§32.6.1ἐπειδὴ δὲ πάντας καὶ πάσας ἐξηργυρίσαντο κατὰ τὸ δυνατόν, εἰσῆγον εἰς τὸν δῆμον οὐδὲν ἧττον ἅπαντας τοὺς προγεγραμμένους. §32.6.2οἱ δὲ πολλοὶ τῶν ἐν τῇ Φοινίκῃ τὰ μὲν διὰ τὸν φόβον, τὰ δὲ καὶ δελεαζόμενοι διὰ τῶν περὶ τὸν Χάροπα κατέκριναν οὐ φυγῆς ἀλλὰ θανάτου πάντας τοὺς προσαγγελθέντας ὡς ἀλλότρια φρονοῦντας Ῥωμαίων. §32.6.3οὗτοι μὲν οὖν πάντες ἔφυγον, ὁ δὲ Χάροψ ὥρμησεν εἰς τὴν Ῥώμην, ἔχων χρήματα καὶ τοὺς περὶ τὸν Μύρτωνα μεθʼ αὑτοῦ, βουλόμενος ἐπισφραγίσασθαι διὰ τῆς συγκλήτου τὴν αὑτοῦ παρανομίαν. §32.6.4ἐν ᾧ καιρῷ κάλλιστον μὲν ἐγένετο δεῖγμα τῆς Ῥωμαίων αἱρέσεως, κάλλιστον δὲ θέαμα πᾶσι τοῖς Ἕλλησι τοῖς παρεπιδήμοις, μάλιστα δὲ τοῖς ἀνακεκλημένοις· §32.6.5ὅ τε γὰρ Μάρκος, ἀρχιερεὺς ὢν καὶ πρῶτος τῆς συγκλήτου γραφόμενος, ὅ τε Λεύκιος ὁ τὸν Περσέα νικήσας, μεγίστην ἔχων πίστιν καὶ δύναμιν, πυνθανόμενοι τὰ πεπραγμένα τῷ Χάροπι κατὰ τὴν Ἤπειρον ἐκώλυσαν εἰς τὰς οἰκίας αὑτῶν εἰσιέναι τὸν Χάροπα. §32.6.6οὗ γενομένου περιβοήτου πάντες ἐγενήθησαν οἱ παρεπιδημοῦντες περιχαρεῖς, ἀποδεχόμενοι τὸ μισοπόνηρον τῶν Ῥωμαίων. §32.6.7μετὰ δὲ ταῦτα τοῦ Χάροπος εἰσελθόντος εἰς τὴν σύγκλητον, οὐ συγκατέθετο τοῖς ἀξιουμένοις οὐδʼ ἐβουλήθη δοῦναι ῥητὴν ἀπόκρισιν, §32.6.8ἀλλὰ τοῖς ἀποστελλομένοις πρεσβευταῖς ἔφη δώσειν ἐντολὰς ἐπισκέψασθαι περὶ τῶν γεγονότων. §32.6.9ὁ δὲ Χάροψ ἀναχωρήσας ταύτην μὲν τὴν ἀπόκρισιν ἀπεσιώπησε, γράψας δὲ πρὸς τὴν ἰδίαν ὑπόθεσιν ἁρμόζουσαν ἀπήγγειλεν ὡς συνευδοκούντων Ῥωμαίων τοῖς ὑπʼ αὐτοῦ πραττομένοις.
그러나 그들이 가능한 한 남녀 모두로부터 돈을 착취해 낸 후에, 그럼에도 불구하고 공시된 자들 전원을 민회에 끌고 갔다. 그러자 포이니케에 있던 다수의 사람들은, 한편으로는 공포 때문에, 다른 한편으로는 카롭스의 주변 사람들에게 현혹되어, 고발된 자들 전원을 로마인들에게 적대적인 생각을 품은 자들이라 하여 추방이 아닌 사형 판결을 내렸다. 이리하여 이들 전원은 망명길에 올랐으나, 카롭스는 자금을 챙겨 뮈르톤의 주변 사람들을 동반하고 로마로 향했으니, 원로원을 통해 자신의 불법 행위에 공인을 받고자 했던 것이다. 이때 로마인들의 지조를 보여주는 가장 훌륭한 본보기가 나타났으며, 머무르고 있던 모든 그리스인들, 특히 소환된 자들에게 가장 아름다운 광경이 펼쳐졌다. 대제사장이자 원로원 수석으로 등록되어 있던 마르쿠스와, 페르세우스를 격파하여 가장 큰 신망과 권력을 지니고 있던 루키우스는, 카롭스가 에페이로스에서 저지른 행각을 전해 듣고 카롭스가 자신들의 저택에 들어오는 것을 금지했기 때문이다. 이 일이 널리 알려지자, 그곳에 머물던 자들 전원은 기쁨에 넘쳐 로마인들이 악을 미워하는 태도를 환영하였다. 그 후 카롭스가 원로원에 들어갔으나, 원로원은 그의 요구에 동의하지 않았고 명확한 답변을 주는 것도 원치 않았다. 다만 파견되는 사절들에게 일어난 일들에 관해 조사하라는 명령을 내리겠다고 말했을 뿐이었다. 그러나 카롭스는 물러난 후 이 답변에 대해서는 입을 다물고, 자신의 음모에 알맞은 답변을 꾸며 써서 보냄으로써, 로마인들이 자신이 행하는 일들을 묵인하고 있는 것처럼 보고하였다.