§9.39.1τὰ μὲν δὴ πρὸς τῶν ὀρῶν Φωκεῖς ὑπεροικοῦσιν Ὀρχομενίων, ἐν δὲ τῷ πεδίῳ Λεβάδειά ἐστιν αὐτοῖς ὅμορος.
산에 가까운 쪽에서는 포키스인들이 오르코메노스인들보다 높은 곳에 살고 있으며, 평원에서는 레바데이아가 그들과 인접해 있다.
αὕτη τὸ μὲν ἐξ ἀρχῆς ᾠκεῖτο ἐπὶ μετεώρου καὶ ὠνομάζετο Μίδεια ἀπὸ τῆς Ἀσπληδόνος μητρός·
이 도시는 원래 고지대에 주민들이 살았으며, 아스플레돈의 어머니의 이름을 따서 미데이아라고 불렸다.
Λεβάδου δὲ ἐξ Ἀθηνῶν ἐς αὐτὴν ἀφικομένου κατέβησάν τε ἐς τὸ χθαμαλὸν οἱ ἄνθρωποι καὶ ἐκλήθη Λεβάδεια ἡ πόλις ἀπʼ αὐτοῦ.
그러나 아테나이에서 레바두스가 그곳으로 온 뒤로 사람들이 낮은 지대로 내려왔으며, 그의 이름을 따서 도시는 레바데이아라고 불리게 되었다.
πατέρα δὲ τοῦ Λεβάδου, καὶ καθʼ ἥντινα αἰτίαν ἦλθεν, οὐκ ἴσασιν ἄλλο ἢ γυναῖκα εἶναι Λεβάδου Λαονίκην.
레바두스의 아버지와 그가 무슨 이유로 왔는지에 대해서는, 레바두스의 아내가 라오니케였다는 것 외에는 그들은 아무것도 알지 못한다.
§9.39.2κεκόσμηται μὲν δὴ τὰ ἄλλα σφίσιν ἡ πόλις ὁμοίως τοῖς Ἑλλήνων μάλιστα εὐδαίμοσι, διείργει δὲ ἀπʼ αὐτῆς τὸ ἄλσος τοῦ Τροφωνίου ποταμὸς Ἕρκυνα.
그들의 도시는 다른 면에서 그리스의 가장 번영한 도시들과 마찬가지로 장식되어 있으나, 헤르퀴나 강이 그 도시와 트로포니우스의 성스러운 숲을 갈라놓고 있다.
φασὶ δʼ ἐνταῦθα Ἕρκυναν ὁμοῦ Κόρῃ τῇ Δήμητρος παίζουσαν καὶ ἔχουσαν χῆνα ἀφεῖναι τοῦτον ἄκουσαν·
이곳에서 헤르퀴나가 데메테르의 딸 코레와 함께 놀다가 거위를 가지고 있었는데, 실수로 그것을 놓아버렸다고들 한다.
ἐς δὲ ἄντρον κοῖλον ἐσπτάντος καὶ ὑπὸ λίθον ἀποκρύψαντος αὑτὸν ἐσελθοῦσα ἡ Κόρη λαμβάνει τὸν ὄρνιθα ὑπὸ τῷ λίθῳ κατακείμενον·
거위가 빈 동굴로 날아 들어가 돌 밑에 몸을 숨기자, 코레가 들어가 돌 밑에 엎드려 있는 새를 잡았다.
ῥυῆναί τε δὴ τὸ ὕδωρ ὅθεν ἀνείλετο ἡ Κόρη τὸν λίθον καὶ ὀνομασθῆναι τὸν ποταμὸν ἐπὶ τούτῳ λέγουσιν Ἕρκυναν.
그리하여 코레가 돌을 들어 올린 곳에서 물이 흘러나왔고, 이 일로 인해 강의 이름이 헤르퀴나로 지어졌다고 그들은 말한다.
§9.39.3καὶ ἔστι μὲν πρὸς τῇ ὄχθῃ τοῦ ποταμοῦ ναὸς Ἑρκύνης, ἐν δὲ αὐτῷ παρθένος χῆνα ἔχουσα ἐν ταῖς χερσίν·
강둑에는 헤르퀴나의 신전이 있으며, 그 안에는 손에 거위를 안고 있는 처녀의 상이 있다.
εἰσὶ δὲ ἐν τῷ σπηλαίῳ τοῦ ποταμοῦ τε αἱ πηγαὶ καὶ ἀγάλματα ὀρθά, περιειλιγμένοι δέ εἰσιν αὐτῶν τοῖς σκήπτροις δράκοντες.
동굴 안에는 강의 수원들과 몇 개의 직립한 조각상들이 있으며, 그 조각상들의 笏(홀)에는 뱀들이 감겨 있다.
ταῦτα εἰκάσαι μὲν ἄν τις Ἀσκληπιοῦ τε εἶναι καὶ Ὑγείας, εἶεν δʼ ἂν Τροφώνιος καὶ Ἕρκυνα, ἐπεὶ μηδὲ τοὺς δράκοντας Ἀσκληπιοῦ μᾶλλον ἢ καὶ Τροφωνίου νομίζουσιν ἱεροὺς εἶναι.
이것들을 아스크레피오스와 히기에이아의 것으로 추측할 수도 있겠으나, 트로포니우스와 헤르퀴나일 것이다. 왜냐하면 그들은 뱀을 아스크레피오스뿐만 아니라 트로포니우스에게도 신성한 것으로 여기기 때문이다.
ἐπὶ δὲ τῷ ποταμῷ μνῆμά ἐστιν Ἀρκεσιλάου· Λήϊτον δὲ ἀνακομίσαι φασὶ τοῦ Ἀρκεσιλάου τὰ ὀστᾶ ἐκ Τροίας.
강가에는 아르케실라오스의 무덤이 있으며, 레이토스가 아르케실라오스의 유골을 트로이아에서 가져왔다고 한다.
§9.39.4τὰ δὲ ἐπιφανέστατα ἐν τῷ ἄλσει Τροφωνίου ναὸς καὶ ἄγαλμά ἐστιν, Ἀσκληπιῷ καὶ τοῦτο εἰκασμένον·
성스러운 숲에서 가장 유명한 것은 트로포니우스의 신전과 조각상이며, 이것 역시 아스크레피오스에 비견되도록 만들어졌다.
Πραξιτέλης δὲ ἐποίησε τὸ ἄγαλμα.
프락시텔레스가 그 조각상을 제작했다.
ἔστι δὲ καὶ Δήμητρος ἱερὸν ἐπίκλησιν Εὐρώπης καὶ Ζεὺς Ὑέτιος ἐν ὑπαίθρῳ.
또한 에우로페라는 별칭을 가진 데메테르의 신전과, 야외에 있는 비를 내리는 제우스의 상이 있다.
ἀναβᾶσι δὲ ἐπὶ τὸ μαντεῖον καὶ αὐτόθεν ἰοῦσιν ἐς τὸ πρόσω τοῦ ὄρους, Κόρης ἐστὶ καλουμένη θήρα καὶ Διὸς Βασιλέως ναός.
신탁소로 올라가 거기서부터 산의 더 안쪽으로 나아가는 사람들에게는 코레의 '사냥'이라 불리는 곳과 왕 제우스의 신전이 있다.
τοῦτον μὲν δὴ διὰ τὸ μέγεθος ἢ καὶ τῶν πολέμων τὸ ἀλλεπάλληλον ἀφείκασιν ἡμίεργον·
이 신전은 그 크기 때문이거나 혹은 전쟁이 연달아 일어났기 때문에 미완성인 채로 남겨두었다.
ἐν δὲ ἑτέρῳ ναῷ Κρόνου καὶ Ἥρας καὶ Διός ἐστιν ἀγάλματα.
그러나 다른 신전에는 크로노스와 헤라와 제우스의 조각상들이 있다.
ἔστι δὲ καὶ Ἀπόλλωνος ἱερόν.
아폴론의 신전도 있다.
§9.39.5κατὰ δὲ τὸ μαντεῖον τοιάδε γίνεται.
신탁소에서는 다음과 같은 일이 일어난다.
ἐπειδὰν ἀνδρὶ ἐς τοῦ Τροφωνίου κατιέναι δόξῃ, πρῶτα μὲν τεταγμένων ἡμερῶν δίαιταν ἐν οἰκήματι ἔχει, τὸ δὲ οἴκημα Δαίμονός τε ἀγαθοῦ καὶ Τύχης ἱερόν ἐστιν ἀγαθῆς·
어떤 사람이 트로포니우스의 신탁소로 내려가기로 결정했을 때, 먼저 정해진 일수 동안 어떤 건물에서 생활을 하는데, 그 건물은 '선한 신령'과 '좋은 운명'의 신전이다.
διαιτώμενος δὲ ἐνταῦθα τά τε ἄλλα καθαρεύει καὶ λουτρῶν εἴργεται θερμῶν, τὸ δὲ λουτρὸν ὁ ποταμός ἐστιν ἡ Ἕρκυνα·
그곳에서 생활하면서 그는 다른 면에서도 몸을 깨끗이 하고 따뜻한 목욕을 피하는데, 그 목욕하는 곳은 헤르퀴나 강이다.
καί οἱ καὶ κρέα ἄφθονά ἐστιν ἀπὸ τῶν θυσιῶν, θύει γὰρ δὴ ὁ κατιὼν αὐτῷ τε τῷ Τροφωνίῳ καὶ τοῦ Τροφωνίου τοῖς παισί, πρὸς δὲ Ἀπόλλωνί τε καὶ Κρόνῳ καὶ Διὶ ἐπίκλησιν Βασιλεῖ καὶ Ἥρᾳ τε Ἡνιόχῃ καὶ Δήμητρι ἣν ἐπονομάζοντες Εὐρώπην τοῦ Τροφωνίου φασὶν εἶναι τροφόν.
또한 그에게는 제사로 바쳐진 고기가 풍부하게 주어지는데, 내려가는 사람이 트로포니우스 자신과 트로포니우스의 자식들, 나아가 아폴론과 크로노스, 왕이라 불리는 제우스, 마차부 헤라, 그리고 에우로페라 부르며 트로포니우스의 유모라고 말하는 데메테르에게 제사를 지내기 때문이다.
§9.39.6καθʼ ἑκάστην δὲ τῶν θυσιῶν ἀνὴρ μάντις παρὼν ἐς τοῦ ἱερείου τὰ σπλάγχνα ἐνορᾷ, ἐνιδὼν δὲ προθεσπίζει τῷ κατιόντι εἰ δὴ αὐτὸν εὐμενὴς ὁ Τροφώνιος καὶ ἵλεως δέξεται.
각 제사 때마다 예언자가 배석하여 제물의 내장을 관찰하고, 이를 본 뒤에 내려가는 사람에게 트로포니우스가 그를 우호적이고 자비롭게 맞이할지 여부를 미리 예언해 준다.
τῶν μὲν δὴ ἄλλων ἱερείων τὰ σπλάγχνα οὐχ ὁμοίως δηλοῖ τοῦ Τροφωνίου τὴν γνώμην·
다른 제물들의 내장은 트로포니우스의 뜻을 같은 방식으로 보여주지 않는다.
ἐν δὲ νυκτὶ ᾗ κάτεισιν ἕκαστος, ἐν ταύτῃ κριὸν θύουσιν ἐς βόθρον, ἐπικαλούμενοι τὸν Ἀγαμήδην.
각자 내려가는 밤에, 바로 그 밤에 그들은 아가메데스를 부르며 구덩이 속으로 숫양 한 마리를 제물로 바친다.
θυμάτων δὲ τῶν πρότερον πεφηνότων αἰσίων λόγος ἐστὶν οὐδείς, εἰ μὴ καὶ τοῦδε τοῦ κριοῦ τὰ σπλάγχνα τὸ αὐτὸ θέλοι λέγειν·
이전에 바쳐진 제물들이 길조를 나타냈을지라도, 만약 이 숫양의 내장 역시 같은 뜻을 말하려 하지 않는다(길조를 보이지 않는다)면 그것은 전혀 고려되지 않는다.
ὁμολογούντων δὲ καὶ τούτων, τότε ἕκαστος ἤδη κάτεισιν εὔελπις, κάτεισι δὲ οὕτω.
이것들마저 일치한다면, 그때 비로소 각자는 희망을 안고 내려가며, 다음과 같이 내려간다.
§9.39.7πρῶτα μὲν ἐν τῇ νυκτὶ αὐτὸν ἄγουσιν ἐπὶ τὸν ποταμὸν τὴν Ἕρκυναν, ἀγαγόντες δὲ ἐλαίῳ χρίουσι καὶ λούουσι δύο παῖδες τῶν ἀστῶν ἔτη τρία που καὶ δέκα γεγονότες, οὓς Ἑρμᾶς ἐπονομάζουσιν·
먼저 밤중에 그들은 그를 헤르퀴나 강으로 데려간다. 데려간 뒤, 13세가량 된 시민들의 두 소년이 오일로 기름지게 하고 그를 씻겨주는데, 이 소년들을 사람들은 헤르마스 라고 부른다.
οὗτοι τὸν καταβαίνοντά εἰσιν οἱ λούοντες καὶ ὁπόσα χρὴ διακονούμενοι ἅτε παῖδες.
이 소년들이 내려가는 자를 씻겨주는 이들이며, 소년으로서 시중들어야 할 온갖 일들을 돕는다.
τὸ ἐντεῦθεν ὑπὸ τῶν ἱερέων οὐκ αὐτίκα ἐπὶ τὸ μαντεῖον, ἐπὶ δὲ ὕδατος πηγὰς ἄγεται·
그 뒤로 그는 사제들에 의해 곧바로 신탁소로 가는 것이 아니라, 물의 수원들로 인도된다.
αἱ δὲ ἐγγύτατά εἰσιν ἀλλήλων.
이 수원들은 서로 매우 가까이 있다.