§5.4.1Ἐπεὶ δʼ ἀπὸ τῶν προσαλπείων ἐθνῶν ἀρξάμενοι καὶ τῶν πρὸς αὐτοῖς ὀρῶν τῶν Ἀπεννίνων, ἔπειθʼ ὑπερβάντες ταῦτα τὴν ἐντὸς ἐπήλθομεν πᾶσαν, ὅση μεταξὺ κεῖται τοῦ Τυρρηνικοῦ πελάγους καὶ τῶν Ἀπεννίνων ὀρῶν τῶν κεκλιμένων πρὸς τὸν Ἀδρίαν μέχρι Σαυνιτῶν Καμπανῶν, νῦν ἐπανιόντες δηλώσομεν τὰ ἐν τοῖς ὄρεσι τούτοις οἰκοῦντα καὶ ταῖς ὑπωρείαις τῆς τε ἐκτὸς μέχρι τῆς παραλίας τῆς Ἀδριατικῆς καὶ τῆς ἐντός.
우리가 알프스 인근의 부족들과 그에 인접한 아펜니노산맥에서 시작하여, 다음으로 이것들을 넘어 티레니아해와 아드리아해를 향해 기울어진 아펜니노산맥 사이에 위치한, 삼니움인들과 캄파니아인들에 이르기까지의 ‘내륙(이탈리아)’ 지역 전체를 거쳤으므로, 이제 되돌아가 이 산들과 그 기슭에 거주하는 주민들, 즉 아드리아해 연안에 이르는 ‘외곽’ 및 ‘내륙’ 양쪽의 주민들을 밝히고자 한다.
ἀρκτέον δὲ πάλιν ἀπὸ τῶν Κελτικῶν ὅρων.
그리고 다시 켈트인의 경계로부터 시작해야 한다.
§5.4.2ἔστι δʼ ἡ Πικεντίνη μετὰ τὰς τῶν Ὀμβρικῶν πόλεις τὰς μεταξὺ Ἀριμίνου καὶ Ἀγκῶνος.
피켄툼 지방은 아리미눔과 안콘 사이에 있는 움브리아인들의 도시들 다음에 위치한다.
ὥρμηνται δʼ ἐκ τῆς Σαβίνης οἱ Πικεντῖνοι, δρυοκολάπτου τὴν ὁδὸν ἡγησαμένου τοῖς ἀρχηγέταις, ἀφʼ οὗ καὶ τοὔνομα·
피켄툼인들은 사비나 지방에서 출발했는데, 딱따구리가 그 지도자들에게 길을 안내해 주었으며 이로부터 그들의 이름도 유래했다.
πῖκον γὰρ τὸν ὄρνιν τοῦτον ὀνομάζουσι, καὶ νομίζουσιν Ἄρεως ἱερόν.
왜냐하면 그들은 이 새를 ‘피쿠스’라 부르며 아레스의 신성한 새로 여기기 때문이다.
οἰκοῦσι δʼ ἀπὸ τῶν ὀρῶν ἀρξάμενοι μέχρι τῶν πεδίων καὶ τῆς θαλάττης, ἐπὶ μῆκος ηὐξημένην ἔχοντες μᾶλλον ἢ πλάτος τὴν χώραν, ἀγαθὴν πρὸς ἅπαντα, βελτίω δὲ τοῖς ξυλίνοις καρποῖς ἢ τοῖς σιτικοῖς.
이들은 산지에서 시작하여 평원과 바다에 이르기까지 거주하며, 그 영토는 너비보다는 길이로 더 길게 뻗어 있고, 모든 면에서 비옥하지만 곡물보다는 나무 열매에 더 적합하다.
ἔστι δʼ εὖρος μὲν τὸ ἀπὸ τῶν ὀρῶν ἐπὶ θάλατταν ἀνώμαλον τοῖς διαστήμασι·
산지에서 바다에 이르는 너비는 그 거리가 일정하지 않다.
μῆκος δʼ ἀπὸ Αἴσιος ποταμοῦ μέχρι Κάστρου παράπλουν ἔχον σταδίων ὀκτακοσίων.
그러나 길이는 아이시스강에서 카스트룸까지 연안 항로로 800스타디온에 달한다.
πόλεις δʼ Ἀγκὼν μὲν Ἑλληνίς, Συρακουσίων κτίσμα τῶν φυγόντων τὴν Διονυσίου τυραννίδα·
도시들 중 안콘은 그리스계 도시로, 디오뉘시오스의 참주정을 피해 도망친 시라쿠사인들이 세운 곳이다.
κεῖται δʼ ἐπʼ ἄκρας μὲν λιμένα ἐμπεριλαμβανούσης τῇ πρὸς τὰς ἄρκτους ἐπιστροφῇ, σφόδρα δʼ εὔοινός ἐστι καὶ πυροφόρος.
이 도시는 북쪽으로 구부러져 항구를 감싸안는 곶 위에 자리 잡고 있으며, 포도주와 밀이 아주 풍부하다.
πλησίον δʼ αὐτῆς Αὔξουμον πόλις μικρὸν ὑπὲρ τῆς θαλάττης· εἶτα Σεπτέμπεδα καὶ * Πνευεντία καὶ Ποτεντία καὶ Φίρμον Πικηνόν· ἐπίνειον δὲ ταύτης Κάστελλον.
그 부근에는 바다에서 약간 위쪽에 위치한 아욱수뭄이라는 도시가 있고, 이어서 셉템페다, 프네우엔티아, 포텐티아, 그리고 필룸 피케눔이 있으며, 이 도시의 외항은 카스텔룸이다.
ἐφεξῆς δὲ τὸ τῆς Κύπρας ἱερόν, Τυρρηνῶν ἵδρυμα καὶ κτίσμα· τὴν δʼ Ἥραν ἐκεῖνοι Κύπραν καλοῦσιν·
그 옆에는 에트루리아인들이 설립하고 건립한 쿠프라 신전이 있는데, 그들은 헤라를 ‘쿠프라’라고 부른다.
εἶτα Τρουεντῖνος ποταμὸς καὶ πόλις ἐπώνυμος· εἶτα Καστρουνόουν καὶ ὁ Ματρῖνος ποταμός, ῥέων ἀπὸ τῆς Ἀδριανῶν πόλεως, ἔχων ἐπίνειον τῆς Ἀδρίας ἐπώνυμον ἑαυτοῦ.
다음으로는 트루엔투스강과 같은 이름의 도시가 있고, 이어서 카스트룸 노움과, 하드리아 시에서 흘러나와 하드리아의 외항으로서 자신과 같은 이름을 가진 마트리누스강이 있다.
ἔστι δʼ ἐν τῇ μεσογαίᾳ καὶ αὕτη καὶ τὸ Ἄσκλον τὸ Πικηνόν, ἐρυμνότατον χωρίον καὶ ἐφʼ ᾧ κεῖται τὸ τεῖχος, καὶ τὰ περικείμενα ὄρη στρατοπέδοις οὐ βάσιμα.
내륙에는 이 도시와 피켄 아스쿨룸이 있다. 후자는 매우 견고한 요새 같은 곳으로 그 위에 성벽이 놓여 있으며, 주변의 산들은 군대가 지나갈 수 없다.
ὑπὲρ δὲ τῆς Πικεντίνης Ὀυηστῖνοι τε καὶ Μαρσοὶ καὶ Πελίγνοι καὶ Μαρρουκῖνοι καὶ Φρεντανοί, Σαυνιτικὸν ἔθνος, τὴν ὀρεινὴν κατέχουσιν ἐφαπτόμενοι μικρὰ τῆς θαλάττης.
피켄툼 지방 위쪽에는 웨스티니인, 마르시인, 펠리그니인, 마르루키니인, 그리고 삼니움계 부족인 프렌타니인들이 산지를 차지하고 있으며, 바다에는 아주 조금만 접하고 있다.
ἔστι δὲ τὰ ἔθνη ταῦτα μικρὰ μὲν ἀνδρικώτατα δὲ καὶ πολλάκις τὴν ἀρετὴν ταύτην ἐπιδεδειγμένα Ῥωμαίοις, πρῶτον μὲν ἡνίκα ἐπολέμουν, δεύτερον δὲ ὅτε συνεστράτευον, τρίτον δʼ ὅτε δεόμενοι τυχεῖν ἐλευθερίας καὶ πολιτείας μὴ τυγχάνοντες ἀπέστησαν καὶ τὸν Μαρσικὸν καλούμενον ἐξῆψαν πόλεμον, Κορφίνιον, τὴν τῶν Πελίγνων μητρόπολιν, κοινὴν ἅπασι τοῖς Ἰταλιώταις ἀποδείξαντες πόλιν ἀντὶ τῆς Ῥώμης, ὁρμητήριον τοῦ πολέμου, μετονομασθεῖσαν Ἰταλικήν, καὶ ἐνταῦθα δὴ τοὺς συνεπομένους ἀθροίσαντες καὶ χειροτονήσαντες ὑπάτους καὶ στρατηγούς·
이 부족들은 작지만 매우 용맹하며 로마인들에게 이 용맹함을 자주 보여주었는데, 첫째는 그들이 전쟁을 벌였을 때이고, 둘째는 함께 종군했을 때이며, 셋째는 자유와 시민권을 요구하였으나 얻지 못해 반란을 일으켜 이른바 ‘마르시 전쟁’을 일으켰을 때이다. 이들은 펠리그니인의 모도시인 코르피니움을 로마 대신 모든 이탈리아인들의 공동 도시이자 전쟁의 거점으로 삼고 이름을 ‘이탈리카’로 바꾸었으며, 바로 이곳에서 추종자들을 모아 집정관과 장군들을 선출했다.
δύο δʼ ἔτη συνέμειναν ἐν τῷ πολέμῳ μέχρι διεπράξαντο τὴν κοινωνίαν περὶ ἧς ἐπολέμουν.
그들은 자신들이 그것을 위해 싸웠던 시민권을 획득할 때까지 2년 동안 전쟁을 지속했다.
Μαρσικὸν δὲ ὠνόμασαν τὸν πόλεμον ἀπὸ τῶν ἀρξάντων τῆς ἀποστάσεως, καὶ μάλιστα ἀπὸ Πομπαιδίου.
그리고 반란을 주도한 사람들, 특히 폼파에디우스의 이름을 따서 이 전쟁을 ‘마르시 전쟁’이라 불렀다.
τὰ μὲν οὖν ἄλλα κωμηδὸν ζῶσιν, ἔχουσι δὲ καὶ πόλεις ὑπὲρ μὲν τῆς θαλάττης τό τε Κορφίνιον καὶ Σούλμωνα καὶ Μαρούιον καὶ Τεατέαν τὴν τῶν Μαρρουκίνων μητρόπολιν.
그 외에 그들은 대개 마을 단위로 살아가지만 도시도 가지고 있는데, 내륙에는 코르피니움, 술모, 마루위움, 그리고 마르루키니인의 모도시인 테아테가 있다.
ἐπʼ αὐτῇ δὲ τῇ θαλάττῃ τό τε Ἄτερνον, ὅμορον τῇ Πικεντίνῃ, ὁμώνυμον δὲ τῷ ποταμῷ τῷ διορίζοντι τήν τε Ὀυηστίνην καὶ τὴν Μαρρουκίνην.
바다 바로 옆에는 아테르눔이 있는데, 이곳은 피켄툼 지방과 접경하며 웨스티니 지역과 마르루키니 지역을 가르는 강과 이름이 같다.
ῥεῖ γὰρ ἐκ τῆς Ἀμιτερνίνης, διὰ δὲ Ὀυηστίνων, παραλιπὼν ἐν δεξιᾷ τοὺς Μαρρουκίνους ὑπὲρ τῶν Πελίγνων κειμένους, ζεύγματι περατός.
왜냐하면 이 강은 아미테르눔 지역에서 흘러나와 웨스티니인들의 땅을 가로지르며, 펠리그니인들 위쪽에 있는 마르루키니인들을 우측에 두고 흐르고, 다리로 건널 수 있기 때문이다.
τὸ δὲ πόλισμα τὸ ἐπώνυμον αὐτοῦ Ὀυηστίνων μέν ἐστι, κοινῷ δʼ ἐπινείῳ χρῶνται καὶ οἱ Πελίγνοι καὶ οἱ Μαρρουκῖνοι·
강과 같은 이름을 가진 이 소도시는 웨스티니인들의 소유이지만, 펠리그니인들과 마르루키니인들도 공동의 외항으로 이용한다.
διέχει δὲ τὸ ζεῦγμα τέτταρας καὶ εἴκοσι σταδίους ἀπὸ Κορφινίου.
그리고 그 다리는 코르피니움으로부터 24스타디온 떨어져 있다.
μετὰ δὲ Ἄτερνον Ὄρτων ἐπίνειον Φρεντανῶν, καὶ Βοῦκα καὶ αὐτὴ Φρεντανῶν, ὅμορος Τεάνῳ τῷ Ἀπούλῳ.
아테르눔 다음에는 프렌타니인의 외항인 오르톤이 있고, 다음으로 역시 프렌타니인의 땅인 부카가 있는데 이곳은 아풀리아의 테아눔과 접해 있다.
μεταξὺ δὲ Ὄρτωνος καὶ Ἀτέρνου ὁ Σάγρος ποταμὸς ὁρίζων τοὺς Φρεντανοὺς ἀπὸ τῶν Πελίγνων.
오르톤과 아테르눔 사이에는 프렌타니인과 펠리그니인을 가르는 사그루스강이 흐른다.
ὁ δὲ παράπλους ἀπὸ τῆς Πικεντίνης ἐπὶ τοὺς Ἀπούλους, οὓς οἱ Ἕλληνες Δαυνίους καλοῦσι, σταδίων ἐστὶν ὅσον τετρακοσίων ἐνενήκοντα.
피켄툼 지방에서 그리스인들이 다우니아인이라 부르는 아풀리아인들에게 이르는 연안 항로는 약 490스타디온이다.