§1ὁ μὲν ἀγὼν οὗτος, ὦ ἄνδρες δικασταί, ἐρημότερος γεγένηται ἢ ἐγὼ προσεδόκων.
배심원 여러분, 이 재판은 제가 예상했던 것보다 훨씬 더 쓸쓸해졌습니다.
πολλοὶ γὰρ ἦσαν οἱ ἀπειλοῦντες καὶ οἱ φάσκοντες Φιλοκράτους κατηγορήσειν·
필로크라테스를 고발하겠다고 위협하고 주장하던 자들이 많았으나, 그들 중 지금은 아무도 나타나지 않았기 때문입니다.
ὧν οὐδεὶς νυνὶ φαίνεται.
이것은 저에게도 이 재산 목록이 진실하다는 점에 대한 무엇보다도 확실한 증거로 여겨집니다.
ὃ κἀμοὶ δοκεῖ οὐδενὸς ἔλαττον εἶναι τεκμήριον τῆς ἀπογραφῆς ὅτι ἀληθὴς οὖσα τυγχάνει·
만일 그가 에르고클레스의 재산을 많이 가지고 있지 않았다면, 이토록 쉽게 고발자들을 떼어낼 수는 없었을 것이기 때문입니다.
εἰ γὰρ μὴ πολλὰ τῶν Ἐργοκλέους εἶχε χρημάτων, οὐκ ἂν οὕτως οἷός τʼ ἦν ἀπαλλάξαι τοὺς κατηγόρους.
배심원 여러분, 저는 여러분 모두가 다음과 같은 사실을 알고 있다고 생각합니다.
§2ἐγὼ δέ, ὦ ἄνδρες δικασταί, πάντας ὑμᾶς ἡγοῦμαι εἰδέναι ὅτι Ἐργοκλέους διὰ τοῦτο ὑμεῖς θάνατον κατεχειροτονήσατε, ὅτι κακῶς διαθεὶς τὰ τῆς πόλεως πλέον ἢ τριάκοντα ταλάντων οὐσίαν ἐκτήσατο.
즉, 여러분이 에르고클레스에게 사형을 선고한 것은 그가 국정을 그르치고 30탈란톤이 넘는 재산을 모았기 때문이라는 점입니다.
καὶ τούτων τῶν χρημάτων οὐδὲν ἐν τῇ πόλει φαίνεται.
그리고 이 재산 중 어느 것도 국가 내에서는 보이지 않습니다.
καίτοι ποῖ χρὴ τραπέσθαι ἢ ποῦ ζητῆσαι τὰ χρήματα;
그렇다면 우리는 어디로 발길을 돌려야 하며, 어디서 그 재산을 찾아야 하겠습니까?
εἰ γὰρ παρὰ τοῖς κηδεσταῖς καὶ οἷς ἐκεῖνος οἰκειότατʼ ἀνθρώπων ἐχρῆτο μὴ φανήσεται, χαλεπῶς παρὰ τοῖς ἐχθροῖς εὑρεθήσεται.
그의 인척들이나 그가 가장 가깝게 지내던 사람들의 손에서 나타나지 않는다면, 적들의 손에서 그것이 발견되기는 어려울 것입니다.
§3τίνα δὲ Ἐργοκλῆς περὶ πλείονος Φιλοκράτους ἐποιεῖτο, ἢ πρὸς τίνʼ ἀνθρώπων διέκειτο οἰκειότερον;
에르고클레스는 필로크라테스보다 누구를 더 중히 여겼겠습니까? 또한 인간들 중에 누구와 더 친밀한 관계를 맺었겠습니까?
οὐ τῶν μὲν ὑμετέρων ὁπλιτῶν αὐτὸν ἐξήγαγε, τῶν δʼ αὑτοῦ χρημάτων ταμίαν ἐποίησε, καὶ τὸ τελευταῖον τριήραρχον αὐτὸν κατέστησε;
그는 필로크라테스를 여러분의 중장보병대에서 빼내어, 자신의 재산 관리인으로 삼았고, 마지막에는 그를 삼단노선장(트리에라르코스)으로 임명하지 않았습니까?
§4καίτοι δεινὸν εἰ οἱ μὲν τὰς οὐσίας ἔχοντες ὀλοφύρονται τριηραρχοῦντες, οὗτος δὲ οὐδὲν πρότερον κεκτημένος ἐν ἐκείνῳ τῷ χρόνῳ ἐθελοντὴς ὑπέστη ταύτην τὴν λῃτουργίαν.
하물며 재산을 가진 자들도 삼단노선장을 맡을 때면 한탄을 하는데, 이전에 아무것도 가진 적 없던 자가 그 당시에 자발적으로 이 공공 봉사(레이투르기아)를 떠맡았다는 것은 실로 해괴한 일입니다.
οὐκοῦν δὴ οὐχ ὡς ζημιωθησόμενον αὐτὸν τριήραρχον κατέστησεν, ἀλλʼ ὡς ὠφεληθησόμενον καὶ φυλάξοντα τὰ αὑτοῦ χρήματα, οὐκ ἔχων ὅτῳ χρὴ μᾶλλον τούτου πιστεῦσαι.
그러므로 에르고클레스가 그를 삼단노선장으로 임명한 것은 그에게 손실을 입히기 위해서가 아니라, 이익을 얻게 하고 자신의 재산을 지키게 하기 위함이었음이 분명하며, 이 자보다 더 신뢰할 만한 사람이 그에게는 없었기 때문입니다.
ἡγοῦμαι δέ, §5ὦ ἄνδρες δικασταί, Φιλοκράτει δύο εἶναι καὶ μόνας ἀπολογίας·
그리고 저는 생각합니다, 배심원 여러분, 필로크라테스에게는 단 두 가지의 변명만이 있을 뿐입니다.
προσήκειν γὰρ αὐτῷ ἀποδεῖξαι ἢ ἑτέρους ἔχοντας τὰ Ἐργοκλέους χρήματα, ἢ ἀδίκως ἀπολωλότα ἐκεῖνον καὶ οὐδὲν ὑφῃρημένον τῶν ὑμετέρων οὐδὲ δεδωροδοκηκότα·
즉, 그가 증명해야 할 것은 에르고클레스의 재산을 다른 자들이 가지고 있다는 점이거나, 혹은 에르고클레스가 부당하게 죽임을 당한 것이며 여러분의 재산을 훔치거나 뇌물을 받은 적이 없다는 점입니다.
εἰ δὲ τούτων μηδέτερον ποιήσει, δεδόχθαι καταψηφίζεσθαι, καὶ μὴ τοῖς μὲν παρὰ τῶν ἄλλων λαμβάνουσιν ὀργίζεσθαι, τοῖς δὲ τὰ ὑμέτερʼ αὐτῶν ἔχουσι συγγνώμην ἔχειν.
만일 그가 이 둘 중 어느 것도 해내지 못한다면, 유죄 판결을 내리기로 결정된 것으로 보아야 하며, 다른 이들로부터 뇌물을 받는 자들에게는 분노하면서도 여러분 자신의 재산을 가로챈 자들에게는 관용을 베풀어서는 안 됩니다.
§6τίς δʼ οὐκ οἶδεν Ἀθηναίων τρία τάλαντα περὶ Ἐργοκλέους μεσεγγυηθέντα τοῖς λέγουσιν, εἰ δύναιντο αὐτὸν σῶσαι;
아테네인들 중에, 에르고클레스를 구할 수만 있다면 연설가들에게 주기로 하고 삼탈란톤을 기탁해 둔 사실을 모르는 사람이 누가 있겠습니까?
οἳ ἐπειδὴ ἑώρων τὴν ὑμετέραν ὀργὴν τιμωρεῖσθαι βουλομένην, ἡσυχίαν ἦγον καὶ οὐκ ἐτόλμων σφᾶς αὐτοὺς φανεροὺς ποιῆσαι.
그러나 그들은 여러분의 분노가 처벌을 원하고 있는 것을 보고는, 침묵을 지켰으며 감히 자신들을 드러내지 못했습니다.
καὶ τὸ μὲν πρῶτον οὗτος οὐ κομιζόμενος παρʼ αὐτῶν τὰ χρήματα μηνύσειν ἔφη τῇ πόλει·
그리하여 처음에는 이 자가 그들로부터 그 돈을 돌려받지 못하게 되자, 국가에 고발하겠다고 말했습니다.
§7ἐπειδὴ δὲ καὶ ταῦτα ἀπείληφε καὶ τῶν ἄλλων τῶν ἐκείνου κύριος γεγένηται, εἰς τοῦτο τόλμης ἐλήλυθεν, ὥστε μάρτυρας πεπόρισται οἳ μαρτυρήσουσιν αὐτῷ ὡς ἦν ἔχθιστος ἁπάντων ἀνθρώπων Ἐργοκλεῖ.
그러나 이 돈마저 돌려받고 그의 다른 재산들까지도 지배하게 되자, 그는 이토록 대담해져서, 자신이 에르고클레스에게 온 인류 중 가장 증오스러운 원수였다고 증언해 줄 증인들을 마련하기에 이르렀습니다.
καίτοι οἴεσθʼ ἂν αὐτόν, ὦ ἄνδρες δικασταί, εἰς τοῦτο μανίας ἀφικέσθαι, ὥστε Θρασυβούλου στρατηγοῦντος καὶ Ἐργοκλέους αὐτῷ διαφερομένου ἐθελοντὴν ὑποστῆναι τριήραρχον;
하지만 배심원 여러분, 트라시불로스가 장군으로 있고 에르고클레스가 그와 반목하고 있는 와중에, 그가 자발적으로 삼단노선장을 맡을 만큼 미쳤을 것이라고 생각하십니까?
πῶς γὰρ ἂν θᾶττον ἀπώλετο, ἢ πῶς ἂν μᾶλλον ἐπηρεάζετο;
그랬다면 어떻게 더 빨리 파멸하지 않을 수 있었겠으며, 어떻게 더 심하게 괴롭힘을 당하지 않을 수 있었겠습니까?
§8περὶ μὲν οὖν τούτων ἱκανὰ τὰ εἰρημένα·
그러므로 이 일들에 대해서는 이것으로 충분히 말했습니다.
ἐγὼ δʼ ὑμᾶς ἀξιῶ ὑμῖν αὐτοῖς βοηθῆσαι, καὶ πολὺ μᾶλλον τοὺς ἀδικοῦντας τιμωρεῖσθαι ἢ τοὺς τὰ τῆς πόλεως ἔχοντας ἐλεινοὺς ἡγεῖσθαι.
그러나 저는 여러분이 스스로를 돕고, 국가의 재산을 소유하고 있는 자들을 가엾게 여기기보다는 죄를 짓는 자들을 처벌하기를 훨씬 더 강력히 요구합니다.
οὐδὲν γὰρ τῶν αὑτοῦ καταθήσει, ἀλλὰ τὰ ὑμέτερα ὑμῖν αὐτοῖς ἀποδώσει, καὶ πολλῷ πλείω αὐτῷ τούτων περιέσται.
그는 자신의 재산을 내놓는 것이 아니라 여러분의 것을 여러분 자신에게 돌려주는 것일 뿐이며, 그러고도 그의 손에는 이보다 훨씬 더 많은 재산이 남을 것이기 때문입니다.
§9καὶ γὰρ ἂν καὶ δεινὸν εἴη, ὦ ἄνδρες δικασταί, εἰ τοῖς μὲν μὴ δυναμένοις τὰ σφέτερʼ αὐτῶν εἰσφέρειν ὀργίζοισθε καὶ τὰς οὐσίας αὐτῶν ὡς ἀδικούντων δημεύοιτε, τοὺς δὲ τὰ ὑμέτερα αὐτῶν ἔχοντας μὴ τιμωροῖσθε, ἀλλὰ τῶν τε χρημάτων ἀποστεροῖσθε καὶ τούτους χαλεπωτέρους ἐχθροὺς ἔχοιτε.
배심원 여러분, 자기 자신의 재산에서 분담금(에이스포라)을 낼 힘이 없는 자들에게는 분노하고 죄를 지었다 하여 그들의 재산을 몰수하면서도, 여러분 자신의 재산을 가로챈 자들은 처벌하지 않고 오히려 재산도 빼앗긴 채 그들을 더 해로운 원수로 두게 된다면, 그것은 실로 불합리한 일일 것입니다.
§10ἕως γὰρ ἂν τὰ ὑμέτερα ἔχοντες σφίσιν αὐτοῖς συνειδῶσιν, οὐδέποτε ὑμῖν παύσονται κακονοοῦντες, νομίζοντες τὰς τῆς πόλεως δυστυχίας μόνας ἀπαλλαγὴν εἶναι τῶν πρὸς αὐτοὺς πραγμάτων.
그들은 여러분의 재산을 차지하고 있다는 자각이 있는 한, 결코 여러분에게 적의를 품는 일을 그치지 않을 것입니다. 왜냐하면 국가의 불행만이 자신들에게 닥칠 추궁에서 벗어날 유일한 탈출구라고 생각하기 때문입니다.
§11ἡγοῦμαι δʼ, ὦ ἄνδρες δικασταί, οὐ μόνον περὶ χρημάτων αὐτῷ προσήκειν ἀγωνίζεσθαι, ἀλλὰ καὶ περὶ τοῦ σώματος κινδυνεύειν.
배심원 여러분, 저는 그가 재산에 대해서뿐만 아니라 자신의 신체(목숨)를 걸고 위험에 직면해야 마땅하다고 생각합니다.
καὶ γὰρ ἂν καὶ δεινὸν εἴη, εἰ οἱ μὲν τὰ τῶν ἰδιωτῶν ἀπολλύμενα τοῖς κλέπταις συνειδότες τοῖς αὐτοῖς ἐνέχοιντο, οὗτος δὲ τὰ τῆς πόλεως Ἐργοκλεῖ συνειδὼς κλέπτοντι καὶ ἐπὶ τοῖς ὑμετέροις δωροδοκοῦντι μὴ τῆς αὐτῆς τιμωρίας τυγχάνοι, ἀλλὰ ἆθλα λάβοι τὴν ὑπʼ ἐκείνου καταλειφθεῖσαν οὐσίαν ἀντὶ τῆς αὑτοῦ πονηρίας.
사인의 잃어버린 재산에 대해 도둑들과 공모한 자들이 같은 형벌에 처해지는데, 이 자가 에르고클레스가 국가의 재산을 훔치고 여러분의 것을 두고 뇌물을 받는 것을 공모했으면서도 같은 처벌을 받지 않고, 오히려 자신의 악행에 대한 포상으로 그가 남긴 재산을 차지하게 된다면 그것은 실로 불합리한 일이기 때문입니다.
ἄξιοι δʼ ὑμῖν εἰσιν ὀργῆς, ὦ ἄνδρες δικασταί.
배심원 여러분, 그들은 여러분의 분노를 사 마땅합니다.
§12οὗτοι γάρ, ὅτε Ἐργοκλῆς ἐκρίνετο, ἐν τῷ δήμῳ περιιόντες ἔλεγον ὡς πεντακόσιοι μὲν αὐτοῖς εἴησαν ἐκ τοῦ Πειραιῶς δεδεκασμένοι, ἑξακόσιοι δὲ καὶ χίλιοι ἐκ τοῦ ἄστεως·
왜냐하면 이들은 에르고클레스가 재판을 받을 때 민중 사이를 돌아다니며, 페이라이에우스에서 500명, 시내에서 1,600명을 이미 매수했다고 말하고 다녔기 때문입니다.
μᾶλλον δὲ προσεποιοῦντο πιστεύειν τοῖς χρήμασιν ἢ δεδιέναι τὰ αὑτῶν ἁμαρτήματα.
그들은 자신들의 잘못을 두려워하기보다는 돈의 힘을 믿는 척했습니다.
§13ἐκεῖ μὲν οὖν ἐπεδείξατε αὐτοῖς, ἐὰν δὲ εὖ φρονῆτε, καὶ νυνὶ τοῦτο φανερὸν πᾶσιν ἀνθρώποις ποιήσετε, ὅτι οὐκ ἔστι τοσαῦτα χρήματα ἃ ὑμᾶς, οὓς ἂν λαμβάνητε ἀδικοῦντας, ἀποτρέψει τιμωρεῖσθαι, καὶ μηδεμίαν αὐτοῖς ἄδειαν δώσετε τὰ ὑμέτερα αὐτῶν διαρπάζουσι καὶ κλέπτουσιν.
그러므로 그 재판에서 여러분은 그들에게 보여주었고, 만일 현명하다면 지금도 모든 사람들에게 다음을 분명히 밝힐 것입니다. 즉, 여러분이 부정행위를 저지른 자들을 붙잡았을 때 처벌을 단념하게 만들 만큼 큰돈이란 존재하지 않으며, 여러분 자신의 재산을 약탈하고 훔치는 자들에게 어떤 면책도 주지 않을 것이라는 점입니다.
§14ἐγὼ μὲν οὖν ταῦτα ὑμῖν παραινῶ.
그러므로 저는 여러분에게 이와 같이 권고합니다.
πάντες γὰρ ἐπίστασθε ὅτι Ἐργοκλῆς χρηματιούμενος ἀλλʼ οὐ πρὸς ὑμᾶς φιλοτιμησόμενος ἐξέπλευσε, καὶ οὐδεὶς ἄλλος ἔχει τὰ χρήματα ἢ οὗτος.
에르고클레스가 여러분에 대해 명예를 얻기 위해서가 아니라 사리사욕을 채우기 위해 출항했다는 것, 그리고 그 재산을 이 자 외에는 아무도 가지고 있지 않다는 것을 여러분 모두가 알고 있기 때문입니다.
ἐὰν οὖν σωφρονῆτε, τὰ ὑμέτερʼ αὐτῶν κομιεῖσθε.
그러므로 여러분이 이성적이라면 여러분 자신의 재산을 돌려받게 될 것입니다.