§2.20.6τῶν δὲ ἀνδριάντων οὐ πόρρω δείκνυται Δαναοῦ μνῆμα καὶ Ἀργείων τάφος κενὸς ὁπόσους ἔν τε Ἰλίῳ καὶ ὀπίσω κομιζομένους ἐπέλαβεν ἡ τελευτή.
그 조각상들에서 멀지 않은 곳에 다나오스의 무덤과, 일리온에서 혹은 귀환 길에 죽음을 맞이한 아르고스인들의 빈 무덤이 나타난다.
καὶ Διός ἐστιν ἐνταῦθα ἱερὸν Σωτῆρος καὶ παριοῦσίν ἐστιν οἴκημα·
또한 그곳에는 구원자 제우스의 신전이 있으며, 지나가는 이들에게는 하나의 건물이 있다.
ἐνταῦθα τὸν Ἄδωνιν αἱ γυναῖκες Ἀργείων ὀδύρονται.
그 건물 안에서 아르고스의 여인들이 아도니스를 애도한다.
ἐν δεξιᾷ δὲ τῆς ἐσόδου τῷ Κηφισῷ πεποίηται τὸ ἱερόν·
입구의 우측에는 케피소스를 위해 신전이 만들어져 있다.
τῷ δὲ ποταμῷ τούτῳ τὸ ὕδωρ φασὶν οὐ καθάπαξ ὑπὸ τοῦ Ποσειδῶνος ἀφανισθῆναι, ἀλλὰ ἐνταῦθα δὴ μάλιστα, ἔνθα καὶ τὸ ἱερόν ἐστι, συνιᾶσιν ὑπὸ γῆν ῥέοντος.
이 강에 대해, 사람들은 그 물이 포세이돈에 의해 완전히 사라진 것은 아니며, 바로 이 신전이 있는 곳에서 그것이 지하로 흐르는 것을 느낄 수 있다고 말한다.
§2.20.7παρὰ δὲ τὸ ἱερὸν τοῦ Κηφισοῦ Μεδούσης λίθου πεποιημένη κεφαλή·
케피소스 신전 옆에는 돌로 만든 메두사의 머리가 있다.
Κυκλώπων φασὶν εἶναι καὶ τοῦτο ἔργον.
그들은 이것 역시 키클롭스들의 작품이라고 말한다.
τὸ δὲ χωρίον τὸ ὄπισθεν καὶ ἐς τόδε Κριτήριον ὀνομάζουσιν, Ὑπερμήστραν ἐνταῦθα ὑπὸ Δαναοῦ κριθῆναι λέγοντες.
그 뒤편의 장소를 그들은 오늘날까지도 '크리테리온'이라 부르는데, 이는 휘페름네스트라가 이곳에서 다나오스에게 재판을 받았다 고 그들이 말하기 때문이다.
τούτου δέ ἐστιν οὐ πόρρω θέατρον·
이곳에서 멀지 않은 곳에 극장이 있다.
ἐν δὲ αὐτῷ καὶ ἄλλα θέας ἄξια καὶ ἀνὴρ φονεύων ἐστὶν ἄνδρα, Ὀθρυάδαν τὸν Σπαρτιάτην Περίλαος Ἀργεῖος ὁ Ἀλκήνορος·
그 극장 안에는 다른 볼거리들과 더불어 한 남자가 다른 남자를 죽이고 있는 상이 있는데, 알케노르의 아들인 아르고스인 페릴라오스가 스파르타인 오트리아다스를 죽이고 있는 것이다.
Περιλάῳ δὲ τούτῳ καὶ πρότερον ἔτι ὑπῆρχε Νεμείων ἀνῃρῆσθαι νίκην παλαίοντι.
이 페릴라오스에게는 이보다 더 전에 이미 레슬링 선수로서 네메아 경기 대회에서 승리를 거둔 적이 있었다.
§2.20.8ὑπὲρ δὲ τὸ θέατρον Ἀφροδίτης ἐστὶν ἱερόν, ἔμπροσθεν δὲ τοῦ ἕδους Τελέσιλλα ἡ ποιήσασα τὰ ᾄσματα ἐπείργασται στήλῃ·
극장 위쪽에는 아프로디테의 신전이 있으며, 신상 앞에는 노래를 지은 텔레실라가 비석에 조각되어 있다.
καὶ βιβλία μὲν ἐκεῖνα ἔρριπταί οἱ πρὸς τοῖς ποσίν, αὐτὴ δὲ ἐς κράνος ὁρᾷ κατέχουσα τῇ χειρὶ καὶ ἐπιτίθεσθαι τῇ κεφαλῇ μέλλουσα.
그녀의 발치에는 그 책들이 던져져 있고, 그녀 자신은 손에 투구를 쥔 채 그것을 머리에 쓰려는 듯 투구를 바라보고 있다.
ἦν δὲ ἡ Τελέσιλλα καὶ ἄλλως ἐν ταῖς γυναιξὶν εὐδόκιμος καὶ μᾶλλον ἐτιμᾶτο ἔτι ἐπὶ τῇ ποιήσει.
텔레실라는 다른 면에서도 여인들 사이에서 평판이 좋았으며, 그녀의 시 작법으로 인해 한층 더 존경을 받았다.
συμβάντος δὲ Ἀργείοις ἀτυχῆσαι λόγου μειζόνως πρὸς Κλεομένην τὸν Ἀναξανδρίδου καὶ Λακεδαιμονίους, καὶ τῶν μὲν ἐν αὐτῇ πεπτωκότων τῇ μάχῃ, ὅσοι δὲ ἐς τὸ ἄλσος τοῦ Ἄργου κατέφευγον διαφθαρέντων καὶ τούτων, τὰ μὲν πρῶτα ἐξιόντων κατὰ ὁμολογίαν, ὡς δὲ ἔγνωσαν ἀπατώμενοι συγκατακαυθέντων τῷ ἄλσει τῶν λοιπῶν, οὕτω τοὺς Λακεδαιμονίους Κλεομένης ἦγεν ἐπὶ ἔρημον ἀνδρῶν τὸ Ἄργος.
그러나 아르고스인들이 아낙산드리다스의 아들 클레오메네스와 라케다이몬인들을 상대로 말로 다 할 수 없을 만큼 큰 불운을 겪게 되었을 때――일부는 그 전투 자체에서 쓰러졌고, 아르고스의 성소로 도망친 자들 역시 처음에는 합의에 따라 밖으로 나왔으나 속고 있음을 깨닫게 되자 남은 자들이 성소와 함께 불타 죽어 이들마저 전멸했으므로――이리하여 클레오메네스는 라케다이몬인들을 이끌고 남자가 텅 빈 아르고스로 진격했다.
§2.20.9Τελέσιλλα δὲ οἰκέτας μὲν καὶ ὅσοι διὰ νεότητα ἢ γῆρας ὅπλα ἀδύνατοι φέρειν ἦσαν, τούτους μὲν πάντας ἀνεβίβασεν ἐπὶ τὸ τεῖχος, αὐτὴ δὲ ὁπόσα ἐν ταῖς οἰκίαις ὑπελείπετο καὶ τὰ ἐκ τῶν ἱερῶν ὅπλα ἀθροίσασα τὰς ἀκμαζούσας ἡλικίᾳ τῶν γυναικῶν ὥπλιζεν, ὁπλίσασα δὲ ἔτασσε κατὰ τοῦτο ᾗ τοὺς πολεμίους προσιόντας ἠπίστατο.
그러자 텔레실라는 노예들과, 너무 어리거나 늙어서 무기를 들 수 없는 자들을 모두 성벽 위로 올라가게 했고, 그녀 자신은 집안에 남아 있던 무기들과 신전에서 나온 무기들을 긁어모아 젊고 한창때인 여인들을 무장시켰으며, 무장시킨 후에는 적들이 다가올 것을 알고 있는 바로 그 자리에 이들을 배치했다.
ὡς δὲ ἐγγὺς ἐγίνοντο οἱ Λακεδαιμόνιοι καὶ αἱ γυναῖκες οὔτε τῷ ἀλαλαγμῷ κατεπλάγησαν δεξάμεναί τε ἐμάχοντο ἐρρωμένως, ἐνταῦθα οἱ Λακεδαιμόνιοι, φρονήσαντες ὡς καὶ διαφθείρασί σφισι τὰς γυναῖκας ἐπιφθόνως τὸ κατόρθωμα ἕξει καὶ σφαλεῖσι μετὰ ὀνειδῶν γενήσοιτο ἡ συμφορά, ὑπείκουσι ταῖς γυναιξί.
라케다이몬인들이 다가왔을 때 여인들은 그들의 함성에 겁먹지 않고 공격을 받아내며 맹렬히 싸웠으므로, 여기서 라케다이몬인들은 여인들을 죽이더라도 그 성공은 시기를 살 뿐이며, 패배할 경우에는 그 재앙이 불명예가 될 것임을 깨닫고 여인들에게 물러섰다.
§2.20.10πρότερον δὲ ἔτι τὸν ἀγῶνα τοῦτον προεσήμηνεν ἡ Πυθία, καὶ τὸ λόγιον εἴτε ἄλλως εἴτε καὶ ὡς συνεὶς ἐδήλωσεν Ἡρόδοτος·
이보다 한참 전에 피티아는 이미 이 싸움을 예고했으며, 헤로도토스는 이 신탁을 다른 의미로든 아니면 이를 이해했기 때문이든 다음과 같이 분명히 밝혔다.
"
ἀλλʼ ὅταν ἡ θήλεια τὸν ἄρρενα νικήσασα
ἐξελάσῃ καὶ κῦδος ἐν Ἀργείοισιν ἄρηται,
πολλὰς Ἀργείων ἀμφιδρυφέας τότε θήσει.
"그러나 암컷이 수컷을 이겨서 그를 쫓아내고 아르고스인들 사이에서 영광을 차지할 때, 그녀는 그때 많은 아르고스 여인들의 양 뺨을 찢어지게 하리라.
"
τὰ μὲν ἐς τὸ ἔργον τῶν γυναικῶν ἔχοντα τοῦ χρησμοῦ ταῦτα ἦν·
"신탁 중에서 여인들의 공적에 관한 부분은 이와 같았다.