§38καὶ οὕτω πολλὰ ἐνόμιζεν εἰς ὑμᾶς ἡμαρτηκέναι, ὥστε λέγειν δυνάμενος καὶ φίλων ὄντων καὶ χρήματα κεκτημένος οὐδέποτʼ ἐλθὼν εὐθύνας ἐτόλμησε δοῦναι, ἀλλὰ φυγὴν αὑτοῦ καταγνοὺς καὶ Θράκης καὶ πάσης πόλεως ἐβούλετο πολίτης γενέσθαι μᾶλλον ἢ τῆς πατρίδος εἶναι τῆς ἑαυτοῦ.
그는 여러분에 대해 너무나 많은 죄를 지었다고 생각했기에, 말할 능력이 있고 친구가 있으며 재산을 소유하고 있었음에도 결코 와서 회계 보고를 감행하지 못했고, 오히려 스스로 망명을 선고하고 자신의 조국에 속하기보다는 트라키아나 다른 어떤 도시의 시민이 되기를 원했습니다.
καὶ τὸ τελευταῖον, ὦ ἄνδρες δικασταί, ὑπερβολὴν ποιησάμενος τῆς προτέρας πονηρίας ἐτόλμησε τὰς ναῦς Λυσάνδρῳ μετὰ Ἀδειμάντου προδοῦναι.
그리고 마지막으로, 배심원 여러분, 그는 이전의 사악함을 넘어서는 만행을 부려 아데이만토스와 함께 함선을 리산드로스에게 넘겨주는 배신을 감행했습니다.
§39ὥστε εἴ τις ὑμῶν ἢ τοὺς τεθνεῶτας ἐν τῇ ναυμαχίᾳ ἐλεεῖ, ἢ ὑπὲρ τῶν δουλευσάντων τοῖς πολεμίοις αἰσχύνεται, ἢ τῶν τειχῶν καθῃρημένων ἀγανακτεῖ, ἢ Λακεδαιμονίους μισεῖ, ἢ τοῖς τριάκοντα ὀργίζεται, τούτων ἁπάντων χρὴ τὸν τούτου πατέρα αἴτιον ἡγεῖσθαι, καὶ ἐνθυμηθῆναι ὅτι Ἀλκιβιάδην μὲν τὸν πρόπαππον αὐτοῦ καὶ τὸν πατρὸς πρὸς μητρὸς πάππον Μεγακλέα οἱ ὑμέτεροι πρόγονοι δὶς ἀμφοτέρους ἐξωστράκισαν, τοῦ δὲ πατρὸς αὐτοῦ οἱ πρεσβύτεροι ὑμῶν θάνατον κατέγνωσαν,
그러므로 여러분 중 누군가가 해전에서 전사한 이들을 가엾게 여기거나, 적에게 노예 노릇을 한 이들을 위해 수치심을 느끼거나, 성벽이 허물어진 것에 분개하거나, 라케다이몬인들을 미워하거나, 30인 참주들에게 분노한다면, 이 모든 것의 원인으로 이 자의 아버지를 지목해야 하며, 여러분의 선조들이 그의 증조부 알키비아데스와 외조부 메가클레스 두 사람 모두를 두 번이나 도편추방했고, 여러분 중 장년층은 그의 아버지에게 사형을 선고했음을 명심해야 합니다.
§40ὥστε νῦν χρὴ ἡγησαμένους πατρικὸν ἐχθρὸν τοῦτον εἶναι τῇ πόλει καταψηφίσασθαι, καὶ μήτε ἔλεον μήτε συγγνώμην μήτε χάριν μηδεμίαν περὶ πλείονος ποιήσασθαι τῶν νόμων τῶν κειμένων καὶ τῶν ὅρκων οὓς ὠμόσατε.
따라서 이제 이 자를 국가의 대대로 이어진 원수로 여겨 유죄를 선고해야 하며, 동정이나 관용이나 그 어떤 호의도 기왕의 법률과 여러분이 선서한 맹세보다 무겁게 여겨서는 안 됩니다.
§41σκέψασθαι δὲ χρή, ὦ ἄνδρες δικασταί, διὰ τί ἄν τις τοιούτων ἀνδρῶν φείσαιτο;
배심원 여러분, 왜 이러한 자들을 보아주어야 하는지 생각해보아야 합니다.
πότερον ὡς πρὸς μὲν τὴν πόλιν δεδυστυχήκασιν, ἄλλως δὲ κόσμοί εἰσι καὶ σωφρόνως βεβιώκασιν;
그들이 국가에 대해서는 불운했을지언정, 다른 면에서는 단정하고 절제 있게 살아왔기 때문입니까?
οὐχ οἱ μὲν πολλοὶ αὐτῶν ἡταιρήκασιν, οἱ δʼ ἀδελφαῖς συγγεγόνασι, τοῖς δʼ ἐκ θυγατέρων παῖδες γεγόνασιν,
그들 대부분은 남창 노릇을 했고, 어떤 자들은 자매와 통정했으며, 어떤 자들에게는 딸들과의 사이에서 태어난 자식들이 있지 않습니까?
§42οἱ δὲ μυστήρια πεποιήκασι καὶ τοὺς Ἑρμᾶς περικεκόφασι καὶ περὶ πάντας τοὺς θεοὺς ἠσεβήκασι καὶ εἰς ἅπασαν τὴν πόλιν ἡμαρτήκασιν, ἀδίκως καὶ παρανόμως καὶ πρὸς τοὺς ἄλλους πολιτευόμενοι καὶ πρὸς σφᾶς αὐτοὺς διακείμενοι, οὐδεμιᾶς τόλμης ἀπεχόμενοι, οὐδὲ ἔργου δεινοῦ ἄπειροι γεγενημένοι;
또한 그들은 비의를 더럽혔고, 헤르메스 신상들을 훼손했으며, 모든 신들에게 불경을 저질렀고 온 나라에 죄를 범하지 않았습니까? 그들은 다른 시민들에게 불의하고 불법적으로 처신했으며, 자신들끼리도 그렇게 행하여, 어떤 무모한 짓도 마다하지 않고 그 어떤 끔찍한 악행도 경험하지 않은 바가 없습니다.
ἀλλὰ καὶ πεπόνθασιν καὶ πεποιήκασιν ἅπαντα.
실로 그들은 모든 수치스러운 일을 겪고 또 행했습니다.
οὕτω γὰρ διάκεινται, ὥστʼ ἐπὶ μὲν τοῖς καλοῖς αἰσχύνεσθαι, ἐπὶ δὲ τοῖς κακοῖς φιλοτιμεῖσθαι.
왜냐하면 그들은 훌륭한 일은 부끄러워하고, 악한 일은 자랑으로 여기는 자들이기 때문입니다.
§43καὶ μὲν δή, ὦ ἄνδρες δικασταί, ἤδη τινῶν ἀπεψηφίσασθε ἀδικεῖν μὲν νομίσαντες, οἰόμενοι δʼ εἰς τὸ λοιπὸν χρησίμους ὑμῖν ἔσεσθαι.
그리고 실로 배심원 여러분, 여러분은 이전에도 어떤 자들이 죄를 지었다고 생각하면서도 앞으로 여러분에게 유용할 것이라 여겨 무죄를 선고해 준 적이 있습니다.
τίς οὖν ἐλπὶς ὑπὸ τούτου τι ἀγαθὸν πείσεσθαι τὴν πόλιν, ὃν ὑμεῖς, ὅτι μὲν οὐδενὸς ἄξιός ἐστιν, ἐπειδὰν ἀπολογῆται, εἴσεσθε, ὅτι δὲ πονηρός ἐστιν ἐκ τῶν ἄλλων ἐπιτηδευμάτων ἤσθησθε;
그렇다면 이 자로부터 국가가 무슨 이득을 얻으리라는 희망이 있겠습니까? 이 자가 아무런 가치도 없는 자라는 점은 그가 변명할 때 알게 될 것이고, 사악한 자라는 점은 그가 평소 보여준 행실들로부터 이미 알아차리셨는데 말입니다.
§44ἀλλὰ μὲν δὴ οὐδʼ ἂν ἐξελθὼν ἐκ τῆς πόλεως οὐδὲν δύναιτο κακὸν ὑμᾶς ἐργάσασθαι, δειλὸς ὢν καὶ πένης καὶ πράττειν ἀδύνατος καὶ τοῖς οἰκείοις διάφορος καὶ ὑπὸ τῶν ἄλλων μισούμενος.
설령 그가 나라 밖으로 나간다 해도 여러분에게 아무런 해를 끼칠 수 없을 것입니다. 그는 겁쟁이에다 가난하고, 실행 능력이 없으며, 친척들과도 불화하고 다른 이들로부터 미움을 받고 있기 때문입니다.
ὥστʼ οὐδὲ τούτων ἕνεκα αὐτὸν ἄξιον φυλάττεσθαι, §45ἀλλὰ πολὺ μᾶλλον παράδειγμα ποιῆσαι καὶ τοῖς ἄλλοις καὶ τοῖς τούτου φίλοις, οἳ τὰ μὲν προσταττόμενα ποιεῖν οὐκ ἐθέλουσι, τοιούτων δʼ ἔργων ἐπιθυμοῦσι, καὶ περὶ τῶν σφετέρων αὐτῶν κακῶς βουλευσάμενοι περὶ τῶν ὑμετέρων δημηγοροῦσιν.
그러므로 그러한 예방적 차원에서 그를 감시할 가치조차 없으며, 오히려 다른 사람들과 그의 친구들에게 본보기로 삼아야 마땅합니다. 그 친구들이란 지시된 일들은 하고자 하지 않으면서도 이러한 불법적인 행위들은 갈망하고, 자신들의 일에 대해서는 잘못된 계획을 세우면서도 여러분의 일에 대해서는 민중 앞에서 열변을 토하는 자들입니다.
§46ἐγὼ μὲν οὖν ὡς ἐδυνάμην ἄριστα κατηγόρηκα, ἐπίσταμαι δʼ ὅτι οἱ μὲν ἄλλοι τῶν ἀκροωμένων θαυμάζουσιν, ὅπως ποθʼ οὕτως ἀκριβῶς ἐδυνήθην ἐξευρεῖν τὰ τούτων ἁμαρτήματα, οὗτος δέ μου καταγελᾷ, ὅτι οὐδὲ πολλοστὸν μέρος εἴρηκα τῶν τούτοις ὑπαρχόντων κακῶν.
저는 제가 할 수 있는 최선을 다해 고발했습니다. 저는 듣고 있는 다른 이들이 어떻게 제가 이토록 정확하게 그들의 죄악을 밝혀낼 수 있었는지 의아해하는 것을 알고 있는 반면, 이 자는 제가 그들이 지닌 악행의 아주 작은 부분조차 말하지 못했다며 저를 비웃고 있습니다.
§47ὑμεῖς οὖν καὶ τὰ εἰρημένα καὶ τὰ παραλελειμμένα ἀναλογισάμενοι πολὺ μᾶλλον αὐτοῦ καταψηφίσασθε, ἐνθυμηθέντες ὅτι ἔνοχος μέν ἐστι τῇ γραφῇ, μεγάλη δʼ εὐτυχία τὸ τοιούτων πολιτῶν ἀπαλλαγῆναι τῇ πόλει.
그러므로 여러분은 언급된 것과 생략된 것 모두를 헤아려 이 자에게 훨씬 더 엄하게 유죄를 선고해야 합니다. 그가 공소 사실에 저촉된다는 점을 명심하고, 그러한 시민을 국가가 털어내는 것은 큰 행운이라는 점을 마음에 새기면서 말입니다.
ἀνάγνωθι δʼ αὐτοῖς τοὺς νόμους καὶ τοὺς ὅρκους καὶ τὴν γραφήν·
이제 이들에게 법률과 맹세와 고발장을 읽어 주십시오.
καὶ τούτων μεμνημένοι ψηφιοῦνται τὰ δίκαια.
이것들을 기억하며 그들은 정의로운 표결을 할 것입니다.
Νόμοι
Ὅρκοι
Γραφή
법률 맹세 고발장