§39κατακλίσεις ἀπόρους ὁδῶν μήκεσιν ἰώμενος, τροφῆς δʼ ἐνδείᾳ συνεχεῖ τὰς ἀμυθήτους καθάρσεις προστιθεὶς, ἀναπνεῖν δὲ ἀποροῦντι λέγειν καὶ γράφειν προστάττων, ὥστʼ εἴ τι καὶ τοῖς οὕτω θεραπευθεῖσιν ἔπεστιν αὔχημα, μηδʼ ἡμᾶς ἀμοίρους εἶναι τούτου.
긴 여정을 통해 꼼짝 못 하는 병상을 치료하고, 지속적인 굶주림을 통해 말로 다 할 수 없는 배설 정화를 가하며, 숨쉬기조차 힘겨워하는 자에게 말하고 글을 쓸 것을 명령하심으로써, 그 결과 그렇게 치료받은 사람들에게 어떤 자랑거리가 있다면 우리 역시 이것에서 제외되지 않게 하셨습니다.
καὶ μὴν οἱ μὲν καρτερήσεις ἑαυτῶν διηγοῦνται καὶ ὅσα καὶ οἷα ὑπέμειναν τοῦ θεοῦ καθηγουμένου, οἱ δὲ ὡς ῥᾳστώνην εὕροντο ὧν ἐδέοντο.
참으로 어떤 이들은 자신의 인내를, 그리고 신의 인도 하에 자신들이 얼마나 많고 어떤 종류의 고난들을 견뎌냈는지를 이야기하며, 다른 이들은 자신들이 필요로 했던 고통의 완화를 어떻게 얻었는지를 이야기합니다.
ἡμῖν δὲ πλεῖστα μὲν δή που κεκαρτέρηται κατὰ πολλοὺς καὶ παντοδαποὺς τρόπους, τὰ δὲ πάνυ κούφως ἐν ἡδονῇ γεγένηται, ὡς μηδαμοῦ τοὺς τρυφῶντας ἂν εἶναι, εἰ βούλοιο ἀντεξετάζειν.
그러나 우리에게는 매우 많은 일들이 여러 가지 다양한 방식으로 견뎌내진 반면, 그것들은 지극히 가볍고 즐거움 속에서 이루어졌기에, 만약 비교해보고자 한다면 호사를 누리는 자들은 아무것도 아닌 것처럼 보일 정도입니다.
καὶ τὰς μὲν ἄλλας ἂν ἔχων εἰπεῖν πόλεις Ἀσίας καὶ Εὐρώπης καὶ τὰς περὶ ταύτας ὁμιλίας καὶ συνευφραινομένων ὡς ἐπʼ οἰκείοις ἀγαθοῖς, πῶς οὐκ ἐπέκεινα τρυφῆς θήσομαι;
그리고 내가 아시아와 유럽의 다른 도시들에 대해, 그리고 그곳에서의 교류와, 마치 자신들의 경사인 양 함께 기뻐해 준 사람들에 대해 말할 수 있다면, 어찌 이를 사치 이상의 일로 치부하지 않겠습니까?
τί δʼ ἂν εἴποις θορύβους ἐν βουλευτηρίοις καὶ σπουδὰς ἔξω παραδείγματος, τὸ δὲ καὶ πρὶν εἰπεῖν ὁτιοῦν πεπιστεῦσθαι προέχειν;
또한 의사당에서의 환호와 유례를 찾을 수 없는 열성, 그리고 어떤 말을 하기도 전에 이미 뛰어날 것이라 신뢰받았던 것에 대해 어찌 말해야 하겠습니까?
ἆρʼ οὐ θεία τις χάρις καὶ τὰ πρῶτα τῆς ῥᾳστώνης ἔχουσα;
이것이 어떤 신성한 은혜이자 최고의 평안을 지닌 것이 아니겠습니까?
φαίην ἂν ἔγωγε, εἴπερ εἴη μεμνῆσθαι τῶν κρειττόνων.
더 훌륭하신 분들을 기억하는 것이 허락된다면, 나로서는 그렇다고 말하고 싶습니다.
ἤδη τοίνυν τινῶν ἤκουσα λεγόντων ὡς αὐτοῖς πλέουσι καὶ θορυβουμένοις φανεὶς ὁ θεὸς χεῖρα ὤρεξεν.
이미 나는 어떤 이들이 말하는 것을 들었는데, 항해 중에 풍랑으로 뒤흔들리던 자신들에게 신이 나타나 손을 내밀어 주었다는 것입니다.
ἕτεροι δέ γε φήσουσιν ὡς πράγματα ἄττα κατώρθωσαν ὑποθήκαις ἀκολουθήσαντες τοῦ θεοῦ.
또 다른 이들은 신의 권고를 따름으로써 몇몇 일들을 잘 해결했다고 말할 것입니다.
οὐδὲ ταῦτα ἀκούειν μᾶλλον ἢ λέγειν ἔχομεν πεπειραμένοι.
우리 역시 이를 전해 듣기만 한 것이 아니라 직접 경험하여 말할 수 있습니다.
ὅσα δʼ αὐτῶν οἷόν τε ἀπομνημονεῦσαι ἐν τοῖς ἱεροῖς καὶ ταῦτα ἔνεστι λόγοις.
그 일들 중 기억해 낼 수 있는 것은 '신성한 이야기'에도 들어 있습니다.
ἀλλὰ καὶ σοφίσματα πυκτικὰ πύκτῃ τινὶ τῶν ἐφʼ ἡμῶν ἐγκαθεύδοντι προειπεῖν λέγεται τὸν θεόν· οἷς ἔδει χρησάμενον καταβαλεῖν τινα τῶν πάνυ λαμπρῶν ἀνταγωνιστῶν.
또한 우리 시대의 어떤 권투 선수가 신전에서 잠을 잘 때, 신이 그에게 권투의 기술들을 미리 가르쳐 주었다고도 전해지는데, 그는 그것을 사용하여 지극히 저명한 경쟁 상대 중 하나를 쓰러뜨려야 했습니다.
μαθήματα δὲ ἡμῖν γε καὶ μέλη καὶ λόγων ὑποθέσεις καὶ πρὸς τούτοις ἐννοήματα αὐτὰ καὶ τὴν λέξιν, ὥσπερ οἱ τοῖς παισὶ τὰ γράμματα.
하지만 우리에게는 가르침과 노래, 그리고 연설의 주제들, 나아가 사상 그 자체와 표현 방식까지도, 마치 아이들에게 글자를 가르치는 이들처럼 전수해 주셨습니다.
ἐπιθεὶς τοίνυν ὥσπερ κεφάλαιον τῶν εὐεργεσιῶν τοῦ θεοῦ καὶ δὴ κατακλείσω τὸν λόγον ἐνταῦθά που.
그렇다면 신의 은혜들의 요약이자 결실을 덧붙이고, 내 연설을 이쯤에서 맺도록 하겠습니다.
ἐμοὶ γὰρ, ὦ δέσποτα Ἀσκληπιὲ, πολλὰ καὶ παντοῖα, §40ὥσπερ ὑπεῖπον, παρὰ σοῦ καὶ τῆς σῆς φιλανθρωπίας γεγένηται, μέγιστον δὲ καὶ πλείστης χάριτος ἄξιον καὶ σχεδὸν ὡς εἰπεῖν οἰκειότατον οἱ λόγοι.
나에게는, 주 아스클레피오스여, 내가 앞서 암시했듯이 많은 다양한 일들이 당신과 당신의 인류애로부터 생겨났지만, 가장 위대하고 가장 큰 감사에 마땅하며, 말하자면 가장 친숙한 것은 연설입니다.
τὸ γὰρ τοῦ Πινδάρου μετέβαλες.
당신께서는 핀다로스의 사례를 뒤바꾸셨기 때문입니다.
ἐκείνου μὲν γὰρ ὁ Πὰν τὸν παιᾶνα ὠρχήσατο, ὡς λόγος, ἐγὼ δὲ, εἰ θέμις εἰπεῖν, ὧν ὑποκριτὴς εἶναι·
그의 경우에는 소문에 따르면 판 신이 찬가를 추었다고 하지만, 나에게는, 감히 말하자면, 당신께서 몸소 연기자가 되어 주셨기 때문입니다.
προὔτρεψάς τε γὰρ αὐτὸς ἐπʼ αὐτοὺς καὶ τῆς ἀσκήσεως κατέστης ἡγεμών.
당신께서 직접 나를 그것들로 이끄셨고 그 단련의 지도자가 되어 주셨기 때문입니다.
καὶ οὐκ ἀπέχρη ταῦτα, ἀλλʼ ἃ καὶ τούτοις εἰκὸς ἦν ἀκολουθῆσαι, καὶ τούτων ἐπεμελήθης, ὅπως ἔσται μοι τὸ ἔργον ἐν δόξῃ.
그리고 이것들로 충분하지 않고, 이것들에 따르는 것이 마땅한 일들까지도 당신께서 돌보아 주시어 내 활동이 명성을 얻게 하셨습니다.
καὶ οὐκ ἔστιν οὐ πόλις, οὐκ ἰδιώτης, οὐ τῶν εἰς ἄρχοντας τελούντων, ὃς οὐ καὶ κατὰ μικρὸν ἡμῖν ὁμιλήσας οὐκ ἠσπάσατο εἰς ὅσον οἷός τε ἦν τὸν ἔπαινον ἐκτείνων, οὐ τῶν ἐμῶν, οἶμαι, λόγων ταῦτα ἐργαζομένων, ἀλλὰ σοῦ τοῦ κυρίου.
그리고 우리와 아주 잠깐이라도 교류를 나누고는 자신이 할 수 있는 한 칭찬을 아끼지 않고 환대해 주지 않은 도시도, 개인도, 통치자의 자리에 있는 자도 없었습니다. 내 연설이 이러한 일을 해낸 것이 아니라, 주님이신 당신 덕분이었다고 나는 생각합니다.
τὸ δὲ δὴ μέγιστον τῶν περὶ ταῦτα τὸ καὶ τοῖς θείοις βασιλεῦσιν εἰς τοσοῦτον οἰκειῶσαι καὶ χωρὶς τῆς ἐπὶ τῶν γραμμάτων συνουσίας ἀποδεῖξαι λέγοντα ἐν αὐτοῖς καὶ σπουδαζόμενον ἃ μηδεὶς πώποτε, καὶ ταῦτα ὁμοίως μὲν παρὰ τῶν βασιλέων, ὁμοίως δὲ καὶ τῶν βασιλίδων γενέσθαι, καὶ παντὸς δὴ τοῦ βασιλείου χοροῦ.
그리고 이와 관련된 가장 큰 일은, 신성한 황제들과 이토록 친밀하게 해 주셨으며, 서신을 통한 교류뿐만 아니라 그들 앞에서 연설하게 하시고 일찍이 누구도 받아보지 못한 열렬한 대접을 받는 모습을 보여주신 것입니다. 그리고 이러한 대우가 황제들로부터도, 똑같이 황후들로부터도, 그리고 온 조정의 무리로부터도 똑같이 행해졌다는 사실입니다.
Ὀδυσσεῖ δὲ ὑπῆρξε παρʼ Ἀθηνᾶς ἐν Ἀλκινόου καὶ Φαίαξιν ἐπιδείξασθαι.
아테나의 도움으로 오디세우스는 알키노오스의 궁정과 페아이아케스인들 앞에서 자신을 뽐낼 기회를 가졌습니다.
μέγα δή που καὶ τοῦτο καὶ μάλα ἐν καιρῷ.
이 역시 확실히 위대하고 지극히 시의적절한 일이었습니다.
καὶ ταῦτά τε οὕτως ἐπέπρακτο καὶ τὸ σύνθημα παρῆν ἀνακαλοῦν, ἔργῳ σοῦ δείξαντος ὅτι πολλῶν ἕνεκα προήγαγες εἰς μέσον, ὡς φανείημεν ἐν τοῖς λόγοις, καὶ γένοιντο αὐτήκοοι τῶν κρειττόνων οἱ τελεώτατοι.
그리고 이 일들이 이와 같이 이루어지고 복귀를 부르는 신호가 있었을 때, 당신은 행동으로 당신이 많은 이유로 나를 대중 앞에 이끄셨음을 보여주셨으니, 이는 우리가 연설 속에서 돋보이게 하고, 가장 성숙한 이들이 더 훌륭한 존재를 직접 듣는 이가 되게 하려 하심이었습니다.
τούτων καὶ πολλῶν ἑτέρων οὔτε παρʼ αὐτοῖς ἡμῖν ἰδίᾳ κἀν ταῖς ὁμιλίαις ταῖς πρὸς τοὺς ἐντυγχάνοντας τὴν δυνατὴν ἔχοντες χάριν οὐ παυσόμεθα, ἕως ἄν τι μνήμης καὶ τοῦ φρονεῖν μετὸν ἡμῖν τυγχάνῃ.
이러한 은혜와 다른 많은 은혜들에 대해, 우리는 우리 스스로 사적으로나 만나는 이들과의 대화 속에서나, 기억과 지성이 우리에게 조금이라도 남아 있는 한, 우리가 할 수 있는 감사를 표하기를 멈추지 않을 것입니다.
φαίην δʼ ἂν ἔγωγε καὶ ταύτην παρὰ σοῦ κεκομίσθαι τὴν χάριν, τὸ σὲ τὸν πάντα ἄριστον παρεῖναί τε ἡμῖν καὶ ἐπιψηφίζειν τοὺς λόγους.
그리고 나로서는 이 은혜 역시 당신에게서 받았다고 말하고 싶습니다. 즉, 모든 면에서 가장 훌륭하신 당신께서 우리와 함께 계시며 우리의 연설을 보증해 주신다는 은혜입니다.