§4.118.1ἐπὶ τούτων ὦν τῶν καταλεχθέντων ἐθνέων τοὺς βασιλέας ἁλισμένους ἀπικόμενοι τῶν Σκυθέων οἱ ἄγγελοι ἔλεγον ἐκδιδάσκοντες ὡς ὁ Πέρσης, ἐπειδή οἱ τὰ ἐν τῇ ἠπείρῳ τῇ ἑτέρῃ πάντα κατέστραπται, γέφυραν ζεύξας ἐπὶ τῷ αὐχένι τοῦ Βοσπόρου διαβέβηκε ἐς τήνδε τὴν ἤπειρον, διαβὰς δὲ καὶ καταστρεψάμενος Θρήικας γεφυροῖ ποταμὸν Ἴστρον, βουλόμενος καὶ τάδε πάντα ὑπʼ ἑωυτῷ ποιήσασθαι.
それゆえ、スキタイの使者たちは、これら列挙された諸民族の王たちが集まっているところへ到着すると、詳細に次のように説明して語った。 すなわち、ペルシアの王は、もう一方の大陸にあるものすべてをすでに服従させたので、ボスポラスの首に橋を架けてこちらの大陸へと渡り、さらに渡ってトラキア人たちを服従させ、イストロス川に橋を架けつつあり、これらすべての地をも自分の支配下に置くことを望んでいる、と。
§4.118.2ὑμεῖς ὦν μηδενὶ τρόπῳ ἐκ τοῦ μέσου κατήμενοι περιίδητε ἡμέας διαφθαρέντας, ἀλλὰ τὠυτὸ νοήσαντες ἀντιάζωμεν τὸν ἐπιόντα.
「それゆえ、あなたがたは決して、関わりのないところに座したまま我々が滅ぼされるのを見過ごすことなく、心を一にして、侵略者に立ち向かおうではないか。
οὔκων ποιήσετε ταῦτα;
あなたがたはそうしてくれないのだろうか。
ἡμεῖς μὲν πιεζόμενοι ἢ ἐκλείψομεν τὴν χώρην ἢ μένοντες ὁμολογίῃ χρησόμεθα.
もし我々が追いつめられるなら、この土地を立ち去るか、あるいは留まって協定を結ぶことになるだろう。
§4.118.3τί γὰρ πάθωμεν μὴ βουλομένων ὑμέων τιμωρέειν;
というのも、あなたがたが援助することを望まないなら、我々は一体どうなってしまうだろうか。
ὑμῖν δὲ οὐδὲν ἐπὶ τούτῳ ἔσται ἐλαφρότερον.
そうしたからといって、あなたがたにとって事態が少しでも容易になるわけではない。
ἥκει γὰρ ὁ Πέρσης οὐδέν τι μᾶλλον ἐπʼ ἡμέας ἢ οὐ καὶ ἐπʼ ὑμέας, οὐδέ οἱ καταχρήσει ἡμέας καταστρεψαμένῳ ὑμέων ἀπέχεσθαι.
なぜなら、ペルシア人は我々に対して攻めてきているのと全く同様に、あなたがたに対しても攻めてきているのであり、我々を征服した後にあなたがたに手を触れずにいることで、彼が満足することもないからである。
§4.118.4μέγα δὲ ὑμῖν λόγων τῶνδε μαρτύριον ἐρέομεν.
この言葉の重大な証拠をあなたがたに示そう。
εἰ γὰρ ἐπʼ ἡμέας μούνους ἐστρατηλάτεε ὁ Πέρσης τίσασθαι τῆς πρόσθε δουλοσύνης βουλόμενος, χρῆν αὐτὸν πάντων τῶν ἄλλων ἀπεχόμενον ἰέναι οὕτω ἐπὶ τὴν ἡμετέρην, καὶ ἂν ἐδήλου πᾶσι ὡς ἐπὶ Σκύθας ἐλαύνει καὶ οὐκ ἐπὶ τοὺς ἄλλους.
もし仮に、ペルシア人がかつての奴隷状態の報復を望んで我々だけに対して遠征しているのであるなら、彼は他のすべての者たちには手を出さず、このように我々の土地へと直進すべきであった。 そうすれば、彼が他ならぬスキタイ人に攻め入っているのであって、他の者たちではないということが、すべての人に明らかになったであろう。
§4.118.5νῦν δὲ ἐπείτε τάχιστα διέβη ἐς τήνδε τὴν ἤπειρον, τοὺς αἰεὶ ἐμποδὼν γινομένους ἡμεροῦται πάντας·
しかし実際には、彼はこちらの大陸に渡るやいなや、行く手に立ち塞がる者をことごとく服従させている。
τούς τε δὴ ἄλλους ἔχει ὑπʼ ἑωυτῷ Θρήικας καὶ δὴ καὶ τοὺς ἡμῖν ἐόντας πλησιοχώρους Γέτας.
現に、他のトラキア人たち、そして特に我々に隣接しているゲタイ人をもすでに自分の支配下に置いているのだ。 」