§3.40.1καί κως τὸν Ἄμασιν εὐτυχέων μεγάλως ὁ Πολυκράτης οὐκ ἐλάνθανε, ἀλλά οἱ τοῦτʼ ἦν ἐπιμελές.
そして、ポリュクラテスが大いなる幸運に恵まれていることは、どういうわけかアマシスの目にとまらないではおかなかった。 むしろ、彼にとってこれが懸念の種であった。
πολλῷ δὲ ἔτι πλεῦνός οἱ εὐτυχίης γινομένης γράψας ἐς βυβλίον τάδε ἐπέστειλε ἐς Σάμον.
さらに多くの幸運が彼に重なるに及んで、アマシスは書簡に次のように書き記してサモスへ送り届けた。
Ἄμασις Πολυκράτεϊ ὧδε λέγει.
「アマシスはポリュクラテスに次のように告げる。
§3.40.2ἡδὺ μὲν πυνθάνεσθαι ἄνδρα φίλον καὶ ξεῖνον εὖ πρήσσοντα·
友であり客連である男がうまくやっていると聞くのは、喜ばしいことである。
ἐμοὶ δὲ αἱ σαὶ μεγάλαι εὐτυχίαι οὐκ ἀρέσκουσι, τὸ θεῖον ἐπισταμένῳ ὡς ἔστι φθονερόν·
しかし、私にはあなたのその大きな幸運が気に入らない。 神的なものが嫉妬深いものであることを、私は知っているからである。
καί κως βούλομαι καὶ αὐτὸς καὶ τῶν ἂν κήδωμαι τὸ μέν τι εὐτυχέειν τῶν πρηγμάτων τὸ δὲ προσπταίειν, καὶ οὕτω διαφέρειν τὸν αἰῶνα ἐναλλὰξ πρήσσων ἢ εὐτυχέειν τὰ πάντα.
そして私は、自分自身についても、自分が気にかける者たちについても、物事のある部分では成功し、別のある部分ではつまずくことを望み、すべてにおいて幸運であり続けるよりは、むしろ交互に異なる運命を経験しながらこのように生涯を送り届けたいと思う。
§3.40.3οὐδένα γάρ κω λόγῳ οἶδα ἀκούσας ὅστις ἐς τέλος οὐ κακῶς ἐτελεύτησε πρόρριζος, εὐτυχέων τὰ πάντα.
なぜなら、すべてにおいて幸運でありながら、最後には根こそぎ滅ぼされて悲惨な最期を遂げなかった者を、私は未だかつて噂でも聞いたことがないからである。
σύ νυν ἐμοὶ πειθόμενος ποίησον πρὸς τὰς εὐτυχίας τοιάδε·
あなたは今、私の言葉に従って、自らの幸運に対して次のようにしなさい。
§3.40.4φροντίσας τὸ ἂν εὕρῃς ἐόν τοι πλείστου ἄξιον καὶ ἐπʼ ᾧ σὺ ἀπολομένῳ μάλιστα τὴν ψυχὴν ἀλγήσεις, τοῦτο ἀπόβαλε οὕτω ὅκως μηκέτι ἥξει ἐς ἀνθρώπους·
あなたにとって最も価値があり、それが失われたときに最も深く心を痛めるであろうと思われるものをよく考え抜いた上で、これを、二度と人間の手の届くところに現れないように投げ捨てなさい。
ἤν τε μὴ ἐναλλὰξ ἤδη τὠπὸ τούτου αἱ εὐτυχίαι τοι τῇσι πάθῃσι προσπίπτωσι, τρόπῳ τῷ ἐξ ἐμεῦ ὑποκειμένῳ ἀκέο.
そして、もしこれ以後、あなたの幸運が不運と交互に訪れるようにならないならば、私が提案する方法によって対処しなさい。 」