§6.69.1ὃ μὲν δὴ τοιαῦτα ἔλεγε, ἣ δὲ ἀμείβετο τοῖσιδε.
彼はそのように語り、彼女は次のように答えた。
ὦ παῖ, ἐπείτε με λιτῇσι μετέρχεαι εἰπεῖν τὴν ἀληθείην, πᾶν ἐς σὲ κατειρήσεται τὠληθές.
「わが子よ、お前が嘆願をもって私に真実を語るよう求めるからには、すべての真実がお前に対して語り尽くされるであろう。
ὥς με ἠγάγετο Ἀρίστων ἐς ἑωυτοῦ, νυκτὶ τρίτῃ ἀπὸ τῆς πρώτης ἦλθέ μοι φάσμα εἰδόμενον Ἀρίστωνι, συνευνηθὲν δὲ τοὺς στεφάνους τοὺς εἶχε ἐμοὶ περιετίθεε.
アリストンが私を妻として自分の家に迎えたとき、最初の夜から三日目の夜に、アリストンに似た幻影が私のところにやって来た。 そして共に入寝すると、自分が持っていた花冠を私にかぶせたのだ。
§6.69.2καὶ τὸ μὲν οἰχώκεε, ἧκε δὲ μετὰ ταῦτα Ἀρίστων.
そしてそれは立ち去り、その後にアリストンがやって来た。
ὡς δέ με εἶδε ἔχουσαν στεφάνους, εἰρώτα τίς εἴη μοι ὁ δούς·
彼は私が花冠を持っているのを見ると、誰がそれをくれたのかと私に尋ねた。
ἐγὼ δὲ ἐφάμην ἐκεῖνον, ὁ δὲ οὐκ ὑπεδέκετο.
私は彼だと答えたが、彼はそれを認めなかった。
ἐγὼ δὲ κατωμνύμην φαμένη αὐτὸν οὐ ποιέειν καλῶς ἀπαρνεόμενον·
私は、彼がそれを否定するのは良くないことだと言って、神にかけて誓った。
ὀλίγῳ γὰρ τι πρότερον ἐλθόντα καὶ συνευνηθέντα δοῦναί μοι τοὺς στεφάνους.
ほんの少し前に彼がやって来て、私と共に入寝し、これらの花冠をくれたのだから、と。
§6.69.3ὁρέων δέ με κατομνυμένην ὁ Ἀρίστων ἔμαθε ὡς θεῖον εἴη τὸ πρῆγμα.
私が神にかけて誓うのを見て、アリストンはこの出来事が神的なものであると悟った。
καὶ τοῦτο μὲν οἱ στέφανοι ἐφάνησαν ἐόντες ἐκ τοῦ ἡρωίου τοῦ παρὰ τῇσι θύρῃσι τῇσι αὐλείῃσι ἱδρυμένου, τὸ καλέουσι Ἀστροβάκου, τοῦτο δὲ οἱ μάντιες τὸν αὐτὸν τοῦτον ἥρωα ἀναίρεον εἶναι.
そして、一方では花冠が、中庭の門のそばに建てられている、人々がアストロバコスのものと呼ぶ英雄廟のものであることが判明し、他方では占い師たちが、まさにこの英雄自身であったと告げた。
§6.69.4οὕτω ὦ παῖ ἔχεις πᾶν, ὅσον τι καὶ βούλεαι πυθέσθαι·
わが子よ、このようにしてお前は知りたいと望むすべてのことを知ったのだ。
ἢ γὰρ ἐκ τοῦ ἥρωος τούτου γέγονας, καί τοι πατήρ ἐστι Ἀστρόβακος ὁ ἥρως, ἢ Ἀρίστων·
なぜなら、お前はこの英雄から生まれたのであって、お前の父親は英雄アストロバコスであるか、あるいはアリストンであるからだ。
ἐν γάρ σε τῇ νυκτὶ ταύτῃ ἀναιρέομαι.
私はまさにこの夜にお前を身籠ったのだから。
τῇ δέ σευ μάλιστα κατάπτονται οἱ ἐχθροί, λέγοντες ὡς αὐτὸς ὁ Ἀρίστων, ὅτε αὐτῷ σὺ ἠγγέλθης γεγενημένος, πολλῶν ἀκουόντων οὐ φήσειέ σε ἑωυτοῦ εἶναι ʽτὸν χρόνον γάρ, τοὺς δέκα μῆνας, οὐδέκω ἐξήκειν̓, ἀιδρείῃ τῶν τοιούτων κεῖνος τοῦτο ἀπέρριψε τὸ ἔπος.
お前の敵どもが特にお前に言いがかりをつけ、お前が生まれたと報されたときにアリストン自身が、多くの者が聞いている前で、お前は自分の子ではない、なぜなら十ヶ月という期間がまだ満ちていないからだ、と言ったと主張している点については、彼がそのようなことに関する無知からその言葉を口走ってしまったのだ。
§6.69.5τίκτουσι γὰρ γυναῖκες καὶ ἐννεάμηνα καὶ ἑπτάμηνα, καὶ οὐ πᾶσαι δέκα μῆνας ἐκτελέσασαι·
なぜなら、女たちは九ヶ月でも七ヶ月でも産むものであり、すべての女が十ヶ月を満了するわけではないからだ。
ἐγὼ δὲ σὲ ὦ παῖ ἑπτάμηνον ἔτεκον.
わが子よ、私はお前を七ヶ月で産んだのだ。
ἔγνω δὲ καὶ αὐτὸς ὁ Ἀρίστων οὐ μετὰ πολλὸν χρόνον ὡς ἀνοίῃ τὸ ἔπος ἐκβάλοι τοῦτο.
アリストン自身も、しばらく経ってから、自分が愚かさゆえにその言葉を漏らしたのだと悟った。
λόγους δὲ ἄλλους περὶ γενέσιος τῆς σεωυτοῦ μὴ δέκεο·
お前自身の出生に関する他の噂を受け入れてはならない。
τὰ γὰρ ἀληθέστατα πάντα ἀκήκοας.
お前は最も真実なことをすべて聞いたのだから。
ἐκ δὲ ὀνοφορβῶν αὐτῷ τε Λευτυχίδῃ καὶ τοῖσι ταῦτα λέγουσι τίκτοιεν αἱ γυναῖκες παῖδας.
そして、レウテュキデス自身や、そのようなことを言う者たちに対しては、彼らの妻がロバ飼いとの間に子を産むとよい。 」