§2.22.1ἡ δὲ τρίτη τῶν ὁδῶν πολλὸν ἐπιεικεστάτη ἐοῦσα μάλιστα ἔψευσται·
三番目の説は、はるかに最ももっともらしく見えながら、最も誤っている。
λέγει γὰρ δὴ οὐδʼ αὕτη οὐδέν, φαμένη τὸν Νεῖλον ῥέειν ἀπὸ τηκομένης χιόνος·
というのも、この説もまた何も中身のあることを言っておらず、ナイル川が溶けつつある雪から流れていると主張するからである。
ὃς ῥέει μὲν ἐκ Λιβύης διὰ μέσων Αἰθιόπων, ἐκδιδοῖ δὲ ἐς Αἴγυπτον.
この川は、リビアからエチオピア人たちの中央を通って流れ、エジプトへと注ぎ出しているのであるが。
§2.22.2κῶς ὦν δῆτα ῥέοι ἂν ἀπὸ χιόνος, ἀπὸ τῶν θερμοτάτων ῥέων ἐς τὰ ψυχρότερα τὰ πολλά ἐστι;
それでは一体どうして、大半がより冷涼である地域へと、最も暑い地域から流れているのに、雪から流れることがありえようか。
ἀνδρί γε λογίζεσθαι τοιούτων πέρι οἵῳ τε ἐόντι, ὡς οὐδὲ οἰκὸς ἀπὸ χιόνος μιν ῥέειν, πρῶτον μὲν καὶ μέγιστον μαρτύριον οἱ ἄνεμοι παρέχονται πνέοντες ἀπὸ τῶν χωρέων τουτέων θερμοί·
このような事柄について推論することのできる人にとって、それが雪から流れるなどということはありそうにないことだという、第一の、そして最大の証拠を、これらの地域から熱く吹いてくる風が提供している。
§2.22.3δεύτερον δὲ ὅτι ἄνομβρος ἡ χώρη καὶ ἀκρύσταλλος διατελέει ἐοῦσα, ἐπὶ δὲ χιόνι πεσούσῃ πᾶσα ἀνάγκη ἐστὶ ὗσαι ἐν πέντε ἡμέρῃσι, ὥστε, εἰ ἐχιόνιζε, ὕετο ἂν ταῦτα τὰ χωρία·
第二に、この土地は雨が降らず、氷もない状態が常に続いていること。 しかし、雪が降ったなら、五日以内に雨が降ることが絶対的な必然であり、したがって、もし雪が降っていたならば、これらの地域でも雨が降っていたはずである。
τρίτα δὲ οἱ ἄνθρωποι ὑπὸ τοῦ καύματος μέλανες ἐόντες.
第三に、人間たちが暑さのために黒いこと。
§2.22.4ἰκτῖνοι δὲ καὶ χελιδόνες διʼ ἔτεος ἐόντες οὐκ ἀπολείπουσι, γέρανοι δὲ φεύγουσαι τὸν χειμῶνα τὸν ἐν τῇ Σκυθικῇ χώρῃ γινόμενον φοιτῶσι ἐς χειμασίην ἐς τοὺς τόπους τούτους.
また、トビやツバメが一年中そこに留まって去らないこと、そしてツルがスキティア地方に訪れる冬を避けて、越冬のためにこれらの場所へと渡ってくること。
εἰ τοίνυν ἐχιόνιζε καὶ ὅσον ὦν ταύτην τὴν χώρην διʼ ἧς τε ῥέει καὶ ἐκ τῆς ἄρχεται ῥέων ὁ Νεῖλος, ἦν ἂν τούτων οὐδέν, ὡς ἡ ἀνάγκη ἐλέγχει.
それゆえ、もしナイル川が流れ通り、またそこから流れ始めているその地域に、わずかでも雪が降っていたならば、必然性が明らかにしているように、これらの現象は一つとして存在しなかったであろう。