§19.21.1οἱ δὲ περὶ τὸν Εὐμενῆ σατράπαι καὶ στρατηγοὶ πυθόμενοι τοὺς πολεμίους ἐν τῇ Μηδίᾳ στρατοπεδεύειν, διέστησαν πρὸς ἀλλήλους. Εὐμενὴς μὲν γὰρ καὶ Ἀντιγένης ὁ τῶν ἀργυρασπίδων ἡγούμενος καὶ πάντες οἱ τὴν ἀπὸ θαλάσσης ἀνάβασιν πεποιημένοι πάλιν ᾤοντο δεῖν ἐπὶ θάλατταν καταβαίνειν, οἱ δʼ ἐκ τῶν ἄνω σατραπειῶν καταβεβηκότες ἀγωνιῶντες ὑπὲρ τῶν ἰδίων ἔφασαν δεῖν ἀντέχεσθαι τῶν ἄνω τόπων. §19.21.2αὐξομένης δὲ τῆς διαφορᾶς Εὐμενὴς ὁρῶν ὅτι διαιρεθέντος τοῦ στρατοπέδου κατʼ ἰδίαν ἑκάτερον τῶν μερῶν οὐκ ἀξιόμαχόν ἐστι, συνεχώρησε τοῖς καταβεβηκόσι σατράπαις. ἀναζεύξαντες οὖν ἀπὸ τοῦ Πασιτίγριος προῆγον τῆς Περσίδος εἰς Περσέπολιν τὸ βασίλειον, οὔσης τῆς ὁδοιπορίας ἡμερῶν εἴκοσι καὶ τεσσάρων, ἧς ἦν ἡ πρώτη μὲν ἕως τῆς καλουμένης Κλίμακος κοίλη, καυματώδης δὲ καὶ σπανίζουσα τῶν ἐπιτηδείων, ἡ λοιπὴ δὲ μετέωρος καὶ τὸν ἀέρα παντελῶς ὑγιεινὸν ἔχουσα καὶ πλήρης τῶν ἐπετείων καρπῶν· §19.21.3αὐλῶνάς τε γὰρ εἶχε πυκνοὺς καὶ συσκίους καὶ παραδείσων φυτείας ποικίλας, ἔτι δὲ παντοδαπῶν δένδρων φυσικὰς συναγκίας καὶ ῥύσεις ὑδάτων, ὥστε τοὺς ὁδοιποροῦντας μετὰ πολλῆς τέρψεως ἐνδιατρίβειν τόποις ἡδίστοις πρὸς ἀνάπαυσιν. ἦν δὲ καὶ λείας παντοδαπῆς πλῆθος, ἣν μεταπεμπόμενος Πευκέστης παρὰ τῶν ἐγχωρίων διεδίδου δαψιλῆ τοῖς στρατιώταις, ἐκκαλούμενος αὐτῶν τὴν εὔνοιαν. §19.21.4κατοικοῦσι δὲ ταύτην τὴν χώραν τῶν Περσῶν οἱ μαχιμώτατοι, πάντες ὄντες τοξόται καὶ σφενδονῆται, πολυανθρωπίᾳ τε πολὺ διαφέρειν συμβαίνει τὴν χώραν ταύτην τῶν ἄλλων σατραπειῶν.
一方、エウメネスの周囲のサトラップたちや将軍たちは、敵がメディアに陣を敷いていることを知ると、互いに対立した。というのも、エウメネスと、銀盾兵の指揮官であるアンティゲネス、および海から内陸への進軍を行った者たちは皆、再び海へと下るべきだと考えたが、上方のサトラップ領から下ってきた者たちは、自分たちの領地を心配して、上方の地域を固守すべきだと主張したからである。この対立が大きくなると、エウメネスは、軍が分裂した場合、それぞれの部分が単独では敵に対抗できないことを見て取り、下ってきたサトラップたちに譲歩した。そこで彼らはパシティグリス川から出発し、ペルシスを通って王都ペルセポリスへと進んだ。その旅路は二十四日間を要し、そのうち最初の、いわゆる「クリマクス」と呼ばれる場所までの区間は、低地で暑く、必需品が不足していたが、残りの区間は高地で、空気は完全に健康的であり、季節の果物で満ちていた。というのも、そこには木が茂った日陰の多い谷や、様々な庭園の植え込みがあり、さらにはあらゆる種類の樹木が自然に生い茂る峡谷や水の流れがあったため、旅をする者たちは休息のために最も心地よい場所で、大いなる楽しみとともに時を過ごしたからである。また、あらゆる種類の戦利品も豊富にあり、ペウケスタスはそれを地元の住民から取り寄せて兵士たちに惜しみなく分け与え、彼らの好意を誘い出した。ペルシア人の中で最も戦闘に長けた者たちがこの地域に住んでおり、彼らは皆、弓兵や投石兵であり、この地域は人口の多さにおいて他のサトラップ領をはるかに凌駕していた。