彼の偉大にして唯一の目の前に、夜も眠りも立ちはだかることはない。
ποταμῶν τε ὁ κάλλιστος καὶ ἀξιολογώτατος καὶ αὐτὸς ἄρα διιπετὴς Νεῖλος ἦν, ἅτε δὴ μιμούμενος τὸν πατέρα, καὶ οἷον ὕπαρχος ὑπʼ αὐτοῦ τῶν κατʼ Αἴγυπτον τεταγμένος, ἀντὶ τῶν Διὸς ὄμβρων αὐτὸς ἔπεισι καὶ πληροῖ τὴν γῆν.
そして、河川のうちで最も美しく最も注目に値し、それゆえにまた「天から降る」とされるナイル川も、実に父親を模倣し、エジプトの地を司るために彼によって任命されたいわば副官のように、ゼウスの雨の代わりに、自ら進み出て大地を満たすのである。
Ζεὺς πάντων πατὴρ καὶ οὐρανοῦ καὶ γῆς καὶ θεῶν καὶ ἀνθρώπων καὶ ποταμῶν καὶ φυτῶν, καὶ διὰ τοῦτον ὁρῶμεν καὶ ἔχομεν ὁπόσα ἔχομεν.
ゼウスは万物の父であり、天と地、神々と人間、河川と植物の父であり、このお方を通じて我々は見、我々が持っているすべてのものを持っている。
οὗτος ἁπάντων εὐεργέτης καὶ ἔφορος καὶ προστάτης, οὗτος πρύτανις καὶ ἡγεμὼν καὶ ταμίας ὄντων καὶ γιγνομένων ἁπάντων, οὗτος δοτὴρ ἁπάντων, οὗτος ποιητὴς, οὗτος ἐν μὲν ἐκκλησίαις καὶ δίκαις νίκην διδοὺς ἀγοραῖος κέκληται, ἐν δὲ μάχαις τροπαῖος, ἐν δὲ νόσοις καὶ πᾶσι καιροῖς βοηθῶν σωτὴρ, οὗτος ἐλευθέριος, οὗτος μειλίχιος·
このお方がすべての人の恩人、監視者、保護者であり、このお方が存在するすべて、生起するすべてのものの支配者、指導者、管理者であり、このお方がすべての与え手、すべての製作者である。 このお方は、民会や裁判において勝利を与えることから「アゴライオス（広場の守護神）」と呼ばれ、戦いにおいては「トロパイオス」、病やあらゆる危難において助けることから「ソーテール」、このお方は「エレウテリオス」、このお方は「メイリキオス」と呼ばれる。
εἰκότως, ἅτε καὶ πατήρ.
それは当然のことであり、父でもあるからである。
οὗτος βασιλεὺς, πολιεὺς, καταιβάτης, ὑέτιος, οὐράνιος, κορυφαῖος, πάνθʼ ὅσα αὐτὸς εὗρε μεγάλα καὶ ἑαυτῷ πρέποντα ὀνόματα.
このお方は「バシレウス」、「ポリエウス」、「カタイバテース」、「ヒュエティオス」、「ウラニオス」、「コリュパイオス」など、自らが創り出した、自らにふさわしい大いなるすべての名前で呼ばれる。
οὗτος ἁπάντων ἀρχὰς καὶ πέρατα καὶ μέτρα καὶ κλήρους ἔχων, ἴσον πανταχοῦ πάντων κρατῶν, αὐτὸς ἂν μόνος εἰπὼν ἃ χρὴ περὶ αὑτοῦ, θεὸς ἅτε πλέον τι λαχών·
このお方はすべてのものの始まり、終わり、度量、運命を掌握し、いたるところですべてを平等に支配しており、神としてより優れた分を分け与えられているがゆえに、自らについて語るべきことを自らだけが語りうる。
τοῦτο γὰρ οὖν Πινδάρῳ κάλλιον ἢ ἄλλʼ ὁτιοῦν ὁτῳοῦν εἴρηται περὶ Διός.
というのも、このことはピンダロスによって、ゼウスについて他の誰が語った他のいかなる言葉よりも美しく語られているからである。
ἀπὸ τούτου ἄρχεσθαι χρὴ καὶ τελευτᾶν εἰς τοῦτον, παντὸς λόγου καὶ πάσης πράξεως ἡγεμόνα καὶ βοηθὸν καλοῦντας, ὥσπερ εἰκὸς τὸν ἁπάντων κρατοῦντα ἀρχηγέτην καὶ τέλειον μόνον αὐτὸν ὄντα τῶν πάντων.
このお方から始めるべきであり、このお方に終わるべきである。 あらゆる言葉とあらゆる行為の指導者、援助者として彼を呼び求めつつ。 それは、すべてを支配し、万物のうちで彼一人だけが始まりであり完成であるお方にふさわしいことだからである。