§8.79.1συνεστηκότων δὲ τῶν στρατηγῶν, ἐξ Αἰγίνης διέβη Ἀριστείδης ὁ Λυσιμάχου, ἀνὴρ Ἀθηναῖος μὲν ἐξωστρακισμένος δὲ ὑπὸ τοῦ δήμου·
将軍たちが対立しているところへ、アイギナからリュシマコスの息子アリステイデスが渡ってきた。 彼はアテナイ人であるが、民衆によって陶片追放されていた。
τὸν ἐγὼ νενόμικα, πυνθανόμενος αὐτοῦ τὸν τρόπον, ἄριστον ἄνδρα γενέσθαι ἐν Ἀθήνῃσι καὶ δικαιότατον.
私は彼の身持ちについて聞いて知るに、彼がアテナイで最も優れ、最も正義にかなった男であったと信じている。
§8.79.2οὗτος ὡνὴρ στὰς ἐπὶ τὸ συνέδριον ἐξεκαλέετο Θεμιστοκλέα, ἐόντα μὲν ἑωυτῷ οὐ φίλον ἐχθρὸν δὲ τὰ μάλιστα·
この男は会議の場に立ち、テミストクレスを外に呼び出した。 テミストクレスは彼にとって友ではなく、むしろ最大の敵であった。
ὑπὸ δὲ μεγάθεος τῶν παρεόντων κακῶν λήθην ἐκείνων ποιεύμενος ἐξεκαλέετο, θέλων αὐτῷ συμμῖξαι·
しかし、目の前にある災厄の重大さゆえに、それらの敵対関係を忘れて、彼と会談することを望んで呼び出したのである。
προακηκόεε δὲ ὅτι σπεύδοιεν οἱ ἀπὸ Πελοποννήσου ἀνάγειν τὰς νέας πρὸς τὸν Ἰσθμόν.
彼は、ペロポネソスから来た者たちが船をイストモスへと出港させようと急いでいることを、あらかじめ聞き知っていたからである。
§8.79.3ὡς δὲ ἐξῆλθέ οἱ Θεμιστοκλέης, ἔλεγε Ἀριστείδης τάδε.
テミストクレスが彼のところへ出てくると、アリステイデスは次のように言った。
ἡμέας στασιάζειν χρεόν ἐστι ἔν τε τῷ ἄλλῳ καιρῷ καὶ δὴ καὶ ἐν τῷδε περὶ τοῦ ὁκότερος ἡμέων πλέω ἀγαθὰ τὴν πατρίδα ἐργάσεται.
「私たちは、他の時にも、またとりわけこの時にも、私たちのどちらがより多くの善いことを祖国になすことができるかということを巡って競い合うべきである。
§8.79.4λέγω δέ τοι ὅτι ἴσον ἐστὶ πολλά τε καὶ ὀλίγα λέγειν περὶ ἀποπλόου τοῦ ἐνθεῦτεν Πελοποννησίοισι.
あなたに言っておくが、ペロポネソス人たちのここからの船出について多く語るのも少なく語るのも同じことである。
ἐγὼ γὰρ αὐτόπτης τοι λέγω γενόμενος ὅτι νῦν οὐδʼ ἢν θέλωσι Κορίνθιοί τε καὶ αὐτὸς Εὐρυβιάδης οἷοί τε ἔσονται ἐκπλῶσαι·
というのも、私自身が目撃者となってあなたに言うのだが、今やコリントス人たちやエウリュビアデス自身が望んだとしても、彼らは船出することができないからである。
περιεχόμεθα γὰρ ὑπὸ τῶν πολεμίων κύκλῳ.
なぜなら、私たちは敵によってぐるりと取り囲まれているからだ。
ἀλλʼ ἐσελθών σφι ταῦτα σήμηνον.
だから、中に入って彼らにこのことを知らせてくれ。
ὃ δʼ ἀμείβετο τοῖσιδε.
」すると、彼は次のように答えた。