§1.1ΠΑΥΛΟΣ ἀπόστολος Χριστοῦ Ἰησοῦ διὰ θελήματος θεοῦ κατʼ ἐπαγγελίαν ζωῆς τῆς ἐν Χριστῷ Ἰησοῦ §1.2Τιμοθέῳ ἀγαπητῷ τέκνῳ·
神の意志により、キリスト・イエスにある命の約束に従って、キリスト・イエスの使徒となったパウロから、愛する子テモテへ。
χάρις, ἔλεος, εἰρήνη ἀπὸ θεοῦ πατρὸς καὶ Χριστοῦ Ἰησοῦ τοῦ κυρίου ἡμῶν.
父なる神と私たちの主キリスト・イエスからの恵み、憐れみ、平和があるように。
§1.3Χάριν ἔχω τῷ θεῷ, ᾧ λατρεύω ἀπὸ προγόνων ἐν καθαρᾷ συνειδήσει, ὡς ἀδιάλειπτον ἔχω τὴν περὶ σοῦ μνείαν ἐν ταῖς δεήσεσίν μου,
私は、先祖以来、清い良心をもって仕えている神に感謝しています。 夜も昼も、私の祈りの中で絶えずあなたのことを心に留めているからです。
§1.4νυκτὸς καὶ ἡμέρας ἐπιποθῶν σε ἰδεῖν, μεμνημένος σου τῶν δακρύων,
私はあなたの涙を思い起こし、あなたに会うことを切望しています。
§1.5ἵνα χαρᾶς πληρωθῶ ὑπόμνησιν λαβὼν τῆς ἐν σοὶ ἀνυποκρίτου πίστεως, ἥτις ἐνῴκησεν πρῶτον ἐν τῇ μάμμῃ σου Λωίδι καὶ τῇ μητρί σου Εὐνίκῃ, πέπεισμαι δὲ ὅτι καὶ ἐν σοί.
それは、私が喜びで満たされるためです。 あなたの心にある純真な信仰を思い起こしています。 その信仰は、まずあなたの祖母ロイスと母エウニケのうちに宿り、またあなたのうちにも宿っていると私は確信しています。
§1.6διʼ ἣν αἰτίαν ἀναμιμνήσκω σε ἀναζωπυρεῖν τὸ χάρισμα τοῦ θεοῦ, ὅ ἐστιν ἐν σοὶ διὰ τῆς ἐπιθέσεως τῶν χειρῶν μου·
このような理由から、私はあなたに思い起こさせます。 私の手の按手によってあなたのうちにある神の賜物を、再び燃え立たせるように。
§1.7οὐ γὰρ ἔδωκεν ἡμῖν ὁ θεὸς πνεῦμα δειλίας, ἀλλὰ δυνάμεως καὶ ἀγάπης καὶ σωφρονισμοῦ.
なぜなら、神が私たちに与えてくださったのは、臆病の霊ではなく、力と愛と慎みの霊だからです。
§1.8μὴ οὖν ἐπαισχυνθῇς τὸ μαρτύριον τοῦ κυρίου ἡμῶν μηδὲ ἐμὲ τὸν δέσμιον αὐτοῦ, ἀλλὰ συνκακοπάθησον τῷ εὐαγγελίῳ κατὰ δύναμιν θεοῦ,
ですから、私たちの主の証しをすることや、主の囚人である私を恥じてはなりません。 むしろ、神の力に従って、福音のために共に苦難を受けてください。
§1.9τοῦ σώσαντος ἡμᾶς καὶ καλέσαντος κλήσει ἁγίᾳ, οὐ κατὰ τὰ ἔργα ἡμῶν ἀλλὰ κατὰ ἰδίαν πρόθεσιν καὶ χάριν, τὴν δοθεῖσαν ἡμῖν ἐν Χριστῷ Ἰησοῦ πρὸ χρόνων αἰωνίων, §1.10φανερωθεῖσαν δὲ νῦν διὰ τῆς ἐπιφανείας τοῦ σωτῆρος ἡμῶν Χριστοῦ Ἰησοῦ, καταργήσαντος μὲν τὸν θάνατον φωτίσαντος δὲ ζωὴν καὶ ἀφθαρσίαν διὰ τοῦ εὐαγγελίου,
神は私たちを救い、聖なる招きをもって召してくださいました。 それは私たちの行いによるのではなく、ご自身の計画と恵みによるものです。 この恵みは、永遠の時の前にキリスト・イエスにおいて私たちに与えられ、今や、私たちの救い主キリスト・イエスの現れによって明らかにされました。 キリストは死を滅ぼし、福音によって命と不滅を明らかに示されたのです。
§1.11εἰς ὃ ἐτέθην ἐγὼ κῆρυξ καὶ ἀπόστολος καὶ διδάσκαλος.
この福音のために、私は宣教者、使徒、また教師として任命されました。
§1.12διʼ ἣν αἰτίαν καὶ ταῦτα πάσχω, ἀλλʼ οὐκ ἐπαισχύνομαι, οἶδα γὰρ ᾧ πεπίστευκα, καὶ πέπεισμαι ὅτι δυνατός ἐστιν τὴν παραθήκην μου φυλάξαι εἰς ἐκείνην τὴν ἡμέραν.
その理由で私はこれらの苦難をも受けているのですが、恥じてはいません。 なぜなら、私は自分が信じてきた方を知っており、またその方が、私の託したものをあの日まで守り抜くことができると確信しているからです。
§1.13ὑποτύπωσιν ἔχε ὑγιαινόντων λόγων ὧν παρʼ ἐμοῦ ἤκουσας ἐν πίστει καὶ ἀγάπῃ τῇ ἐν Χριστῷ Ἰησοῦ·
キリスト・イエスにある信仰と愛のうちに、私から聞いた健全な言葉の規範を保ちなさい。
§1.14τὴν καλὴν παραθήκην φύλαξον διὰ πνεύματος ἁγίου τοῦ ἐνοικοῦντος ἐν ἡμῖν.
私たちのうちに宿る聖霊によって、あなたに託されたあの良いものを守りなさい。
§1.15Οἶδας τοῦτο ὅτι ἀπεστράφησάν με πάντες οἱ ἐν τῇ Ἀσίᾳ, ὧν ἐστὶν Φύγελος καὶ Ἑρμογένης.
あなたが知っているように、アジヤにいる者たちは皆、私から離れ去りました。 その中にはフゲロとエルモゲネスがいます。
§1.16δῴη ἔλεος ὁ κύριος τῷ Ὀνησιφόρου οἴκῳ, ὅτι πολλάκις με ἀνέψυξεν, καὶ τὴν ἅλυσίν μου οὐκ ἐπαισχύνθη· §1.17ἀλλὰ γενόμενος ἐν Ῥώμῃ σπουδαίως ἐζήτησέν με καὶ εὗρεν·
主がオネシポロの家に憐れみを施してくださいますように。 彼は何度も私を元気づけてくれ、私の鎖を恥とせず、ローマに到着したときには、熱心に私を捜し求めて見つけてくれたからです。
§1.18— δῴη αὐτῷ ὁ κύριος εὑρεῖν ἔλεος παρὰ κυρίου ἐν ἐκείνῃ τῇ ἡμέρᾳ·
――主があの日、彼に主からの憐れみを見いださせてくださいますように。
— καὶ ὅσα ἐν Ἐφέσῳ διηκόνησεν, βέλτιον σὺ γινώσκεις.
――そして、彼がエフェソでどれほど仕えてくれたかは、あなたが一番よく知っています。