§1.196.1αὕτη μὲν δή σφι ἄρτισις περὶ τὸ σῶμα ἐστί·
これが彼らの肉体に関する身なりである。
νόμοι δὲ αὐτοῖσι ὧδε κατεστᾶσι, ὁ μὲν σοφώτατος ὅδε κατὰ γνώμην τὴν ἡμετέρην, τῷ καὶ Ἰλλυριῶν Ἐνετοὺς πυνθάνομαι χρᾶσθαι.
彼らの間には次のような慣習が確立している。 その中で最も賢明なのは、私の考えによれば次の慣習であり、私はイリュリア人のエネトイ族もこれを用いていると聞き及んでいる。
κατὰ κώμας ἑκάστας ἅπαξ τοῦ ἔτεος ἑκάστου ἐποιέετο τάδε·
毎年一度、各村々で次のことが行われていた。
ὡς ἂν αἱ παρθένοι γενοίατο γάμων ὡραῖαι, ταύτας ὅκως συναγάγοιεν πάσας, ἐς ἓν χωρίον ἐσάγεσκον ἁλέας, πέριξ δὲ αὐτὰς ἵστατο ὅμιλος ἀνδρῶν,
結婚適齢期の乙女たちが現れると、彼女たちをすべて集めて、一箇所に集団で連れて行き、その周囲を男たちの群れが囲んで立った。
§1.196.2ἀνιστὰς δὲ κατὰ μίαν ἑκάστην κῆρυξ πωλέεσκε, πρῶτα μὲν τὴν εὐειδεστάτην ἐκ πασέων·
そして、先触れが一人ずつ彼女たちを立たせては売りに出したが、まずは全員の中で最も容姿の美しい者から始めた。
μετὰ δέ, ὅκως αὕτη εὑροῦσα πολλὸν χρυσίον πρηθείη, ἄλλην ἂν ἐκήρυσσε ἣ μετʼ ἐκείνην ἔσκε εὐειδεστάτη·
その後、この者が多額の金を得て売られると、彼女に次いで最も容姿の美しい別の者を、彼は競売にかけたものだった。
ἐπωλέοντο δὲ ἐπὶ συνοικήσι.
彼女たちは妻として共同生活を送るために売られたのである。
ὅσοι μὲν δὴ ἔσκον εὐδαίμονες τῶν Βαβυλωνίων ἐπίγαμοι, ὑπερβάλλοντες ἀλλήλους ἐξωνέοντο τὰς καλλιστευούσας·
バビロニア人のうち結婚を望む富裕な者たちは、互いに競い合って最も美しい乙女たちを買い取っていた。
ὅσοι δὲ τοῦ δήμου ἔσκον ἐπίγαμοι, οὗτοι δὲ εἴδεος μὲν οὐδὲν ἐδέοντο χρηστοῦ, οἳ δʼ ἂν χρήματά τε καὶ αἰσχίονας παρθένους ἐλάμβανον.
一方で、民衆のうちで結婚を望む者たちは、美しい容姿を全く必要とせず、むしろ金銭を受け取って容姿の劣る乙女たちを引き取っていた。
§1.196.3ὡς γὰρ δὴ διεξέλθοι ὁ κῆρυξ πωλέων τὰς εὐειδεστάτας τῶν παρθένων ἀνίστη ἂν τὴν ἀμορφεστάτην, ἢ εἴ τις αὐτέων ἔμπηρος εἴη, καὶ ταύτην ἂν ἐκήρυσσε, ὅστις θέλοι ἐλάχιστον χρυσίον λαβὼν συνοικέειν αὐτῇ, ἐς ὃ τῷ τὸ ἐλάχιστον ὑπισταμένῳ προσέκειτο.
というのも、先触れが容姿の美しい乙女たちを売り終えると、今度は最も醜い者、あるいは彼女たちの中に不具の者がいればその者を立たせて競売にかけ、誰が最も少ない金を受け取って彼女を妻にすることを望むかを募り、ついに最も少ない額を約束した者に彼女が割り当てられるまでそれを続けたからである。
τὸ δὲ ἂν χρυσίον ἐγίνετο ἀπὸ τῶν εὐειδέων παρθένων καὶ οὕτω αἱ εὔμορφοι τὰς ἀμόρφους καὶ ἐμπήρους ἐξεδίδοσαν.
その金は、容姿の美しい乙女たちから得られたものであり、こうして美しい者たちが、醜い者や不具の者たちに持参金を与えて嫁がせたのである。
ἐκδοῦναι δὲ τὴν ἑωυτοῦ θυγατέρα ὅτεῳ βούλοιτο ἕκαστος οὐκ ἐξῆν, οὐδὲ ἄνευ ἐγγυητέω ἀπάγεσθαι τὴν παρθένον πριάμενον, ἀλλʼ ἐγγυητὰς χρῆν καταστήσαντα ἦ μὲν συνοικήσειν αὐτῇ, οὕτω ἀπάγεσθαι.
また、自分の娘を自分の望む者に嫁がせることは、誰にとっても許されていなかった。 また、買い取った乙女を保証人なしに連れ去ることも許されず、保証人を立てて、必ず彼女を妻にするということを誓わせた上で、そのようにして連れ去らなければならなかった。
§1.196.4εἰ δὲ μὴ συμφεροίατο, ἀποφέρειν τὸ χρυσίον ἔκειτο νόμος.
もし彼らが折り合わなければ、その金を持ち帰ることが法律で定められていた。
ἐξῆν δὲ καὶ ἐξ ἄλλης ἐλθόντα κώμης τὸν βουλόμενον ὠνέεσθαι.
また、望む者であれば、他の村からやって来て買い取ることも許されていた。
§1.196.5ὁ μέν νυν κάλλιστος νόμος οὗτός σφι ἦν, οὐ μέντοι νῦν γε διατελέει ἐών, ἄλλο δέ τι ἐξευρήκασι νεωστὶ γενέσθαι·
さて、彼らにとって最も素晴らしい法律はこれであったが、しかしながら現在ではもはや存続しておらず、彼らは最近になって別の方法を考案して行っている。
ἐπείτε γὰρ ἁλόντες ἐκακώθησαν καὶ οἰκοφθορήθησαν, πᾶς τις τοῦ δήμου βίου σπανίζων καταπορνεύει τὰ θήλεα τέκνα.
というのも、彼らは国を占領されて困窮し、家財を失って以来、生活に困窮した民衆は誰もが、自分の娘たちを売春させているからである。