§8.1342aφανερὸν ὅτι χρηστέον μὲν πάσαις ταῖς ἁρμονίαις, οὐ τὸν αὐτὸν δὲ τρόπον πάσαις χρηστέον, ἀλλὰ πρὸς μὲν τὴν παιδείαν ταῖς ἠθικωτάταις, πρὸς δὲ ἀκρόασιν ἑτέρων χειρουργούντων καὶ ταῖς πρακτικαῖς καὶ ταῖς ἐνθουσιαστικαῖς.
모든 하르모니아를 사용해야 하기는 하지만, 모든 하르모니아를 동일한 방식으로 사용해서는 안 되며, 오히려 교육을 위해서는 가장 에토스적인 하르모니아를 사용하고, 타인의 연주를 청취하기 위해서는 실천적인 하르모니아와 영감적인 하르모니아도 사용해야 한다는 점은 분명하다.
ὃ γὰρ περὶ ἐνίας συμβαίνει πάθος ψυχὰς ἰσχυρῶς, τοῦτο ἐν πάσαις ὑπάρχει, τῷ δὲ ἧττον διαφέρει καὶ τῷ μᾶλλον, οἷον ἔλεος καὶ φόβος, ἔτι δʼ ἐνθουσιασμός·
왜냐하면 일부 영혼에 강하게 일어나는 감정은 모든 영혼에 존재하며, 다만 그 정도가 더하고 덜함에 있어서 차이가 있을 뿐이기 때문이다. 예를 들어 동정과 두려움, 그리고 영감이 그러하다.
καὶ γὰρ ὑπὸ ταύτης τῆς κινήσεως κατοκώχιμοί τινές εἰσιν, ἐκ τῶν δʼ ἱερῶν μελῶν ὁρῶμεν τούτους, ὅταν χρήσωνται τοῖς ἐξοργιάζουσι τὴν ψυχὴν μέλεσι, καθισταμένους ὥσπερ ἰατρείας τυχόντας καὶ καθάρσεως·
실제로 이 운동에 의해 쉽게 사로잡히는 사람들이 있는데, 신성한 선율로부터, 영혼을 열광시키는 선율을 그들이 사용할 때에 치료나 정화(카타르시스)를 얻은 것처럼 진정되는 것을 우리는 보기 때문이다.
ταὐτὸ δὴ τοῦτο ἀναγκαῖον πάσχειν καὶ τοὺς ἐλεήμονας καὶ τοὺς φοβητικοὺς καὶ τοὺς ὅλως παθητικούς, τοὺς ἄλλους καθʼ ὅσον ἐπιβάλλει τῶν τοιούτων ἑκάστῳ, καὶ πᾶσι γίγνεσθαί τινα κάθαρσιν καὶ κουφίζεσθαι μεθʼ ἡδονῆς.
이와 똑같은 일을 동정심이 많은 이들과 두려움을 잘 느끼는 이들, 그리고 일반적으로 감수성이 풍부한 이들도 경험할 수밖에 없으며, 다른 이들도 그러한 감정이 각자에게 미치는 정도에 따라 그러하고, 모든 이에게 어떤 정화가 일어나며 기쁨과 함께 가벼워지는 것이다.
ὁμοίως δὲ καὶ τὰ μέλη τὰ πρακτικὰ παρέχει χαρὰν ἀβλαβῆ τοῖς ἀνθρώποις·
마찬가지로 실천적인 선율도 사람들에게 무해한 즐거움을 제공한다.
διὸ ταῖς μὲν τοιαύταις ἁρμονίαις καὶ τοῖς τοιούτοις μέλεσιν θετέον τοὺς τὴν θεατρικὴν μουσικὴν μεταχειριζομένους ἀγωνιστάς·
그러므로 연극 음악을 다루는 경연자들에게는 이러한 하르모니아와 이러한 선율을 사용하도록 규정해야 한다.
ἐπεὶ δʼ ὁ θεατὴς διττός, ὁ μὲν ἐλεύθερος καὶ πεπαιδευμένος, ὁ δὲ φορτικὸς ἐκ βαναύσων καὶ θητῶν καὶ ἄλλων τοιούτων συγκείμενος, ἀποδοτέον ἀγῶνας καὶ θεωρίας καὶ τοῖς τοιούτοις πρὸς ἀνάπαυσιν·
그런데 관중은 두 부류로, 한 부류는 자유롭고 교양 있는 이들이며, 다른 부류는 직공이나 고용인 및 기타 그러한 자들로 구성된 저속한 관중이므로, 이러한 자들에게도 휴식을 위해 경연과 관극을 제공해야 한다.
εἰσὶ δὲ ὥσπερ αὐτῶν αἱ ψυχαὶ παρεστραμμέναι τῆς κατὰ φύσιν ἕξεως—οὕτω καὶ τῶν ἁρμονιῶν παρεκβάσεις εἰσὶ καὶ τῶν μελῶν τὰ σύντονα καὶ παρακεχρωσμένα, ποιεῖ δὲ τὴν ἡδονὴν ἑκάστοις τὸ κατὰ φύσιν οἰκεῖον, διόπερ ἀποδοτέον ἐξουσίαν τοῖς ἀγωνιζομένοις πρὸς τὸν θεατὴν τὸν τοιοῦτον τοιούτῳ τινὶ χρῆσθαι τῷ γένει τῆς μουσικῆς.
그리고 그들의 영혼이 자연스러운 상태로부터 왜곡되어 있는 것처럼, 하르모니아의 일탈도 존재하며 선율 중에서도 긴장된 것과 변조된 것이 존재한다. 그리고 각자에게 자연스럽고 알맞은 것이 즐거움을 주는 법이므로, 그러한 관중을 상대로 겨루는 자들에게는 이러한 종류의 음악 장르를 사용할 자유를 허용해야 한다.
πρὸς δὲ παιδείαν, ὥσπερ εἴρηται, τοῖς ἠθικοῖς τῶν μελῶν χρηστέον καὶ ταῖς ἁρμονίαις ταῖς τοιαύταις.
그러나 교육에 대해서는, 이미 말했듯이 에토스적인 선율과 그러한 하르모니아를 사용해야 한다.
τοιαύτη δʼ ἡ δωριστί, καθάπερ εἴπομεν πρότερον·
그리고 도리아 조가 그러한 성질을 가지며, 이는 우리가 이전에 말한 바와 같다.
δέχεσθαι δὲ δεῖ κἄν τινα ἄλλην ἡμῖν δοκιμάζωσιν οἱ κοινωνοὶ τῆς ἐν φιλοσοφίᾳ διατριβῆς καὶ τῆς περὶ τὴν μουσικὴν παιδείας.
또한 철학 연구 및 음악 교육에 종사하는 우리의 동료들이 우리에게 다른 어떤 하르모니아를 인정하여 권한다면 그것 역시 받아들여야 한다.
ὁ δʼ ἐν τῇ Πολιτείᾳ Σωκράτης οὐ καλῶς τὴν φρυγιστὶ μόνην καταλείπει μετὰ τῆς δωριστί, καὶ ταῦτα ἀποδοκιμάσας τῶν ὀργάνων τὸν αὐλόν.
그러나 『국가』의 소크라테스는 도리아 조와 함께 오직 프리기아 조만을 남겨둔 것은 좋지 못하다. 그것도, 악기들 중에서 아울로스를 배제하고서 그렇게 한 것이다.
§8.1342bἔχει γὰρ τὴν αὐτὴν δύναμιν ἡ φρυγιστὶ τῶν ἁρμονιῶν ἥνπερ αὐλὸς ἐν τοῖς ὀργάνοις·
왜냐하면 프리기아 조는 하르모니아들 중에서 악기들 중의 아울로스가 가진 것과 똑같은 힘을 가지고 있기 때문이다.
ἄμφω γὰρ ὀργιαστικὰ καὶ παθητικά·
둘 다 영감적이고 감정을 자극하는 것이기 때문이다.
. πᾶσα γὰρ βακχεία καὶ πᾶσα ἡ τοιαύτη κίνησις μάλιστα τῶν ὀργάνων ἐστὶν ἐν τοῖς αὐλοῖς, τῶν δʼ ἁρμονιῶν ἐν τοῖς φρυγιστὶ μέλεσι λαμβάνει ταῦτα τὸ πρέπον.
왜냐하면 모든 바코스적 광란과 그러한 모든 운동은 악기 중에서는 특히 아울로스 안에 있고, 하르모니아 중에서는 프리기아 조의 선율 속에서 이에 어울리는 표현을 얻기 때문이다.
δηλοῖ δʼ ἡ ποίησις, οἷον ὁ διθύραμβος ὁμολογουμένως εἶναι δοκεῖ Φρύγιον.
이 점은 시 작법이 보여주는데, 예컨대 디티람보스는 합의하에 프리기아 조인 것으로 생각된다.
καὶ τούτου πολλὰ παραδείγματα λέγουσιν οἱ περὶ τὴν σύνεσιν ταύτην, ἄλλα τε καὶ ὅτι Φιλόξενος ἐγχειρήσας ἐν τῇ δωριστὶ ποιῆσαι τοὺς Μύσους οὐχ οἷός τʼ ἦν, ἀλλʼ ὑπὸ τῆς φύσεως αὐτῆς ἐξέπεσεν εἰς τὴν φρυγιστὶ τὴν προσήκουσαν ἁρμονίαν πάλιν.
이에 대해 이 방면의 지식을 가진 이들은 많은 예를 들고 있는데, 특히 필록세노스가 도리아 조 속에서 『미소인들』을 창작하려고 시도했으나 불가능했고, 자연 자체의 힘에 의해 다시 적합한 프리기아 조로 되돌아갔다는 예가 있다.
περὶ δὲ τῆς δωριστὶ πάντες ὁμολογοῦσιν ὡς στασιμωτάτης οὔσης καὶ μάλιστα ἦθος ἐχούσης ἀνδρεῖον.
도리아 조에 대해서는 그것이 가장 안정적이고 가장 용기 있는 에토스를 지니고 있다고 모두가 동의한다.
ἔτι δὲ ἐπεὶ τὸ μέσον μὲν τῶν ὑπερβολῶν ἐπαινοῦμεν καὶ χρῆναι διώκειν φαμέν, ἡ δὲ δωριστὶ ταύτην ἔχει τὴν φύσιν πρὸς τὰς ἄλλας ἁρμονίας, φανερὸν ὅτι τὰ Δώρια μέλη πρέπει παιδεύεσθαι μᾶλλον τοῖς νεωτέροις.
게다가 우리가 극단들 사이의 중간을 찬양하고 그것을 추구해야 한다고 말하는 만큼, 그리고 도리아 조가 다른 하르모니아들에 대해 이러한 중용의 성질을 가지고 있는 만큼, 도리아 조의 선율이 젊은이들을 교육하는 데 더 적합하다는 것은 분명하다.
εἰσὶ δὲ δύο σκοποί, τό τε δυνατὸν καὶ τὸ πρέπον·
그런데 두 가지 목표가 있으니, 가능한 것과 어울리는 것이다.
καὶ γὰρ τὰ δυνατὰ δεῖ μεταχειρίζεσθαι μᾶλλον καὶ τὰ πρέποντα ἑκάστους.
왜냐하면 각자는 가능한 것과 어울리는 것에 더 힘써야 하기 때문이다.
ἔστι δὲ καὶ ταῦτα ὡρισμένα ταῖς ἡλικίαις, οἷον τοῖς ἀπειρηκόσι διὰ χρόνον οὐ ῥᾴδιον ᾄδειν τὰς συντόνους ἁρμονίας, ἀλλὰ τὰς ἀνειμένας ἡ φύσις ὑποβάλλει τοῖς τηλικούτοις.
그리고 이것들 역시 나이에 의해 규정되는데, 예를 들어 세월 때문에 쇠약해진 이들에게 긴장된 하르모니아를 노래하는 것은 쉽지 않으며, 자연은 그러한 나이의 이들에게 느슨한 하르모니아를 제시한다.
διὸ καλῶς ἐπιτιμῶσι καὶ τοῦτο Σωκράτει τῶν περὶ τὴν μουσικήν τινες, ὅτι τὰς ἀνειμένας ἁρμονίας ἀποδοκιμάσειεν εἰς τὴν παιδίαν, ὡς μεθυστικὰς λαμβάνων αὐτάς, οὐ κατὰ τὴν τῆς μέθης δύναμιν, βακχευτικὸν γὰρ ἥ γε μέθη ποιεῖ μᾶλλον, ἀλλʼ ἀπειρηκυίας.
그러므로 음악에 관한 일부 사람들이 소크라테스가 느슨한 하르모니아들을 교육에서 배제하고, 그것들을 취하게 만드는 것으로 취급한 것에 대해 이 점 역시 정당하게 비난하고 있다. 취함의 힘(취함은 오히려 사람을 바코스적으로 열광시키기 때문이다) 때문이 아니라, 쇠약하게 만드는 성질 때문에 그렇게 취급한 것을 비난하는 것이다.
ὥστε καὶ πρὸς τὴν ἐσομένην ἡλικίαν, τὴν τῶν πρεσβυτέρων, δεῖ καὶ τῶν τοιούτων ἁρμονιῶν ἅπτεσθαι καὶ τῶν μελῶν τῶν τοιούτων, ἔτι δʼ εἴ τίς ἐστι τοιαύτη τῶν ἁρμονιῶν ἣ πρέπει τῇ τῶν παίδων ἡλικίᾳ διὰ τὸ δύνασθαι κόσμον τʼ ἔχειν ἅμα καὶ παιδείαν, οἷον ἡ λυδιστὶ φαίνεται πεπονθέναι μάλιστα τῶν ἁρμονιῶν.
따라서 장차 이르게 될 나이, 즉 노인의 나이에 대해서도 그러한 하르모니아와 그러한 선율을 접해야 하며, 나아가 만약 어린이의 나이에 어울리면서 동시에 질서와 교육을 함께 가질 수 있는 그러한 하르모니아가 있다면 ㅡ 예컨대 리디아 조가 하르모니아들 중 가장 그러한 성질을 띠고 있는 것으로 보이는데 ㅡ [그것 역시 사용해야 한다].
δῆλον οὖν ὅτι τούτους ὅρους τρεῖς ποιητέον εἰς τὴν παιδείαν, τό τε μέσον καὶ τὸ δυνατὸν καὶ τὸ πρέπον.
그러므로 교육에 대해서는 이 세 가지 기준, 즉 중간과 가능한 것과 어울리는 것을 세워야 한다는 것은 분명하다.