§13.1.1μέχρι μὲν δεῦρο ἀφωρίσθω τὰ περὶ τῆς Φρυγίας ἐπανιόντες δὲ πάλιν ἐπὶ τὴν Προποντίδα καὶ τὴν ἐφεξῆς τῷ Αἰσήπῳ παραλίαν τὴν αὐτὴν τῆς περιοδείας τάξιν ἀποδώσομεν.
프리기아에 관한 기술은 이쯤에서 구획하는 것으로 하자. 우리는 다시 프로폰티스와 아이세포스 강에 인접한 해안 지역으로 되돌아가, 여정과 동일한 순서로 서술해 나갈 것이다.
ἔστι δὲ Τρῳὰς πρώτη τῆς παραλίας ταύτης, ἧς τὸ πολυθρύλητον καίπερ ἐν ἐρειπίοις καὶ ἐν ἐρημίᾳ λειπομένης ὅμως πολυλογίαν οὐ τὴν τυχοῦσαν παρέχει τῇ γραφῇ.
트로아스(트로이 지방)는 이 해안의 첫 번째 부분인데, 비록 폐허와 황폐함 속에 남겨져 있지만 그 널리 알려진 명성 덕분에 저술에 있어 예사롭지 않은 방대한 분량을 제공한다.
πρὸς τοῦτο δὲ συγγνώμης δεῖ καὶ παρακλήσεως, ὅπως τὴν αἰτίαν τοῦ μήκους μὴ ἡμῖν μᾶλλον ἀνάπτωσιν οἱ ἐντυγχάνοντες ἢ τοῖς σφόδρα ποθοῦσι τὴν τῶν ἐνδόξων καὶ παλαιῶν γνῶσιν·
이에 대해서는 관용과 간청이 필요한데, 이는 독자들이 그 분량의 책임을 우리보다도 오히려 영광스럽고 오래된 일들에 관한 지식을 간절히 갈망하는 사람들에게 돌리도록 하기 위함이다.
προσλαμβάνει δὲ τῷ μήκει καὶ τὸ πλῆθος τῶν ἐποικησάντων τὴν χώραν Ἑλλήνων τε καὶ βαρβάρων, καὶ οἱ συγγραφεῖς οὐχὶ τὰ αὐτὰ γράφοντες περὶ τῶν αὐτῶν οὐδὲ σαφῶς πάντα·
또한 그 땅에 이주해 살았던 그리스인들과 야만인들의 수가 많다는 점과, 역사가들이 같은 일에 대해 똑같이 쓰지 않고 모든 것을 명확하게 밝히지 않았다는 점도 분량을 늘리는 데 한몫하고 있다.
ὧν ἐν τοῖς πρώτοις ἐστὶν Ὅμηρος εἰκάζειν περὶ τῶν πλείστων παρέχων.
그중 첫째가는 이가 호메로스인데, 그는 대부분의 일들에 대해 추측할 여지를 제공한다.
δεῖ δὲ καὶ τὰ τούτου διαιτᾶν καὶ τὰ τῶν ἄλλων ὑπογράψαντας πρότερον ἐν κεφαλαίῳ τὴν τῶν τόπων φύσιν.
그러나 우리는 먼저 각 지역의 자연적 성격을 대강 그려 보인 뒤에, 그의 기술과 다른 이들의 기술을 음미하고 판정해야 한다.
§13.1.2ἀπὸ δὴ τῆς Κυζικηνῆς καὶ τῶν περὶ Αἴσηπον τόπων καὶ Γράνικον μέχρι Ἀβύδου καὶ Σηστοῦ τὴν τῆς Προποντίδος παραλίαν εἶναι συμβαίνει, ἀπὸ δὲ Ἀβύδου μέχρι Λεκτοῦ τὰ περὶ Ἴλιον καὶ Τένεδον καὶ Ἀλεξάνδρειαν τὴν Τρῳάδα·
실로 프로폰티스의 해안은 키지코스 영토 및 아이세포스 강과 그라니코스 강 주변 지역에서 시작하여 아비도스와 세스토스에 이른다. 그리고 아비도스에서 렉톤까지는 일리온, 테네도스, 알렉산드리아 주변의 트로아스 지방이다.
πάντων δὴ τούτων ὑπέρκειται ἡ Ἴδη τὸ ὄρος μέχρι Λεκτοῦ καθήκουσα·
이 모든 지역의 뒤편에는 이다 산이 솟아 있어 렉톤까지 흘러내린다.
ἀπὸ Λεκτοῦ δὲ μέχρι Καΐκου ποταμοῦ καὶ τῶν Κανῶν λεγομένων ἔστι τὰ περὶ Ἄσσον καὶ Ἀδραμύττιον καὶ Ἀταρνέα καὶ Πιτάνην καὶ τὸν Ἐλαϊτικὸν κόλπον·
렉톤에서 카이코스 강과 이른바 카나이까지는 아소스, 아드라밋티온, 아타르네우스, 피타네, 그리고 엘라이아 만 주변 지역이다.
οἷς πᾶσιν ἀντιπαρήκει ἡ τῶν Λεσβίων νῆσος·
이 모든 곳의 맞은편에 레스보스인들의 섬이 나란히 뻗어 있다.
εἶθʼ ἑξῆς τὰ περὶ Κύμην μέχρι Ἕρμου καὶ Φωκαίας, ἥπερ ἀρχὴ μὲν τῆς Ἰωνίας ἐστὶ πέρας δὲ τῆς Αἰολίδος.
그다음으로 키메 주변에서 헤르모스 강과 포카이아에 이르는 지역인데, 포카이아는 이오니아의 시작이자 아이올리스의 끝이다.
τοιούτων δὲ τῶν τόπων ὄντων ὁ μὲν ποιητὴς ἀπὸ τῶν περὶ Αἴσηπον τόπων καὶ τῶν περὶ τὴν νῦν Κυζικηνὴν χώραν ὑπαγορεύει μάλιστα τοὺς Τρῶας ἄρξαι μέχρι τοῦ Καΐκου ποταμοῦ διῃρημένους κατὰ δυναστείας εἰς ὀκτὼ μερίδας ἢ καὶ ἐννέα·
이 지역들의 구조가 이러하므로, 시인은 특히 트로이인들이 아이세포스 주변 지역과 현재의 키지코스 영토에서 카이코스 강에 이르기까지 지배했으며, 그 세력이 왕조들에 따라 여덟 혹은 아홉 구역으로 분할되어 있었다고 암시한다.
τὸ δὲ τῶν ἄλλων ἐπικούρων πλῆθος ἐν τοῖς συμμάχοις διαριθμεῖται.
그리고 다른 원군들의 군세는 동맹군 속에 계수되어 있다.
§13.1.3οἱ δʼ ὕστερον τοὺς ὅρους οὐ τοὺς αὐτοὺς λέγουσι καὶ τοῖς ὀνόμασι χρῶνται διηλλαγμένως, διαιρέσεις νέμοντες πλείους.
그러나 후대의 저술가들은 동일한 경계를 말하지 않고 명칭들을 다르게 사용하며 더 많은 분할을 부여한다.
μάλιστα δὲ αἱ τῶν Ἑλλήνων ἀποικίαι παρεσχήκασι λόγον·
그리고 무엇보다 그리스인들의 식민 활동이 논란을 불러일으켰다.
ἧττον μὲν ἡ Ἰωνική (πλείονι γὰρ διέστηκε τῆς Τρῳάδος), ἡ δὲ τῶν Αἰολέων παντάπασι·
이오니아인들의 식민은 덜 그러한데(그것은 트로아스에서 더 멀리 떨어져 있기 때문이다), 아이올리스인들의 식민은 전적으로 그러하다.
καθʼ ὅλην γὰρ ἐσκεδάσθη ἀπὸ τῆς Κυζικηνῆς μέχρι τοῦ Καΐκου καὶ ἐπέλαβεν ἔτι πλέον, τὴν μεταξὺ τοῦ Καΐκου καὶ τοῦ Ἕρμου ποταμοῦ.
왜냐하면 그것은 키지코스 영토에서 카이코스 강에 이르기까지 온 지역에 흩어져 있었고, 게다가 더 넓은 영역, 즉 카이코스 강과 헤르모스 강 사이의 지역까지 점유했기 때문이다.
τέτταρσι γὰρ δὴ γενεαῖς πρεσβυτέραν φασὶ τὴν Αἰολικὴν ἀποικίαν τῆς Ἰωνικῆς, διατριβὰς δὲ λαβεῖν καὶ χρόνους μακροτέρους.
실로 그들은 아이올리스인들의 식민이 이오니아인들의 식민보다 네 세대 앞섰으며, 긴 지체와 더 많은 시간을 소요했다고 말한다.
Ὀρέστην μὲν γὰρ ἄρξαι τοῦ στόλου, τούτου δʼ ἐν Ἀρκαδίᾳ τελευτήσαντος τὸν βίον διαδέξασθαι τὸν υἱὸν αὐτοῦ Πενθίλον, καὶ προελθεῖν μέχρι Θρᾴκης ἑξήκοντα ἔτεσι τῶν Τρωικῶν ὕστερον, ὑπʼ αὐτὴν τὴν τῶν Ἡρακλειδῶν εἰς Πελοπόννησον κάθοδον·
왜냐하면 오레스테스가 원정군을 이끌기 시작했으나 그가 아르카디아에서 생을 마감하자 그의 아들 펜틸로스가 이를 계승하여, 트로이 전쟁 육십 년 뒤인 헤라클레스 후예들의 펠로폰네소스 귀환 시기에 맞추어 트라키아까지 나아갔기 때문이다.
εἶτʼ Ἀρχέλαον υἱὸν ἐκείνου περαιῶσαι τὸν Αἰολικὸν στόλον εἰς τὴν νῦν Κυζικηνὴν τὴν περὶ τὸ Δασκύλιον·
그다음으로 그의 아들 아르켈라오스가 아이올리스 원정군을 다스킬리온 주변의 현재 키지코스 영토로 건너가게 했다.
Γρᾶν δὲ τὸν υἱὸν τούτου τὸν νεώτατον προελθόντα μέχρι τοῦ Γρανίκου ποταμοῦ καὶ παρεσκευασμένον ἄμεινον περαιῶσαι τὸ πλέον τῆς στρατιᾶς εἰς Λέσβον καὶ κατασχεῖν αὐτήν·
그리고 그의 막내아들 그라스가 그라니코스 강까지 나아가 더 잘 준비된 상태에서 군대의 대부분을 레스보스 섬으로 건너가게 하여 그곳을 점령했다.
Κλεύην δὲ τὸν Δώρου καὶ Μαλαόν, καὶ αὐτοὺς ἀπογόνους ὄντας Ἀγαμέμνονος, συναγαγεῖν μὲν τὴν στρατιὰν κατὰ τὸν αὐτὸν χρόνον καθʼ ὃν καὶ Πενθίλος, ἀλλὰ τὸν μὲν τοῦ Πενθίλου στόλον φθῆναι περαιωθέντα ἐκ τῆς Θρᾴκης εἰς τὴν Ἀσίαν, τούτους δὲ περὶ τὴν Λοκρίδα καὶ τὸ Φρίκιον ὄρος διατρῖψαι πολὺν χρόνον, ὕστερον δὲ διαβάντας κτίσαι τὴν Κύμην τὴν Φρικωνίδα κληθεῖσαν ἀπὸ τοῦ Λοκρικοῦ ὄρους.
한편 도로스의 아들 클레우에스와 말라우스는 그들 역시 아가멤논의 후손들로서 펜틸로스와 같은 시기에 군대를 모았으나, 펜틸로스의 원정군이 트라키아에서 아시아로 한발 앞서 건너간 반면, 이들은 로크리스와 프리키온 산 주변에서 오랜 시간을 지체하다가 나중에 건너가 로크리스의 산 이름을 따서 '프리코니스'라 불린 키메를 건설했다.