§3.76.1οἱ δὲ δὴ ἑπτὰ τῶν Περσέων ὡς ἐβουλεύσαντο αὐτίκα ἐπιχειρέειν τοῖσι Μάγοισι καὶ μὴ ὑπερβάλλεσθαι, ἤισαν εὐξάμενοι τοῖσι θεοῖσι, τῶν περὶ Πρηξάσπεα πρηχθέντων εἰδότες οὐδέν.
一方、ペルシア人の七人は、すぐにマゴスたちに襲いかかり、引き延ばさないことを相談して決めると、神々に祈りを捧げて出発したが、プレクサスペスの身に起こったことについては何も知らなかった。
§3.76.2ἔν τε δὴ τῇ ὁδῷ μέσῃ στείχοντες ἐγίνοντο καὶ τὰ περὶ Πρηξάσπεα γεγονότα ἐπυνθάνοντο.
彼らが道の途中で進んでいると、プレクサスペスに起こった出来事を耳にした。
ἐνθαῦτα ἐκστάντες τῆς ὁδοῦ ἐδίδοσαν αὖτις σφίσι λόγους, οἳ μὲν ἀμφὶ τὸν Ὀτάνην πάγχυ κελεύοντες ὑπερβαλέσθαι μηδὲ οἰδεόντων τῶν πρηγμάτων ἐπιτίθεσθαι, οἳ δὲ ἀμφὶ τὸν Δαρεῖον αὐτίκα τε ἰέναι καὶ τὰ δεδογμένα ποιέειν μηδὲ ὑπερβάλλεσθαι.
そこで彼らは道から脇に退き、再び互いに議論を交わした。 オタネスの一派は、絶対に引き延ばすべきであり、事態が緊迫しているときに攻撃すべきではないと強く主張し、他方ダレイオスの一派は、すぐに赴いて決定されたことを実行し、引き延ばさないことを主張した。
§3.76.3ὠθιζομένων δʼ αὐτῶν ἐφάνη ἰρήκων ἑπτὰ ζεύγεα δύο αἰγυπιῶν ζεύγεα διώκοντα καὶ τίλλοντά τε καὶ ἀμύσσοντα.
彼らが押し問答をしていると、七対のハヤブサが二対のハゲワシを追いかけ、その羽をむしり、引き裂いているのが現れた。
ἰδόντες δὲ ταῦτα οἱ ἑπτὰ τήν τε Δαρείου πάντες αἴνεον γνώμην καὶ ἔπειτα ἤισαν ἐπὶ τὰ βασιλήια τεθαρσηκότες τοῖσι ὄρνισι.
これを見た七人は全員がダレイオスの意見を支持し、それから鳥たちの兆しに勇気を得て王宮へと向かった。