§5.31.1ἀπικόμενος δὲ ὁ Ἀρισταγόρης ἐς τὰς Σάρδις λέγει πρὸς τὸν Ἀρταφρένεα ὡς Νάξος εἴη νῆσος μεγάθεϊ μὲν οὐ μεγάλη, ἄλλως δὲ καλή τε καὶ ἀγαθὴ καὶ ἀγχοῦ Ἰωνίης, χρήματα δὲ ἔνι πολλὰ καὶ ἀνδράποδα. σὺ ὦν ἐπὶ ταύτην τὴν χώρην στρατηλάτεε, κατάγων ἐς αὐτὴν τοὺς φυγάδας ἐξ αὐτῆς. §5.31.2καί τοι ταῦτα ποιήσαντι τοῦτο μὲν ἐστὶ ἕτοιμα παρʼ ἐμοὶ χρήματα μεγάλα πάρεξ τῶν ἀναισιμωμάτων τῇ στρατιῇ· ταῦτα μὲν γὰρ δίκαιον ἡμέας τοὺς ἄγοντας παρέχειν ἐστί· τοῦτο δὲ νήσους βασιλέι προσκτήσεαι αὐτήν τε Νάξον καὶ τὰς ἐκ ταύτης ἠρτημένας, Πάρον καὶ Ἄνδρον καὶ ἄλλας τὰς Κυκλάδας καλευμένας. §5.31.3ἐνθεῦτεν δὲ ὁρμώμενος εὐπετέως ἐπιθήσεαι Εὐβοίῃ νήσῳ μεγάλῃ τε καὶ εὐδαίμονι, οὐκ ἐλάσσονι Κύπρου καὶ κάρτα εὐπετέι αἱρεθῆναι. ἀποχρῶσι δὲ ἑκατὸν νέες ταύτας πάσας χειρώσασθαι. ὁ δὲ ἀμείβετο αὐτὸν τοῖσιδε. §5.31.4σὺ ἐς οἶκον τὸν βασιλέος ἐξηγητὴς γίνεαι πρηγμάτων ἀγαθῶν, καὶ ταῦτα εὖ παραινέεις πάντα, πλὴν τῶν νεῶν τοῦ ἀριθμοῦ· ἀντὶ δὲ ἑκατὸν νεῶν διηκόσιαί τοι ἕτοιμοι ἔσονται ἅμα τῷ ἔαρι. δεῖ δὲ τούτοισι καὶ αὐτὸν βασιλέα συνέπαινον γίνεσθαι.
サルディスに到着したアリスタゴラスは、アルタプレネスに、ナクソスは大きさこそ大きくないものの、その他の点では美しく豊かでイオニアにも近く、その中には多くの富と奴隷がいる島であると語った。「それゆえ、あなたはこの地へ遠征し、そこから追放された亡命者たちをそこへ帰還させなさい。そして、あなたがこれを行うならば、一方では、軍隊のための経費とは別に、私の手元に多額の資金が用意されています。というのも、彼らを連れ戻す我々がその経費を提供することが当然だからです。他方では、あなたは王のために、ナクソス自体と、これに従属しているパロス、アンドロス、およびキクラデスと呼ばれる他の島々を獲得することになるでしょう。そこから出撃すれば、あなたは、キプロスに劣らず大きく繁栄しており、極めて攻略しやすいエウボイア島を容易に攻撃することができるでしょう。これらすべての島を制圧するには、百隻の船があれば十分です。」すると、アルタプレネスは彼に次のように答えた。「あなたは王の家のために有益な事柄の提案者となってくれており、船の数を除いては、これらすべてを立派に勧めてくれている。百隻の船の代わりに、春の始まりとともに二百隻の船があなたのために用意されるであろう。ただし、このことには王ご自身も同意される必要がある。」