§4.8.8ἐμάχοντο δὲ καὶ οἱ βασιλεῖς ἀξίως λόγου, Θεόπομπος δὲ καὶ ἀκρατέστερον ὥρμητο ὡς αὐτὸν ἀποκτενῶν Εὐφαῆ.
왕들 역시 주목할 만한 전투를 벌였는데, 테오폼포스는 에우파에스 본인을 죽이려는 생각으로 더욱 격렬하게 돌진했다.
Εὐφαὴς δὲ ὁρῶν ἐπιόντα εἶπεν ἄρα πρὸς τὸν Ἄντανδρον οὐδὲν εἶναι τὰ Θεοπόμπου διάφορα ἢ ὅσα ὁ πρόγονος αὐτοῦ Πολυνείκης ἐτόλμησε·
에우파에스는 그가 다가오는 것을 보고 안탄드로스에게 다음과 같이 말했다. 테오폼포스의 행동은 그의 선조 폴리네이케스가 감행했던 짓과 다를 바가 없다.
Πολυνείκην τε γὰρ στρατιὰν ἐπὶ τὴν πατρίδα ἀγαγόντα ἐξ Ἄργους ἀποκτεῖναι τὸν ἀδελφὸν αὐτοχειρὶ καὶ ἀποθανεῖν ὑπὸ ἐκείνου, Θεόπομπόν τε ἐθέλειν ἐς τὸ ἴσον καταστῆσαι μιάσματος τοῖς ἀπὸ Λαΐου καὶ Οἰδίποδος τὸ Ἡρακλειδῶν γένος·
폴리네이케스는 아르고스로부터 조국을 향해 군대를 이끌고 와서 자신의 손으로 형제를 죽이고 자신도 그에게 죽임을 당했는데, 테오폼포스 역시 헤라클레스 후손의 가문을 라이오스와 오이디푸스 자손들과 다름없는 오염에 빠뜨리려 한다는 것이다.
οὐ μέντοι χαίροντά γε ἀπὸ τῆς μάχης διακριθήσεσθαι.
그러나 그가 결코 기뻐하며 전장에서 벗어나지는 못할 것이다.
τοιαῦτα ἐπιλέγων ἀντεπῄει καὶ οὗτος.
이러한 말을 덧붙이며 그 역시 맞서 나아갔다.
§4.8.9ἐνταῦθα ἥ τε πᾶσα μάχη κεκμηκότων ὅμως ἐς τὸ ἀκμαιότατον αὖθις ἤρθη, καὶ τοῖς τε σώμασιν ἀνερρώννυντο καὶ τὸ ἀφειδὲς ἐς τὸν θάνατον παρʼ ἀμφοτέρων ηὐξάνετο, ὥστε εἰκάσαι ἄν τις τοῦ ἔργου τότε σφᾶς πρῶτον ἅπτεσθαι.
여기서 전체 전투는 지쳐 있음에도 불구하고 다시 한번 가장 최고조로 치달았고, 몸에는 다시 힘이 솟았으며, 양측 모두 죽음을 아랑곳하지 않는 태도가 고조되어, 누군가 보기에는 그들이 그때 처음으로 전투에 돌입하는 것처럼 여겨질 정도였다.
τέλος δὲ οἱ περὶ τὸν Εὐφαῆ τῆς τε ἀπονοίας τῷ ὑπερβάλλοντι μανίας ὄντες ἐγγύτατα καὶ ὑπʼ ἀνδραγαθίας—πᾶν γὰρ δὴ τὸ περὶ τὸν βασιλέα οἱ λογάδες τῶν Μεσσηνίων ἦσαν—βιάζονται τοὺς ἀντιτεταγμένους·
마침내 에우파에스 주변의 이들은 절망의 극치로 인해 거의 광기에 가까운 상태가 되었고, 그 용맹함에 힘입어—왕의 주변에 있던 자들은 모두 메세니아인의 정예병들이었기에—맞서 싸우던 적들을 압도했다.
καὶ αὐτόν τε Θεόπομπον ἀπώσαντο καὶ Λακεδαιμονίων τοὺς καθʼ αὑτοὺς ἐτρέψαντο.
그리고 테오폼포스 본인을 밀어내고 자신들 앞에 있던 라케다이몬인들을 패주시켰다.
§4.8.10τὸ δὲ ἕτερον κέρας τοῖς Μεσσηνίοις ἐταλαιπώρει.
그러나 다른 쪽 날개는 메세니아인들에게 고전이었다.
Πυθάρατός τε γὰρ ὁ στρατηγὸς ἐτεθνήκει καὶ αὐτοὶ διὰ τὴν ἀναρχίαν ἀτακτότερον καὶ θορυβωδέστερον ἐμάχοντο, οὐ μέντοι ἀθύμως εἶχον οὐδʼ οὗτοι.
장군 피타라토스가 전사했기에, 그들은 지휘관의 부재로 인해 더 무질서하고 혼란스럽게 싸우고 있었으나, 이들 역시 결코 낙담하지는 않았다.
φεύγουσι δὲ οὔτε τοῖς Μεσσηνίοις ὁ Πολύδωρος οὔτε οἱ περὶ τὸν Εὐφαῆ τοῖς Λακεδαιμονίοις ἠκολούθησαν·
그러나 폴리도로스는 도망치는 메세니아인들을 추격하지 않았고, 에우파에스 주변의 이들도 라케다이몬인들을 쫓지 않았다.
Εὐφαεῖ γὰρ καὶ τοῖς περὶ αὐτὸν αἱρετώτερα ἐφαίνετο ἀμύνειν τοῖς ἡττωμένοις—οὐ μέντοι Πολυδώρῳ γὲ οὐδὲ τοῖς περὶ αὐτὸν συμμίσγουσιν, ἐν σκότῳ γὰρ ἤδη τὰ γινόμενα ἦν— §4.8.11καὶ τοὺς Λακεδαιμονίους ἅμα εἶργε μὴ πρόσω τοῖς ἀποχωροῦσιν ἐπακολουθεῖν οὐχ ἥκιστα καὶ ἡ ἀπειρία τῶν τόπων.
왜냐하면 에우파에스와 그의 주변 자들에게는 패하고 있는 아군을 구하는 것이 더 바람직해 보였기 때문이다. 하지만 그들이 폴리도로스 및 그 주변 자들과 교전을 벌이지는 않았으니, 일어나는 상황이 이미 어둠 속이었기 때문이다— 동시에 지형에 대한 미숙함은 라케다이몬인들이 퇴각하는 이들을 멀리 추격하는 것을 막아주었다.
ἦν δὲ αὐτοῖς καὶ ἄλλως πάτριον σχολαιοτέρας τὰς διώξεις ποιεῖσθαι, μὴ διαλῦσαι τὴν τάξιν πλείονα ἔχοντας πρόνοιαν ἤ τινα ἀποκτεῖναι φεύγοντα.
게다가 그들에게는 추격을 비교적 느긋하게 하는 것이 오랜 관습이었는데, 도망치는 자를 죽이는 것보다 자신들의 대열을 무너뜨리지 않는 것에 더 큰 배려를 두었기 때문이다.
τὰ δὲ μέσα ἀμφοτέροις, ᾗ Λακεδαιμονίων ὁ Εὐρυλέων, Μεσσηνίοις δὲ Κλέοννις ἡγεῖτο, ἰσοπαλῶς μὲν ἠγωνίζοντο, διέλυσε δὲ ἀπʼ ἀλλήλων καὶ τούτους ἐπελθοῦσα ἡ νύξ.
라케다이몬인은 에우리레온이, 메세니아인은 클레온니스가 이끌던 양군의 중앙은 팽팽하게 맞서 싸웠으나, 밤이 찾아와 이들 역시 서로에게서 떼어놓았다.
§4.8.12ταύτην τὴν μάχην παρὰ ἀμφοτέρων ἢ μόνα ἢ μάλιστα ἐμαχέσαντο τὰ ὁπλιτικά.
이 전투에서 양측 모두 오직 혹은 주로 중장보병만이 싸웠다.
οἱ δὲ ἐπὶ τῶν ἵππων ὀλίγοι τε ἦσαν καὶ οὐδὲν ὥστε καὶ μνημονευθῆναι διεπράξαντο·
기병은 극소수였으며 언급할 가치가 있는 일을 전혀 성취하지 못했다.
οὐ γάρ τοι ἀγαθοὶ τότε ἱππεύειν ἦσαν οἱ Πελοποννήσιοι.
당시 펠로폰네소스인들은 말을 타는 데 능숙하지 않았기 때문이다.
τῶν δὲ Μεσσηνίων οἱ ψιλοὶ καὶ οἱ παρὰ Λακεδαιμονίοις Κρῆτες οὐδὲ συνέμιξαν ἀρχήν·
메세니아인의 경장병들과 라케다이몬인 진영의 크레타인들은 애초에 교전조차 하지 않았다.
τῷ γὰρ πεζῷ τῷ σφετέρῳ κατὰ τρόπον ἔτι ἑκάτεροι τὸν ἀρχαῖον ἐπετάχθησαν.
왜냐하면 양측 모두 여전히 고대 방식에 따라 자신들의 보병 뒤편에 배치되어 있었기 때문이다.
§4.8.13ἐς δὲ τὴν ἐπιοῦσαν μάχης μὲν οὐδέτεροι διενοοῦντο ἄρχειν οὐδὲ ἱστάναι πρότεροι τρόπαιον, προϊούσης δὲ τῆς ἡμέρας ὑπὲρ ἀναιρέσεως τῶν νεκρῶν ἐπεκηρυκεύοντο, καὶ ἐπειδὴ παρὰ ἀμφοτέρων συνεχωρήθη, θάψειν ἔμελλον ἤδη τὸ ἐντεῦθεν.
다음날에는 어느 쪽도 전투를 시작할 생각이 없었고 어느 쪽이 먼저 전승비를 세우지도 않았다. 하지만 날이 저물어 가면서 시신 수습을 위해 전령을 보내 타협을 시도했고, 양측이 이에 합의하자 곧이어 장사를 지내려 했다.