§15.14.1εὐρυχωρίας, γενομένου δὲ τοῦ μεταξὺ τόπου τῶν καταλειπομένων στρατοπέδων πλήρους αἵματος, φόνου, νεκρῶν, πολλὴν ἀπορίαν παρεῖχε τῷ τῶν Ῥωμαίων στρατηγῷ τὸ τῆς τροπῆς ἐμπόδιον·
[양 날개와 그 너머에 있는] 넓은 곳으로 [퇴각할 수밖에 없었다]. 그러나 남겨진 양 진영 사이의 공간이 피와 살육과 시체로 가득 차게 되자, 이 패주로 인해 생긴 장애물은 로마군의 장군에게 큰 당혹감을 안겨주었다.
§15.14.2ὅ τε γὰρ τῶν νεκρῶν ὄλισθος, ὡς ἂν αἱμοφύρτων καὶ σωρηδὸν πεπτωκότων, ἥ τε τῶν χύδην ἐρριμμένων ὅπλων ὁμοῦ τοῖς πτώμασιν ἀλογία δυσχερῆ τὴν δίοδον ἔμελλε ποιήσειν τοῖς ἐν τάξει διαπορευομένοις.
왜냐하면 피투성이가 되어 무더기로 쓰러진 시체들로 인한 미끄러움과, 시체들과 함께 사방에 어지럽게 흩어진 무기들의 혼란스러운 상태가 대열을 정비하여 행진하려는 자들에게 통과하기 어렵게 만들 것이었기 때문이다.
§15.14.3οὐ μὴν ἀλλὰ τοὺς μὲν τραυματίας εἰς τοὐπίσω τῆς παρατάξεως κομισάμενος, τοὺς δʼ ἐπιδιώκοντας τῶν ἁστάτων ἀνακαλεσάμενος διὰ τῆς σάλπιγγος, τοὺς μὲν αὐτοῦ πρὸ τῆς μάχης κατὰ μέσους τοὺς πολεμίους ἐπέστησε,
그럼에도 불구하고 장군은 부상자들을 전열 후방으로 이송하게 하고, 추격 중이던 하스타티 병사들을 나팔로 불러들인 뒤, 그들을 바로 그 자리, 적군 중앙의 바로 앞에 세웠다.
§15.14.4τοὺς δὲ πρίγκιπας καὶ τριαρίους πυκνώσας ἐφʼ ἑκάτερον τὸ κέρας προάγειν παρήγγειλε διὰ τῶν νεκρῶν.
그리고 프린키페스와 트리아리우스의 대열을 밀집시킨 뒤, 시체들을 밟고 넘어가 양쪽 날개로 전진하라고 명령했다.
§15.14.5ἐπειδὴ δʼ ὑπερβάντες ἐξ ἴσου τοῖς ἁστάτοις ἐγένοντο, συνέβαλον αἱ φάλαγγες ἀλλήλαις μετὰ τῆς μεγίστης ὁρμῆς καὶ προθυμίας.
그들이 장애물을 넘어가 하스타티와 나란히 서게 되었을 때, 양군의 본대는 엄청난 기세와 투지를 가지고 서로 충돌했다.
§15.14.6ὄντων δὲ καὶ τῷ πλήθει καὶ τοῖς φρονήμασι καὶ ταῖς ἀρεταῖς καὶ τοῖς καθοπλισμοῖς παραπλησίων ἀμφοτέρων, ἄκριτον ἐπὶ πολὺ συνέβαινε γενέσθαι τὴν μάχην, ἐν αὐταῖς ταῖς χώραις ἐναποθνησκόντων τῶν ἀνδρῶν διὰ φιλοτιμίαν,
양측 모두 수나 기세, 무용, 무장에 있어서 대등했기 때문에 전투는 오랫동안 승패가 가려지지 않은 채 계속되었고, 병사들은 명예욕으로 인해 바로 자신들의 자리를 지키며 죽어갔다.
§15.14.7ἕως οἱ περὶ τὸν Μασαννάσαν καὶ Λαίλιον ἀπὸ τοῦ διώγματος τῶν ἱππέων ἀνακάμπτοντες [καὶ] δαιμονίως εἰς δέοντα καιρὸν συνῆψαν.
마침내 마시니사와 렐리우스가 이끄는 자들이 적 기병 추격에서 돌아와, 기적적으로 절묘한 타이밍에 합류할 때까지 그러했다.
§15.14.8ὧν προσπεσόντων τοῖς περὶ τὸν Ἀννίβαν κατόπιν οἱ μὲν πλεῖστοι κατεκόπησαν ἐν τῇ τάξει, τῶν δὲ πρὸς φυγὴν ὁρμησάντων ὀλίγοι μὲν τελέως διέφυγον, ἅτε τῶν ἱππέων ἐν χερσὶν ὄντων καὶ τῶν τόπων ἐπιπέδων ὑπαρχόντων.
이들이 후방에서 한니발의 군대를 덮치자 대부분은 대열 속에서 베어 넘겨졌고, 도주를 시도한 자들 중 완전히 탈출한 자는 극히 드물었다. 기병들이 바로 코앞에 있었고 지형도 평탄했기 때문이다.
§15.14.9ἔπεσον δὲ τῶν μὲν Ῥωμαίων ὑπὲρ τοὺς χιλίους πεντακοσίους, τῶν δὲ Καρχηδονίων ὑπὲρ δισμυρίους, αἰχμάλωτοι δʼ ἑάλωσαν οὐ πολὺ τούτων ἐλάττους.
로마군은 1,500명 이상이 전사했고, 카르타고군은 2만 명 이상이 전사했으며, 포로로 잡힌 자도 이보다 크게 적지 않은 수에 달했다.