§4.70.1ποιησάμενος δὲ τὴν πορείαν διὰ τῆς Ἀρκαδίας, καὶ πολλὰς ἀναδεξάμενος χιόνας καὶ ταλαιπωρίας ἐν ταῖς περὶ τὸν Ὀλύγυρτον ὑπερβολαῖς, τῇ τρίτῃ τῶν ἡμερῶν κατῆρε νύκτωρ εἰς Καφύας.
아르카디아를 거쳐 행군하며 올리기르토스 주변의 고개들에서 많은 눈과 고난을 겪은 끝에, 사흘째 되는 날 밤에 카피아이로 내려섰다.
§4.70.2θεραπεύσας δὲ τὴν δύναμιν ἐπὶ δύʼ ἡμέρας ἐνταῦθα, καὶ προσαναλαβὼν Ἄρατον τὸν νεώτερον καὶ τοὺς ἅμα τούτῳ συνηθροισμένους τῶν Ἀχαιῶν, ὥστʼ εἶναι τὴν ὅλην δύναμιν εἰς τοὺς μυρίους, προῆγε διὰ τῆς Κλειτορίας ὡς ἐπὶ Ψωφῖδος, συναθροίζων ἐκ τῶν πόλεων ὧν διεπορεύετο βέλη καὶ κλίμακας.
그곳에서 이틀 동안 군대를 쉬게 하고, 젊은 아라토스와 그와 함께 집결해 있던 아카이아인들을 합류시켜 전군을 약 만 명 규모로 만든 뒤, 지나가는 도시들로부터 투사 무기와 사다리를 수집하면서 클레이토리아 지방을 거쳐 프소피스로 전진했다.
§4.70.3ἡ δὲ Ψωφὶς ἔστι μὲν ὁμολογούμενον καὶ παλαιὸν Ἀρκάδων κτίσμα τῆς Ἀζανίδος, κεῖται δὲ τῆς μὲν συμπάσης Πελοποννήσου κατὰ τὴν μεσόγαιον, αὐτῆς δὲ τῆς Ἀρκαδίας ἐπὶ τοῖς πρὸς δυσμὰς πέρασι, συνάπτουσα τοῖς περὶ τὰς ἐσχατιὰς κατοικοῦσι τῶν προσεσπερίων Ἀχαιῶν·
프소피스는 아자니스 지방에 있는 아르카디아인들의 오래되고 널리 인정받는 식민 도시로, 페로포네소스 반도 전체로 보면 내륙에 위치하지만, 아르카디아 자체로 보면 서쪽 경계에 위치하여 서쪽 변방에 사는 아카이아인들의 거주지와 접해 있다.
§4.70.4ἐπίκειται δʼ εὐφυῶς τῇ τῶν Ἠλείων χώρᾳ, μεθʼ ὧν συνέβαινε τότε πολιτεύεσθαι αὐτήν.
엘리스인들의 영토에 대해 전략적으로 유리한 위치에 자리 잡고 있으며, 당시 이 도시가 엘리스인들과 정치적으로 공동체를 형성하고 있었다.
§4.70.5πρὸς ἣν Φίλιππος τριταῖος ἐκ τῶν Καφυῶν διανύσας, κατεστρατοπέδευε περὶ τοὺς ἀπέναντι τῆς πόλεως ὑπερκειμένους βουνούς, ἀφʼ ὧν ἦν κατοπτεύειν τήν τε πόλιν ὅλην ἀσφαλῶς καὶ τοὺς πέριξ αὐτῆς τόπους.
필리포스는 카피아이로부터 사흘 만에 그곳에 도달하여, 도시 맞은편에 솟아 있는 언덕들 주위에 진을 쳤다. 그곳에서는 도시 전체와 그 주변 지역을 안전하게 내려다볼 수 있었다.
§4.70.6συνθεωρῶν δὲ τὴν ὀχυρότητα τῆς Ψωφῖδος ὁ βασιλεὺς ἠπορεῖτο τί χρὴ ποιεῖν.
왕은 프소피스의 견고함을 꼼꼼히 살펴보며 무엇을 해야 할지 망설였다.
§4.70.7τὴν γὰρ ἀφʼ ἑσπέρας πλευρὰν αὐτῆς καταφέρεται λάβρος χειμάρρους ποταμός, ὃς κατὰ τὸ πλεῖστον μέρος τοῦ χειμῶνος ἄβατός ἐστι, ποιεῖ δὲ καὶ τὸ παράπαν ἐχυρὰν καὶ δυσπρόσοδον τὴν πόλιν διὰ τὸ μέγεθος τοῦ κοιλώματος, ὃ κατὰ βραχὺ τῷ χρόνῳ κατείργασται φερόμενος ἐξ ὑπερδεξίων τόπων.
왜냐하면 그 도시의 서쪽 면으로는 세찬 급류가 흘러내려가는데, 이 시내는 겨울의 대부분 동안 건널 수 없으며, 높은 곳에서부터 흘러내려오며 세월이 흐름에 따라 서서히 만들어낸 거대한 협곡 때문에 도시를 완전히 견고하고 접근하기 어렵게 만들기 때문이다.
§4.70.8παρὰ δὲ τὴν ἀπʼ ἠοῦς πλευρὰν ἔχει τὸν Ἐρύμανθον, μέγαν καὶ λάβρον ποταμόν, ὑπὲρ οὗ πολὺς καὶ ὑπὸ πολλῶν τεθρύληται λόγος.
또한 동쪽 면을 따라서는 크고 세찬 에리만토스 강이 흐르고 있는데, 이 강에 대해서는 많은 사람들에 의해 수많은 이야기가 전해 내려오고 있다.
§4.70.9τοῦ δὲ χειμάρρου προσπίπτοντος πρὸς τὸν Ἐρύμανθον ὑπὸ τὸ πρὸς μεσημβρίαν μέρος τῆς πόλεως, συμβαίνει τὰς μὲν τρεῖς ἐπιφανείας αὐτῆς ὑπὸ τῶν ποταμῶν περιλαμβανομένας ἀσφαλίζεσθαι τὸν προειρημένον τρόπον·
이 급류가 도시의 남쪽 부분 아래에서 에리만토스 강과 합류하기 때문에, 도시의 세 면이 이 강들에 의해 둘러싸여 앞서 말한 방식으로 안전하게 보호되고 있다.
§4.70.10τῇ δὲ λοιπῇ, τῇ πρὸς ἄρκτον, βουνὸς ἐρυμνὸς ἐπίκειται τετειχισμένος, ἄκρας εὐφυοῦς καὶ πραγματικῆς λαμβάνων τάξιν.
그리고 나머지 면인 북쪽에는 성벽이 둘러쳐진 험준한 언덕이 솟아 있어, 전략적으로 훌륭하고 실용적인 요새의 역할을 담당하고 있다.
ἔχει δὲ καὶ τείχη διαφέροντα τῷ μεγέθει καὶ ταῖς κατασκευαῖς.
또한 이곳은 규모와 축조 방식에서 뛰어난 성벽을 갖추고 있었다.
§4.70.11πρὸς δὲ τούτοις βοήθειαν συνέβαινε παρὰ τῶν Ἠλείων εἰσπεπτωκέναι, καὶ τὸν Εὐριπίδαν ἐκ τῆς φυγῆς διασεσωσμένον ὑπάρχειν ἐν αὐτῇ.
이에 더하여, 엘리스인들로부터 지원군이 이미 들어와 있었으며, 도망쳐 나와 안전하게 목숨을 건진 에우리피다스도 이 성 안에 머물러 있었다.