§12.3.18τῆς δὲ Τραπεζοῦντος ὑπέρκεινται καὶ τῆς Φαρνακίας Τιβαρανοί τε καὶ Χαλδαῖοι καὶ Σάννοι, οὓς πρότερον ἐκάλουν Μάκρωνας, καὶ ἡ μικρὰ Ἀρμενία·
트라페주스와 파르나키아 위쪽에는 티바라노이, 칼다이오이, 산노이(이들은 이전에 마크로네스라 불렸다), 그리고 소아르메니아가 위치해해 있다.
καὶ οἱ Ἀππαῗται δέ πως πλησιάζουσι τοῖς χωρίοις τούτοις οἱ πρότερον Κερκῖται.
또한 이전에 케르키타이라 불렸던 아파이타이 역시 어떤 식으로든 이 지역들에 인접해 있다.
διήκει δὲ διὰ τούτων ὅ τε Σκυδίσης ὄρος τραχύτατον συνάπτον τοῖς Μοσχικοῖς ὄρεσι τοῖς ὑπὲρ τῆς Κολχίδος, οὗ τὰ ἄκρα κατέχουσιν οἱ Ἑπτακωμῆται, καὶ ὁ Παρυάδρης ὁ μέχρι τῆς μικρᾶς Ἀρμενίας ἀπὸ τῶν κατὰ Σιδήνην καὶ Θεμίσκυραν τόπων διατείνων καὶ ποιῶν τὸ ἑωθινὸν τοῦ Πόντου πλευρόν.
그리고 이 영토들을 가로질러, 콜키스 위쪽의 모스키카 산맥과 연결되는 극히 험준한 스퀴디세스 산이 뻗어 있는데, 그 정상은 헵타코메타이가 차지하고 있다. 또한 시데네와 테미스퀴라 근처 지역에서부터 소아르메니아에 이르기까지 뻗어 있으며 폰토스의 동쪽 벽을 형성하는 파류아드레스 산 역시 (그곳을 가로질러 뻗어 있다).
εἰσὶ δʼ ἅπαντες μὲν οἱ ὄρειοι τούτων ἄγριοι τελέως, ὑπερβέβληνται δὲ τοὺς ἄλλους οἱ Ἑπτακωμῆται·
이들 중 산악 지대 주민들은 모두 완전히 야만적이지만, 헵타코메타이는 다른 이들을 능가한다.
τινὲς δὲ καὶ ἐπὶ δένδρεσιν ἢ πυργίοις οἰκοῦσι, διὸ καὶ Μοσυνοίκους ἐκάλουν οἱ παλαιοί, τῶν πύργων μοσσύνων λεγομένων.
그들 중 일부는 나무 위나 작은 탑에 살기도 하는데, 이 때문에 고대인들은 그들을 모쉬노이코이라 불렀다. 그 탑들이 '모쉬네스'라 불렸기 때문이다.
ζῶσι δʼ ἀπὸ θηρείων σαρκῶν καὶ τῶν ἀκροδρύων, ἐπιτίθενται δὲ καὶ τοῖς ὁδοιποροῦσι καταπηδήσαντες ἀπὸ τῶν ἰκρίων.
이들은 야생 동물의 고기와 나무 열매를 먹고 살며, 발판에서 뛰어내려 여행자들을 습격하기도 한다.
οἱ δὲ Ἑπτακωμῆται τρεῖς Πομπηίου σπείρας κατέκοψαν διεξιούσας τὴν ὀρεινήν, κεράσαντες κρατῆρας ἐν ταῖς ὁδοῖς τοῦ μαινομένου μέλιτος, ὃ φέρουσιν οἱ ἀκρεμόνες τῶν δένδρων·
실제로 헵타코메타이는 산악 지대를 지나가던 폼페이우스의 3개 코호르스를 전멸시켰는데, 길목에 나무 가지들이 내는 '미친 꿀'을 섞은 크라테르들을 놓아두었던 것이다.
πιοῦσι γὰρ καὶ παρακόψασιν ἐπιθέμενοι ῥᾳδίως διεχειρίσαντο τοὺς ἀνθρώπους.
군사들이 그것을 마시고 정신을 잃었을 때 습격하여 그들을 쉽게 처치했기 때문이다.
ἐκαλοῦντο δὲ τούτων τινὲς τῶν βαρβάρων καὶ Βύζηρες.
이들 야만인 중 일부는 뷔제레스라고도 불렸다.
§12.3.19οἱ δὲ νῦν Χαλδαῖοι Χάλυβες τὸ παλαιὸν ὠνομάζοντο, καθʼ οὓς μάλιστα ἡ Φαρνακία ἵδρυται, κατὰ θάλατταν μὲν ἔχουσα εὐφυΐαν τὴν ἐκ τῆς πηλαμυδείας (πρώτιστα γὰρ ἁλίσκεται ἐνταῦθα τὸ ὄψον τοῦτο), ἐκ δὲ τῆς γῆς τὰ μέταλλα νῦν μὲν σιδήρου πρότερον δὲ καὶ ἀργύρου.
현재 칼다이오이라 불리는 이들은 고대에는 할뤼베스라 불렸는데, 이들을 마주보고 파르나키아가 세워져 있다. 이 도시는 바다에서는 펠라뮈스(하가츠오) 어업에서 얻는 이점(이 별미가 가장 먼저 잡히는 곳이 바로 여기이기 때문이다)을 누리고 있으며, 육지에서는 현재는 철, 이전에는 은의 광산을 가지고 있다.
ὅλως δὲ κατὰ τοὺς τόπους τούτους ἡ παραλία στενὴ τελέως ἐστίν·
대체로 이 지역들의 해안가는 완전히 좁다.
ὑπέρκειται γὰρ εὐθὺς τὰ ὄρη μετάλλων πλήρη καὶ δρυμῶν, γεωργεῖται δʼ οὐ πολλά·
광산과 삼림이 가득한 산들이 바로 뒤에 솟아 있어 경작지가 많지 않기 때문이다.
λείπεται δὴ τοῖς μὲν μεταλλευταῖς ἐκ τῶν μετάλλων ὁ βίος, τοῖς δὲ θαλαττουργοῖς ἐκ τῆς ἁλιείας καὶ μάλιστα τῶν πηλαμύδων καὶ τῶν δελφίνων·
그리하여 광부들에게는 광산에서의 생계가 남겨지고, 바다의 일꾼들에게는 어업, 특히 펠라뮈스와 돌고래 어업에서의 생계가 남겨진다.
ἐπακολουθοῦντες γὰρ ταῖς ἀγέλαις τῶν ἰχθύων, κορδύλης τε καὶ θύννης καὶ αὐτῆς τῆς πηλαμύδος, πιαίνονταί τε καὶ εὐάλωτοι γίνονται διὰ τὸ πλησιάζειν τῇ γῇ προαλέστερον·
돌고래들은 물고기 떼, 즉 코르뒬레(어린 참치), 참치, 그리고 펠라뮈스 자체를 뒤쫓아 살이 찌고, 육지에 더 가까이 접근하기 때문에 쉽게 잡힌다.
δελεαζομένους μόνοι οὗτοι κατακόπτουσι τοὺς δελφῖνας καὶ τῷ στέατι πολλῷ χρῶνται πρὸς ἅπαντα.
이 지역 사람들만이 미끼로 유인된 돌고래를 잘라내어 그 풍부한 기름을 온갖 용도로 널리 사용한다.
§12.3.20τούτους οὖν οἶμαι λέγειν τὸν ποιητὴν Ἁλιζώνους ἐν τῷ μετὰ τοὺς Παφλαγόνας καταλόγῳ
"
αὐτὰρ Ἁλιζώνων Ὀδίος καὶ Ἐπίστροφος ἦρχον
τηλόθεν ἐξ Ἀλύβης, ὅθεν ἀργύρου ἐστὶ γενέθλη. "
ἤτοι τῆς γραφῆς μετατεθείσης ἀπὸ τοῦ
τηλόθεν ἐκ Χαλύβης,
ἢ τῶν ἀνθρώπων πρότερον Ἀλύβων λεγομένων ἀντὶ Χαλύβων·
그러므로 나는 시인이 파플라고니아인들 다음의 목록에서 이들을 할리조네스라 부른 것이라 생각한다. "하지만 할리조네스는 호디오스와 에피스트로포스가 이끌었으니, 은의 발원지인 먼 알뤼베로부터 왔노라." 이는 텍스트가 다음과 같이 변경되었거나, "먼 할뤼베로부터" 또는 사람들이 이전에 할뤼베스 대신 알뤼베스라 불렸기 때문이다.
οὐ γὰρ νῦν μὲν δυνατὸν γέγονεν ἐκ Χαλύβων Χαλδαίους λεχθῆναι, πρότερον δʼ οὐκ ἐνῆν ἀντὶ Ἀλύβων Χάλυβας, καὶ ταῦτα τῶν ὀνομάτων μεταπτώσεις πολλὰς δεχομένων καὶ μάλιστα ἐν τοῖς βαρβάροις·
왜냐하면 현재 할뤼베스로부터 칼다이오이라 불리는 것이 가능해졌는데, 이전에 알뤼베스 대신 할뤼베스라 부르는 것이 불가능했을 리 없기 때문이며, 특히 야만인들 사이에서 이름이 수많은 변화를 겪는다는 점을 고려하면 더욱 그러하다.
Σίντιες γὰρ ἐκαλοῦντό τινες τῶν Θρᾳκῶν, εἶτα Σιντοί, εἶτα Σάιοι, παρʼ οἷς φησιν Ἀρχίλοχος τὴν ἀσπίδα ῥῖψαι
"
ἀσπίδα μὲν Σαΐων τις ἀνείλετο, τὴν παρὰ θάμνῳ
ἔντος ἀμώμητον κάλλιπον οὐκ ἐθέλων. "
οἱ δʼ αὐτοὶ οὗτοι Σαπαῖοι νῦν ὀνομάζονται·
왜냐하면 트라키아인 중 일부는 신티에스라 불렸고, 그다음에는 신토이, 그다음에는 사이오이라 불렸는데, 이들 사이에서 아르킬로코스가 방패를 버렸다고 말하기 때문이다. "사이오이 사람 중 누군가가 내 방패를 주웠으니, 덤불 곁에 내 의사에 반하여 두고 온 흠잡을 데 없는 무기라네." 그리고 이 동일한 이들이 현재는 사파이오이라 불린다.
πάντες γὰρ οὗτοι περὶ Ἄβδηρα τὴν οἴκησιν εἶχον καὶ τὰς περὶ Λῆμνον νήσους·
이들 모두 아브데라 주변과 렘노스 주변 섬들에 거처를 두고 있었기 때문이다.
ὁμοίως δὲ καὶ Βρῦγοι καὶ Βρύγες καὶ Φρύγες οἱ αὐτοί, καὶ Μυσοὶ καὶ Μαίονες καὶ Μῄονες·
마찬가지로 브뤼고이, 브뤼게스, 프뤼게스는 동일하며, 뮈소이, 마이오네스, 메오네스 역시 그러하다.
οὐ χρεία δὲ πλεονάζειν.
예시를 늘릴 필요는 없을 것이다.
ὑπονοεῖ δὲ καὶ ὁ Σκήψιος τὴν τοῦ ὀνόματος μετάπτωσιν ἐξ Ἀλύβων εἰς Χάλυβας, τὰ δʼ ἑξῆς καὶ τὰ συνῳδὰ οὐ νοῶν, καὶ μάλιστα ἐκ τίνος Ἁλιζώνους εἴρηκε τοὺς Χάλυβας, ἀποδοκιμάζει τὴν δόξαν·
스켑시스 역시 알뤼베스에서 할뤼베스로의 이름 변화를 추측하고 있으나, 뒤따르는 내용과 조화되는 부분을 이해하지 못하고, 특히 시인이 어떤 이유에서 할뤼베스를 '할리조네스'라 불렀는지를 이해하지 못하여 이 견해를 배척하고 있다.
ἡμεῖς δʼ ἀντιπαραθέντες τῇ ἡμετέρᾳ τὴν ἐκείνου καὶ τὰς τῶν ἄλλων ὑπολήψεις σκοπῶμεν.
하지만 우리는 그의 의견과 다른 이들의 가정을 우리 자신의 견해와 대비하면서 검토해 보자.
§12.3.21οἱ μὲν μεταγράφουσιν
Ἀλαζώνων
οἱ δʼ
Ἀμαζώνων
ποιοῦντες, τὸ δʼ
ἐξ Ἀλύβης
ἐξ Ἀλόπης
ἢ
ἐξ Ἀλόβης,
τοὺς μὲν Σκύθας Ἀλαζῶνας φάσκοντες ὑπὲρ τὸν Βορυσθένη καὶ Καλλιπίδας καὶ ἄλλα ὀνόματα, ἅπερ Ἑλλάνικός τε καὶ Ἡρόδοτος καὶ Εὔδοξος κατεφλυάρησαν ἡμῶν, τοὺς δʼ Ἀμαζῶνας μεταξὺ Μυσίας καὶ Καρίας καὶ Λυδίας, καθάπερ Ἔφορος νομίζει, πλησίον Κύμης τῆς πατρίδος αὐτοῦ·
어떤 이들은 '알라조네스의'로, 다른 이들은 '아마조네스의'로 고쳐 쓰고, '알뤼베로부터'를 '알로페로부터' 또는 '알로베로부터'로 만드는데, 전자들은 보리스테네스 강 위쪽의 스키티아 알라조네스와 칼리피다이, 그리고 헬라니코스와 헤로도토스, 에우독소스가 우리에게 허튼소리를 늘어놓았던 다른 이름들을 주장하고, 후자들은 에포로스가 생각하는 것처럼 미시아, 카리아, 뤼디아 사이, 그의 고향 퀴메 근처에 아마조네스가 있다고 주장한다.
καὶ τοῦτο μὲν ἔχεταί τινος λόγου τυχὸν ἴσως·
그리고 이 견해는 어쩌면 어느 정도 일리가 있을지 모른마.
εἴη γὰρ ἂν λέγων τὴν ὑπὸ τῶν Αἰολέων καὶ Ἰώνων οἰκισθεῖσαν ὕστερον, πρότερον δʼ ὑπὸ Ἀμαζόνων, καὶ ἐπωνύμους πόλεις τινὰς εἶναί φασι· καὶ γὰρ Ἔφεσον καὶ Σμύρναν καὶ Κύμην καὶ Μύριναν.
왜냐하면 그가 나중에 아이올리스인들과 이오니아인들에 의해 식민되었으나 이전에는 아마존들의 지배를 받았던 영토에 대해 말하고 있는 것일 수 있으며, 실제로 에페소스, 스뮈르나, 퀴메, 뮈리나 등 몇몇 도시들이 그들의 이름을 따서 명명되었다고 말하기 때문이다.
ἡ δὲ Ἀλύβη ἢ ὥς τινες Ἀλόπη ἢ Ἀλόβη πῶς ἂν ἐν τοῖς τόποις τούτοις ἐξητάζετο;
하지만 알뤼베, 혹은 일부가 말하는 알로페나 알로베가 어떻게 이 지역들에서 찾아질 수 있겠는가?
πῶς δὲ τηλόθεν;
그리고 어떻게 '멀리서' 온 것일 수 있겠는가?
πῶς δʼ ἡ τοῦ ἀργύρου γενέθλη;
또한 어떻게 '은의 발원지'일 수 있겠는가?