§3.65.1τότε μὲν τοσαῦτα.
その時はこれだけであった。
ἡμέρῃσι δὲ ὕστερον ὡς εἴκοσι μεταπεμψάμενος Περσέων τῶν παρεόντων τοὺς λογιμωτάτους ἔλεγέ σφι τάδε.
しかし約二十日後、彼は居合わせたペルシア人のうち最も有力な者たちを呼び寄せ、彼らに次のように語った。
ὦ Πέρσαι, καταλελάβηκέ με, τὸ πάντων μάλιστα ἔκρυπτον πρηγμάτων, τοῦτο ἐς ὑμέας ἐκφῆναι.
「ペルシアの人々よ、私があらゆる事柄のうちで最も秘匿していたそのことを、あなた方に明かさざるを得ない事態が私に降りかかった。
§3.65.2ἐγὼ γὰρ ἐὼν ἐν Αἰγύπτῳ εἶδον ὄψιν ἐν τῷ ὕπνῳ, τὴν μηδαμὰ ὄφελον ἰδεῖν·
というのも、私はエジプトにいた時に夢の中で一つの幻を見たが、それは決して見るべきではなかったものだ。
ἐδόκεον δέ μοι ἄγγελον ἐλθόντα ἐξ οἴκου ἀγγέλλειν ὡς Σμέρδις ἱζόμενος ἐς τὸν βασιλήιον θρόνον ψαύσειε τῇ κεφαλῇ τοῦ οὐρανοῦ.
我が家から使者がやって来て、スメルディスが王座に座り、その頭で天に触れたと告げているように私には思われたのだ。
§3.65.3δείσας δὲ μὴ ἀπαιρεθέω τὴν ἀρχὴν πρὸς τοῦ ἀδελφεοῦ, ἐποίησα ταχύτερα ἢ σοφώτερα·
弟によって支配権を奪われるのではないかと恐れ、私は賢明であるよりは性急に行動してしまった。
ἐν τῇ γὰρ ἀνθρωπηίῃ φύσι οὐκ ἐνῆν ἄρα τὸ μέλλον γίνεσθαι ἀποτρέπειν.
人間の本性には、起ころうとしていることを阻むことは不可能だったのだ。
ἐγὼ δὲ ὁ μάταιος Πρηξάσπεα ἀποπέμπω ἐς Σοῦσα ἀποκτενέοντα Σμέρδιν.
そして愚かにも私は、スメルディスを殺害させるためにプレクサスペスをスサへと送り出した。
ἐξεργασθέντος δὲ κακοῦ τοσούτου ἀδεῶς διαιτώμην, οὐδαμὰ ἐπιλεξάμενος μή κοτέ τίς μοι Σμέρδιος ὑπαραιρημένου ἄλλος ἐπανασταίη ἀνθρώπων.
それほどの大悪が成し遂げられると、私は、スメルディスが除かれた以上、他の誰かが私に対して反乱を起こすことなど決してあるまいと考え、恐れを抱かずに暮らしていた。
§3.65.4παντὸς δὲ τοῦ μέλλοντος ἔσεσθαι ἁμαρτὼν ἀδελφεοκτόνος τε οὐδὲν δέον γέγονα καὶ τῆς βασιληίης οὐδὲν ἧσσον ἐστέρημαι·
しかし、将来起こるはずのすべてのことを見誤り、私は無駄に兄弟殺しとなり、しかも王位を奪われることには変わりがなかった。
Σμέρδις γὰρ δὴ ἦν ὁ Μάγος τόν μοι ὁ δαίμων προέφαινε ἐν τῇ ὄψι ἐπαναστήσεσθαι.
あの夢の幻の中で、神が私に反乱を起こすであろうと予示していた『スメルディス』とは、実にあのマゴスのことだったからだ。
§3.65.5τὸ μὲν δὴ ἔργον ἐξέργασταί μοι, καὶ Σμέρδιν τὸν Κύρου μηκέτι ὑμῖν ἐόντα λογίζεσθε·
さて、その行為は私によってなされてしまった。 だから、キュロスの子スメルディスはもうあなた方のもとには存在しないものと思いなさい。
οἱ δὲ ὑμῖν Μάγοι κρατέουσι τῶν βασιληίων, τόν τε ἔλιπον ἐπίτροπον τῶν οἰκίων καὶ ὁ ἐκείνου ἀδελφεὸς Σμέρδις.
だが、あなた方の王権を握っているのはマゴスたち、すなわち、私が家の管理人として残した者とその弟スメルディスである。
τὸν μέν νυν μάλιστα χρῆν ἐμεῦ αἰσχρὰ πρὸς τῶν Μάγων πεπονθότος τιμωρέειν ἐμοί, οὗτος μὲν ἀνοσίῳ μόρῳ τετελεύτηκε ὑπὸ τῶν ἑωυτοῦ οἰκηιοτάτων·
ところで、マゴスたちから恥ずべき仕打ちを受けた私に代わって、誰よりも復讐すべきであった当の人物は、彼自身の最も身近な者たちの手によって、不条理な死を遂げてしまった。
§3.65.6τούτου δὲ μηκέτι ἐόντος, δεύτερα τῶν λοιπῶν ὑμῖν ὦ Πέρσαι γίνεταί μοι ἀναγκαιότατον ἐντέλλεσθαι τὰ θέλω μοι γενέσθαι τελευτῶν τὸν βίον·
彼がもはや存在しない以上、ペルシアの人々よ、残されたことの中で次に最善のこととして、生涯を終えようとしている私が望むことをあなた方に命じることが、私にとって最も切実な義務となる。
καὶ δὴ ὑμῖν τάδε ἐπισκήπτω θεοὺς τοὺς βασιληίους ἐπικαλέων καὶ πᾶσι ὑμῖν καὶ μάλιστα Ἀχαιμενιδέων τοῖσι παρεοῦσι, μὴ περιιδεῖν τὴν ἡγεμονίην αὖτις ἐς Μήδους περιελθοῦσαν, ἀλλʼ εἴτε δόλῳ ἔχουσι αὐτὴν κτησάμενοι, δόλῳ ἀπαιρεθῆναι ὑπὸ ὑμέων, εἴτε καὶ σθένεϊ τεῷ κατεργασάμενοι, σθένεϊ κατὰ τὸ καρτερὸν ἀνασώσασθαι.
そこで、王家の神々に誓い、あなた方全員、とりわけここに居合わせるアカイメネス家の人々に、この支配権が再びメディア人の手に渡るのを黙って見過ごしてはならないと命じる。 彼らが策謀によってそれを手に入れたのであれば、あなた方の策謀によって奪い返すべきであり、あるいは何らかの武力によってそれを成し遂げたのであれば、あなた方も全力の武力をもってそれを取り戻さねばならない。
§3.65.7καὶ ταῦτα μὲν ποιεῦσι ὑμῖν γῆ τε καρπὸν ἐκφέροι καὶ γυναῖκές τε καὶ ποῖμναι τίκτοιεν, ἐοῦσι ἐς τὸν ἅπαντα χρόνον ἐλευθέροισι·
そして、あなた方がこれを行うならば、大地はあなた方に実りをもたらし、妻たちや家畜の群れは子を産み、あなた方は永久に自由であり続けるように。
μὴ δὲ ἀνασωσαμένοισι τὴν ἀρχὴν μηδʼ ἐπιχειρήσασι ἀνασώζειν τὰ ἐναντία τούτοισι ἀρῶμαι ὑμῖν γενέσθαι, καὶ πρὸς ἔτι τούτοισι τὸ τέλος Περσέων ἑκάστῳ ἐπιγενέσθαι οἷον ἐμοὶ ἐπιγέγονε.
しかし、支配権を取り戻さず、取り戻そうと試みさえもしないならば、これらと正反対のことがあなた方に起こるよう私は呪い、さらにその上に、ペルシア人一人一人に私に訪れたのと同じような最期が訪れるよう呪う。
ἅμα τε εἴπας ταῦτα ὁ Καμβύσης ἀπέκλαιε πᾶσαν τὴν ἑωυτοῦ πρῆξιν.
」こう言うと同時に、カンビュセスは自分の歩んだすべての運命を嘆いて泣いた。