§7.1332bτὰ γὰρ ἔθη μεταβαλεῖν ποιεῖ·
왜냐하면 습성이 그것들을 변화시키기 때문이다.
ἔνια γὰρ εἶσι, διὰ τῆς φύσεως ἐπαμφοτερίζοντα, διὰ τῶν ἐθῶν ἐπὶ τὸ χεῖρον καὶ τὸ βέλτιον.
왜냐하면 어떤 것들은 본성상으로는 양면성을 띠고 있으면서도 습성을 통해 더 나쁜 쪽으로도 더 좋은 쪽으로도 변하기 때문이다.
τὰ μὲν οὖν ἄλλα τῶν ζῴων μάλιστα μὲν τῇ φύσει ζῇ, μικρὰ δʼ ἔνια καὶ τοῖς ἔθεσιν, ἄνθρωπος δὲ καὶ λόγῳ·
이제 다른 동물들은 주로 본성에 따라 살아가고, 어떤 동물들은 아주 조금은 습성에 따라서도 살아가지만, 인간은 이성(로고스)에 따라서도 살아간다.
μόνος γὰρ ἔχει λόγον·
왜냐하면 인간만이 이성을 가지고 있기 때문이다.
ὥστε δεῖ ταῦτα συμφωνεῖν ἀλλήλοις.
따라서 이것들은 서로 조화를 이루어야만 한다.
πολλὰ γὰρ παρὰ τοὺς ἐθισμοὺς καὶ τὴν φύσιν πράττουσι διὰ τὸν λόγον, ἐὰν πεισθῶσιν ἄλλως ἔχειν βέλτιον.
왜냐하면 인간은 만일 다른 방식이 더 낫다고 설득된다면, 이성 때문에 습성과 본성에 반해서도 많은 일들을 행하기 때문이다.
τὴν μὲν τοίνυν φύσιν οἵους εἶναι δεῖ τοὺς μέλλοντας εὐχειρώτους ἔσεσθαι τῷ νομοθέτῃ, διωρίσμεθα πρότερον·
그러므로 입법자가 다루기 쉬운 자들이 될 사람들의 본성이 어떠해야 하는지에 대해서는 우리가 앞에서 규정했다.
τὸ δὲ λοιπὸν ἔργον ἤδη παιδείας.
그리고 남은 일은 이제 교육의 몫이다.
τὰ μὲν γὰρ ἐθιζόμενοι μανθάνουσι τὰ δʼ ἀκούοντες.
왜냐하면 사람들은 어떤 것들은 길들여짐(습관화)으로써 배우고, 다른 것들은 들음으로써 배우기 때문이다.
ἐπεὶ δὲ πᾶσα πολιτικὴ κοινωνία συνέστηκεν ἐξ ἀρχόντων καὶ ἀρχομένων, τοῦτο δὴ σκεπτέον, εἰ ἑτέρους εἶναι δεῖ τοὺς ἄρχοντας καὶ τοὺς ἀρχομένους ἢ τοὺς αὐτοὺς διὰ βίου·
그런데 모든 정치적 공동체는 지배하는 자들과 지배받는 자들로 구성되어 있으므로, 지배하는 자들과 지배받는 자들이 서로 다른 사람들이어야 하는지, 아니면 일생 동안 동일한 사람들이어야 하는지 실로 이를 고찰해야 한다.
δῆλον γὰρ ὡς ἀκολουθεῖν δεήσει καὶ τὴν παιδείαν κατὰ τὴν διαίρεσιν ταύτην.
왜냐하면 교육 역시 이 구분에 따라 뒤따라야 할 것임이 분명하기 때문이다.
εἰ μὲν τοίνυν εἴησαν τοσοῦτον διαφέροντες ἅτεροι τῶν ἄλλων ὅσον τοὺς θεοὺς καὶ τοὺς ἥρωας ἡγούμεθα τῶν ἀνθρώπων διαφέρειν, εὐθὺς πρῶτον κατὰ τὸ σῶμα πολλὴν ἔχοντες ὑπερβολήν, εἶτα κατὰ τὴν ψυχήν, ὥστε ἀναμφισβήτητον εἶναι καὶ φανερὰν τὴν ὑπεροχὴν τοῖς ἀρχομένοις τὴν τῶν ἀρχόντων, δῆλον ὅτι βέλτιον ἀεὶ τοὺς αὐτοὺς τοὺς μὲν ἄρχειν τοὺς δʼ ἄρχεσθαι καθάπαξ·
만일 한쪽 사람들이 다른 사람들과의 차이가, 우리가 신들과 영웅들이 인간들과 차이가 난다고 생각하는 것만큼이나 커서, 우선 첫째로 몸에 있어서도 아주 큰 우월함을 지니고, 다음으로 혼에 있어서도 그러하여, 지배받는 자들에게 지배하는 자들의 우월함이 논쟁의 여지 없이 명백하다면, 항상 동일한 사람들이 한편은 지배하고 다른 한편은 지배받는 것이 단번에(완전히) 더 나을 것임은 분명하다.
ἐπεὶ δὲ τοῦτʼ οὐ ῥᾴδιον λαβεῖν οὐδʼ ἔστιν ὥσπερ ἐν Ἰνδοῖς φησι Σκύλαξ εἶναι τοὺς βασιλέας τοσοῦτον διαφέροντας τῶν ἀρχομένων, φανερὸν ὅτι διὰ πολλὰς αἰτίας ἀναγκαῖον πάντας ὁμοίως κοινωνεῖν τοῦ κατὰ μέρος ἄρχειν καὶ ἄρχεσθαι.
하지만 이것을 얻기란 쉽지 않으며, 스킬락스가 인도에 대해 말하듯 왕들이 지배받는 자들과 그토록 큰 차이가 나는 것도 아니므로, 많은 이유로 인해 모든 이가 차례대로 지배하고 지배받는 일에 똑같이 참여하는 것이 필연적임은 명백하다.
τό τε γὰρ ἴσον ταὐτὸν τοῖς ὁμοίοις, καὶ χαλεπὸν μένειν τὴν πολιτείαν τὴν συνεστηκυῖαν παρὰ τὸ δίκαιον.
왜냐하면 동등한 사람들에게는 평등이 동일한 것(정의)이며, 정의에 반하여 구성된 정체가 유지되기란 어렵기 때문이다.
μετὰ γὰρ τῶν ἀρχομένων ὑπάρχουσι νεωτερίζειν βουλόμενοι πάντες οἱ κατὰ τὴν χώραν, τοσούτους τε εἶναι τοὺς ἐν τῷ πολιτεύματι τὸ πλῆθος ὥστʼ εἶναι κρείττους πάντων τούτων ἕν τι τῶν ἀδυνάτων ἐστίν.
왜냐하면 지배받는 자들과 더불어 온 나라 안에 혁명을 꾀하려는 자들이 모두 대기하고 있으며, 지배 기구(시민단)의 수효가 이들 모두보다 더 강력할 수 있을 만큼 많다는 것은 불가능한 일들 중 하나이기 때문이다.
ἀλλὰ μὴν ὅτι γε δεῖ τοὺς ἄρχοντας διαφέρειν τῶν ἀρχομένων, ἀναμφισβήτητον.
하지만 지배하는 자들이 지배받는 자들과 차이가 있어야만 한다는 점은 논쟁의 여지가 없다.
πῶς οὖν ταῦτʼ ἔσται καὶ πῶς μεθέξουσι, δεῖ σκέψασθαι τὸν νομοθέτην.
그렇다면 이것이 어떻게 가능할 것이며 그들이 어떻게 참여할 것인지를 입법자는 고찰해야만 한다.
εἴρηται δὲ πρότερον περὶ αὐτοῦ.
그리고 이 점에 대해서는 앞에서 언급되었다.
ἡ γὰρ φύσις δέδωκε τὴν διαίρεσιν ποιήσασα αὐτὸ τὸ γένει ταὐτὸ τὸ μὲν νεώτερον τὸ δὲ πρεσβύτερον, ὧν τοῖς μὲν ἄρχεσθαι πρέπει τοῖς δʼ ἄρχειν·
왜냐하면 본성이 종(속)에 있어서는 동일한 것을 한편은 더 젊게, 다른 한편은 더 늙게 만듦으로써 그 자체로 구분을 제공했기 때문인데, 이들 중 전자는 지배받는 것이, 후자는 지배하는 것이 합당하다.
ἀγανακτεῖ δὲ οὐδεὶς καθʼ ἡλικίαν ἀρχόμενος, οὐδὲ νομίζει εἶναι κρείττων, ἄλλως τε καὶ μέλλων ἀντιλαμβάνειν τοῦτον τὸν ἔρανον ὅταν τύχῃ τῆς ἱκνουμένης ἡλικίας.
그리고 나이에 따라 지배받는 것에 대해 아무도 분개하지 않으며, 자신이 더 훌륭하다고 생각하지도 않는다. 특히 자신도 합당한 나이에 도달했을 때 이 품앗이(은혜)를 차례로 돌려받게 될 것인 경우에는 더더욱 그러하다.
ἔστι μὲν ἄρα ὡς τοὺς αὐτοὺς ἄρχειν καὶ ἄρχεσθαι φατέον, ἔστι δὲ ὡς ἑτέρους.
그러므로 한편으로는 동일한 사람들이 지배하고 지배받는다고 말해야 하고, 다른 한편으로는 서로 다른 사람들이 그러한다고 말해야 한다.