§29.11.1ὅτι τῶν περὶ τὸν Παρμενίωνα καὶ Μόρκον, τῶν παρὰ τοῦ Γενθίου, καὶ σὺν τούτοις τοῦ Μητροδώρου παραγενομένων εἰς τὴν Ῥόδον, καὶ συναχθείσης τῆς βουλῆς, §29.11.2παντάπασιν θορυβώδης ἦν ἐκκλησία, τῶν μὲν περὶ τὸν Δείνωνα καὶ Πολυάρατον φανερῶς ἤδη τολμώντων λέγειν τὰ τοῦ Περσέως, τῶν δὲ περὶ Θεαίδητον καταπεπληγμένων τὰ συμβαίνοντα· §29.11.3καὶ γὰρ ἡ τῶν λέμβων παρουσία καὶ τὸ πλῆθος τῶν ἀπολωλότων ἱππέων καὶ ἡ τοῦ Γενθίου μετάθεσις συνέτριβεν αὐτούς. §29.11.4διὸ καὶ τὸ πέρας τῆς ἐκκλησίας ἀκόλουθον ἐγενήθη τοῖς προειρημένοις· §29.11.5ἔδοξε γὰρ τοῖς Ῥοδίοις ἀποκριθῆναι φιλανθρώπως ἀμφοτέροις τοῖς βασιλεῦσι καὶ διασαφεῖν ὅτι δέδοκται διαλύειν αὐτοῖς τὸν πόλεμον καὶ παρακαλεῖν κἀκείνους εὐδιαλύτους ὑπάρχειν. §29.11.6ἐδέξαντο δὲ καὶ τοὺς πρεσβευτὰς ἐπὶ τὴν κοινὴν ἑστίαν τοὺς παρὰ τοῦ Γενθίου μετὰ πολλῆς φιλανθρωπίας. —
겐티우스의 사절인 파르메니온과 모르코스 일행, 그리고 이들과 함께 온 메트로도루스가 로도스에 도착하고 평의회가 소집되었을 때, 데이논과 폴리아라투스 일행이 이미 공개적으로 페르세우스를 옹호하는 발언을 감행한 반면, 테아이데투스 일행은 일어나고 있는 사태에 압도당해 있었기에 민회는 완전히 소란스러웠다. 왜냐하면 쾌속선들의 출현과 잃어버린 수많은 기병, 그리고 겐티우스의 입장 전향이 그들의 기를 꺾고 있었기 때문이다. 그리하여 민회의 결말 역시 앞서 언급한 사정들에 부합하는 방향으로 흘러갔다. 즉 로도스인들은 두 왕 모두에게 우호적으로 답변하며, 자신들이 전쟁을 조정하기로 결정했음을 밝히고 그들 역시 화해에 응할 자세를 갖추도록 촉구하기로 결의했다. 아울러 그들은 겐티우스가 보낸 사절들을 큰 호의를 베풀며 공공의 화로(프뤼타네이온)에 공식적으로 영접했다.