§14.5.1τῆς Κιλικίας δὲ τῆς ἔξω τοῦ Ταύρου ἡ μὲν λέγεται τραχεῖα ἡ δὲ πεδιάς·
타우로스산맥 외곽의 킬리키아 중에서 한쪽은 '험준한' 지역이라 불리고 다른 한쪽은 '평원'이라 불린다.
τραχεῖα μέν, ἧς ἡ παραλία στενή ἐστι καὶ οὐδὲν ἢ σπανίως ἔχει τι χωρίον ἐπίπεδον, καὶ ἔτι ἧς ὑπέρκειται ὁ Ταῦρος οἰκούμενος κακῶς μέχρι καὶ τῶν προσβόρρων πλευρῶν τῶν περὶ Ἴσαυρα καὶ τοὺς Ὁμοναδέας μέχρι τῆς Πισιδίας·
'험준한' 지역이란 그 해안선이 좁고 평탄한 땅이 전혀 없거나 매우 드물며, 게다가 그 위쪽으로 이사우라와 호모나데이스 주변의 북쪽 사면에서 피시디아에 이르기까지 정착하기 힘든 타우로스산맥이 우뚝 솟아 있는 곳이다.
καλεῖται δʼ ἡ αὐτὴ καὶ Τραχειῶτις καὶ οἱ ἐνοικοῦντες Τραχειῶται·
이 동일한 지역은 트라케오티스라고도 불리며, 거기에 사는 사람들은 트라케오타이라고 불린다.
πεδιὰς δʼ ἡ ἀπὸ Σόλων καὶ Ταρσοῦ μέχρι Ἰσσοῦ, καὶ ἔτι ἧς ὑπέρκεινται κατὰ τὸ πρόσβορρον τοῦ Ταύρου πλευρὸν Καππάδοκες·
반면 '평원' 지역이란 솔로이와 타르소스에서 이소스에 이르는 곳이며, 또한 타우로스산맥의 북쪽 사면을 따라 카파도키아인들이 그 위쪽에 위치하고 있는 곳이다.
αὕτη γὰρ ἡ χώρα τὸ πλέον πεδίων εὐπορεῖ καὶ χώρας ἀγαθῆς.
왜냐하면 이 지방은 대부분 평원이 풍부하고 비옥한 땅이기 때문이다.
ἐπεὶ δὲ τούτων τὰ μέν ἐστιν ἐντὸς τοῦ Ταύρου τὰ δʼ ἐκτός, περὶ μὲν τῶν ἐντὸς εἴρηται, περὶ δὲ τῶν ἐκτὸς λέγωμεν ἀπὸ τῶν Τραχειωτῶν ἀρξάμενοι.
그런데 이 지역들 중 일부는 타우로스산맥 안쪽에 있고 일부는 바깥쪽에 있는데, 안쪽 지역에 대해서는 이미 다루었으므로, 바깥쪽 지역에 대해 트라케오타이 주민들의 땅에서부터 시작하여 이야기해 보기로 하자。
§14.5.2πρῶτον τοίνυν ἐστὶ τῶν Κιλίκων φρούριον τὸ Κορακήσιον ἱδρυμένον ἐπὶ πέτρας ἀπορρῶγος, ᾧ ἐχρήσατο Διόδοτος ὁ Τρύφων προσαγορευθεὶς ὁρμητηρίῳ καθʼ ὃν καιρὸν ἀπέστησε τὴν Συρίαν τῶν βασιλέων καὶ διεπολέμει πρὸς ἐκείνους, τοτὲ μὲν κατορθῶν τοτὲ δὲ πταίων.
그리하여 킬리키아인들의 첫 번째 요새는 절벽 바위 위에 세워진 코라케시온인데, 트리폰이라 불린 디오도토스가 시리아를 왕들로부터 이탈시키고 그들과 전쟁을 치르던 시기에 활동 거점으로 삼았던 곳이다. 그는 때로는 성공하고 때로는 실패했다.
τοῦτον μὲν οὖν Ἀντίοχος ὁ Δημητρίου κατακλείσας εἴς τι χωρίον ἠνάγκασε διεργάσασθαι τὸ σῶμα·
데메트리오스의 아들 안티오코스는 그를 어떤 곳에 가두어 스스로 목숨을 끊게 만들었다.
τοῖς δὲ Κίλιξιν ἀρχὴν τοῦ τὰ πειρατικὰ συνίστασθαι Τρύφων αἴτιος κατέστη καὶ ἡ τῶν βασιλέων οὐδένεια τῶν τότε ἐκ διαδοχῆς ἐπιστατούντων τῆς Συρίας ἅμα καὶ τῆς Κιλικίας·
한편 킬리키아인들에게 해적 활동을 조직하는 시초를 제공한 것은 트리폰이었으며, 또한 당시 연이어 시리아와 동시에 킬리키아를 다스리던 왕들의 무능함이었다.
τῷ γὰρ ἐκείνου νεωτερισμῷ συνενεωτέρισαν καὶ ἄλλοι, διχοστατοῦντές τε ἀδελφοὶ πρὸς ἀλλήλους ὑποχείριον ἐποίουν τὴν χώραν τοῖς ἐπιτιθεμένοις.
왜냐하면 그의 반란에 맞추어 다른 이들도 함께 반란을 일으켰고, 서로 대립하는 형제들이 침략하는 자들에게 나라를 지배하기 쉬운 상태로 만들어 주었기 때문이다.
ἡ δὲ τῶν ἀνδραπόδων ἐξαγωγὴ προὐκαλεῖτο μάλιστα εἰς τὰς κακουργίας ἐπικερδεστάτη γενομένη·
특히 노예 수출은 극단적으로 수익성이 높았기 때문에 그들을 악행으로 가장 많이 부추겼다.
καὶ γὰρ ἡλίσκοντο ῥᾳδίως, καὶ τὸ ἐμπόριον οὐ παντελῶς ἄπωθεν ἦν μέγα καὶ πολυχρήματον, ἡ Δῆλος, δυναμένη μυριάδας ἀνδραπόδων αὐθημερὸν καὶ δέξασθαι καὶ ἀποπέμψαι, ὥστε καὶ παροιμίαν γενέσθαι διὰ τοῦτο
ἔμπορε, κατάπλευσον, ἐξελοῦ, πάντα πέπραται. αἴτιον δʼ ὅτι πλούσιοι γενόμενοι Ῥωμαῖοι μετὰ τὴν Καρχηδόνος καὶ Κορίνθου κατασκαφὴν οἰκετείαις ἐχρῶντο πολλαῖς·
왜냐하면 그들은 쉽게 붙잡혔고, 막대하고 자금이 풍부한 시장이 결코 멀지 않은 곳에 있었기 때문이다. 그곳은 바로 델로스 섬이었는데, 하루 만에 수만 명의 노예를 받아들이고 다시 내보낼 수 있을 정도였다. 그래서 이 때문에 다음과 같은 속담마저 생겨났다. “상인이여, 입항하여 짐을 풀어라, 모두 팔렸다.” 그 원인은 카르타고와 코린토스의 파괴 이후 부유해진 로마인들이 많은 노예들을 부렸기 때문이다.
ὁρῶντες δὲ τὴν εὐπέτειαν οἱ λῃσταὶ ταύτην ἐξήνθησαν ἀθρόως, αὐτοὶ καὶ λῃζόμενοι καὶ σωματεμποροῦντες.
해적들은 이러한 용이함을 보고, 스스로 약탈하고 인신매매를 행하면서 일제히 창궐했다.
συνήργουν δʼ εἰς ταῦτα καὶ οἱ τῆς Κύπρου καὶ οἱ τῆς Αἰγύπτου βασιλεῖς ἐχθροὶ τοῖς Σύροις ὄντες·
키프로스와 이집트의 왕들도 시리아인들과 적대적이었기 때문에 이 일에 협조했다.
οὐδʼ οἱ Ῥόδιοι δὲ φίλοι ἦσαν αὐτοῖς ὥστʼ οὐδὲν ἐβοήθουν·
로도스인들 역시 그들과 우호적이지 않았기에 아무런 도움도 주지 않았다.
ἅμα δὲ καὶ οἱ λῃσταὶ προσποιούμενοι σωματεμπορεῖν ἄλυτον τὴν κακουργίαν εἶχον.
동시에 해적들은 인신매매 상인을 가장했기 때문에 그들의 악행을 저지할 방법이 없었다.
ἀλλʼ οὐδὲ Ῥωμαῖοί πω τοσοῦτον ἐφρόντιζον τῶν ἔξω τοῦ Ταύρου, ἀλλʼ ἔπεμψαν μὲν καὶ Σκιπίωνα τὸν Αἰμιλιανὸν ἐπισκεψόμενον τὰ ἔθνη καὶ τὰς πόλεις καὶ πάλιν ἄλλους τινάς, ἔγνωσαν δὲ κακίᾳ τῶν ἀρχόντων συμβαῖνον τοῦτο, εἰ καὶ τὴν κατὰ γένος διαδοχὴν τὴν ἀπὸ Σελεύκου τοῦ Νικάτορος αὐτοὶ κεκυρωκότες ᾐδοῦντο ἀφαιρεῖσθαι.
그러나 로마인들도 아직 타우로스산맥 바깥쪽의 일들에 대해 그다지 마음을 쓰지 않았다. 그들은 스키피오 아에밀리아누스를 여러 민족과 도시들을 시찰하기 위해 파견했고, 그 후에도 다른 이들을 파견했는데, 지배자들의 무능함 때문에 이러한 일이 발생하고 있다고 판단했다. 비록 셀레우코스 니카토르로부터 이어지는 가문의 왕위 계승을 자신들이 공인했기에 그것을 빼앗기를 꺼려했을지라도 말이다.
τοῦτο δὲ συμβὰν τῆς μὲν χώρας ἐποίησε κυρίους Παρθυαίους, οἳ τὰ πέραν τοῦ Εὐφράτου κατέσχον, τὸ τελευταῖον δὲ καὶ Ἀρμενίους, οἳ καὶ τὴν ἐκτὸς τοῦ Ταύρου προσέλαβον μέχρι καὶ Φοινίκης, καὶ τοὺς βασιλέας κατέλυσαν εἰς δύναμιν καὶ τὸ γένος αὐτῶν σύμπαν, τὴν δὲ θάλατταν τοῖς Κίλιξι παρέδωκαν.
그리고 이러한 사태가 발생한 결과, 한편으로는 유프라테스강 건너편을 차지한 파르티아인들, 마침내는 타우로스산맥 바깥쪽을 포이니케까지 손에 넣은 아르메니아인들이 그 지역의 지배자가 되었고, 그들은 왕들과 그 가문 전체를 힘닿는 대로 멸망시키고 바다를 킬리키아인들에게 넘겨주게 되었다.
εἶτʼ αὐξηθέντας ἠναγκάσθησαν καταλύειν Ῥωμαῖοι πολέμῳ καὶ μετὰ στρατιᾶς οὓς αὐξομένους οὐκ ἐκώλυσαν.
그 결과 로마인들은 자신들이 성장하는 것을 막지 않았던 자들이 강력해진 후에, 전쟁과 대군을 동원하여 그들을 토벌할 수밖에 없게 되었다.
ὀλιγωρίαν μὲν οὖν αὐτῶν χαλεπὸν καταγνῶναι·
따라서 그들의 태만을 탓하기는 어렵다.
πρὸς ἑτέροις δὲ ὄντες τοῖς ἐγγυτέρω καὶ κατὰ χεῖρα μᾶλλον οὐχ οἷοί τε ἦσαν τὰ ἀπωτέρω σκοπεῖν.
왜냐하면 그들은 더 가깝고 당장 눈앞에 닥친 다른 일들에 매여 있었기에, 더 멀리 있는 일들을 살필 여력이 없었기 때문이다.
ταῦτα μὲν οὖν ἔδοξεν ἡμῖν ἐν παρεκβάσει διὰ βραχέων εἰπεῖν.
그리하여 이 일들에 대해서는 여담으로나마 간략하게 언급해 두는 것이 좋겠다고 우리는 생각했다.