§7.11.1ἐγὼ δὲ κατὰ τὸ παρὸν ἐπιστήσας τὴν διήγησιν βραχέα βούλομαι διαλεχθῆναι περὶ Φιλίππου, διὰ τὸ ταύτην τὴν ἀρχὴν γενέσθαι τῆς εἰς τοὔμπαλιν μεταβολῆς αὐτοῦ καὶ τῆς ἐπὶ χεῖρον ὁρμῆς καὶ μεταθέσεως.
나로서는 현재 시점에서 서술을 멈추고 필리포스에 대해 짤막하게 이야기하고자 하는데, 이는 이 시점이 그가 정반대 방향으로 변화하고, 더 나쁜 쪽으로 경도되며 전향하게 된 시작이었기 때문이다.
§7.11.2δοκεῖ γάρ μοι τοῖς καὶ κατὰ βραχὺ βουλομένοις τῶν πραγματικῶν ἀνδρῶν περιποιεῖσθαι τὴν ἐκ τῆς ἱστορίας διόρθωσιν ἐναργέστατον εἶναι τοῦτο παράδειγμα.
왜냐하면 역사로부터 얻는 교훈을 아주 조금이라도 몸에 익히고자 하는 실무적인 사람들에게 이것이 가장 명백한 본보기라고 생각되기 때문이다.
§7.11.3καὶ γὰρ διὰ τὸ τῆς ἀρχῆς ἐπιφανὲς καὶ διὰ τὸ τῆς φύσεως λαμπρὸν ἐκφανεστάτας συμβαίνει καὶ γνωριμωτάτας γεγονέναι πᾶσι τοῖς Ἕλλησι τὰς εἰς ἑκάτερον τὸ μέρος ὁρμὰς τοῦ βασιλέως τούτου, παραπλησίως δὲ καὶ τὰ συνεξακολουθήσαντα ταῖς ὁρμαῖς ἑκατέραις ἐκ παραθέσεως.
그의 지위의 현저함과 천성의 눈부심 때문에, 이 왕이 두 방향 중 어느 쪽으로든 경도되었던 것은 모든 그리스인들에게 가장 명백하고 널리 알려진 일이 되었으며, 마찬가지로 대비를 통해 각각의 경도에 수반되었던 결과 또한 그러하기 때문이다.
§7.11.4ὅτι μὲν οὖν αὐτῷ μετὰ τὸ παραλαβεῖν τὴν βασιλείαν τά τε κατὰ Θετταλίαν καὶ Μακεδονίαν καὶ συλλήβδην τὰ κατὰ τὴν ἰδίαν ἀρχὴν οὕτως ὑπετέτακτο καὶ συνέκλινε ταῖς εὐνοίαις ὡς οὐδενὶ τῶν πρότερον βασιλέων, καίτοι νέῳ ὄντι παραλαβόντι τὴν Μακεδόνων δυναστείαν, εὐχερὲς καταμαθεῖν ἐκ τούτων.
그렇다면 그가 왕위를 계승한 뒤에 테살리아와 마케도니아의 상황, 그리고 요컨대 그 자신의 지배 영역의 상황이, 이전에 그 어떤 왕에게도 없었던 만큼 그에게 복종하고 호의로 쏠렸다는 것은, 비록 그가 젊은 나이에 마케도니아인의 지배권을 계승했음에도 불구하고 다음의 사실들로부터 쉽게 알아차릴 수 있다.
§7.11.5συνεχέστατα γὰρ αὐτοῦ περισπασθέντος ἐκ Μακεδονίας διὰ τὸν πρὸς Αἰτωλοὺς καὶ Λακεδαιμονίους πόλεμον, οὐχ οἷον ἐστασίασέ τι τῶν προειρημένων ἐθνῶν, ἀλλʼ οὐδὲ τῶν περιοικούντων ἐτόλμησε βαρβάρων οὐδεὶς ἅψασθαι τῆς Μακεδονίας.
왜냐하면 아이톨리아인 및 라케다이몬인과의 전쟁으로 그가 마케도니아로부터 극히 빈번하게 떠나 있었음에도, 앞서 말한 민족들 중 어느 하나도 반란을 일으키지 않았을 뿐만 아니라 주변의 이민족들 중 누구도 감히 마케도니아에 손을 대지 못했기 때문이다.
§7.11.6καὶ μὴν περὶ τῆς Ἀλεξάνδρου καὶ Χρυσογόνου καὶ τῶν ἄλλων φίλων εὐνοίας καὶ προθυμίας εἰς αὐτὸν οὐδʼ ἂν εἰπεῖν τις δύναιτʼ ἀξίως.
나아가 알렉산드로스와 크리소고노스를 비롯한 여러 친구들이 그에게 보여준 호의와 열성에 대해서는 누구도 걸맞게 말할 수 없을 정도이다.
τὴν δὲ Πελοποννησίων καὶ Βοιωτῶν, §7.11.7ἅμα δὲ τούτοις Ἠπειρωτῶν, Ἀκαρνάνων, ὅσων ἑκάστοις ἀγαθῶν ἐν βραχεῖ χρόνῳ παραίτιος ἐγένετο.
반면에 펠로폰네소스인들과 보이오티아인들의 (호의와 열성에 대해서는), 이들과 함께 에페이로스인들, 아카르나니아인들에 이르기까지, 그가 짧은 시간 동안 각각에게 얼마나 많은 선한 일들의 원인이 되었던가!
§7.11.8καθόλου γε μήν, εἰ δεῖ μικρὸν ὑπερβολικώτερον εἰπεῖν, οἰκειότατʼ ἂν οἶμαι περὶ Φιλίππου τοῦτο ῥηθῆναι, διότι κοινός τις οἷον ἐρώμενος ἐγένετο τῶν Ἑλλήνων διὰ τὸ τῆς αἱρέσεως εὐεργετικόν.
그러나 전반적으로, 만약 조금 과장해서 말하는 것이 허용된다면, 필리포스에 대해 다음과 같이 말하는 것이 가장 적절하리라 생각한다. 즉, 그의 정책의 혜택 가득함 때문에 그는 그리스인들의 공통된 연인과도 같은 존재가 되었다고 말이다.
§7.11.9ἐκφανέστατον δὲ καὶ μέγιστον δεῖγμα περὶ τοῦ τί δύναται προαίρεσις καλοκἀγαθικὴ καὶ πίστις, τὸ πάντας Κρηταιεῖς συμφρονήσαντας καὶ τῆς αὐτῆς μετασχόντας συμμαχίας ἕνα προστάτην ἑλέσθαι τῆς νήσου Φίλιππον, καὶ ταῦτα συντελεσθῆναι χωρὶς ὅπλων καὶ κινδύνων, ὃ πρότερον οὐ ῥᾳδίως ἂν εὕροι τις γεγονός.
고결한 방침과 신의가 얼마나 큰 힘을 가질 수 있는지를 보여주는 가장 명백하고도 가장 큰 증거는, 모든 크레타인들이 한마음이 되어 동일한 동맹에 참여하고 필리포스를 그 섬의 유일한 수호자로 추대했다는 사실이며, 게다가 무기나 위험 없이 이것이 완수되었다는 것인데, 이는 이전에는 결코 쉽게 일어난 것을 찾아볼 수 없는 일이다.
§7.11.10ἀπὸ τοίνυν τῶν κατὰ Μεσσηνίους ἐπιτελεσθέντων ἅπαντα τὴν ἐναντίαν ἐλάμβανε διάθεσιν αὐτῷ·
그리하여 메세니아인들에 대해 행해진 일들로부터 모든 상황은 그에게 정반대의 양상을 띠게 되었다.
καὶ τοῦτο συνέβαινε κατὰ λόγον·
그리고 이는 당연한 귀결이었다.
§7.11.11τραπεὶς γὰρ ἐπὶ τὴν ἀντικειμένην προαίρεσιν τῇ πρόσθεν, καὶ ταύτῃ προστιθεὶς ἀεὶ τἀκόλουθον, ἔμελλε καὶ τὰς τῶν ἄλλων διαλήψεις περὶ αὑτοῦ τρέψειν εἰς τἀναντία καὶ ταῖς τῶν πραγμάτων συντελείαις ἐγκυρήσειν ἐναντίαις ἢ πρότερον.
그가 이전과는 반대되는 방침으로 돌아서서, 이 방침에 늘 그에 따르는 일들을 덧붙여 나갔기 때문에, 그에 대한 다른 이들의 평가 역시 정반대로 돌려놓고, 일들의 결말 또한 이전과는 반대되는 상황에 직면할 수밖에 없었기 때문이다.
§7.11.12ὃ καὶ συνέβη γενέσθαι.
그리고 실제로 그렇게 되었다.
δῆλον δὲ τοῦτʼ ἔσται τοῖς προσέχουσιν ἐπιμελῶς διὰ τῶν ἑξῆς ῥηθησομένων πράξεων.
이 사실은 다음에 서술될 사건들에 주의를 기울이는 이들에게 분명해질 것이다.
[εχξ. πειρ. π. 13. ]
[페이레시우스 발췌록 p.13]