現れに従う生活基準と判断停止による心の平静｜『ギリシア哲学者列伝』§9.11.103-9.11.108（ディオゲネス・ラエルティオス）ギリシア語原文・日本語訳

πρὸς οὓς ἀποκρίνονται, Περὶ μὲν ὧν ὡς ἄνθρωποι πάσχομεν, ὁμολογοῦμεν· καὶ γὰρ ὅτι ἡμέρα ἐστὶ καὶ ὅτι ζῶμεν καὶ ἄλλα πολλὰ τῶν ἐν τῷ βίῳ φαινομένων διαγινώσκομεν· περὶ δʼ ὧν οἱ δογματικοὶ διαβεβαιοῦνται τῷ λόγῳ, φάμενοι κατειλῆφθαι, περὶ τούτων ἐπέχομεν ὡς ἀδήλων, μόνα δὲ τὰ πάθη γινώσκομεν. τὸ μὲν γὰρ ὅτι ὁρῶμεν ὁμολογοῦμεν καὶ τὸ ὅτι τόδε νοοῦμεν γινώσκομεν, πῶς δʼ ὁρῶμεν ἢ πῶς νοοῦμεν ἀγνοοῦμεν· καὶ ὅτι τόδε λευκὸν φαίνεται διηγηματικῶς λέγομεν, οὐ διαβεβαιούμενοι ὅτι καὶ ὄντως ἐστί. περὶ δὲ τῆς Οὐδὲν ὁρίζω φωνῆς καὶ τῶν ὁμοίων λέγομεν ὡς οὐ δογμάτων¹·

これに対して彼らは次のように答える。「人間として我々が受動的に経験する事柄については、我々は認めている。事実、昼であることや我々が生きていること、その他生活において現れている多くの事柄を我々は識別している。しかし教条主義者たちが言論によって断言し、把握したと主張している事柄については、それらが非顕著であるとして我々は判断を留保し、ただ受動的経験のみを知るのである。なぜなら、我々が見ているということは我々も認めるし、これこれを思惟しているということは知っているが、どのように見ているのか、あるいはどのように思惟しているのかは知らないからである。また、これこれが白く見えると我々は物語るように述べるが、現に実際にもそうであると断言しているのではない。『私は何も規定しない』という語句やこれに類するものについても、教条（独断）としてではないと我々は述べる。

οὐ γάρ εἰσιν ὅμοια τῷ λέγειν ὅτι σφαιροειδής ἐστιν ὁ κόσμος. ἀλλὰ γὰρ τὸ μὲν ἄδηλον, αἱ δʼ ἐξομολογήσεις εἰσί. ἐν ᾧ οὖν λέγομεν μηδὲν ὁρίζειν, οὐδʼ αὐτὸ τοῦτο ὁρίζομεν. Πάλιν οἱ δογματικοί φασιν καὶ τὸν βίον αὐτοὺς ἀναιρεῖν, ἐν ᾧ πάντʼ ἐκβάλλουσιν ἐξ ὧν ὁ βίος συνέστηκεν. οἱ δὲ ψεύδεσθαί φασιν αὐτούς· οὐ γὰρ τὸ ὁρᾶν ἀναιρεῖν, ἀλλὰ τὸ πῶς ὁρᾶν ἀγνοεῖν. καὶ γὰρ τὸ φαινόμενον τιθέμεθα, οὐχ ὡς καὶ τοιοῦτον ὄν. καὶ ὅτι τὸ πῦρ καίει αἰσθανόμεθα· εἰ δὲ φύσιν ἔχει καυστικὴν ἐπέχομεν.

それらは、宇宙が球形であると述べることとは同種のものではないからである。前者は非顕著な事柄であるが、後者は告白（心情の言明）にすぎない。したがって、我々が何も規定しないと述べるとき、このこと自体をも我々は規定してはいないのである。」再び教条主義者たちは、彼らが生活をも否定している、生活を成り立たせているすべてのものを放逐する点において、と主張する。しかし彼らは、教条主義者が偽りを述べていると言う。「なぜなら、見ること自体を否定しているのではなく、どのように見るかを知らないとしているだけだからである。事実、我々は現れているものを措定するが、それがまさにそのようなものとして存在しているとして措定するのではない。また、火が焼くということを我々は感覚しているが、それが焼く自然本性を持っているか否かについては判断を留保する。

καὶ ὅτι κινεῖταί τις βλέπομεν, καὶ ὅτι φθείρεται πῶς δὲ ταῦτα γίνεται οὐκ ἴσμεν. μόνον οὖν, φασίν, ἀνθιστάμεθα πρὸς τὰ παρυφιστάμενα τοῖς φαινομένοις ἄδηλα. καὶ γὰρ ὅτε τὴν εἰκόνα ἐξοχὰς λέγομεν ἔχειν², τὸ φαινόμενον διασαφοῦμεν· ὅταν δʼ εἴπωμεν μὴ ἔχειν αὐτὴν ἐξοχάς, οὐκέτι ὃ φαίνεται, ἕτερον δὲ λέγομεν· ὅθεν καὶ ὁ Τίμων ἐν τῷ Πύθωνί φησι μὴ ἐκβεβηκέναι τὴν συνήθειαν. καὶ ἐν τοῖς Ἰνδαλμοῖς οὕτω λέγει, "ἀλλὰ τὸ φαινόμενον πάντη σθένει οὗπερ ἂν ἔλθῃ." καὶ ἐν τοῖς Περὶ αἰσθήσεών φησι, τὸ μέλι ὅτι ἐστὶ γλυκὺ οὐ τίθημι, τὸ δʼ ὅτι φαίνεται ὁμολογῶ.

また、ある人が動いているのを目にし、滅びるのを目にするが、これらがどのようにして起こるのかは知らない。したがって、現れているものに付随して生じる非顕著な事柄に対してのみ我々は反対するのである」と彼らは言う。「実際、絵画が凹凸を持っていると我々が言うとき、我々は現れていることを明示している。しかし絵画が凹凸を持っていないと言うとき、もはや現れていることではなく、別のことを言っているのである」。それゆえティモンも『ピュトン』において、日常の習慣から逸脱してはいないと述べている。また『形象詩』においても次のように述べている。「だが現れているものは、それが至るいかなる所でも全面的に力を振るう。」また『感覚について』において彼は言う。「蜂蜜が甘いということは私は措定しないが、甘く見えるということは認める。」

Καὶ Αἰνεσίδημος ἐν τῷ πρώτῳ τῶν Πυρρωνείων λόγων οὐδέν φησιν ὁρίζειν τὸν Πύρρωνα δογματικῶς διὰ τὴν ἀντιλογίαν, τοῖς δὲ φαινομένοις ἀκολουθεῖν. ταὐτὰ δὲ λέγει κἀν τῷ Κατὰ σοφίας κἀν τῷ Περὶ ζητήσεως. ἀλλὰ καὶ Ζεῦξις ὁ Αἰνεσιδήμου γνώριμος ἐν τῷ Περὶ διττῶν λόγων καὶ Ἀντίοχος ὁ Λαοδικεὺς καὶ Ἀπελλᾶς ἐν τῷ Ἀγρίππᾳ τιθέασι τὰ φαινόμενα μόνα. ἔστιν οὖν κριτήριον κατὰ τοὺς σκεπτικοὺς τὸ φαινόμενον, ὡς καὶ Αἰνεσίδημός φησιν· οὕτω δὲ καὶ Ἐπίκουρος. Δημόκριτος δὲ μηδὲν εἶναι τῶν φαινομένων, τὰ δὲ μὴ εἶναι.

アイネシデモスもまた『ピュロン学説論考』第一巻において、ピュロンは論駁対立のゆえに何一つ教条的に規定せず、現れているものに従ったと述べている。彼は『知恵に抗して』および『探究について』においても同じことを述べている。それどころか、アイネシデモスの知己であるゼウクシスも『二重の議論について』において、ラオディケイアのアンティオコスも、アペラスも『アグリッパ』において、現れているもののみを措定している。それゆえ、アイネシデモスが言うように、懐疑派によれば基準とは現れているものなのである。そしてエピクロスも同様である。これに対してデモクリトスは、現れているものはいかなるものも存在せず、それらは存在しないと述べた。

πρὸς τοῦτο τὸ κριτήριον τῶν φαινομένων οἱ δογματικοί φασιν ὅτι ὅτʼ ἀπὸ τῶν αὐτῶν διάφοροι προσπίπτουσι φαντασίαι, ὡς ἀπὸ τοῦ πύργου ἢ στρογγύλου ἢ τετραγώνου, ὁ σκεπτικὸς εἰ μὲν οὐδετέραν προκρινεῖ, ἀπρακτήσει· εἰ δὲ τῇ ἑτέρᾳ κατακολουθήσει, οὐκέτι τὸ ἰσοσθενές, φασί, τοῖς φαινομένοις ἀποδώσει. πρὸς οὓς οἱ σκεπτικοί φασιν ὅτι ὅτε προσπίπτουσιν ἀλλοῖαι φαντασίαι, ἑκατέρας ἐροῦμεν φαίνεσθαι· καὶ διὰ τοῦτο τὰ φαινόμενα τιθέναι ὅτι φαίνεται. τέλος δὲ οἱ σκεπτικοί φασι τὴν ἐποχήν, ᾗ σκιᾶς τρόπον ἐπακολουθεῖ ἡ ἀταραξία, ὥς φασιν οἵ τε περὶ τὸν Τίμωνα καὶ Αἰνεσίδημον·

この「現れているもの」という基準に対して教条主義者たちは次のように言う。同一のものから種々の異なる表象が飛び込んでくるとき、たとえば塔から丸いあるいは四角い表象が生じるとき、もし懐疑派がどちらをも優先させないならば活動できなくなるであろうし、もしどちらか一方に従うならば、彼らの言うように、もはや現れているものたちに同等の力を認めないことになるであろう、と。これに対して懐疑派は次のように言う。異なる表象が飛び込んでくるとき、我々は双方が「現れている」と言うであろう。そしてこの理由ゆえに、現れているからこそ現れているものたちを措定するのだ、と。懐疑派は判断停止こそが終極目的であると言う。それに影のように心の平静が伴うのであると、ティモンやアイネシデモスの周辺の人々は言う。

οὔτε γὰρ τάδʼ ἑλούμεθα ἢ ταῦτα φευξόμεθα ὅσα περὶ ἡμᾶς ἐστι· τὰ δʼ ὅσα περὶ ἡμᾶς οὐκ ἔστιν, ἀλλὰ κατʼ ἀνάγκην, οὐ δυνάμεθα φεύγειν, ὡς τὸ πεινῆν καὶ διψῆν καὶ ἀλγεῖν· οὐκ ἔστι γὰρ λόγῳ περιελεῖν ταῦτα. λεγόντων δὲ τῶν δογματικῶν ὡς δυνήσεται βιοῦν ὁ σκεπτικὸς μὴ φεύγων τό, εἰ κελευσθείη, κρεουργεῖν τὸν πατέρα³, φασὶν οἱ σκεπτικοὶ ὡς δυνήσεται βιοῦν 〈ὥστε〉 * * περὶ τῶν δογματικῶν ζητήσεων ἐπέχειν, οὐ περὶ τῶν βιωτικῶν καὶ τηρητικῶν. ὥστε καὶ αἱρούμεθά τι κατὰ τὴν συνήθειαν καὶ φεύγομεν καὶ νόμοις χρώμεθα. τινὲς δὲ καὶ τὴν ἀπάθειαν, ἄλλοι δὲ τὴν πρᾳότητα τέλος εἰπεῖν φασι τοὺς σκεπτικούς.

「なぜなら、我々の身の回りにあるかぎりの事柄について、これらを選びこれらを避けるということを我々はしないからである。しかし我々の権能のうちにはなく、必然による事柄、たとえば飢えること、渇くこと、苦痛を覚えることなどは、我々は避けることができない。これらを言論によって取り去ることはできないからである」。さらに教条主義者たちが、もし命じられたなら父親を切り刻むようなことを避けないとして、懐疑派はどうして生きることができるのかと問うのに対し、懐疑派は次のように答える。教条的な探究については判断を留保し、生活上および観察上の事柄については留保しないことによって、生きることが可能であると。「それゆえ我々は慣習に従ってあるものを選び、避け、法を用いているのである」。またある人々は無情念を、他の人々は温和を懐疑派の終極目的と呼んだと述べている。

構文注3 件

9.11.103περὶ δὲ τῆς Οὐδὲν ὁρίζω φωνῆς καὶ τῶν ὁμοίων λέγομεν ὡς οὐ δογμάτων
引用句「私は何も規定しない」（Οὐδὲν ὁρίζω）が名詞 φωνῆς の同格的限定として直接置かれている。後半の ὡς οὐ δογμάτων は前置詞 περὶ に呼応した属格句で、「教条（独断）としてではないものとして述べる」という主観的規定・身分を表す接続詞 ὡς の用法である。
9.11.105ὅτε τὴν εἰκόνα ἐξοχὰς λέγομεν ἔχειν
絵画（εἰκών）における陰影法や遠近法による「立体的な突出（起伏、凹凸）」を指す。対格不定詞構文（λέγομεν τὴν εἰκόνα ἔχειν）の内部で ἐξοχάς が ἔχειν の直接目的語となっている。視覚的に浮き彫りに見える現象（τὸ φαινόμενον）を語る日常的言明と、物自体の物理的状態を語る哲学的言明とを対比する文脈である。
9.11.108μὴ φεύγων τό, εἰ κελευσθείη, κρεουργεῖν τὸν πατέρα
分詞 φεύγων の直接目的語として冠詞付き不定詞句 τό... κρεουργεῖν τὸν πατέρα（「父親を切り刻むこと」）が置かれ、その間に間接話法的な仮定条件節 εἰ κελευσθείη（「もし命じられたならば」希求法過去）が挿入されている。

モデル：gemini-3.8-flashurn:cts:greekLit:tlg0004.tlg001.humanitext-grc2:9.11.103-9.11.108