§1.1260aἀκόλαστος γὰρ ὢν καὶ δειλὸς οὐδὲν ποιήσει τῶν προσηκόντων.
왜냐하면 방종하고 비겁하다면 마땅히 해야 할 일 중 아무것도 하지 않을 것이기 때문이다.
φανερὸν τοίνυν ὅτι ἀνάγκη μὲν μετέχειν ἀμφοτέρους ἀρετῆς, ταύτης δʼ εἶναι διαφοράς, (ὥσπερ καὶ τῶν φύσει ἀρχομένων).
그러므로 양자 모두 덕을 나누어 가져야 함은 불가피하지만, 이 덕에는 (성품상 지배받는 자들의 사이에 차이가 있는 것과 마찬가지로) 차이가 있다는 것이 분명하다.
καὶ τοῦτο εὐθὺς ὑφήγηται τὰ περὶ τὴν ψυχήν·
그리고 이 점은 혼에 관한 사실이 곧바로 길을 보여준다.
ἐν ταύτῃ γάρ ἐστι φύσει τὸ μὲν ἄρχον τὸ δʼ ἀρχόμενον, ὧν ἑτέραν φαμὲν εἶναι ἀρετήν, οἷον τοῦ λόγον ἔχοντος καὶ τοῦ ἀλόγου.
왜냐하면 혼 안에는 성품상 지배하는 부분과 지배받는 부분이 존재하며, 우리는 그 각각의 덕이 다르다고 말하기 때문인데, 예컨대 이성을 가진 부분과 이성이 없는 부분의 덕이 그러하다.
δῆλον τοίνυν ὅτι τὸν αὐτὸν τρόπον ἔχει καὶ ἐπὶ τῶν ἄλλων, ὥστε φύσει πλείω τὰ ἄρχοντα καὶ ἀρχόμενα.
따라서 다른 경우에도 마찬가지의 관계가 성립함이 분명하며, 그리하여 성품상 지배하는 부분과 지배받는 부분이 여럿 존재한다.
ἄλλον γὰρ τρόπον τὸ ἐλεύθερον τοῦ δούλου ἄρχει καὶ τὸ ἄρρεν τοῦ θήλεος καὶ ἀνὴρ παιδός, καὶ πᾶσιν ἐνυπάρχει μὲν τὰ μόρια τῆς ψυχῆς, ἀλλʼ ἐνυπάρχει διαφερόντως.
왜냐하면 자유인이 노예를 지배하는 방식, 남성이 여성을 지배하는 방식, 그리고 성인이 아이를 지배하는 방식이 서로 다르며, 이들 모두에게 혼의 부분들이 내재해 있지만 서로 다른 방식으로 내재해 있기 때문이다.
ὁ μὲν γὰρ δοῦλος ὅλως οὐκ ἔχει τὸ βουλευτικόν, τὸ δὲ θῆλυ ἔχει μέν, ἀλλʼ ἄκυρον, ὁ δὲ παῖς ἔχει μέν, ἀλλʼ ἀτελές.
즉, 노예는 전혀 심의 능력을 가지고 있지 않으며, 여성은 가지고는 있으나 결정력이 없고, 아이는 가지고 있으나 미완성 상태이다.
διὸ τὸν μὲν ἄρχοντα τελέαν ἔχειν δεῖ τὴν διανοητικὴν ἀρετήν (τὸ γὰρ ἔργον ἐστὶν ἁπλῶς τοῦ ἀρχιτέκτονος, ὁ δὲ λόγος ἀρχιτέκτων), τῶν δʼ ἄλλων ἕκαστον ὅσον ἐπιβάλλει αὐτοῖς.
그러므로 지배하는 자는 완성된 지적 덕을 갖추어야만 한다(왜냐하면 일은 무조건 도편수의 몫이며, 이성이 바로 도편수이기 때문이다). 그러나 다른 이들은 각각 자신에게 할당된 만큼만 갖추면 된다.
ὁμοίως τοίνυν ἀναγκαίως ἔχειν καὶ περὶ τὰς ἠθικὰς ἀρετὰς ὑποληπτέον, δεῖν μὲν μετέχειν πάντας, ἀλλʼ οὐ τὸν αὐτὸν τρόπον, ἀλλʼ ὅσον ἑκάστῳ πρὸς τὸ αὑτοῦ ἔργον.
따라서 윤리적 덕에 대해서도 마찬가지로 필연적이라고 생각해야 한다. 즉, 모두가 나누어 가져야 하지만 동일한 방식이 아니라, 각자 자신의 일에 필요한 만큼만 가지면 되는 것이다.
ὥστε φανερὸν ὅτι ἔστιν ἠθικὴ ἀρετὴ τῶν εἰρημένων πάντων, καὶ οὐχ ἡ αὐτὴ σωφροσύνη γυναικὸς καὶ ἀνδρός, οὐδʼ ἀνδρεία καὶ δικαιοσύνη, καθάπερ ᾤετο Σωκράτης, ἀλλʼ ἡ μὲν ἀρχικὴ ἀνδρεία ἡ δʼ ὑπηρετική, ὁμοίως δʼ ἔχει καὶ περὶ τὰς ἄλλας.
그리하여 언급된 모든 이들에게 윤리적 덕이 존재한다는 것과, 소크라테스가 생각했던 것과는 달리 여성과 남성의 절제가 같지 않으며 용기와 정의도 같지 않음이 분명하다. 오히려 한쪽은 지배하는 용기이고 다른 쪽은 복종하는 용기이며, 다른 덕들에 대해서도 마찬가지이다.
δῆλον δὲ τοῦτο καὶ κατὰ μέρος μᾶλλον ἐπισκοποῦσιν·
이 점은 개별적으로 더 자세히 살펴보는 이들에게도 분명하다.
καθόλου γὰρ οἱ λέγοντες ἐξαπατῶσιν ἑαυτοὺς ὅτι τὸ εὖ ἔχειν τὴν ψυχὴν ἀρετή, ἢ τὸ ὀρθοπραγεῖν, ἤ τι τῶν τοιούτων·
왜냐하면 일반적으로 이야기하면서 "혼의 상태가 좋은 것이 덕"이라거나 "올바르게 행동하는 것", 혹은 그와 같은 것들이 덕이라고 말하는 이들은 스스로를 속이고 있기 때문이다.
πολὺ γὰρ ἄμεινον λέγουσιν οἱ ἐξαριθμοῦντες τὰς ἀρετάς, ὥσπερ Γοργίας, τῶν οὕτως ὁριζομένων.
덕을 이와 같이 규정하는 자들보다, 고르기아스처럼 그것들을 일일이 열거하는 자들이 훨씬 더 훌륭하게 말하고 있다.
διὸ δεῖ, ὥσπερ ὁ ποιητὴς εἴρηκε περὶ γυναικός, οὕτω νομίζειν ἔχειν περὶ πάντων·
그러므로 시인이 여성에 대해 말한 것처럼 모든 이들에 대해서도 그렇게 여겨야 한다.
"
γυναικὶ κόσμον ἡ σιγὴ φέρει,
"
ἀλλʼ ἀνδρὶ οὐκέτι τοῦτο.
"침묵은 여성에게 아름다움을 가져다준다" 그러나 남성에게는 더 이상 그렇지 않다.
ἐπεὶ δʼ ὁ παῖς ἀτελής, δῆλον ὅτι τούτου μὲν καὶ ἡ ἀρετὴ οὐκ αὐτοῦ πρὸς αὑτόν ἐστιν, ἀλλὰ πρὸς τὸ τέλος καὶ τὸν ἡγούμενον·
그리고 아이는 미완성이므로, 이 아이의 덕 역시 그 자신만을 향한 것이 아니라 그 완성(목적)과 자신을 이끄는 자를 향한 것임이 분명하다.
ὁμοίως δὲ καὶ δούλου πρὸς δεσπότην.
마찬가지로 노예의 덕도 주인을 향한 것이다.
ἔθεμεν δὲ πρὸς τἀναγκαῖα χρήσιμον εἶναι τὸν δοῦλον, ὥστε δῆλον ὅτι καὶ ἀρετῆς δεῖται μικρᾶς, καὶ τοσαύτης ὅπως μήτε διʼ ἀκολασίαν μήτε διὰ δειλίαν ἐλλείψῃ τῶν ἔργων.
그런데 우리는 노예가 필수적인 일들에 유용하다고 설정하였다. 그러므로 노예 역시 미미한 덕, 즉 방종이나 비겁함 때문에 일을 게을리하지 않을 정도의 덕을 필요로 한다는 것이 분명하다.
ἀπορήσειε δʼ ἄν τις, τὸ νῦν εἰρημένον εἰ ἀληθές, ἆρα καὶ τοὺς τεχνίτας δεήσει ἔχειν ἀρετήν·
그런데 만일 지금 말한 것이 참이라면, 장인들 역시 덕을 갖추어야 할 것인가라는 의문이 생길 수 있다.
πολλάκις γὰρ διʼ ἀκολασίαν ἐλλείπουσι τῶν ἔργων.
왜냐하면 그들 역시 종종 방종함 때문에 일을 게을리하기 때문이다.
ἢ διαφέρει τοῦτο πλεῖστον;
아니면 이 둘에는 아주 큰 차이가 있는 것인가?
ὁ μὲν γὰρ δοῦλος κοινωνὸς ζωῆς, ὁ δὲ πορρώτερον, καὶ τοσοῦτον ἐπιβάλλει ἀρετῆς ὅσον περ καὶ δουλείας·
왜냐하면 노예는 삶을 공유하는 동반자이지만, 장인은 더 멀리 떨어진 존재이며, 그가 노예 상태에 참여하는 만큼만 덕에 참여하기 때문이다.
§1.1260bὁ γὰρ βάναυσος τεχνίτης ἀφωρισμένην τινὰ ἔχει δουλείαν, καὶ ὁ μὲν δοῦλος τῶν φύσει, σκυτοτόμος δʼ οὐθείς, οὐδὲ τῶν ἄλλων τεχνιτῶν.
왜냐하면 비천한 장인은 한정된 일종의 노예 상태에 처해 있으며, 노예는 성품상 그러한 자이지만 구두 수선공이나 다른 장인들 중에는 성품상 그러한 자가 아무도 없기 때문이다.
φανερὸν τοίνυν ὅτι τῆς τοιαύτης ἀρετῆς αἴτιον εἶναι δεῖ τῷ δούλῳ τὸν δεσπότην, ἀλλʼ οὐ τὴν διδασκαλικὴν ἔχοντα τῶν ἔργων.
그러므로 노예에게 이러한 덕이 생기게 하는 원인은 주인이어야 하며, 단지 일의 지도 기술을 가진 자로서만 원인이 되는 것은 아님도 분명하다.
διὸ λέγουσιν οὐ καλῶς οἱ λόγου τοὺς δούλους ἀποστεροῦντες καὶ φάσκοντες ἐπιτάξει χρῆσθαι μόνον·
그러므로 노예에게서 이성을 박탈하고 단지 명령만을 사용해야 한다고 주장하는 자들은 올바르게 말하는 것이 아니다.
νουθετητέον γὰρ μᾶλλον τοὺς δούλους ἢ τοὺς παῖδας.
왜냐하면 아이들보다 노예들을 더 많이 타이르고 훈계해야 하기 때문이다.
ἀλλὰ περὶ μὲν τούτων διωρίσθω τὸν τρόπον τοῦτον·
어쨌든 이 일들에 관해서는 이와 같은 방식으로 규정해 두자.
περὶ δʼ ἀνδρὸς καὶ γυναικός, καὶ τέκνων καὶ πατρός, τῆς τε περὶ ἕκαστον αὐτῶν ἀρετῆς καὶ τῆς πρὸς σφᾶς αὐτοὺς ὁμιλίας, τί τὸ καλῶς καὶ μὴ καλῶς ἐστι, καὶ πῶς δεῖ τὸ μὲν εὖ διώκειν τὸ δὲ κακῶς φεύγειν, ἐν τοῖς περὶ τὰς πολιτείας ἀναγκαῖον ἐπελθεῖν.
그러나 남편과 아내, 자녀와 아버지에 관해, 그리고 그들 각자의 덕과 서로 간의 사귐에 관해, 무엇이 훌륭하고 훌륭하지 않은지, 그리고 어떻게 선한 것을 추구하고 악한 것을 피해야 하는지는, 국제에 관한 논의 속에서 반드시 다루어야 한다.
ἐπεὶ γὰρ οἰκία μὲν πᾶσα μέρος πόλεως, ταῦτα δʼ οἰκίας, τὴν δὲ τοῦ μέρους πρὸς τὴν τοῦ ὅλου δεῖ βλέπειν ἀρετήν, ἀναγκαῖον πρὸς τὴν πολιτείαν βλέποντας παιδεύειν καὶ τοὺς παῖδας καὶ τὰς γυναῖκας, εἴπερ τι διαφέρει πρὸς τὸ τὴν πόλιν εἶναι σπουδαίαν καὶ τὸ τοὺς παῖδας εἶναι σπουδαίους καὶ τὰς γυναῖκας σπουδαίας.
왜냐하면 모든 가정은 도시의 한 부분이고, 이들은 가정의 부분이므로, 부분의 덕은 전체의 덕을 바라보아야 하기 때문이다. 따라서 국제를 바라보면서 아이들과 여성들을 교육하는 것이 필연적이다. 만일 도시가 훌륭해지는 것에 아이들이 훌륭해지는 것과 여성들이 훌륭해지는 것이 어떠한 차이를 만든다면 말이다.
ἀναγκαῖον δὲ διαφέρειν·
그리고 차이를 만드는 것은 필연적이다.
αἱ μὲν γὰρ γυναῖκες ἥμισυ μέρος τῶν ἐλευθέρων, ἐκ δὲ τῶν παίδων οἱ κοινωνοὶ γίνονται τῆς πολιτείας.
왜냐하면 여성은 자유인 인구의 절반을 차지하며, 아이들로부터 국제의 공동 참여자들이 나오기 때문이다.
ὥστʼ, ἐπεὶ περὶ μὲν τούτων διώρισται, περὶ δὲ τῶν λοιπῶν ἐν ἄλλοις λεκτέον, ἀφέντες ὡς τέλος ἔχοντας τοὺς νῦν λόγους, ἄλλην ἀρχὴν ποιησάμενοι λέγωμεν, καὶ πρῶτον ἐπισκεψώμεθα περὶ τῶν ἀποφηναμένων περὶ τῆς πολιτείας τῆς ἀρίστης.
그러므로 이 일들에 관해서는 규정되었고, 남은 일들에 관해서는 다른 곳에서 말해야 하므로, 현재의 논의들은 끝을 맺은 것으로 보고 덮어둔 채, 새로운 출발점을 잡아서 말하기로 하자. 그리고 먼저 최선의 국제에 대해 의견을 표명한 자들에 관해 검토해보자.