§5.58.1οἱ δὲ Φοίνικες οὗτοι οἱ σὺν Κάδμῳ ἀπικόμενοι, τῶν ἦσαν οἱ Γεφυραῖοι, ἄλλα τε πολλὰ οἰκήσαντες ταύτην τὴν χώρην ἐσήγαγον διδασκάλια ἐς τοὺς Ἕλληνας καὶ δὴ καὶ γράμματα, οὐκ ἐόντα πρὶν Ἕλλησι ὡς ἐμοὶ δοκέειν, πρῶτα μὲν τοῖσι καὶ ἅπαντες χρέωνται Φοίνικες· μετὰ δὲ χρόνου προβαίνοντος ἅμα τῇ φωνῇ μετέβαλλον καὶ τὸν ῥυθμὸν τῶν γραμμάτων.
さて、カドモスとともにやって来た、ゲピュライアイ人の先祖であるこれらのポイニクス人たちは、この地に定住してギリシア人に他の多くの教え、そして特にもともとギリシア人にはなかったと私には思われる文字をもたらした。 最初は、すべてのポイニクス人が用いているまさにその文字をもたらしたが、時の経過とともに、彼らは言葉とともに文字の形状をも変化させていった。
§5.58.2περιοίκεον δὲ σφέας τὰ πολλὰ τῶν χώρων τοῦτον τὸν χρόνον Ἑλλήνων Ἴωνες, οἳ παραλαβόντες διδαχῇ παρὰ τῶν Φοινίκων τὰ γράμματα, μεταρρυθμίσαντες σφέων ὀλίγα ἐχρέωντο, χρεώμενοι δὲ ἐφάτισαν, ὥσπερ καὶ τὸ δίκαιον ἔφερε, ἐσαγαγόντων Φοινίκων ἐς τὴν Ἑλλάδα, Φοινικήια κεκλῆσθαι.
この当時、彼らの周辺地域の大部分にはギリシア人のうちイオニア人が住んでいたが、彼らはポイニクス人から教えによって文字を受け取り、そのごく一部を改めて用いた。 そして用いるにあたって、道理が示すように、ポイニクス人がギリシアにもたらしたものであるから、「ポイニクス文字」と呼ぶべきだと宣言した。
§5.58.3καὶ τὰς βύβλους διφθέρας καλέουσι ἀπὸ τοῦ παλαιοῦ οἱ Ἴωνες, ὅτι κοτὲ ἐν σπάνι βύβλων ἐχρέωντο διφθέρῃσι αἰγέῃσί τε καὶ οἰέῃσι·
また、イオニア人は昔からパピルスの書物を「皮」と呼んでいる。 なぜなら、かつてパピルスが不足していた時に、彼らは山羊や羊の皮を用いていたからである。
ἔτι δὲ καὶ τὸ κατʼ ἐμὲ πολλοὶ τῶν βαρβάρων ἐς τοιαύτας διφθέρας γράφουσι.
そして、私の時代においてもなお、異民族の多くがそのような皮に文字を書いている。