対話者の交代と記憶を通じた知識知覚説の吟味｜『テアイテトス』§162-163（プラトン）ギリシア語原文・日本語訳

§162

ΘΕΟ. ὦ Σώκρατες, φίλος ἁνήρ, ὥσπερ σὺ νυνδὴ εἶπες. οὐκ ἂν οὖν δεξαίμην διʼ ἐμοῦ ὁμολογοῦντος ἐλέγχεσθαι Πρωταγόραν, οὐδʼ αὖ σοὶ παρὰ δόξαν ἀντιτείνειν. τὸν οὖν Θεαίτητον πάλιν λαβέ· πάντως καὶ νυνδὴ μάλʼ ἐμμελῶς σοι ἐφαίνετο ὑπακούειν. ΣΩ. ἆρα κἂν εἰς Λακεδαίμονα ἐλθών,¹ ὦ Θεόδωρε, πρὸς τὰς παλαίστρας ἀξιοῖς ἂν ἄλλους θεώμενος γυμνούς, ἐνίους φαύλους, αὐτὸς μὴ ἀντεπιδεικνύναι τὸ εἶδος παραποδυόμενος; ΘΕΟ. ἀλλὰ τί μὴν δοκεῖς, εἴπερ μέλλοιέν μοι ἐπιτρέψειν καὶ πείσεσθαι; ὥσπερ νῦν οἶμαι ὑμᾶς πείσειν ἐμὲ μὲν ἐᾶν θεᾶσθαι καὶ μὴ ἕλκειν πρὸς τὸ γυμνάσιον σκληρὸν ἤδη ὄντα, τῷ δὲ δὴ νεωτέρῳ τε καὶ ὑγροτέρῳ ὄντι προσπαλαίειν. ΣΩ. ἀλλʼ εἰ οὕτως, ὦ Θεόδωρε, σοὶ φίλον, οὐδʼ ἐμοὶ ἐχθρόν, φασὶν οἱ παροιμιαζόμενοι. πάλιν δὴ οὖν ἐπὶ τὸν σοφὸν Θεαίτητον ἰτέον. λέγε δή, ὦ Θεαίτητε, πρῶτον μὲν ἃ νυνδὴ διήλθομεν, ἆρα οὐ σὺ θαυμάζεις εἰ ἐξαίφνης οὕτως ἀναφανήσῃ μηδὲν χείρων εἰς σοφίαν ὁτουοῦν ἀνθρώπων ἢ καὶ θεῶν; ἢ ἧττόν τι οἴει τὸ Πρωταγόρειον μέτρον εἰς θεοὺς ἢ εἰς ἀνθρώπους λέγεσθαι; ΘΕΑΙ. μὰ Δίʼ οὐκ ἔγωγε· καὶ ὅπερ γε ἐρωτᾷς, πάνυ θαυμάζω. ἡνίκα γὰρ διῇμεν ὃν τρόπον λέγοιεν τὸ δοκοῦν ἑκάστῳ τοῦτο καὶ εἶναι τῷ δοκοῦντι, πάνυ μοι εὖ ἐφαίνετο λέγεσθαι· νῦν δὲ τοὐναντίον τάχα μεταπέπτωκεν. ΣΩ. νέος γὰρ εἶ, ὦ φίλε παῖ· τῆς οὖν δημηγορίας ὀξέως ὑπακούεις καὶ πείθῃ. πρὸς γὰρ ταῦτα ἐρεῖ Πρωταγόρας ἤ τις ἄλλος ὑπὲρ αὐτοῦ· ὦ γενναῖοι παῖδές τε καὶ γέροντες, δημηγορεῖτε συγκαθεζόμενοι, θεούς τε εἰς τὸ μέσον ἄγοντες, οὓς ἐγὼ ἔκ τε τοῦ λέγειν καὶ τοῦ γράφειν περὶ αὐτῶν ὡς εἰσὶν ἢ ὡς οὐκ εἰσίν, ἐξαιρῶ,² καὶ ἃ οἱ πολλοὶ ἂν ἀποδέχοιντο ἀκούοντες, λέγετε ταῦτα, ὡς δεινὸν εἰ μηδὲν διοίσει εἰς σοφίαν ἕκαστος τῶν ἀνθρώπων βοσκήματος ὁτουοῦν· ἀπόδειξιν δὲ καὶ ἀνάγκην οὐδʼ ἡντινοῦν λέγετε ἀλλὰ τῷ εἰκότι χρῆσθε, ᾧ εἰ ἐθέλοι Θεόδωρος ἢ ἄλλος τις τῶν γεωμετρῶν χρώμενος γεωμετρεῖν,³ ἄξιος οὐδʼ ἑνὸς μόνου ἂν εἴη. σκοπεῖτε οὖν σύ τε καὶ Θεόδωρος εἰ ἀποδέξεσθε πιθανολογίᾳ τε καὶ εἰκόσι περὶ τηλικούτων λεγομένους λόγους.

テオドロス：ソクラテス、あなたが先ほど言われた通り、あの男（プロタゴラス）は私の友人なのです。ですから、私が同意することによってプロタゴラスが論破されるのを受け入れるわけにはいきませんし、ましてや私の本意に反してあなたに抵抗し続けるわけにもいきません。ですから、再びテアイテトスを相手にしてください。いずれにせよ、先ほども彼はあなたの問いかけに非常に素直に応じていたように見えましたから。ソクラテス：テオドロス、君はスパルタに赴いて、体育場（パライストラ）で他の人々が裸になっているのを、中には貧弱な体つきの者もいるのに、ただ見物しているだけで、自分自身は服を脱いで自らの体格を彼らに示そうとはしない、そんなことを要求するつもりかね。テオドロス：だが、もし彼らが私に任せてくれて、納得してくれるなら、そうすると思わないかね。今、私が君たちを説得して、もう体が硬くなっている私には見物を許し、体育場に引きずり出さないようにしてもらい、もっと若くて柔軟な彼に相撲を取ってもらうつもりでいるようにね。ソクラテス：だが、テオドロス、もしそれが君のお気に召すなら、諺に言うように「私にとっても嫌ではない」ということだ。それでは再び、知恵あるテアイテトスのところへ戻るとしよう。さあ言ってくれ、テアイテトス、まず私たちが先ほど議論したことだが、君は自分がこのように突然、知恵において他のいかなる人間や神々とも何ら劣らない者として現れてきたことに驚いてはいないかね。それとも、プロタゴラスの言う「尺度」は、人間よりも神々に対しては適用されにくいとでも思うかね。テアイテトス：ゼウスにかけて、決してそのようなことはありません。むしろあなたが尋ねられたそのこと自体に、私は大いに驚いています。というのも、各人に思われることが、その思っている人にとってまさにその通りに存在する、と彼らが主張するそのあり方を私たちが検討していたときには、非常にうまく言えているように私には思われたのですが、今では急速に正反対の方向へ一変してしまいました。ソクラテス：親愛なる子よ、君はまだ若いからね。だから、大衆向けの演説に敏感に反応して、説得されてしまうのだ。というのも、これらの事柄に対してプロタゴラス、あるいは彼の代わりに誰か他の人がこう言うだろうからだ。「おお、気高き若者たちよ、そして老人たちよ、君たちは集まって座り、大衆向けの演説をし、神々を議論の場に引き出している。だが私は、神々が存在するか存在しないかについて、語ることからも書くことからも彼らを除外しているのだ。そして君たちは、一般大衆が聞けば受け入れるようなこと、すなわち、人間の各々が知恵においていかなる家畜とも何ら異ならないとしたら恐るべきことだ、といったことを語っている。しかし君たちは、何ら証明や必然的な根拠を述べることなく、ただもっともらしさ（確からしさ）を用いている。もしテオドロスや、他の幾何学者たちの誰かが、これを用いて幾何学を行おうとするなら、ただの一度も相手にされるに値しないだろう。だから、君もテオドロスも、これほど重大な事柄について、説得力のある議論やもっともらしさに基づいて語られる議論を受け入れるべきかどうか、よく考えたまえ」とね。

§163

ΘΕΑΙ. ἀλλʼ οὐ δίκαιον, ὦ Σώκρατες, οὔτε σὺ οὔτε ἂν ἡμεῖς φαῖμεν. ΣΩ. ἄλλῃ δὴ σκεπτέον, ὡς ἔοικεν, ὡς ὅ τε σὸς καὶ ὁ Θεοδώρου λόγος. ΘΕΑΙ. πάνυ μὲν οὖν ἄλλῃ. ΣΩ. τῇδε δὴ σκοπῶμεν εἰ ἄρα ἐστὶν ἐπιστήμη τε καὶ αἴσθησις ταὐτὸν ἢ ἕτερον. εἰς γὰρ τοῦτό που πᾶς ὁ λόγος ἡμῖν ἔτεινεν, καὶ τούτου χάριν τὰ πολλὰ καὶ ἄτοπα ταῦτα ἐκινήσαμεν. οὐ γάρ; ΘΕΑΙ. παντάπασι μὲν οὖν. ΣΩ. ἦ οὖν ὁμολογήσομεν, ἃ τῷ ὁρᾶν αἰσθανόμεθα ἢ τῷ ἀκούειν, πάντα ταῦτα ἅμα καὶ ἐπίστασθαι;⁴ οἷον τῶν βαρβάρων πρὶν μαθεῖν τὴν φωνὴν πότερον οὐ φήσομεν ἀκούειν ὅταν φθέγγωνται, ἢ ἀκούειν τε καὶ ἐπίστασθαι ἃ λέγουσι; καὶ αὖ γράμματα μὴ ἐπιστάμενοι, βλέποντες εἰς αὐτὰ πότερον οὐχ ὁρᾶν ἢ ἐπίστασθαι εἴπερ ὁρῶμεν διισχυριούμεθα; ΘΕΑΙ. αὐτό γε, ὦ Σώκρατες, τοῦτο αὐτῶν, ὅπερ ὁρῶμέν τε καὶ ἀκούομεν, ἐπίστασθαι φήσομεν· τῶν μὲν γὰρ τὸ σχῆμα καὶ τὸ χρῶμα ὁρᾶν τε καὶ ἐπίστασθαι, τῶν δὲ τὴν ὀξύτητα καὶ βαρύτητα ἀκούειν τε ἅμα καὶ εἰδέναι· ἃ δὲ οἵ τε γραμματισταὶ περὶ αὐτῶν καὶ οἱ ἑρμηνῆς διδάσκουσιν, οὔτε αἰσθάνεσθαι τῷ ὁρᾶν ἢ ἀκούειν οὔτε ἐπίστασθαι. ΣΩ. ἄριστά γʼ, ὦ Θεαίτητε, καὶ οὐκ ἄξιόν σοι πρὸς ταῦτα ἀμφισβητῆσαι, ἵνα καὶ αὐξάνῃ. ἀλλʼ ὅρα δὴ καὶ τόδε ἄλλο προσιόν, καὶ σκόπει πῇ αὐτὸ διωσόμεθα. ΘΕΑΙ. τὸ ποῖον δή; ΣΩ. τὸ τοιόνδε· εἴ τις ἔροιτο· ἆρα δυνατὸν ὅτου τις ἐπιστήμων γένοιτό ποτε, ἔτι ἔχοντα μνήμην αὐτοῦ τούτου καὶ σῳζόμενον, τότε ὅτε μέμνηται μὴ ἐπίστασθαι αὐτὸ τοῦτο ὃ μέμνηται; μακρολογῶ δέ, ὡς ἔοικε, βουλόμενος ἐρέσθαι εἰ μαθών τίς τι μεμνημένος μὴ οἶδε. ΘΕΑΙ. καὶ πῶς, ὦ Σώκρατες; τέρας γὰρ ἂν εἴη ὃ λέγεις. ΣΩ. μὴ οὖν ἐγὼ ληρῶ; σκόπει δέ. ἆρα τὸ ὁρᾶν οὐκ αἰσθάνεσθαι λέγεις καὶ τὴν ὄψιν αἴσθησιν; ΘΕΑΙ. ἔγωγε. ΣΩ. οὐκοῦν ὁ ἰδών τι ἐπιστήμων ἐκείνου γέγονεν ὃ εἶδεν κατὰ τὸν ἄρτι λόγον; ΘΕΑΙ. ναί. ΣΩ. τί δέ; μνήμην οὐ λέγεις μέντοι τι; ΘΕΑΙ. ναί. ΣΩ. πότερον οὐδενὸς ἢ τινός; ΘΕΑΙ. τινὸς δήπου. ΣΩ. οὐκοῦν ὧν ἔμαθε καὶ ὧν ᾔσθετο, τοιουτωνί τινων; ΘΕΑΙ. τί μήν; ΣΩ. ὃ δὴ εἶδέ τις, μέμνηταί που ἐνίοτε; ΘΕΑΙ. μέμνηται. ΣΩ. ἦ καὶ μύσας; ἢ τοῦτο δράσας ἐπελάθετο; ΘΕΑΙ. ἀλλὰ δεινόν, ὦ Σώκρατες, τοῦτό γε φάναι.

テアイテトス：しかしソクラテス、そんなことは正しくないと、あなたも私たちも言うでしょう。ソクラテス：そうすると、君とテオドロスの意見によれば、どうやら別の方法で検討しなければならないようだね。テアイテトス：まったくその通り、別の方法で。ソクラテス：では、知識と知覚が果たして同一のものであるのか、それとも異なるものであるのかを、次のように検討してみよう。私たちの議論全体が目指していたのは、おそらくこの点であり、このために私たちはあの多くの奇妙な議論を動かしてきたのだからね。そうではないかね。テアイテトス：まったくその通りです。ソクラテス：では、私たちは、見るか聞くかすることによって知覚するものを、すべて同時に知っている（知識として持っている）と合意するだろうか。例えば、異邦人の言葉を学ぶ前に、彼らが声を出すのを聞いたとき、私たちはそれを聞いていないと言うべきだろうか、それとも聞いていると同時に、彼らの言っていることを知っていると言うべきだろうか。また、文字を知らない人が、文字を見ているとき、見ていないと言うべきだろうか、それとも見ている以上は知っていると主張すべきだろうか。テアイテトス：ソクラテス、私たちはそれらについて、まさに私たちが見たり聞いたりしているそのこと自体を知っている、と言うでしょう。すなわち、前者（文字）についてはその形や色を見ており、かつそれを知っているのだと言い、後者（異邦人の言葉）については、その高低（鋭い音や重い音）を聞いており、同時にそれを知っているのだと言います。しかし、文字の教師たちや通訳たちがそれらについて教える内容については、見ることも聞くこともできず、知ってもいないと言うでしょう。ソクラテス：見事だ、テアイテトス。君がさらに成長するためにも、この点について君に異論を唱えるべきではないね。しかし、次にもう一つの問題が迫っているのを見て、それをどのようにして斥けるべきか考えてみたまえ。テアイテトス：それは一体どのようなものですか。ソクラテス：このようなものだ。もし誰かがこう尋ねたとしたら。「誰かがあることをかつて知るようになり、今なおそのこと自体の記憶を保持し、保存しているとき、まさに覚えているその瞬間に、自分が覚えているそのこと自体を知らないなどということが、果たしてあり得るだろうか」とね。もっとも、私の聞き方は遠回りのようだが、言いたいのは「何かを学んだ人が、それを覚えているのに知らないということはあるか」と尋ねたいのだ。テアイテトス：そんなことがどうしてあり得ましょう、ソクラテス。あなたの言うことは、怪物（あり得ない不条理）のようなものです。ソクラテス：では、私が戯れ言を言っているのではないか、よく考えてみたまえ。見ることは知覚することであり、視覚は知覚であると、君は言わないかね。テアイテトス：言います。ソクラテス：そうすると、何かを見た人は、さきほどの議論に従えば、自分が見たその対象を知っている者になったのだね。テアイテトス：はい。ソクラテス：では、どうだろう。君は「記憶」というものが存在すると言うかね。テアイテトス：はい。ソクラテス：それは何もないものの記憶かね、それとも何らかの対象の記憶かね。テアイテトス：もちろん、何らかの対象の記憶です。ソクラテス：そうすると、その人が学んだことや知覚したこと、そのようなものの記憶かね。テアイテトス：当然そうです。ソクラテス：では、ある人が見たものを、時には覚えているということがあるね。テアイテトス：覚えています。ソクラテス：たとえ目を閉じてもかね。あるいは、そうした（目を閉じた）からといって、忘れてしまうだろうか。テアイテトス：ソクラテス、そんなことを言うのは恐るべき（不条理な）ことです。

構文注4 件

162bἆρα κἂν εἰς Λακεδαίμονα ἐλθών
潜在の ἄν（κἂν の ἄν）が ἀξιοῖς に懸かっており、仮定を伴う穏やかな問いかけを表している。分詞 ἐλθών は条件（「もし行ったならば」）を表す。
162eοὓς ἐγὼ ἔκ τε τοῦ λέγειν καὶ τοῦ γράφειν περὶ αὐτῶν... ἐξαιρῶ
関係代名詞 οὕς に対し、節内でさらに περὶ αὐτῶν という人称代名詞が重複して用いられており、文脈上「彼ら（神々）について」という意味を強調する。また、ὡς εἰσὶν ἢ ὡς οὐκ εἰσίν は間接疑問の形をとるが、ここでは存在するかしないかの判断そのものを議論から排除（ἐξαιρῶ）することを意味する。
162eᾧ εἰ ἐθέλοι Θεόδωρος ἢ ἄλλος τις τῶν γεωμετρῶν χρώμενος γεωμετρεῖν
関係代名詞 ᾧ は前文の τῷ εἰκότι を先行詞とし、分詞 χρώμενος に係る。条件節 εἰ ἐθέλοι に対して帰結節は ἄξιος ἂν εἴη と希求法が使われており、あり得そうにない仮定（潜在・反実）を表現している。
163bἃ τῷ ὁρᾶν αἰσθανόμεθα ἢ τῷ ἀκούειν, πάντα ταῦτα ἅμα καὶ ἐπίστασθαι;
不定詞 ἐπίστασθαι は直前の ἦ οὖν ὁμολογήσομεν に導かれる対格不定詞構文（主語の ἡμᾶς が省略されている）の一部。ταῦτα が ἐπίστασθαι の対格主語ではなく直接目的語であるため、文脈は「私たちはこれらのことをすべて知っていると合意するか」となる。

翻訳：Gemini 3.5 Flash（2026-05-22 公開）・修正履歴（2 件・最終 2026-09-21）

2026-09-21 AI校閲 — 注 1 件
2026-09-21 AI校閲 — 訳文 1 件

urn:cts:greekLit:tlg0059.tlg006.humanitext-grc2:162-163