§4.5.1ταῦτʼ εἰποῦσα καὶ τῶν παιδίων ἑκάτερον εἰς τὰς ἀγκάλας ἐμβαλοῦσα τοῦ τε γαμβροῦ καὶ τῆς θυγατρὸς καὶ πολὺν ἐξ ἀμφοτέρων κινήσασα οἶκτον, ἐπειδὴ καιρὸς ἦν, ἐξῆλθεν ἐκ τοῦ δωματίου καὶ παρήγγειλε τοῖς ἔνδον εὐτρεπῆ τὰ πρὸς τὴν θεραπείαν ἐπιτήδεια ποιεῖν καὶ τοὺς ἰατροὺς συγκαλεῖν.
이 말을 하고 아이들 각각을 사위와 딸의 품에 안겨주어 두 사람 모두에게서 큰 동정심을 자아낸 후, 때가 되자 그녀는 방에서 나와 안에 있는 사람들에게 치료에 필요한 물품들을 준비하고 의사들을 소집하라고 지시했다.
διαλιποῦσα δὲ τὴν μεταξὺ νύκτα τῇ κατόπιν ἡμέρᾳ πολλοῦ πρὸς τὰ βασίλεια συνδραμόντος ὄχλου προῆλθεν εἰς τοὐμφανὲς ταῖς θυρίσιν ἐπιστᾶσα ταῖς φερούσαις εἰς τὸν πρὸ τῶν θυρῶν στενωπόν, καὶ πρῶτον μὲν ἐδήλωσε τοῖς παροῦσι τοὺς βουλεύσαντας ἐπὶ τῷ βασιλεῖ τὸν φόνον, καὶ τοὺς ἐπὶ τοὖργον ἀποσταλέντας ὑπʼ §4.5.2αὐτῶν δεδεμένους παρήγαγεν·
그사이의 밤을 보내고 다음 날, 많은 군중이 왕궁으로 모여들었을 때, 그녀는 문 앞의 골목길로 통하는 창가에 서서 공개적인 자리로 나아가, 먼저 모인 이들에게 왕을 시해하려 음모를 꾸민 자들을 밝히고, 그들에 의해 그 일을 수행하기 위해 파견된 자들을, 결박한 채로 끌고 나왔다.
ἔπειθʼ ὡς εἶδε πολλοὺς· ὀλοφυρομένους τε τὸ πάθος καὶ τοῖς δεδρακόσιν ἀπεχθομένους, τελευτῶσα εἶπεν οὐδὲν αὐτοῖς ἐκ τῶν ἀνοσίων ἐπιβουλευμάτων γεγονέναι οὐ δυνηθεῖσιν ἀποκτεῖναι Ταρκύνιον.
그러고 나서 많은 이들이 이 재난을 애도하고 가해자들에게 분노하는 것을 보고, 마지막으로 그녀는 저 사악한 음모로부터 그들에게 아무런 소득도 없었으니, 왜냐하면 그들이 타르쿠이니우스를 죽이지 못했기 때문이라고 말했다.
ἀγαπητῶς δὲ τὸν λόγον ἁπάντων δεξαμένων τότε τὸν Τύλλιον αὐτοῖς συνίστησιν ὡς ὑπὸ τοῦ βασιλέως ἐπίτροπον ἁπάντων τῶν τʼ ἰδίων καὶ τῶν κοινῶν ἀποδεικνύμενον, ἕως αὐτὸς ῥαΐσῃ.
모든 이가 이 말을 기쁘게 받아들였을 때, 비로소 그녀는 툴리우스를 그들에게 소개하며, 왕이 스스로 회복할 때까지 사적이고 공적인 모든 일의 관리자로 임명한 자라고 설명했다.
§4.5.3ὁ μὲν οὖν δῆμος ἀπῄει περιχαρὴς γενόμενος, εἰ μηδὲν πέπονθεν ὁ βασιλεὺς δεινόν, καὶ μέχρι πολλοῦ τὴν δόξαν ἔχων ταύτην διετέλει.
그리하여 인민들은 왕이 아무런 해를 입지 않았다는 것에 크게 기뻐하며 물러갔고, 오랫동안 이러한 생각(오해)을 계속해서 품고 있었다.
ὁ δὲ Τύλλιος ἰσχυρὰν χεῖρα περὶ αὑτὸν ἔχων καὶ τοὺς ῥαβδούχους ἐπαγόμενος τοὺς βασιλικοὺς προῆλθεν εἰς τὴν ἀγορὰν καὶ τοὺς Μαρκίους ἐκήρυττεν ἥκειν ὑφέξοντας δίκην·
한편 툴리우스는 자신의 주위에 강력한 경호대를 대동하고 왕의 집표관들을 거느린 채 광장으로 나아가 마르키우스의 아들들에게 재판을 받으러 출두하라고 선포했다.
ὡς δʼ οὐχ ὑπήκουον, ἐπικηρύξας αὐτοῖς ἀϊδίους φυγὰς καὶ τὰς οὐσίας ἀναλαβὼν εἰς τὸ δημόσιον ἀσφαλῶς ἤδη τὴν Ταρκυνίου κατεῖχεν ἀρχήν.
그러나 그들이 따르지 않자, 그들에게 영구 추방을 선포하고 그 재산을 국고로 몰수한 후, 이제 안전하게 타르쿠이니우스의 권력을 장악했다.