§5.54.1δεξιὸν αὐτὸς εἶχε.
[우익]은 자기가 이끌었다.
μετὰ δὲ ταῦτα ποιησαμένων τῶν δυνάμεων τὴν ἐπαγωγήν, τὸ μὲν δεξιὸν κέρας τοῦ Μόλωνος διετήρησε τὴν πίστιν καὶ συνέβαλε τοῖς περὶ τὸν Ζεῦξιν ἐρρωμένως, τὸ δʼ εὐώνυμον ἅμα τῷ συνιὸν εἰς ὄψιν ἐλθεῖν τῷ βασιλεῖ μετεβάλετο πρὸς τοὺς πολεμίους·
이 후 양측 군세가 돌격을 개시하자, 몰론의 우익은 충성심을 유지하며 제욱시스 휘하의 부대와 힘차게 교전했으나, 좌익은 전진하여 왕의 모습이 눈에 들어오자마자 적의 편으로 투항해 버렸다.
§5.54.2οὗ γενομένου συνέβη τοὺς μὲν περὶ τὸν Μόλωνα διατραπῆναι, τοὺς δὲ τοῦ βασιλέως ἐπιρρωσθῆναι διπλασίως.
이 일이 일어나자 몰론 측 사람들은 낙담한 반면, 왕의 군사들은 용기가 배가되었다.
§5.54.3ὁ δὲ Μόλων συννοήσας τὸ γεγονὸς καὶ πανταχόθεν ἤδη κυκλούμενος, λαβὼν πρὸ ὀφθαλμῶν τὰς ἐσομένας περὶ αὑτὸν αἰκίας, ἐὰν ὑποχείριος γένηται καὶ ζωγρίᾳ ληφθῇ, προσήνεγκε τὰς χεῖρας ἑαυτῷ.
몰론은 일어난 일을 깨닫고 이미 사방으로 포위되어 있었기에, 만약 적의 손에 떨어져 생포될 경우 자신에게 가해질 치욕을 눈앞에 그리며 스스로 목숨을 끊었다.
§5.54.4παραπλησίως δὲ καὶ πάντες οἱ κοινωνήσαντες τῆς ἐπιβολῆς, φυγόντες εἰς τοὺς οἰκείους ἕκαστοι τόπους, τὴν αὐτὴν ἐποιήσαντο τοῦ βίου καταστροφήν.
이와 마찬가지로 음모에 참여했던 모든 이들도 각자 연고지로 도망친 뒤, 똑같이 생을 마감했다.
§5.54.5ὁ δὲ Νεόλαος, ἀποφυγὼν ἐκ τῆς μάχης καὶ παραγενόμενος εἰς τὴν Περσίδα πρὸς Ἀλέξανδρον τὸν τοῦ Μόλωνος ἀδελφόν, τὴν μὲν μητέρα καὶ τὰ τοῦ Μόλωνος τέκνα κατέσφαξε, μετὰ δὲ τὸν τούτων θάνατον ἐπικατέσφαξεν αὑτόν, πείσας τὸ παραπλήσιον ποιῆσαι καὶ τὸν Ἀλέξανδρον.
네올라오스는 전투에서 도망쳐 페르시스의 몰론의 형제인 알렉산드로스에게 이르러, 어머니와 몰론의 자식들을 살해했고, 이들이 죽은 뒤 알렉산드로스에게도 같은 행동을 하도록 설득하고 자신 또한 목숨을 끊었다.
§5.54.6ὁ δὲ βασιλεὺς διαρπάσας τὴν παρεμβολὴν τῶν πολεμίων, τὸ μὲν σῶμα τοῦ Μόλωνος ἀνασταυρῶσαι προσέταξε κατὰ τὸν ἐπιφανέστατον τόπον τῆς Μηδίας.
왕은 적의 진영을 약탈한 뒤, 몰론의 시신을 메디아의 가장 눈에 띄는 장소에 못 박아 매달도록 명령했다.
§5.54.7ὃ καὶ παραχρῆμα συνετέλεσαν οἱ πρὸς τούτοις τεταγμένοι·
이 임무를 맡은 자들은 즉시 이를 실행했다.
διακομίσαντες γὰρ εἰς τὴν Καλλωνῖτιν πρὸς αὐταῖς ἀνεσταύρωσαν ταῖς εἰς τὸν Ζάγρον ἀναβολαῖς·
그들은 시신을 칼로니티스로 운반하여, 자그로스산맥으로 들어가는 길목 바로 그 자리에 못 박아 매달았기 때문이다.
§5.54.8μετὰ ταῦτα δὲ ταῖς δυνάμεσιν ἐπιτιμήσας διὰ πλειόνων καὶ δοὺς δεξιὰν συνέστησε τοὺς ἀποκομιοῦντας αὐτοὺς εἰς Μηδίαν καὶ καταστησομένους τὰ κατὰ τὴν χώραν.
이 후 그는 군대를 장황하게 훈계하고 신뢰의 오른손을 내밀었으며, 그들을 메디아로 데려가 그 지방의 사태를 수습할 지휘관들을 임명했다.
§5.54.9αὐτὸς δὲ καταβὰς εἰς Σελεύκειαν καθίστατο τὰ κατὰ τὰς πέριξ σατραπείας, ἡμέρως χρώμενος πᾶσι καὶ νουνεχῶς.
왕 자신은 셀레우케이아로 내려가 주변 사트라페이아들의 상황을 수습하였으며, 모든 사람을 온화하고 지혜롭게 대했다.
§5.54.10Ἑρμείας δὲ τηρῶν τὴν αὑτοῦ προαίρεσιν ἐπέφερε μὲν αἰτίας τοῖς ἐν τῇ Σελευκείᾳ καὶ χιλίοις ἐζημίου ταλάντοις τὴν πόλιν, ἐφυγάδευε δὲ τοὺς καλουμένους Ἀδειγάνας, ἀκρωτηριάζων δὲ καὶ φονεύων καὶ στρεβλῶν πολλοὺς διέφθειρε τῶν Σελευκέων.
하지만 헤르메이아스는 자신의 고집을 버리지 않고 셀레우케이아 사람들에게 혐의를 씌워 그 도시에 천 달란트의 벌금을 부과했고, 아데이가네스라 불리는 자들을 추방했으며, 많은 셀레우케이아 시민들의 수족을 절단하고 죽이고 고문하여 파멸시켰다.
§5.54.11ἃ μόλις βασιλεύς, τὰ μὲν πείθων τὸν Ἑρμείαν, ἃ δὲ καὶ κατὰ τὴν αὑτοῦ γνώμην χειρίζων, τέλος ἐπράϋνε καὶ κατέστησε τὴν πόλιν, ἑκατὸν καὶ πεντήκοντα τάλαντα μόνον ἐπιτίμιον αὐτοὺς πραξάμενος τῆς ἀγνοίας.
왕은 어떤 때는 헤르메이아스를 설득하고, 어떤 때는 자신의 판단에 따라 일을 처리함으로써 가까스로 사태를 진정시키고 도시를 수습하였으며, 그들의 무지함에 대한 벌금으로 단지 150달란트만을 징수했다.
§5.54.12ταῦτα δὲ διοικήσας Διογένην μὲν στρατηγὸν ἀπέλιπε Μηδίας, Ἀπολλόδωρον δὲ τῆς Σουσιανῆς· Τύχωνα δὲ τὸν ἀρχιγραμματέα τῆς δυνάμεως στρατηγὸν ἐπὶ τοὺς κατὰ τὴν Ἐρυθρὰν θάλατταν τόπους ἐξαπέστειλε.
이 일들을 처리한 후 그는 디오게네스를 메디아의 장군으로 남겨두고, 아폴로도로스를 수시아나의 장군으로 남겨두었으며, 군대의 수석 서기관이었던 티콘을 홍해 연안 지역의 장군으로 파견했다.
§5.54.13τὰ μὲν οὖν κατὰ τὴν Μόλωνος ἀπόστασιν καὶ τὸ διὰ ταῦτα γενόμενον κίνημα περὶ τὰς ἄνω σατραπείας τοιαύτης ἔτυχε διορθώσεως καὶ καταστάσεως.
그리하여 몰론의 반란과 그로 인해 내륙 사트라페이아 지역에 일어났던 소요는 이와 같은 시정과 수습을 맞이하게 되었다.