§252τί δʼ ἂν εἴποις τὸ φρέαρ τὸ ἱερόν;
성스러운 샘에 대해 그대는 무어라 말하겠는가?
ἢ δῆλον ὅτι τὴν τοῦ λόγου μέμφει φύσιν ὡς οὐχ ἱκανῶς ἐπὶ πάντα ἀφικνουμένην οὐδʼ ἐνδείξασθαι δυναμένην ἐνίοτε ἀρκούντως τὸ ὄν;
아니면 말의 본성이 모든 것에 충분히 도달하지 못하고, 때로는 존재하는 것을 충분히 나타내 보이지 못한다는 점을 들어 이를 탓하는 것이 분명한가?
τοῦτο γοῦν οὐδʼ ἂν εἷς λόγος ὁποῖόν τι τὸ κάλλος καὶ τὴν ἡδονήν ἐστιν ἐνδείξαιτο, ἀλλʼ ἀμείνους ἐσμὲν πίνειν τούτου τοῦ ὕδατος καὶ λούεσθαι καὶ προσορᾶν ἡδέως ἢ ἔχειν εἰπεῖν τι περὶ αὐτοῦ, ὥσπερ οἱ τῶν καλῶν ἐρῶντες, οἳ τῇ μὲν δυνάμει τοῦ κάλλους ἑαλώκασι καὶ ἴσασιν οἵων ἐρῶσιν, ἐὰν δέ τις αὐτοὺς ἔρηται, οὐκ ἂν ἔχοιεν εἰπεῖν περὶ ἀπόντων, παρόντας δὲ οἶμαι δείξαιεν ἄν.
어쨌든 단 하나의 말로도 이 샘의 아름다움과 즐거움이 어떠한 성질의 것인지 보여줄 수 없을 것이니, 차라리 우리는 그것에 대해 무어라 말할 수 있는 능력을 가지는 것보다, 이 물을 마시고 씻고 기쁘게 바라보는 데 더 잘 맞는다. 이는 아름다운 것을 사랑하는 이들과 같으니, 그들은 아름다움의 힘에 사로잡혀 자신들이 무엇을 사랑하는지 알고 있지만, 만약 누군가 그들에게 묻는다면 그 사랑하는 이가 곁에 없을 때는 말하지 못할 것이로되, 곁에 있다면 보여줄 수 있으리라 생각한다.
τὸ δʼ αὐτὸ καὶ ἐπὶ τοῦ φρέατος πεπόνθαμεν, καὶ ἐσμὲν ἐρασταὶ μὲν αὐτοῦ πάμπολλοι, μᾶλλον δὲ πάντες σχεδὸν, ὁποίου δὲ ὄντος οὐκ ἔχομεν εἰπεῖν.
우리 역시 이 샘에 대해 똑같은 일을 겪고 있으니, 우리 모두가, 아니 거의 전부가 이것의 사랑하는 이들이지만, 그것이 어떠한 성질의 것인지 말할 수는 없다.
ἀλλʼ ἐάν τινα ἡμῶν ἀπολαβών τις ἐρωτᾷ, παραλαβόντες ἂν αὐτὸν ἄγειν ἀξιοίημεν ἐπʼ αὐτὸ καὶ δεικνύοιμεν.
그러나 만약 우리 중 누군가를 붙잡고 묻는다면, 우리는 그 사람을 데리고 그곳으로 인도하여 보여주고자 할 것이다.
τῷ δὲ οὐδὲ τοῦτο ἀποχρήσει, γευσάμενος δὲ καὶ πειραθεὶς τοῦ παρʼ Ὁμήρῳ λωτοῦ γεγεῦσθαι δόξει, μένειν ἐθέλων καὶ χαλεπῶς ἀξιῶν ἀποχωρεῖν ἀπʼ αὐτοῦ.
그리고 그에게도 이것만으로는 충분치 않을 것이니, 맛보고 시험해 본다면 호메로스에 나오는 로토스를 맛본 것처럼 여겨져, 그곳에 머물고자 하며 그곳을 떠나기를 몹시 거부할 것이다.
ἀλλʼ οὐ μὲν δὴ χρὴ τὸ τῶν διψώντων, φασὶ, πίνειν σιωπῇ, ἀλλʼ ἐπικοσμῆσαί τι καὶ λόγῳ, καὶ προσειπεῖν τόν τε σωτῆρα θεὸν, οὗ καὶ τόδʼ ἐστὶν ἔργον τε καὶ ποίημα, καὶ τὰς ἐχούσας αὐτὸ Νύμφας καὶ συνεργαζομένας, καὶ ἡμῖν χρῆσθαι τῇ χάριτι τοῦ θεοῦ χαριζομένας τε καὶ συνυπηρετούσας.
그러나 속설에 이르듯, 목마른 이들처럼 침묵 속에 마셔서는 안 되며, 말로도 무언가 장식을 더하고, 이 샘이 그의 업적이자 피조물인 구원자 신을 부르고, 또한 그것을 소유하고 함께 일하는 님프들, 우리에게 은혜를 베풀고 힘을 보태어 우리가 신의 은총을 누리도록 돕는 이들에게도 말을 건네야 한다.
τίς οὖν δὴ γένοιτʼ ἂν ἀρχὴ, ἢ ὥσπερ ἡνίκʼ ἂν ἀπʼ αὐτοῦ πίνωμεν, προσθέντες τοῖς χείλεσι τὴν κύλικα οὐκέτι ἀφίσταμεν, ἀλλʼ ἀθρόον εἰσεχεάμεθα, οὕτω καὶ ὁ λόγος ἀθρόα πάνθʼ ἕξει λεγόμενα;
그렇다면 어떤 시작이 있을 수 있겠는가? 마치 우리가 샘물을 마실 때 잔을 입술에 대고서는 더 이상 떼지 않고 한꺼번에 쏟아붓는 것처럼, 말 역시 말해야 할 모든 것을 한꺼번에 다 담아내게 될 것인가?
ἔστω δὲ ἀντὶ τῆς τῷ χείλει προσαγωγῆς ἐκεῖνο ἡμῖν, ὅτι ἐν τῷ καλλίστῳ τῆς πάσης οἰκουμένης ἐστίν.
입술에 잔을 대는 것 대신에, 우리는 다음의 일을 시작으로 삼자. 즉, 그것이 온 거주 세계 중에서 가장 아름다운 곳에 있다는 사실이다.
ὃ γὰρ ἐξ ἁπάντων χωρίων εἵλετο ὁ θεὸς ὡς ὑγιεινότατον καὶ καθαρώτατον, καὶ ὃ ταῖς εὐεργεσίαις ταῖς παρʼ αὑτοῦ πεποίηκεν ἁπάντων ἐκφανέστατον, ἦ που σφόδρα τοῦτο §253κάλλιστόν ἐστι τῶν ἐν γῇ πάντων.
신께서 모든 땅 중에서 가장 건강에 좋고 가장 깨끗한 곳으로 이것을 택하셨고, 자신에게서 비롯된 은혜로 말미암아 그것을 모든 것 중에서 가장 돋보이게 만드셨으니, 과연 이것은 극히 지상의 모든 것 중에서 가장 아름다운 것이다.
καὶ γὰρ οὐχ ὥσπερ ἄλλοι ἄλλοις τόποις θεοὶ ἐξ ἀρχῆς ἐγγενεῖς εἰσι, καίτοι καὶ τούτους τιμίους οἶμαι χρὴ δοκεῖν κατʼ αὐτὸ τὸ λαχεῖν αὐτοὺς τοὺς θεοὺς, ἀλλὰ τοῦτό γε μεῖζόν ἐστιν ὅτι ἀπʼ αὐτῆς τῆς Ἐπιδαύρου δεῦρο ὁρμηθεὶς ὁ θεὸς ἠράσθη δὴ μάλιστα, ὡς δῆλόν ἐστιν ὅτι ἑλόμενός τε αὐτὸ ἐγκατέμεινε τὸ λοιπὸν καὶ προκρίνας τῶν ἄλλων.
왜냐하면 다른 신들이 다른 곳에 처음부터 토착인 것과는 달리, —물론 이 신들 역시 신들 자신이 그 땅을 얻었다는 사실 자체만으로도 존경받아야 마땅하다고 생각하지만, —그러나 이것은 더 중대하다. 신께서 저 에피다우로스에서 친히 이곳으로 오셔서 이곳을 무엇보다도 가장 사랑하셨기 때문이니, 이는 신께서 이곳을 선택하여 다른 곳보다 우선시하고 이후로 계속 머무르셨다는 사실에서도 명백하다.
ᾧ δὲ θεὸς καὶ θεῶν ὁ πραότατός τε καὶ φιλανθρωπότατος προσέχειν ἔκρινε, πῶς ἡμῖν γε, καὶ ταῦτα τοῖς τούτου θεράπουσιν, ἄλλο τι λέγειν ἔνεστιν ἢ ὡς τοῦτʼ ἐστὶ τὸ βέλτιστον;
신께서, 그것도 신들 중에서 가장 온화하고 인자하신 신께서 마음을 기울이기로 결정하신 곳에 대해, 우리, 그것도 신의 시종들인 우리가 이것이 최선이라는 것 외에 다른 무엇을 말할 수 있겠는가?
ἐν καλλίστῳ μὲν δὴ τῆς οἰκουμένης οὕτως ἔστιν εἰπεῖν.
이처럼 거주 세계의 가장 아름다운 곳에 있다고 말할 수 있다.
ἔτι δʼ αὐτοῦ τοῦ ἱεροῦ ὅσος ὑπαίθριος χῶρος καὶ βάσιμος ἐν τῷ καλλίστῳ ἐστί· μέσον γὰρ ἐν μέσῳ ἵδρυται.
나아가 성소 자체 중에서도 지붕이 없고 다닐 수 있는 모든 영역이 가장 아름다운 곳에 있으니, 중앙 중의 중앙에 세워져 있기 때문이다.
τὸ δὲ ὕδωρ εἰ μὲν βούλει, ἀπὸ πλατάνου ῥεῖ, ὥσπερ γὰρ ἄλλο τι σύμβολον καὶ τοῦτο παραπέφυκεν, εἰ δὲ βούλει, τὸ ἔτι κάλλιόν τε καὶ ἱερώτερον, ἀπʼ αὐτῶν τῶν βάθρων ἐκρεῖ, ἐφʼ ὧν ὁ νεὼς ἕστηκεν.
그리고 그 물은 원한다면 플라타너스 나무에서 흘러나오는데, 마치 또 하나의 상징처럼 이 나무 역시 곁에 자라나 있다. 혹은 원한다면, 한층 더 아름답고 성스러운 일로서 신전이 서 있는 바로 그 기단 자체에서 흘러나온다.
ὥστε παντί γε ταύτην τὴν δόξαν καὶ πίστιν ὑπεῖναι, ὅτι ἀπὸ ὑγιεινοῦ καὶ ὑγιείας χορηγοῦ χωρίου φέρεται, ἀπό γε τοῦ ἱεροῦ καὶ τῶν ποδῶν τοῦ σωτῆρος ὁρμώμενον·
그리하여 모든 이에게 이것이 건강에 좋고 건강을 베푸는 곳에서 전해지며, 성소와 구원자의 발치에서 비롯된다는 생각이 기저에 깔려 있게 된다.
οὐ γὰρ ἄν τι ἐξ ὑγιεινοτέρων ἢ καθαρωτέρων τόπων ὕδωρ ῥυείη ἢ τοῦτο ἐκ τούτων ῥέον.
이보다 더 건강에 좋고 깨끗한 곳에서 흘러나오는 물이, 이 기단에서 흐르는 물 외에는 존재할 수 없기 때문이다.
ἐν τοιούτῳ δὴ φαινόμενον καὶ ἀπὸ τοιούτων ὁρμώμενον, ὡς τὸ εἰκὸς ἔχει, κάλλιστόν ἐστι.
이와 같은 곳에서 나타나고 이와 같은 곳에서 비롯되었으니, 당연히 지극히 아름답다.
πρῶτον μέν γε λεπτότατον ἐγγυτάτω ἀέρος, ἔπειτα ὃ τούτῳ ἕπεται, κουφότατόν τε καὶ πραότατον, τρίτον γλυκύτατόν τε καὶ ποτιμώτατον, αὐτόχυτον, ὃ πίνων οὐκ ἂν οἴνου προσδεηθείης.
첫째로 가장 미세하여 공기에 가장 가깝고, 둘째로 이에 뒤따르는 성질로서 가장 가볍고 온화하며, 셋째로 가장 달고 마시기 좋아 저절로 흘러내리니, 이것을 마시면 포도주를 더 필요로 하지 않을 정도이다.
Ὅμηρος μὲν γὰρ ἔφη τὸν Τιταρήσιον ἐπιρρεῖν ἐπὶ τοῦ Πηνειοῦ, ὥσπερ ἄνδρα ἐπινηχόμενον ὑπὸ κουφότητος τοῦ ὕδατος· τὸ δέ μοι δοκεῖν εἰ ἐπιρρήξαις αὐτῷ ὕδωρ ἕτερον, ἀντάνεισιν εἰς τὸ ἄνω, τὸ δὲ δύεται ὥσπερ ὕφαλοι νεύοντες εἰς μυχὸν ἐκ τοῦ μετεώρου·
호메로스는 티타레시오스 강이 페네이오스 강 위로 흐르는 것을 두고, 물의 가벼움으로 인해 마치 사람이 헤엄쳐 나아가는 것 같다고 말했으나, 내 생각에는 만약 이 물 위에 다른 물을 쏟아붓는다면 이 물은 위로 떠오르고 다른 물은 높은 곳에서 심연으로 고개를 숙이며 가라앉는 잠수부처럼 가라앉을 것이다.
εἰ μὴ καὶ τοῦτʼ ἔστιν εἰπεῖν ὅτι μοι δοκεῖ κἂν τὸ ἐπεγχυθὲν ὑψῶσαι τῇ ἑαυτοῦ κουφότητι.
혹은 이렇게 말할 수도 있으리라. 내 생각에는 쏟아부어진 물조차 그 가벼움으로 인해 위로 들어 올려질 것처럼 보인다.
ὡς δὲ οὐ κομπάζομεν, σταθμῷ κρίνεται.
우리가 과장하는 것이 아님은 저울로써 판가름 난다.
καίτοι τί ἂν εἴποι ὁ τῆς Στυγὸς ἀπορρὼξ ὅταν ἀνθιστάμενος ῥέπῃ;
그런데 스튀크스의 줄기가 이에 맞서며 저울을 기울일 때 무어라 말하겠는가?
πρόσεστι δὲ τούτῳ ὅτι
여기에 다음의 사실이 더해진다. 즉……