§3.1.7τῆς δὲ παραλίας ταύτης, εἰς ἣν ὅ τε Βαῖτις καὶ ὁ Ἄνας ἐκδίδωσι, καὶ τῶν ἐσχάτων τῆς Μαυρουσίας εἰς τὸ μεταξὺ ἐμπῖπτον τὸ Ἀτλαντικὸν πέλαγος ποιεῖ τὸν κατὰ στήλας πορθμόν, καθʼ ὃν ἡ ἐντὸς θάλαττα συνάπτει τῇ ἐκτός.
그리고 바이티스강과 아나스강이 흘러드는 이 해안선과 마우루시아의 극변 사이로 흘러드는 대서양이 기둥들에 있는 해협을 형성하며, 이 해협을 통해 내해가 외해와 결부된다.
ἐνταῦθα δὴ ὄρος ἐστὶ τῶν Ἰβήρων τῶν καλουμένων Βαστητανῶν, οὓς καὶ Βαστούλους καλοῦσιν, ἡ Κάλπη, τῇ περιοχῇ μὲν οὐ μέγα τῷ δʼ ὕψει μέγα καὶ ὄρθιον ὥστε πόρρωθεν νησοειδὲς φαίνεσθαι.
바로 이곳에 바스툴리아인이라고도 불리는, 바스테타니아인이라 불리는 이베리아인들의 산인 칼페가 있는데, 이 산은 둘레에 있어서는 크지 않으나 높이에 있어서는 높고 가파르기 때문에 멀리서 보면 섬처럼 보인다.
ἐκπλέουσιν οὖν ἐκ τῆς ἡμετέρας θαλάττης εἰς τὴν ἔξω δεξιόν ἐστι τοῦτο, καὶ πρὸς αὐτὸ Καρτηία πόλις ἐν τετταράκοντα σταδίοις ἀξιόλογος καὶ παλαιά, ναύσταθμόν ποτε γενομένη τῶν Ἰβήρων.
그러므로 우리의 바다에서 외해로 항해해 나가는 이들에게 이것은 오른편에 있으며, 그 근처 40스타디온 거리에는 과거 이베리아인들의 군항이었던 저명하고 오래된 도시 카르테이아가 있다.
ἔνιοι δὲ καὶ Ἡρακλέους κτίσμα λέγουσιν αὐτήν, ὧν ἐστι καὶ Τιμοσθένης, ὅς φησι καὶ Ἡράκλειαν ὀνομάζεσθαι τὸ παλαιόν, δείκνυσθαί τε μέγαν περίβολον καὶ νεωσοίκους.
어떤 이들은 이 도시를 헤라클레스의 창건이라 말하기도 하는데, 그들 중에는 티모스테네스도 있으며, 그는 그곳이 옛날에는 헤라클레이아라 불렸다고 말하며, 거대한 성벽과 선창이 제시되고 있다고 전한다.
§3.1.8εἶτα Μελλαρία ταριχείας ἔχουσα καὶ μετὰ ταῦτα Βελὼν πόλις καὶ ποταμός.
다음으로 염장 생선 가공장을 갖춘 멜라리아가 있고, 그 뒤에 벨론이라는 도시와 강이 있다.
ἐντεῦθεν οἱ διάπλοι μάλιστά εἰσιν εἰς Τίγγιν τῆς Μαυρουσίας καὶ ἐμπόρια καὶ ταριχεῖαι.
이곳으로부터 마우루시아의 팅기스로 건너가는 항로가 주로 이용되며, 이곳에는 교역소들과 염장 가공장들이 있다.
ἦν δὲ καὶ Ζῆλις τῆς Τίγγιος ἀστυγείτων, ἀλλὰ μετῴκισαν ταύτην εἰς τὴν περαίαν Ῥωμαῖοι καὶ ἐκ τῆς Τίγγιος προσλαβόντες τινάς·
또한 팅기스의 이웃에 젤리스라는 도시도 있었으나, 로마인들이 팅기스에서도 일부 사람들을 데려다가 이를 건너편 연안으로 이주시켰다.
ἔπεμψαν δὲ καὶ παρʼ ἑαυτῶν ἐποίκους καὶ ὠνόμασαν Ἰουλίαν Ἴοζαν τὴν πόλιν.
그리고 그들은 자신들 중에서도 이주민들을 보냈으며, 그 도시를 율리아 이오자라고 불렀다.
εἶτα Γάδειρα, πορθμῷ στενῷ διειργομένη νῆσος ἀπὸ τῆς Τουρδητανίας, διέχουσα τῆς Κάλπης περὶ ἑπτακοσίους καὶ πεντήκοντα σταδίους· οἱ δὲ ὀκτακοσίους φασίν.
다음으로 가데이라가 있는데, 이 섬은 좁은 해협에 의해 투르데타니아로부터 떨어져 있으며, 칼페로부터는 약 750스타디온 거리인데, 어떤 이들은 800스타디온이라고 말한다.
ἔστι δʼ ἡ νῆσος αὕτη τἆλλα μὲν οὐδὲν διαφέρουσα τῶν ἄλλων, ἀνδρείᾳ δὲ τῶν ἐνοικούντων τῇ περὶ τὰς ναυτιλίας καὶ φιλίᾳ πρὸς Ῥωμαίους τοσαύτην ἐπίδοσιν εἰς πᾶσαν εὐτυχίαν ἔσχεν ὥστε καίπερ ἐσχάτη ἱδρυμένη τῆς γῆς ὀνομαστοτάτη τῶν ἁπασῶν ἐστιν.
이 섬은 다른 면에서는 다른 섬들과 전혀 다를 바 없으나, 항해에 관한 주민들의 용맹함과 로마인들에 대한 우호 관계 덕분에 온갖 번영에 이르기까지 커다란 발전을 이루었기에, 비록 대지의 끝자락에 자리 잡고 있음에도 불구하고 모든 섬 중에서 가장 이름이 높다.
ἀλλὰ περὶ μὲν ταύτης ἐροῦμεν, ὅταν καὶ περὶ τῶν ἄλλων νήσων λέγωμεν.
그러나 이에 대해서는 다른 섬들에 대해 이야기할 때 말하도록 하겠다.
§3.1.9Ἐφεξῆς δʼ ἐστὶν ὁ Μενεσθέως καλούμενος λιμὴν καὶ ἡ κατὰ Ἄσταν ἀνάχυσις καὶ Νάβρισσαν.
이어서 메네스테우스의 항구라 불리는 항구와, 아스타 및 나브리사 부근의 만입지(아나키시스)가 있다.
λέγονται δὲ ἀναχύσεις αἱ πληρούμεναι τῇ θαλάττῃ κοιλάδες ἐν ταῖς πλημμυρίσι καὶ ποταμῶν δίκην ἀνάπλους εἰς τὴν μεσόγαιαν ἔχουσαι καὶ τὰς ἐπʼ αὐταῖς πόλεις.
만입지란 만조 때 바닷물로 가득 차며, 강처럼 내륙으로 들어가는 항로와 그 연안에 위치한 도시들을 갖춘 분지들을 일컫는다.
εἶτʼ εὐθὺς αἱ ἐκβολαὶ τοῦ Βαίτιος διχῆ σχιζόμεναι· ἡ δὲ ἀπολαμβανομένη νῆσος ὑπὸ τῶν στομάτων ἑκατόν, ὡς δʼ ἔνιοι καὶ πλειόνων σταδίων, ἀφορίζει παραλίαν.
그 뒤에 곧바로 두 갈래로 갈라지는 바이티스강의 하구들이 나타나는데, 이 하구들에 의해 둘러싸인 섬은 100스타디온(어떤 이들에 따르면 그 이상)의 해안선을 구획한다.
ἐνταῦθα δέ που καὶ τὸ μαντεῖον τοῦ Μενεσθέως ἐστί, καὶ ὁ τοῦ Καιπίωνος ἵδρυται πύργος ἐπὶ πέτρας ἀμφικλύστου, θαυμασίως κατεσκευασμένος, ὥσπερ ὁ Φάρος, τῆς τῶν πλοϊζομένων σωτηρίας χάριν.
그리고 이 근처 어딘가에 메네스테우스의 신탁소도 있으며, 사면이 파도에 씻기는 바위 위에는 항해하는 이들의 안전을 위해 파로스처럼 기가 막히게 세워진 카이피오의 탑이 서 있다.
ἥ τε γὰρ ἐκβαλλομένη χοῦς ὑπὸ τοῦ ποταμοῦ βραχέα ποιεῖ καὶ χοιραδώδης ἐστὶν ὁ πρὸ αὐτοῦ τόπος, ὥστε δεῖ σημείου τινὸς ἐπιφανοῦς.
왜냐하면 강에서 배출되는 흙모래가 얕은 곳을 만들고 그 앞쪽 지역은 암초가 많아서 눈에 띄는 표지가 필요하기 때문이다.
ἐντεῦθεν δʼ ὁ τοῦ Βαίτιος ἀνάπλους ἐστὶ καὶ πόλις Ἐβοῦρα καὶ τὸ τῆς Φωσφόρου ἱερόν, ἣν καλοῦσι Λοῦκεμ δουβίαν·
이곳으로부터 바이티스강의 상류 항로가 시작되며 에부라 도시와, 사람들이 루크스 두비아라고 부르는 포스포로스 신전이 있다.
εἶθʼ οἱ τῶν ἀναχύσεων τῶν ἄλλων ἀνάπλοι, καὶ μετὰ ταῦτα ὁ Ἄνας ποταμός, δίστομος καὶ οὗτος, καὶ ὁ ἐξ αὐτῶν ἀνάπλους·
그 뒤에 다른 만입지들의 상류 항로들이 있고, 그 뒤로 아나스강이 있는데 이 강 역시 두 하구를 가지고 있으며 그곳들로부터의 상류 항로도 있다.
εἶθʼ ὕστατον τὸ ἱερὸν ἀκρωτήριον, διέχον τῶν Γαδείρων ἐλάττους ἢ δισχιλίους σταδίους·
그리고 마지막으로 성스러운 곶이 있는데, 가데이라로부터 2,000스타디온 미만으로 떨어져 있다.
τινὲς δʼ ἀπὸ μὲν τοῦ ἱεροῦ ἀκρωτηρίου ἐπὶ τὸ τοῦ Ἄνα στόμα ἑξήκοντα μίλιά φασιν, ἐντεῦθεν δʼ ἐπὶ τὸ τοῦ Βαίτιος στόμα ἑκατόν, εἶτα εἰς Γάδειρα ἑβδομήκοντα.
그러나 어떤 이들은 성스러운 곶으로부터 아나스강 하구까지가 60마일이고, 거기서부터 바이티스강 하구까지가 100마일이며, 그 뒤 가데이라까지는 70마일이라고 말한다.