§24.9.1νουθετεῖν.
[그는 원로원에] 충고하기를 [시도했다].
ἔφη γὰρ αὐτοὺς τοὺς Ῥωμαίους αἰτίους εἶναι τοῦ μὴ πειθαρχεῖν αὐτοῖς τοὺς Ἕλληνας, ἀλλὰ παρακούειν καὶ τῶν γραφομένων καὶ τῶν παραγγελλομένων.
왜냐하면 그리스인들이 로마인들에게 복종하지 않고 서한과 명령을 무시하는 것은 로마인들 자신에게 책임이 있다고 그가 주장했기 때문이다.
§24.9.2δυεῖν γὰρ οὐσῶν αἱρέσεων κατὰ τὸ παρὸν ἐν πάσαις ταῖς δημοκρατικαῖς πολιτείαις, καὶ τῶν μὲν φασκόντων δεῖν ἀκολουθεῖν τοῖς γραφομένοις ὑπὸ Ῥωμαίων καὶ μήτε νόμον μήτε στήλην μήτʼ ἄλλο μηθὲν προυργιαίτερον νομίζειν τῆς Ῥωμαίων προαιρέσεως, §24.9.3τῶν δὲ τοὺς νόμους προφερομένων καὶ τοὺς ὅρκους καὶ στήλας καὶ παρακαλούντων τὰ πλήθη μὴ ῥᾳδίως ταῦτα παραβαίνειν,
현재 모든 민주 정체에는 두 가지 선택지가 존재하는데, 한쪽은 로마인들이 보낸 서한에 따라야 하며 법도 비석도 그 밖의 어떤 것도 로마인들의 의향보다 더 중요하게 여겨서는 안 된다고 주장하고, 다른 쪽은 법과 선서와 비석들을 내세우며 민중에게 이것들을 쉽게 위반하지 말라고 권고하고 있다.
§24.9.4ἀχαϊκωτέραν εἶναι παρὰ πολὺ ταύτην τὴν ὑπόθεσιν καὶ νικητικωτέραν ἐν τοῖς πολλοῖς.
그런데 후자의 입장이 민중 사이에서 훨씬 더 아카이아적이며 승리하기 쉽다(설득력이 있다).
§24.9.5ἐξ οὗ τοῖς μὲν αἱρουμένοις τὰ Ῥωμαίων ἀδοξίαν συνεξακολουθεῖν παρὰ τοῖς ὄχλοις καὶ διαβολήν, τοῖς δʼ ἀντιπράττουσιν τἀναντία.
이로 인해 로마인들의 편을 택하는 이들에게는 대중 사이에서 악평과 비방이 따르지만, 반대로 행동하는 이들에게는 그 반대가 따른다.
§24.9.6ἐὰν μὲν οὖν ὑπὸ τῆς συγκλήτου γίνηταί τις ἐπισημασία, ταχέως καὶ τοὺς πολιτευομένους μεταθέσθαι πρὸς τὴν Ῥωμαίων αἵρεσιν, καὶ τοὺς πολλοὺς τούτοις ἐπακολουθήσειν διὰ τὸν φόβον.
그러므로 만약 원로원 측에서 어떤 명확한 의사 표시가 있다면, 정치가들도 신속하게 로마의 입장으로 돌아설 것이며 대중도 두려움 때문에 이들을 따르게 될 것이다.
§24.9.7ἐὰν δὲ παρορᾶται τοῦτο τὸ μέρος, ἅπαντας ἀπονεύσειν ἐπʼ ἐκείνην τὴν ὑπόθεσιν·
그러나 만약 이 점이 묵과된다면, 모든 이가 저 입장으로 기울어질 것이다.
ἐνδοξοτέραν γὰρ εἶναι καὶ καλλίω παρὰ τοῖς ὄχλοις.
왜냐하면 그것이 대중 사이에서 더 영예롭고 훌륭해 보이기 때문이다.
§24.9.8διὸ καὶ νῦν ἤδη τινὰς οὐθὲν ἕτερον προσφερομένους δίκαιον πρὸς φιλοδοξίαν, διʼ αὐτὸ τοῦτο τῶν μεγίστων τυγχάνειν τιμῶν παρὰ τοῖς ἰδίοις πολιτεύμασιν διὰ τὸ δοκεῖν ἀντιλέγειν τοῖς ὑφʼ ὑμῶν γραφομένοις, χάριν τοῦ διαμένειν τοὺς νόμους ἰσχυροὺς καὶ τὰ δόγματα τὰ γινόμενα παρʼ αὐτοῖς.
그렇기 때문에 지금도 이미, 명성을 얻기 위해 그 밖에 어떤 정당한 근거도 제시하지 못하는 일부 사람들이, 바로 이 점 때문에, 즉 법과 그들 사이에서 가결된 결정을 효력 있게 유지하기 위한다는 명목으로 여러분이 보낸 서한에 반대하는 것처럼 보임으로써 자신들의 국가에서 가장 큰 영예를 얻고 있다.
§24.9.9εἰ μὲν οὖν ἀδιαφόρως ἔχουσιν ὑπὲρ τοῦ πειθαρχεῖν αὐτοῖς τοὺς Ἕλληνας καὶ συνυπακούειν τοῖς γραφομένοις, ἄγειν αὐτοὺς ἐκέλευε τὴν ἀγωγήν, ἣν καὶ νῦν ἄγουσιν·
그러므로 만약 로마인들이 그리스인들이 자신들에게 복종하고 서한의 지시에 따르는지에 대해 무관심하다면, 그들이 지금 취하고 있는 방침을 그대로 유지하라고 그는 촉구했다.
§24.9.10εἰ δὲ βούλονται γίνεσθαι σφίσι τὰ παραγγελλόμενα καὶ μηθένα καταφρονεῖν τῶν γραφομένων, ἐπιστροφὴν ποιήσασθαι παρεκάλει τοῦ μέρους τούτου τὴν ἐνδεχομένην.
그러나 만약 자신들에게 내려진 명령이 수행되고 서한이 누구에게도 경멸받지 않기를 바란다면, 이 문제에 대해 가능한 조치를 취해줄 것을 간청했다.
§24.9.11εἰ δὲ μή, σαφῶς εἰδέναι δεῖν ὅτι τἀναντία συμβήσεται ταῖς ἐπινοίαις αὐτῶν·
그렇지 않다면, 자신들의 의도와는 완전히 반대되는 일이 일어날 것임을 명백히 알아야 한다고 했다.
ὃ καὶ νῦν ἤδη γεγονέναι.
그리고 그것은 바로 지금 이미 일어나고 있는 일이다.
§24.9.12πρῴην μὲν γὰρ ἐν τοῖς Μεσσηνιακοῖς πολλὰ ποιήσαντος Κοΐντου Μαρκίου πρὸς τὸ μηδὲν τοὺς Ἀχαιοὺς βουλεύσασθαι περὶ Μεσσηνίων ἄνευ τῆς Ῥωμαίων προαιρέσεως, §24.9.13παρακούσαντας καὶ ψηφισαμένους αὐτοὺς τὸν πόλεμον οὐ μόνον τὴν χώραν αὐτῶν καταφθεῖραι πᾶσαν ἀδίκως, ἀλλὰ καὶ τοὺς ἐπιφανεστάτους τῶν πολιτῶν οὓς μὲν φυγαδεῦσαι, τινὰς δʼ αὐτῶν ἐκδότους λαβόντας αἰκισαμένους πᾶσαν αἰκίαν ἀποκτεῖναι, διότι προεκαλοῦντο περὶ τῶν ἀμφισβητουμένων ἐπὶ Ῥωμαίους.
실제로 얼마 전 메세니아 사건에서 퀸투스 마르키우스가 아카이아인들이 로마인의 의향 없이 메세니아인들에 대해 아무것도 결정하지 못하도록 다방면으로 노력했음에도 불구하고, 그들은 이를 무시하고 전쟁을 결의하여 메세니아인들의 영토를 온통 부당하게 파괴했을 뿐만 아니라, 가장 저명한 시민들 중 일부는 추방하고 일부는 인도받아 온갖 가혹한 고문을 가해 죽였는데, 이는 그들이 쟁점이 되는 문제에 대해 로마인들에게 제소했기 때문이었다.
§24.9.14νῦν δὲ πάλιν ἐκ πλείονος χρόνου γραφόντων αὐτῶν ὑπὲρ τῆς καθόδου τῶν ἐκ Λακεδαίμονος φυγάδων, τοσοῦτον ἀπέχειν τοῦ πειθαρχεῖν ὡς καὶ στήλην τεθεῖσθαι καὶ πεποιῆσθαι πρὸς τοὺς κατέχοντας τὴν πόλιν ὅρκους ὑπὲρ τοῦ μηδέποτε κατελεύσεσθαι τοὺς φυγάδας.
또한 지금도 역시, 로마인들이 라케다이몬 추방자들의 귀환을 위해 꽤 오래전부터 서한을 보내고 있음에도 불구하고, 복종하기는커녕 비석을 세우고 도시를 장악한 자들과 함께 추방자들을 절대 귀환시키지 않겠다는 선서까지 나누는 지경에 이르렀다.
§24.9.15εἰς ἃ βλέποντας αὐτοὺς ἠξίου πρόνοιαν ποιεῖσθαι τοῦ μέλλοντος.
이 일들을 직시하여 그가 원로원으로 하여금 미래를 위한 예방책을 마련해 줄 것을 요구했다.