§1## ΠΕΡΙ ΤΩΝ ΕΝ ΚΕΦΑΛΗ ΤΡΩΜΑΤΩΝ.
1.
## 머리 상처에 대하여 1.
Τῶν ἀνθρώπων αἱ κεφαλαὶ οὐδὲν ὁμοίως σφίσιν αὐταῖς, οὐδὲ αἱ ῥαφαὶ τῆς κεφαλῆς πάντων κατὰ ταὐτὰ πεφύκασιν.
사람의 머리는 서로 전혀 닮지 않았으며, 머리의 봉합선 역시 모든 사람에게서 같은 방식으로 생겨나지 않는다.
Ἀλλ᾿ ὅστις μὲν ἔχει ἐκ τοῦ ἔμπροσθεν τῆς κεφαλῆς προβολὴν (ἡ δὲ προβολή ἐστι τὸ τοῦ ὀστέου ἐξέχον στρογγύλον παρὰ τὸ ἄλλο), τουτέου εἰσὶν αἱ ῥαφαὶ πεφυκυῖαι ἐν τῇ κεφαλῇ, ὡς γράμμα τὸ ταῦ, Τ, γράφεται·
그러나 머리 앞쪽에 돌출부(돌출부란 뼈의 다른 부분보다 둥글게 튀어나온 부분을 말한다)를 가진 사람은 머리의 봉합선이 그리스 문자 타우, T, 가 쓰이는 것처럼 생겨나 있다.
τὴν μὲν γὰρ βραχυτέρην γραμμὴν ἔχει πρὸ τῆς προβολῆς ἐπικαρσίην πεφυκυῖαν· τὴν δ᾿ ἑτέρην γραμμὴν ἔχει διὰ μέσης τῆς κεφαλῆς κατὰ μῆκος πεφυκυῖαν ἐς τὸν τράχηλον αἰεί.
왜냐하면 짧은 선은 돌출부 앞쪽에 가로로 생겨나 있고, 다른 선은 머리 한가운데를 지나 세로로 항상 목까지 뻗어 있기 때문이다.
Ὅστις δ᾿ ὄπισθεν τῆς κεφαλῆς τὴν προβολὴν ἔχει, αἱ ῥαφαὶ τουτέῳ πεφύκασι τἀναντία ἢ τῷ προτέρῳ·
반면에 머리 뒤쪽에 돌출부를 가진 사람은 봉합선이 앞서 말한 사람과 반대로 생겨나 있다.
ἡ μὲν γὰρ βραχυτέρη γραμμὴ πρὸ τῆς προβολῆς πέφυκεν ἐπικαρσίη· ἡ δὲ μακροτέρη διὰ μέσης τῇς κεφαλῆς πέφυκε κατὰ μῆκος ἐς τὸ μέτωπον αἰεί.
왜냐하면 짧은 선은 돌출부 앞쪽에 가로로 생겨나 있고, 더 긴 선은 머리 한가운데를 지나 세로로 항상 이마까지 뻗어 있기 때문이다.
Ὅστις δὲ ἀμφοτέρωθεν τῆς κεφαλῆς προβολὴν ἔχει, ἐκ τε τοῦ ἔμπροσθεν καὶ ἐκ τοῦ ὄπισθεν, τουτέῳ αἱ ῥαφαί εἰσιν ὁμοίως πεφυκυῖαι ὡς γράμμα τὸ ἦτα, Η, γράφεται·
또한 머리 양쪽, 즉 앞쪽과 뒤쪽 모두에 돌출부를 가진 사람은 봉합선이 그리스 문자 에타, H, 가 쓰이는 것처럼 생겨나 있다.
πεφύκασι δὲ τῶν γραμμέων αἱ μὲν μακραὶ, πρὸ τῆς προβολῆς ἑκατέρης ἐπικάρσιαι πεφυκυῖαι· ἡ δὲ βραχείη διὰ μέσης τῆς κεφαλῆς κατὰ μῆκος πρὸς ἑκατέρην τελευτῶσα τὴν μακρὴν γραμμήν.
그 선들 중에서 긴 선들은 각각의 돌출부 앞쪽에 가로로 생겨나 있고, 짧은 선은 머리 한가운데를 지나 세로로 뻗어 각각의 긴 선에 닿아 끝난다.
Ὅστις δὲ μηδ᾿ ἑτέρωθι μηδεμίαν προβολὴν ἔχει, οὗτος ἔχει τὰς ῥαφὰς τῆς κεφαλῆς, ὡς γράμμα τὸ χῖ, Χ, γράφεται·
어느 쪽에도 돌출부를 전혀 가지지 않은 사람은 머리의 봉합선이 그리스 문자 키, X, 가 쓰이는 것처럼 생겨나 있다.
πεφύκασι δὲ αἱ γραμμαὶ, ἡ μὲν ἑτέρη ἐπικαρσίη πρὸς τὸν κρόταφον ἀφίκουσα· ἡ δὲ ἑτέρη, κατὰ μῆκος διὰ μέσης τῆς κεφαλῆς.
그 선들의 생겨난 모양은, 한 선은 가로로 관자놀이까지 도달하고, 다른 선은 세로로 머리 한가운데를 지난다.
Δίπλοον δ᾿ ἐστὶ τὸ ὐστέον κατὰ μέσην τὴν κεφαλήν·
머리뼈의 중간 부분에는 판판한 판간층이 있다.
σκληρότατον δὲ καὶ πυκνότατον αὐτέου πέφυκεν τό τε ἀνώτατον, ᾗ ἡ ὁμοχροίη τοῦ ὀστέου ἡ ὑπὸ τῇ σαρκὶ, καὶ τὸ κατώτατον τὸ πρὸς τῇ μήνιγγι, ᾗ ἡ ὁμοχροίη τοῦ ὀστέου ἡ κάτω·
그리고 그 뼈에서 가장 단단하고 가장 조밀한 부분은, 살 아래에 있는 뼈의 겉면인 가장 위쪽 부분과, 뇌막에 접한 뼈의 안쪽 면인 가장 아래쪽 부분이다.
ἀποχωρέον δὲ ἀπὸ τοῦ ἀνωτάτου ὀστέου καὶ τοῦ κατωτάτου, ἀπὸ τῶν σκληροτάτων καὶ πυκνοτάτων ἐπὶ τὸ μαλθακώτερον καὶ ἧσσον πυκνὸν καὶ ἐπικοιλότερον ἐς τὴν διπλόην αἰεί.
그리고 가장 위쪽 뼈와 가장 아래쪽 뼈, 즉 가장 단단하고 가장 조밀한 부분에서 벗어날수록, 항상 더 부드럽고 덜 조밀하며 더 구멍이 많은 판간층으로 향하게 된다.
Ἡ δὲ διπλόη κοιλότατον καὶ μαλθακώτατον καὶ μάλιστα σηραγγῶδές ἐστιν.
판간층은 가장 구멍이 많고 가장 부드러우며 가장 해면상이다.
Ἔστι δὲ καὶ πᾶν τὸ ὀστέον τῆς κεφαλῆς, πλὴν κάρτα ὀλίγου τοῦ τε ἀνωτάτου καὶ τοῦ κατωτάτου, σπόγγῳ ὅμοιον·
또한 가장 위쪽과 가장 아래쪽의 극히 일부를 제외하면 머리뼈 전체가 해면과 같다.
καὶ ἔχει τὸ ὀστέον ἐν ἑωυτῷ ὁκοῖα σαρκία πολλὰ καὶ ὑγρὰ, καὶ εἴ τις αὐτὰ διατρίβοι τοῖσι δακτύλοισιν, αἷμα ἂν διαγίγνοιτο ἐξ αὐτέων.
그리고 뼈는 그 내부에 많고 축축한 살 같은 조직들을 가지고 있어서, 만약 누군가가 이것들을 손가락으로 문지른다면 그것들로부터 피가 흘러나올 것이다.
Ἔνι δ᾿ ἐν τῷ ὀστέῳ καὶ φλέβια λεπτότερα καὶ κοιλότερα, αἵματος πλέα.
뼈 속에는 또한 더 가늘고 비어 있는, 피로 가득 찬 미세한 혈관들이 있다.
Σκληρότητος μὲν οὖν καὶ μαλθακότητος καὶ κοιλότητος ὧδε ἔχει.
따라서 단단함과 부드러움, 구멍이 많음의 상태는 이와 같다.