体質と年代に応じた養生法と老人の気質｜『ヒポクラテス『健康な食事法について』注釈』§1#3（ガレノス）ギリシア語原文・日本語訳

§1#3

Ὥσπερ αἱ διαφοραὶ τῶν ὡρῶν ἐνδείκνυνται διάφορον δίαιταν, οὕτω καὶ τοῦ σώματος αἱ ἕξεις, ἐφ᾿ ἃς¹ νῦν ἧκε συντελέσας τὸν περὶ τῶν ὡρῶν λόγον. ὥσπερ δὲ ἐν ταῖς ὥραις ἐνεδείκνυτο τὴν προσήκουσαν δίαιταν, οὕτω κᾀν ταῖς τοῦ σώματος ἰδέαις. οἱ μὲν γὰρ σαρκώδεις καὶ μαλακοὶ καὶ ἐρυθροὶ διὰ τὴν τῆς κράσεως ὑγρότητα τοιοῦτοι γεγόνασιν. οἱ δὲ ἐναντίως αὐτοῖς διακείμενοι, περὶ ὧν ἐφεξῆς ἐρεῖ, διὰ τὴν ξηρότητα. προσήκει τοιγαροῦν τοὺς μὲν ὑγροὺς ξηροτέρα χρῆσθαι διαίτῃ, τοὺς δὲ ξηροὺς ὑγροτέρᾳ. καὶ εἴπερ ταῦτα ἀληθῶς εἴρηται, πρόδηλον ὅτι καὶ τοὺς εὐκράτους εὐκράτῳ χρῆσθαι προσήκει τῇ διαίτῃ. λέγω δὲ εὐκράτους οὓς οὔτε σαρκώδεις οὔτε ἀσάρκους, ἀλλ᾿ εὐσάρκους ὀνομάζουσι. "Τοὺς δὲ στρυφνοὺς καὶ προσεσταλμένους καὶ πυῤῥοὺς καὶ μέλανας τῇ ὑγροτέρῃ διαίτῃ χρὴ τὸν πλείω διαιτᾶσθαι χρόνον, τὰ γὰρ σώματα τοιαῦτα ὑπάρχει ξηρὰ ἔοντα. "[q.1] Τὰ τῶν κράσεων γνωρίσματα γέγραπταί μοι τελέως ἐν τοῖς περὶ κράσεων ὑπομνήμασιν, ἐν οἷς ὅτι μὲν οἱ στρυφνοὶ, τουτέστιν οἱ σκληροὶ, καὶ οἱ προσεσταλμένοι, τουτέστιν οἱ ἰσχνοὶ, ξηροτέρας εἰσὶ κράσεως, ὡς ἐδιδάξαμεν, ὥσπερ γε καὶ οἱ μέλανες. οὐ μὴν γε τούς γε πυῤῥοὺς εἶναι ἔφαμεν ξηροὺς τὴν κρᾶσιν, ἀλλὰ τοὺς πλησιάζοντας αὐτοῖς κατὰ τὴν χροιὰν, οὓς ξανθοὺς ὀνομάζουσιν, ἐπεί γε καὶ ξανθὴ χολὴ τὴν κρᾶσιν ξηρά ἐστι. χρώμενοι δὲ ἐνίοτε τοῖς ὀνόμασιν οὐκ ἀκριβῶς ἔνιοι τῶν βιβλία γραψάντων τὴν τῶν πραγμάτων διδασκαλίαν ταράσσουσιν. οὕτως γοῦν τινες ὀνομάζουσι τοὺς Γερμανοὺς ξανθοὺς, καίτοι γε οὐκ ὄντας ξανθοὺς, ἐὰν ἀκριβῶς τις ἐθέλῃ καλεῖν, ἀλλὰ πυῤῥούς. τὰ δ᾿ ἄλλα τῆς προκειμένης ῥήσεως ἀληθῶς τε ἅμα καὶ σαφῶς εἴρηται. "Καὶ τοῖσι νέοισι τῶν σωμάτων ξυμφέρει μαλακωτέροισί τε καὶ ὑγροτέροισι χρέεσθαι τοῖσι διαιτήμασιν· ἡ γὰρ ἡλικίη ξηρὴ καὶ τὰ σώματα πέπηγε. τοὺς δὲ πρεσβυτέρους τῷ ξηροτέρῳ χρὴ τρόπῳ τὸ πλεῖον τοῦ χρόνου διάγειν. τὰ γὰρ σώματα ἐν ταύτῃ τῇ ἡλικίῃ ὑγρὰ καὶ μαλθακὰ καὶ ψυχρά.²" [q.2] Ἐπὶ τὰς ἡλικίας μεταβὰς ἐλλιπῆ τὸν διορισμὸν ἐποιήσατο, μὴ τεμὼν εἰς τέσσαρας διαφορὰς αὐτὰς, ἀλλ᾿ εἰς δύο μόνας. ἐχρῆν δ᾿ εἴπερ ἀπὸ τῶν κατὰ τὰς ἡλικίας κράσεων ἔνδειξιν ἔμελλε λήψεσθαι τοῦ τρόπου τῆς διαίτης, ὥσπερ αἱ κράσεις τέτταρές εἰσιν, οὕτω καὶ τὰς ἡλικίας εἰς τέτταρα τεμεῖν, ὑγρὰν μὲν καὶ θερμὴν τὴν τῶν παίδων εἰπόντα, ξηρὰν δὲ καὶ θερμὴν τὴν τῶν ἀκμαζόντων, καὶ ξηρὰν μὲν καὶ ψυχρὰν τὴν τῶν παρακμαζόντων, ὑγρὰν δὲ καὶ ψυχρὰν τὴν τῶν γερόντων. ἀλλὰ τὴν μὲν τῶν παίδων ὑγρὰν εἶναι προσήκει, μὴ δυναμένης γε τῆς αὐξήσεως ἐν ἑτέρᾳ κράσει γενέσθαι. τὴν δὲ τῶν ἀκμαζόντων, ἐπειδὴ παρὰ τὸ προσῆκόν τέ ἐστι θερμοτέρα καὶ ξηροτέρα, συμφέρει χρῆσθαι τοῖς ἐναντίοις διαιτήμασι, καθάπερ γε καὶ τὴν τῶν παρακμαζόντων. ἐπὶ δὲ τῆς τῶν γερόντων ἡλικίας οὐ σμικρόν ἐστι ζήτημα σχεδὸν ἅπασιν ἠμελημένον, ὑπὲρ οὗ μικρὸν ὕστερον ἐρῶ, τὸν περὶ τῶν ἔμπροσθεν ἡλικιῶν συντελέσας λόγον. εἰ γὰρ ὡμολόγηται τὰ παιδία πλέον μὲν ἔχειν ὑγρότητος ἢ συμφέρει τοῖς ἀβλαβῶς ὑγιαίνουσι, πλέον δὲ θερμότητος (οὐ γὰρ ἁπλῶς ἐστι θερμὰ καθάπερ οἱ ἀκμάζοντες, ἀλλὰ κατὰ τὴν ἔμφυτον θερμασίαν, ἥτις εὔκρατός ἐστιν, ἐν αἵματι χρηστῷ τὴν ὕπαρξιν ἔχουσα) τὸ μεταξὺ τῶν παίδων τε καὶ τῶν ἀκμαζόντων,³ ὅπερ ἐστὶν ἐφήβων τε καὶ μειρακίων, εἴη ἂν ἐν τῇ ἀρίστῃ κράσει. τῆς δ᾿ ἀρίστης μέσης οὔσης καὶ τὰ διαιτήματα μέσα τῇ κράσει προσήκει ποιεῖσθαι, μήθ᾿ ὑγρότερον ἐργαζομένους μήτε ξηρότερον, ἢ θερμότερον, ἢ ψυχρότερον αὐτῶν τὸ σῶμα. τὸ μέντοι τῶν παιδίων, εἰ καὶ πλεῖον, ὡς πρὸς ὑγιεινὴν ἕξιν ἔχοι τὸ ὑγρὸν, ὅμως οὐ χρὴ ξηραίνειν· ἀναυξῆ γὰρ αὐτὰ ποιήσομεν. ἐπὶ δὲ τῶν γερόντων, ἐπειδή τινες μὲν αὐτοὺς ὑγροὺς εἶναι λέγουσι, τινὲς δὲ ξηροὺς, ἀδιορίστως ἑκάτεροι, διοριστέον ἡμῖν ἐστι κατὰ τί μὲν αὐτοὺς ὄντας ξηροὺς, κατὰ τί δὲ ὑγρούς. ἐδείχθη δὲ τοῦτο ἐν τοῖς περὶ κράσεων. αὐτοῖς μὲν γὰρ τοῖς στερεοῖς τοῦ σώματος μορίοις ἐδείχθησαν ὄντες ξηροί. περιττώματα δ᾿ ἔχοντες διὰ τὴν ψυχρότητα τῆς κράσεως πολλὰ καὶ δι᾿ αὐτὰ ὑγροὶ λεγόμενοι. κατὰ λόγον οὖν ἔνδειξις ἐναντία τε καὶ διττὴ γίνεται τοῖς ἰατροῖς ἀπὸ τῆς ἡλικίας ταύτης, διὰ μὲν τὴν ξηρότητα τῆς τῶν στερεῶν κράσεως ὑγραίνεσθαι δεομένων αὐτῶν, διὰ δὲ τὴν περιουσίαν τῶν ὑγρῶν ξηραίνεσθαι. πῶς μὲν οὖν ἀμφοτέρων ἄν τις στοχάζοιτο τελέως εἴρηται κατὰ τὴν ὑγιεινὴν πραγματείαν. ἐν δὲ τῷ παρόντι λόγῳ τὸ κεφάλαιον ὧν ἐν ἐκείνῃ γεγράφαμεν εἰπεῖν ἀρκέσει.

季節の違いが異なる養生法を示すように、身体の素質（体質）もまた同様であり、季節に関する議論を完了して、彼は今やこれらに移行した。季節において彼がふさわしい養生法を示したように、身体のタイプ（姿）においてもまた同様である。なぜなら、肉付きが良く、柔らかく、赤みのある人々は、気質の湿り気のためにそのような状態になっているからである。これとは反対の状態にある人々は（彼らについて彼は次に語るであろうが）、乾燥のために［そのような状態になっている］。したがって、湿った人々はより乾燥した養生法を用い、乾燥した人々はより湿った養生法を用いることが適当である。そして、もしこれらのことが真実として語られているなら、よく調和した（気質のバランスが取れた）人々は、よく調和した養生法を用いることが適当であるということは明白である。なお、私が「よく調和した人々」と呼ぶのは、肉付きが良すぎるのでも肉がないのでもなく、「適度な肉付きの」と人々が呼ぶ人たちのことである。 "引き締まった、凝縮した、赤毛の、そして黒い人々は、一年の大半の時間を、より湿った養生法を用いて過ごすべきである。なぜなら、そのような身体は乾燥しているからである。" [q.1]気質の兆候については、私によって『気質について』の註釈書において完全に書かれている。そこにおいて、引き締まった人々、すなわち硬い人々、および凝縮した人々、すなわち痩せた人々が、より乾燥した気質のものであることは、私たちが教えた通りであり、黒い人々がそうであるのと同様である。しかしながら、私たちは「赤毛の人々」が乾燥した気質であるとは言わなかった。むしろ、皮膚の色において彼らに近く、「金髪の人々」と人々が呼ぶ人々がそうである。なぜなら、黄色い胆汁もまたその気質が乾燥しているからである。しかし、書物を書いた人々のうちのある人々は、時として言葉を正確に使わないことで、事物の教えを混乱させている。例えば、ある人々はゲルマン人を「金髪」と呼ぶが、もし誰かが正確に呼びたいと思うなら、彼らは金髪ではなく「赤毛」である。提示された言説のその他の部分は、真実であると同時に明確に語られている。 "そして、若い身体にとっては、より柔らかく、かつ、より湿った養生法を用いることが有益である。なぜなら、その年代は乾燥しており、身体は固まっているからである。一方、より高齢の人々は、一年の大半の時間をより乾燥した方法で過ごすべきである。なぜなら、この年代においては身体が湿っており、柔らかく、かつ冷たいからである。" [q.2]年代へと移行したことで、彼は区分を不完全なものにした。なぜならそれらを四つの違いに分けるのではなく、二つだけに分けたからである。しかし、もし彼が年代ごとの気質から養生の方法の指示を得ようとしていたならば、ちょうど気質が四つあるように、年代もまた四つに分けるべきであった。すなわち、子供の年代は湿って温かく、全盛期の人々の年代は乾燥して温かく、衰退期の人々の年代は乾燥して冷たく、老人の年代は湿って冷たいと言うべきであった。もっとも、子供の年代は湿っているのが適当である。なぜなら成長は他の気質においては起こり得ないからである。また、全盛期の人々については、適度な状態を越えてより温かくかつ乾燥しているため、反対の養生法を用いることが有益であり、それは衰退期の人々の年代についても同様である。しかし、老人の年代については、ほぼすべての人に無視されている小さくない問題があり、これについては、前のいくつかの年代に関する議論を完了した後に、少し後で述べることにする。なぜなら、もし子供たちが、害なく健康である人々にとって有益である以上の湿り気を持っており、またより多くの温かさを持っていると合意されているならば（というのも、彼らは全盛期の人々のように単に熱いのではなく、良質な血液の中に存在している、よく調和した先天的熱によって温かいのであるから）、子供と全盛期の人々との中間、すなわち青年や若者の時期が、最善の気質の中にあることになるであろう。そして、最善のものが中間であるからには、彼らの身体をより湿ったものにすることも、より乾燥したもの、より温かいもの、あるいはより冷たいものにすることもなく、養生法も気質において中間のものにすることが適当である。しかしながら、子供たちの身体は、健康な状態と比較してより多くの湿り気を持っているとしても、乾燥させてはならない。なぜなら、私たちは彼らを成長できなくさせてしまうからである。そして老人については、ある人々は彼らが湿っていると言い、他の人々は乾燥していると言っており、どちらも限定なしに言っているため、私たちは、何において彼らが乾燥しており、何において湿っているのかを区分しなければならない。このことは『気質について』において示された。すなわち、身体の固体の部位そのものにおいては、彼らは乾燥していることが示された。しかし、気質の冷たさのために多くの余剰物を持っており、このことのために湿っていると言われるのである。したがって、道理にかなったこととして、この年代から医師たちに対して反対で二重の指示が生じる。すなわち、固体の気質の乾燥のためには彼らは湿らされる必要があり、湿り気の過剰のためには乾燥させられる必要がある。それゆえ、どのようにして人がこれら両方を完全に目指すことができるかについては、『健康論』において語られている。しかし、現在の議論においては、そこにおいて私たちが書いたことの要点を述べることで十分であろう。

構文注3 件

1ἐφ᾿ ἃς
関係代名詞 ἃς は女性複数であり、直前の αἱ ἕξεις（体質・素質）を先行詞とする。「季節に関する議論を完了して、彼は今やこれら［体質］に移行した」と解釈される。
1ὑγρὰ καὶ μαλθακὰ καὶ ψυχρά
ヒポクラテスの引用文内での老人の身体的特徴。ガレノスはこの「老人＝湿っている」という単純な記述に対し、後に「固体の部位としては乾燥しているが、冷たさゆえの余剰（老廃物）の蓄積により湿っている」という重要な医学的区分（区別の必要性）を提示するための伏線として位置づけている。
1τὸ μεταξὺ τῶν παίδων τε καὶ τῶν ἀκμαζόντων
名詞化された中性単数形容詞句であり、続く希求法 εἴη ἂν の主語として機能している。「子供と全盛期（の大人）の間、すなわち青年期」が最も調和の取れた最善の気質を持つという構造を明瞭に示している。

翻訳：Gemini 3.5 Flash（2026-05-22 公開）・修正履歴（20 件・最終 2026-09-16）

2026-09-16 OCRの誤りの修正 — 原文 20 件

urn:cts:greekLit:tlg0057.tlg086.humanitext-grc1:1#3