神々の売買の帰結とソフィストの技法への称賛｜『エウテュデモス』§303（プラトン）ギリシア語原文・日本語訳

§303

ΣΩ. ἴθι δή μοι εὐθύς, ἦ δʼ ὅς, εἰπέ· ἐπειδὴ σὸν ὁμολογεῖς εἶναι τὸν Δία καὶ τοὺς ἄλλους θεούς, ἆρα ἔξεστί σοι αὐτοὺς ἀποδόσθαι ἢ δοῦναι ἢ ἄλλʼ ὅτι ἂν βούλῃ χρῆσθαι ὥσπερ τοῖς ἄλλοις ζῴοις; ἐγὼ μὲν οὖν, ὦ Κρίτων, ὥσπερ πληγεὶς ὑπὸ τοῦ λόγου, ἐκείμην ἄφωνος· ὁ δὲ Κτήσιππός μοι ἰὼν ὡς βοηθήσων, Πυππὰξ ὦ Ἡράκλεις, ἔφη, καλοῦ λόγου.¹ —καὶ ὁ Διονυσόδωρος, πότερον οὖν, ἔφη, ὁ Ἡρακλῆς πυππάξ ἐστιν ἢ ὁ πυππὰξ Ἡρακλῆς; —καὶ ὁ Κτήσιππος, ὦ Πόσειδον, ἔφη, δεινῶν λόγων. ἀφίσταμαι· ἀμάχω τὼ ἄνδρε. ἐνταῦθα μέντοι, ὦ φίλε Κρίτων, οὐδεὶς ὅστις οὐ τῶν παρόντων ὑπερεπῄνεσε τὸν λόγον καὶ τὼ ἄνδρε, καὶ γελῶντες καὶ κροτοῦντες καὶ χαίροντες ὀλίγου παρετάθησαν. ἐπὶ μὲν γὰρ τοῖς ἔμπροσθεν ἐφʼ ἑκάστοις πᾶσι παγκάλως ἐθορύβουν μόνοι οἱ τοῦ Εὐθυδήμου ἐρασταί, ἐνταῦθα δὲ ὀλίγου καὶ οἱ κίονες οἱ ἐν τῷ Λυκείῳ ἐθορύβησάν τʼ ἐπὶ τοῖν ἀνδροῖν καὶ ἥσθησαν. ἐγὼ μὲν οὖν καὶ αὐτὸς οὕτω διετέθην, ὥστε ὁμολογεῖν μηδένας πώποτε ἀνθρώπους ἰδεῖν οὕτω σοφούς, καὶ παντάπασι καταδουλωθεὶς ὑπὸ τῆς σοφίας αὐτοῖν ἐπὶ τὸ ἐπαινεῖν τε καὶ ἐγκωμιάζειν αὐτὼ ἐτραπόμην, καὶ εἶπον· ὦ μακάριοι σφὼ τῆς θαυμαστῆς φύσεως,² οἳ τοσοῦτον πρᾶγμα οὕτω ταχὺ καὶ ἐν ὀλίγῳ χρόνῳ ἐξείργασθον. πολλὰ μὲν οὖν καὶ ἄλλα οἱ λόγοι ὑμῶν καλὰ ἔχουσιν, ὦ Εὐθύδημέ τε καὶ Διονυσόδωρε· ἐν δὲ τοῖς³ καὶ τοῦτο μεγαλοπρεπέστατον, ὅτι τῶν πολλῶν ἀνθρώπων καὶ τῶν σεμνῶν δὴ καὶ δοκούντων τὶ εἶναι οὐδὲν ὑμῖν μέλει, ἀλλὰ τῶν ὁμοίων ὑμῖν μόνον. ἐγὼ γὰρ εὖ οἶδα ὅτι τούτους τοὺς λόγους πάνυ μὲν ἂν ὀλίγοι ἀγαπῷεν ἄνθρωποι ὅμοιοι ὑμῖν, οἱ δʼ ἄλλοι οὕτως ἀγνοοῦσιν αὐτούς, ὥστʼ εὖ οἶδα ὅτι αἰσχυνθεῖεν ἂν μᾶλλον ἐξελέγχοντες τοιούτοις λόγοις τοὺς ἄλλους ἢ αὐτοὶ ἐξελεγχόμενοι. καὶ τόδε αὖ ἕτερον δημοτικόν τι καὶ πρᾷον ἐν τοῖς λόγοις· ὁπόταν φῆτε μήτε καλὸν εἶναι μηδὲν μήτε ἀγαθὸν πρᾶγμα μήτε λευκὸν μηδʼ ἄλλο τῶν τοιούτων μηδέν, μηδὲ τὸ παράπαν ἑτέρων ἕτερον, ἀτεχνῶς μὲν τῷ ὄντι συρράπτετε τὰ στόματα τῶν ἀνθρώπων, ὥσπερ καὶ φατέ· ὅτι δʼ οὐ μόνον τὰ τῶν ἄλλων, ἀλλὰ δόξαιτε ἂν καὶ τὰ ὑμέτερα αὐτῶν, τοῦτο πάνυ χαρίεν τέ ἐστιν καὶ τὸ ἐπαχθὲς τῶν λόγων ἀφαιρεῖται. τὸ δὲ δὴ μέγιστον, ὅτι ταῦτα οὕτως ἔχει ὑμῖν καὶ τεχνικῶς ἐξηύρηται, ὥστʼ ἐν πάνυ ὀλίγῳ χρόνῳ ὁντινοῦν ἂν μαθεῖν⁴ ἀνθρώπων· ἔγνων ἔγωγε καὶ τῷ Κτησίππῳ τὸν νοῦν προσέχων ὡς ταχὺ ὑμᾶς ἐκ τοῦ παραχρῆμα μιμεῖσθαι οἷός τε ἦν.

ソクラテス：「さあ、」と彼は言った、「すぐに私に言ってくれ。ゼウスや他の神々が君のものであると同意するのだから、彼らを売ったり、与えたり、あるいは他の生き物と同じように、望む他のどんな方法でも使用することが君に許されているかね。」そこで私は、クリトンよ、議論に打ちのめされたかのように、口もきけずに横たわっていた。するとクテシッポスが私を助けようと進み出て言った。「おやおや、ヘラクレスよ、見事な議論だ。」 ――するとディオニュソドロスが言った。「では、ヘラクレスがおやおやなのか、それともおやおやがヘラクレスなのかね。」 ――するとクテシッポスが言った。「ポセイドンよ、恐ろしい議論だ。私は退散する。この二人の男には敵わない。」しかしその時、親愛なるクリトンよ、居合わせた人々の中で、その議論と二人の男を絶賛しない者は一人もいなかった。そして彼らは笑い、拍手し、歓喜して、もう少しで疲れ果てて倒れるところだった。というのも、これまでのそれぞれの議論に対しては、エウテュデモスの愛好者たちだけが極めて盛んに騒ぎ立てていたのだが、この時には、リュケイオンの柱さえも二人の男に対して騒ぎ立て、歓喜したかのようだったからだ。私自身もそのような状態になり、これほど知恵のある人々をこれまでに一度も見たことがないと認めざるを得なかった。そして、彼ら二人の知恵に完全に服従させられ、彼らを称賛し、賛辞を贈ることに向かい、こう言った。「おおいなる幸福に恵まれたお二人よ、その驚くべき天性ゆえに。これほど重大な事柄を、これほど素早く、短い時間で成し遂げてしまわれるとは。多くの素晴らしい点があなたがたの議論には他にもありますが、エウテュデモスよ、そしてディオニュソドロスよ、その中でもこれが最も壮麗です。すなわち、多くの人々や、厳かで何者かであると自負しているような人々のことなどあなたがたは全く気にかけず、ただあなたがたに似た人々だけを気にかけられるということです。なぜなら、あなたがたに似たごく少数の人々だけがこれらの議論を好むであろう一方で、他の人々はこれらの議論を非常に理解していないため、このような議論で他人を反駁するくらいなら、自分が反駁される方をむしろ恥じるであろうと確信しているからです。また、議論の中にあるこのもう一つの民主的で穏やかな点として、いかなる美しいものも善いものも、白いものもその他何ものもなく、およそあるものが他のものと異なっているわけでもないとあなたがたが主張されるとき、あなたがた自身もおっしゃる通り、実際に人々の口を完全に縫い合わせてしまわれます。しかし、他人の口だけでなく、あなたがた自身の口さえも縫い合わせているように見えること、これが非常に魅力的であり、議論の押し付けがましさを取り除いてくれています。そして何よりも重大なのは、あなたがたにおいてこれらがこれほど見事に、かつ技術的に発明されているため、人間のうち誰であっても極めて短い時間で習得できるということです。私自身、クテシッポスに注意を向けていて気づいたのですが、彼は即座に、あっという間にあなたがたの真似をすることができていました。」

構文注4 件

303aκαλοῦ λόγου
感嘆の属格（genitive of exclamation）。間投詞 πυππάξ とともに用いられ、感嘆の原因や対象を属格で表す。
303cτῆς θαυμαστῆς φύσεως
原因の属格。形容詞 μακάριοι（および二人称双数代名詞 σφώ）にかかり、「驚くべき天性のゆえに幸いな」という意味を表す。
303cἐν δὲ τοῖς
最上級を強調する慣用表現で、「他のあらゆるものの中でもとりわけ」を意味する。もともと ἐν τοῖς に続く関係代名詞などの省略に由来し、副詞的に機能する。
303eὁντινοῦν ἂν μαθεῖν
結果節を導く ὥστε に続く不定詞句。潜在の ἄν が不定詞 μαθεῖν に伴っており、「人間の中の誰であっても学びうるであろうほどに」という可能性・潜在性を表す。

翻訳：Gemini 3.5 Flash（2026-05-22 公開）・修正履歴（1 件・最終 2026-09-21）

2026-09-21 AI校閲 — 訳文 1 件

urn:cts:greekLit:tlg0059.tlg021.humanitext-grc2:303