§15.10.1ταῦτα δʼ ἑτοιμασάμενος ἐπεπορεύετο παρακαλῶν τὰς δυνάμεις βραχέως μέν, οἰκείως δὲ τῆς ὑποκειμένης περιστάσεως. §15.10.2ἠξίου γὰρ μνημονεύοντας τῶν προγεγονότων ἀγώνων ἄνδρας ἀγαθοὺς γίνεσθαι, σφῶν καὶ τῆς πατρίδος ἀξίους, καὶ λαμβάνειν πρὸ ὀφθαλμῶν ὅτι κρατήσαντες μὲν τῶν ἐχθρῶν οὐ μόνον τῶν ἐν Λιβύῃ πραγμάτων ἔσονται κύριοι βεβαίως, ἀλλὰ καὶ τῆς ἄλλης οἰκουμένης τὴν ἡγεμονίαν καὶ δυναστείαν ἀδήριτον αὑτοῖς τε καὶ τῇ πατρίδι περιποιήσουσιν· §15.10.3ἐὰν δʼ ὡς ἄλλως ἐκβῇ τὰ κατὰ τὸν κίνδυνον, οἱ μὲν ἀποθανόντες εὐγενῶς ἐν τῇ μάχῃ κάλλιστον ἐντάφιον ἕξουσι τὸν ὑπὲρ τῆς πατρίδος θάνατον, οἱ δὲ διαφυγόντες αἴσχιστον καὶ ἐλεεινότατον τὸν ἐπίλοιπον βίον. §15.10.4ἀσφάλειαν γὰρ τοῖς φυγοῦσιν οὐδεὶς ἱκανὸς περιποιῆσαι τόπος τῶν ἐν τῇ Λιβύῃ· πεσοῦσι δʼ ὑπὸ τὰς τῶν Καρχηδονίων χεῖρας οὐκ ἄδηλα [εἶναι] τὰ συμβησόμενα τοῖς ὀρθῶς λογιζομένοις·
이러한 준비를 마친 뒤, 그는 대열을 돌며 부대들을 독려했는데, 비록 짧았으나 직면한 상황에 적합한 말로 격려했다. 그는 그들에게 지나간 전투들을 기억하며 자신들과 조국에 부끄럽지 않은 용맹한 사람이 될 것을, 그리고 적에게 승리한다면 리비아의 주도권을 확고히 쥘 뿐만 아니라, 다른 기지 세계 전체에 대한 이론의 여지가 없는 패권과 지배권을 자신들과 조국에 가져다주게 될 것임을 똑똑히 기억할 것을 촉구했다. 그러나 만일 위험의 결과가 그 반대로 귀결된다면, 전투에서 고결하게 죽는 자들은 조국을 위한 죽음이라는 가장 아름다운 수의를 얻게 될 것이나, 도망쳐 살아남는 자들은 가장 치욕스럽고 비참한 여생을 보내게 될 것이다. 왜냐하면 리비아의 그 어떤 곳도 도망치는 자들에게 충분한 안전을 마련해 줄 수 없기 때문이며, 카르타고인들의 손에 떨어지는 자들에게 닥칠 일은 올바르게 생각하는 이들에게 너무나 자명하기 때문이다.
"ὧν" ἔφη "μηδενὶ γένοιτο πεῖραν ὑμῶν λαβεῖν. §15.10.5τῆς δʼ οὖν τύχης ἡμῖν τὰ μέγιστα τῶν ἄθλων εἰς ἑκάτερον τὸ μέρος ἐκτεθεικυίας, πῶς οὐκ ἂν εἴημεν ἀγεννέστατοι καὶ συλλήβδην ἀφρονέστατοι πάντων, εἰ παρέντες τὰ κάλλιστα τῶν ἀγαθῶν ἑλοίμεθα τὰ μέγιστα τῶν κακῶν διὰ φιλοζωίαν; §15.10.6"διόπερ ἠξίου δύο προθεμένους, ταῦτα δʼ ἐστὶν ἢ νικᾶν ἢ θνήσκειν, ὁμόσε χωρεῖν εἰς τοὺς πολεμίους. §15.10.7τοὺς γὰρ τοιαύτας ἔχοντας διαλήψεις κατʼ ἀνάγκην ἀεὶ κρατεῖν τῶν ἀντιταττομένων, ἐπειδὰν ἀπελπίσαντες τοῦ ζῆν ἴωσιν εἰς τὴν μάχην.
그는 말했다. "여러분 중 그 누구도 이를 직접 겪는 일이 없기를 바란다. 그러므로 운명의 여신이 우리에게 양쪽 모두에 가장 큰 보상을 제시해 놓은 마당에, 만일 우리가 가장 아름다운 좋은 것들을 내버려 두고 삶에 대한 집착 때문에 가장 큰 불행을 선택한다면, 우리가 어찌 가장 비열하고 한마디로 세상에서 가장 어리석은 자들이 아니겠는가?" 그러므로 그는 그들에게 '승리하거나 아니면 죽는 것'이라는 두 가지 선택지를 앞에 두고, 적을 향해 단호히 나아갈 것을 촉구했다. 왜냐하면 그러한 각오를 품은 자들은 삶에 대한 희망을 버리고 전투에 임할 때, 대적하는 자들을 필연적으로 언제나 이기기 마련이기 때문이다.