§14.3.1ὁ δὲ Σόφαξ ταῦτα διακούσας ἔφερε μὲν δυσχερῶς διὰ τὸ προκατηλπικέναι περὶ τῶν διαλύσεων, συνῄει δὲ πρὸς τὸν Ἀσδρούβαν εἰς λόγους, καὶ διεσάφει τὰ παρὰ τῶν Ῥωμαίων αὐτῷ προσαγγελλόμενα. §14.3.2περὶ ὧν πολλὰ διαπορήσαντες ἐβουλεύοντο πῶς σφίσι καθήκει χρῆσθαι τοῖς ἑξῆς πράγμασι, πλεῖστον ἀπέχοντες ταῖς ἐννοίαις καὶ ταῖς ἐπιβολαῖς τοῦ μέλλοντος· §14.3.3περὶ φυλακῆς μὲν γὰρ ἢ τοῦ πείσεσθαί τι δεινὸν οὐδʼ ἡντινοῦν εἶχον πρόληψιν, περὶ δὲ τοῦ δρᾶσαί τι καὶ προκαλέσασθαι τοὺς πολεμίους εἰς ὁμαλὸν τόπον πολλή τις ἦν αὐτῶν ὁρμὴ καὶ προθυμία. §14.3.4Πόπλιος δὲ κατὰ τὸν καιρὸν τοῦτον τοῖς μὲν πολλοῖς ὑπεδείκνυε διά τε τῆς παρασκευῆς καὶ τῶν παραγγελμάτων ὡς κατὰ τῆς Ἰτύκης ἔχων πρᾶξιν, §14.3.5τῶν δὲ χιλιάρχων τοὺς ἐπιτηδειοτάτους καὶ πιστοτάτους καλέσας περὶ μέσον ἡμέρας ἐξέθηκε τὴν ἐπιβολήν, καὶ παρήγγειλε δειπνοποιησαμένους καθʼ ὥραν ἐξάγειν τὰ στρατόπεδα πρὸ τοῦ χάρακος, ἐπειδὰν κατὰ τὸν ἐθισμὸν οἱ σαλπιγκταὶ σημαίνωσιν ἅμα πάντες· §14.3.6ἔστι γὰρ ἔθος Ῥωμαίοις κατὰ τὸν τοῦ δείπνου καιρὸν τοὺς βυκανητὰς καὶ σαλπιγκτὰς πάντας σημαίνειν παρὰ τὴν τοῦ στρατηγοῦ σκηνήν, χάριν τοῦ τὰς νυκτερινὰς φυλακὰς κατὰ τὸν καιρὸν τοῦτον ἵστασθαι κατὰ τοὺς ἰδίους τόπους. §14.3.7μετὰ δὲ ταῦτα τοὺς κατασκόπους ἀνακαλεσάμενος, οὓς ἐτύγχανε διαπεμπόμενος εἰς τὰ τῶν πολεμίων στρατόπεδα, συνέκρινε καὶ διηρεύνα τὰ λεγόμενα περί τε τῶν προσβάσεων καὶ τῶν εἰσόδων τῶν εἰς τὰς παρεμβολάς, χρώμενος ἐπικριτῇ τῶν λεγομένων καὶ συμβούλῳ Μασαννάσᾳ διὰ τὴν τῶν τόπων ἐμπειρίαν.
그러나 시파크스는 이 말을 듣고 화평에 대해 미리 기대를 걸고 있었기 때문에 마음 무겁게 여겼으나, 하스드루발과 만나 회담을 갖고 로마인들로부터 자신에게 전해진 바를 설명했다. 이 일들에 대해 크게 고심한 끝에 그들은 앞으로의 사태에 어떻게 대처해야 할지 의논했으나, 미래에 대한 그들의 생각과 계획은 실제로 일어날 일과 아주 멀리 떨어져 있었다. 왜냐하면 경계 태세를 갖추거나 어떤 끔찍한 일을 당할 것이라는 예상은 추호도 하지 않았던 반면, 어떤 조치를 취하여 적을 평탄한 곳으로 유인해 내는 것에 대해서는 그들 사이에 커다란 충동과 의욕이 있었기 때문이다. 한편 푸블리우스는 이 시기에 준비 상황과 명령을 통해 대다수 사람들에게는 이튀케를 상대로 작전을 도모하고 있는 것처럼 보이게 만들었으나, 정오 무렵에 천인대장들 중 가장 유능하고 신뢰할 수 있는 이들을 소집하여 계획을 밝히고, 제시간에 저녁 식사를 마친 뒤 관례에 따라 나팔수들이 일제히 신호를 울릴 때 군대를 목책 앞으로 이끌고 나오라고 명령했다. 로마인들에게는 저녁 식사 시간에 야간 초병들이 이 시간에 맞추어 각자의 초소에 배치될 수 있도록, 모든 뿔나팔수와 나팔수들이 장군의 천막 옆에서 신호를 울리는 관습이 있기 때문이다. 이 일이 있은 후, 그는 적의 진영으로 파견해 두었던 정찰병들을 불러들였고, 그 지역에 대한 지리에 밝은 마시니사를 보고 내용의 평가자이자 자문역으로 삼아, 진영으로 들어가는 접근로와 입구들에 대한 그들의 보고를 비교하고 정밀하게 조사했다.