§16.3.1λαβούσης δὲ τὴν καταρχὴν τῆς ναυμαχίας ἐκ τῆς Ἀττάλου νεώς, εὐθέως πάντες οἱ σύνεγγυς ἀπαραγγέλτως συνέβαλον ἀλλήλοις.
아탈로스의 함선에서 해전의 포문이 열리자, 근처에 있던 모든 이가 즉시 명령을 기다리지 않고 서로 맞부딪쳤다.
§16.3.2Ἄτταλος μὲν οὖν συμπεσὼν ὀκτήρει, καὶ προεμβαλὼν ταύτῃ καιρίαν καὶ ὕφαλον πληγήν, ἐπὶ πολὺ τῶν ἐπὶ τοῦ καταστρώματος ἀγωνισαμένων τέλος ἐβύθισε τὴν ναῦν.
그리하여 아탈로스는 8단노선과 충돌하여 그것에 치명적인 흘수선 아래의 타격을 먼저 입혔고, 갑판 위의 병사들이 오랫동안 싸운 끝에 마침내 그 배를 침몰시켰다.
§16.3.3ἡ δὲ τοῦ Φιλίππου δεκήρης, ναυαρχὶς οὖσα, παραλόγως ἐγένετο τοῖς ἐχθροῖς ὑποχείριος.
그러나 필리포스의 10단노선은 기함이었음에도 뜻밖에 적들의 손에 넘어가게 되었다.
§16.3.4ὑποπεσούσης γὰρ αὐτῇ τριημιολίας, ταύτῃ δοῦσα πληγὴν βιαίαν κατὰ μέσον τὸ κύτος ὑπὸ τὸν θρανίτην σκαλμὸν ἐδέθη, τοῦ κυβερνήτου τὴν ὁρμὴν τῆς νεὼς οὐκέτι δυνηθέντος ἀναλαβεῖν·
반삼열선 한 척이 그 밑으로 파고들었을 때, 10단노선이 그 배의 선체 중앙에 격렬한 타격을 가했으나 최상단 노걸이 밑에 걸려 묶여 버렸고, 키잡이는 더 이상 배의 추진력을 제어할 수 없었기 때문이다.
§16.3.5διὸ καὶ προσκρεμαμένου τοῦ πλοίου τοῖς ὅλοις ἐδυσχρηστεῖτο καὶ δυσκίνητος ἦν πρὸς πᾶν.
이 때문에 상대 배가 매달린 채 끌려가게 되어 10단노선은 전체적으로 운신이 어려워졌고 모든 움직임이 둔해졌다.
ἐν ᾧ καιρῷ δύο πεντήρεις προσπεσοῦσαι, §16.3.6καὶ τρώσασαι τὴν ναῦν ἐξ ἀμφοῖν τοῖν μεροῖν, καὶ τὸ σκάφος καὶ τοὺς ἐπιβάτας τοὺς ἐν αὐτῷ διέφθειραν, ἐν οἷς ἦν καὶ Δημοκράτης ὁ τοῦ Φιλίππου ναύαρχος.
바로 그 순간에 5단노선 두 척이 덮쳐와, 양쪽에서 그 배를 파괴하고 선체와 그 안에 있던 탑승병들을 모두 몰살시켰는데, 그중에는 필리포스의 해군 제독인 데모크라테스도 있었다.
§16.3.7κατὰ δὲ τὸν αὐτὸν καιρὸν Διονυσόδωρος καὶ Δεινοκράτης, ὄντες ἀδελφοὶ καὶ ναυαρχοῦντες παρʼ Ἀττάλῳ, συμπεσόντες ὁ μὲν ἑπτήρει τῶν πολεμίων, ὁ δʼ ὀκτήρει, παραβόλως ἐχρήσαντο τῇ ναυμαχίᾳ.
동시에, 아탈로스 밑에서 지휘관을 맡고 있던 형제인 디오니소도로스와 데이노크라테스는 각각 적의 7단노선 및 8단노선과 충돌하여 위험천만한 해전을 벌였다.
§16.3.8Δεινοκράτης μὲν πρὸς ὀκτήρη συμπεσὼν αὐτὸς μὲν ἔξαλον ἔλαβε τὴν πληγήν, ἀναστείρου τῆς νεὼς οὔσης, τὴν δὲ τῶν πολεμίων τρώσας ναῦν ὑπὸ τὰ βίαχα τὸ μὲν πρῶτον οὐκ ἐδύνατο χωρισθῆναι, καίπερ πολλάκις ἐπιβαλόμενος πρύμναν κρούειν·
데이노크라테스는 8단노선과 충돌하여 자신의 배가 선수 가로대가 높아 수면 위의 타격만을 입었으나, 적선의 홀수선 아래 선체 바닥을 부수었지만, 처음에는 몇 번이나 후진을 시도했음에도 떨어질 수 없었다.
§16.3.9διὸ καὶ τῶν Μακεδόνων εὐψύχως ἀγωνιζομένων εἰς τὸν ἔσχατον παρεγένετο κίνδυνον.
그리하여 마케도니아인들이 용맹하게 싸우는 가운데 그는 극심한 위기에 처했다.
§16.3.10Ἀττάλου δʼ ἐπιβοηθήσαντος αὐτῷ, καὶ διὰ τῆς εἰς τὴν πολεμίαν ναῦν ἐμβολῆς λύσαντος τὴν συμπλοκὴν τῶν σκαφῶν, ὁ μὲν Δεινοκράτης ἀπελύθη παραδόξως,
그러나 아탈로스가 그를 도우러 와서 적선에 체동을 가해 엉킨 배들을 풀어줌으로써 데이노크라테스는 기적적으로 풀려났다.
§16.3.11οἱ δὲ τῆς πολεμίας νεὼς ἐπιβάται πάντες εὐψύχως διαγωνισάμενοι διεφθάρησαν, τὸ δὲ σκάφος ἔρημον ἀπολειφθὲν ὑποχείριον ἐγένετο τοῖς περὶ τὸν Ἄτταλον.
적선의 탑승병들은 모두 용맹하게 싸우다 전사했고, 버려진 채 빈 배가 된 선체는 아탈로스와 그의 부하들 손에 들어갔다.
§16.3.12ὁ δὲ Διονυσόδωρος μετὰ βίας ἐπιφερόμενος εἰς ἐμβολὴν αὐτὸς μὲν ἥμαρτε τοῦ τρῶσαι, παραπεσὼν δὲ τοῖς πολεμίοις ἀπέβαλε τὸν δεξιὸν ταρσὸν τῆς νεώς, ὁμοῦ συρραγέντων καὶ τῶν πυργούχων·
한편 디오니소도로스는 격렬하게 충돌하려 돌진했으나 적선에 타격을 입히는 데 실패했고, 적들 옆으로 빗겨 나가면서 자신의 배 우측 노 전체를 잃었으며, 탑 상의 병사들도 함께 부서졌다.
§16.3.13οὗ γενομένου περιέστησαν αὐτὸν πανταχόθεν οἱ πολέμιοι.
이 일이 일어나자 적들이 사방에서 그를 에워쌌다.
§16.3.14κραυγῆς δὲ καὶ θορύβου γενομένου τὸ μὲν λοιπὸν πλῆθος τῶν ἐπιβατῶν ἅμα τῷ σκάφει διεφθάρη, τρίτος δʼ αὐτὸς ὁ Διονυσόδωρος ἀπενήξατο πρὸς τὴν ἐπιβοηθοῦσαν αὐτῷ τριημιολίαν.
함성과 혼란이 일어나는 와중에 나머지 대다수의 병사들은 선체와 함께 몰사했고, 디오니소도로스 자신은 다른 두 사람과 함께 자신을 도우러 온 반삼열선으로 헤엄쳐 갔다.